聚知坊 (Closed)

阿仔話阿媽平日煮飯辛苦，要請阿媽食飯，慰勞媽媽。原來帶阿媽嚟飯堂。 開頭以為飯堂一間，無諗過埋度咁乾淨，食物出品仲嚇我一跳。我點咗個鬼馬豬頸肉喇沙，好耐無食過咁正宗嘅喇沙。湯底香濃，配脆卜卜嘅油炸鬼，豬頸肉好大份，烹調得啱啱好，嫩滑多汁。食到最後，我哋連湯都飲曬。亞仔就點咗碟黑椒牛扒飯，牛扒保留到牛肉嘅香味，沒有梳打粉醃過嘅味道。我真心佩服呢間食堂嘅出品，點解可以用呢個價錢， 做到呢啲水準，質素仲好過好多西餐廳，真係好羨慕住喺附近嘅人，隨時可以來幫襯！

杏汁豬肺排骨湯飯拼印尼蝦片(50hkd) 全部都有跟飲品，呢個價錢真係無話可說，好抵食，處理豬肺工序非常繁複，完全無豬的異味，個湯好溫和，飲落舒服，入面有4塊豬肺和瘦肉，杏汁味不太搶，較容易接受，而且飯量超多，一碗頂正常size兩碗～鬼馬喇沙鴨仔魚蛋麵配大光麵(55hkd)又係超多麵量，湯頭好濃郁，喇沙醬甜甜地易入口，鴨仔🐥魚蛋超QQ，仲貼心地有附油炸鬼吸湯，年輕人大愛的lunch之選～生炸雞髀(+25hkd)好大隻，好厚肉，炸得好香脆，肉質不乾水

呢度係火炭新開既美食廣場，入面環境闊落，仲有下午茶時間，我地揀左下午茶時間黎所以無甘多人，食物價錢又平又抵食，碟頭飯都係40-50蚊左右仲包埋飲品。我地叫左一碟炒飯，入面有豬肉，生菜，蛋，八爪魚肉等等炒成既，份量呢個價錢黎講真係好大碟，保證食得飽，加左個小食燒蕃薯仔，日本蕃薯仔有好多粒。另外飲品揀左竹蔗馬蹄，雪梨汁細細枝清熱。餐廳資料🏠聚知坊 地址:火炭禾嶚坑路2-16號安盛工業大廈1樓C室C廚房

今日嚟火炭接朋友收工，順便陪朋友試吓呢間新開嘅餐廳😆餐廳入面超大，好多位仲有卡位，晚上唔多人，好有以前返學食canteen嘅感覺，可以揀是日精選，或者係日式便當、喇沙系列、飯系列，另外下午茶都有撈麵系列。我同朋友揀咗是日精選嘅黑椒雞髀飯、羅宋湯牛粒通。個人更加鍾意羅宋湯牛粒通，湯底夠濃郁，又有肉香味，黑椒雞髀飯就較為普通，不過勝在雞髀夠大隻，又炸得脆香肉嫩。另外仲試咗份小食雞肉串，有四串。$50一個餐連飲品，飲品可以係汽水或者枝裝烏龍茶，呢個價錢嚟講好合理。

今日去搵個friend食lunch，佢話佢公司附近開左間新的「飯堂」，一般消費都係$50幾蚊左右，仲可以加埋野飲，佢就帶左我黎試，最後果然冇令我失望，我地叫左以下野食⭐️香辣炸雞翼雞翼炸到脆卜卜，辣辣地好惹味⭐️鬼馬喇沙牛叉麵喇沙嘅味道好濃郁，特別係椰香味好重，絕對係足料，而佢個麵底係用公仔麵，因為麵嘅特性，更加令到喇沙嘅味完全滲入左係麵入面，又牛方面，食落係新鮮的，煮到恰到好處，肉質都唔會太靭⭐️香草豬扒飯香草味香得黎又開胃，豬扒大大嚿，成隻手掌咁大，而且肉質彈牙，咬落去，肉汁仲會流出黎，好Juicy

今日嚟到火炭一個工廈食堂食lunch，主打高性價比，$50就食到一個份量好大嘅飯麵。另外仲有好多款$10-$20嘅小食，啱晒附近打工仔嚟食！✅ 麻辣雞翼米線雞翼一共有四隻，配上麻辣肉燥醬，辣味都算惹味香濃，辣椒醬用羹裝住，可以根據個人喜好落幾多都得。雞翼煎得夠香，另外仲有隻蛋✅ 香草汁雜扒飯呢個飯對於體力勞動嘅師傅們，簡直一大福音，有厚身嘅雞扒同大大塊嘅豬扒，上面加隻飽滿太陽蛋同埋香腸，勝在夠抵食，滿滿嘅蛋白質

火炭工業區一樓，呢間餐廳非常之有驚喜，價錢非常抵食，平均每個餐都係$60內，連埋飲品，最重要係質素非常之高，份量亦都好大，物價高昂嘅環境下，真係好難搵到呢啲性價比咁高嘅餐廳。而且餐廳衛生情況好，啱晒打工仔食個平靚正嘅lunch。鴨髀冬瓜湯配飯鴨髀啖啖肉，而且冇雪味，個湯好香陳皮味，冬瓜含量多，好足料，而且味精唔多，送飯食一流煎太陽蛋肉醬意粉🍝肉醬好多，而且個味調得好，唔係啲好肥嘅豬肉，肉質非常唔錯，意粉份量都好多，好惹味，上面仲有隻太陽蛋，非常飽肚

以我所知，火炭淨係得工廈，今日嚟到呢邊做嘢，就搵下有冇工廈美食呢間餐廳食物選擇多，迎合到1個想食西式、1個想食中式而且價錢仲好實惠，$50 有埋飲品🍝「白汁海鮮燴意粉」估唔到呢度都有擺盤‼️意粉比平時食嘅粗少少，但好掛汁喎❤️味道比平時嘅西式更惹味，多咗一陣港式嘅蒜香味，所以一啲都唔膩「爆炸雞翼飯」呢個爆炸汁看似水牛醬，味道酸酸甜甜辣辣，辣味只係好輕微～～個醬汁撈飯都唔錯，不過略嫌太少汁！「藤椒魚皮」連小食嘅款式都唔少，魚皮好爽口如果可以再辣少少會更正！

新年前夕，一班同學聚會，同學介紹在火炭的工廈，有一間餐廳可以適合大班朋友聚會的；所以就決定去試試（5⭐️最高）炸大魚蛋（5⭐️）是長洲大魚蛋的大大粒外脆內鬆軟的加上泰式辣醬特別滋味鬼馬喇沙豬扒麵（5⭐️） 平時食的喇沙麵，是用油麫或者係參參做面底😍，但這裏是用公仔麵做麫底，配上大大塊的豬扒，性價比都唔錯😝的真係好鬼馬。雞扒雙面王（5⭐️）雙面王嘅意思是指炸面， 利用公仔麵做面底，先加入砂糖再加入紅醋。入口甜甜酸酸的感覺十分開胃🤤，外皮煎得脆口的雞扒😃，一咬就爆雞汁，好滋味呀❤️⋯⋯麻辣豬頸肉米線（5⭐️） 這款可以要麻辣或者走辣，因為是比小朋友食，所以呢就另上但係麻辣的感覺好特別令到味蕾有種刺激的感覺😍， 而豬頸肉則爽口而彈牙🤩

今天跟男友去火炭的一幢工厦看廚具，意外發現同層有間餐廳，環境明淨寬敞，便進去吃個下午茶炸雞髀撈麵配太陽蛋 $39雞髀超大的，肉質頗結實滑嫩；配以蔥油調味的撈麵，非常惹味，是標準下午茶必備！避風塘黑魚飯 $50喜歡香辣惹味的，必選避風塘黑魚！黑魚無骨，外脆內細嫩，有魚味，無腥味，不錯！喇沙魚蛋 $18特別推薦這碗魚蛋，咖哩椰奶的調味非常出色，配大顆彈牙的魚蛋，極度惹味，而且價錢又不貴，下午茶單食這個已經足夠！現場有多款飲品可選，我們選了橙汁和竹蔗馬蹄水，後者不太甜，又清涼下火。走的時候，發現有另一個入口！今天是星期六，沒有多少人，平日應該只有在附近上班的人才知道這裏吧！

今日去火炭試咗幾款美味佳餚，真係要推介俾大家！呢度嘅食物真係一流，每一道都令人非常滿意😋✨。首先講下皇帝炒飯，入面有鮑魚、炒蛋粒同肉碎，真係超豐富！鮑魚鮮甜，炒蛋粒香滑，肉碎增加咗好多風味，每一口都好滿足🍚🧆🥓。蔥油燒賣亦係一大亮點，燒賣皮薄餡靚，加埋自家製嘅蔥油，真係一試難忘，口感香濃，蔥味十足🥢🥟。值得一提係呢度嘅自家製蔥油，味道真係超正，無論配咩食物都可以提升味道，真係餐餐必備🌿🧄。呢間餐廳環境舒適，服務態度好，每道菜都充滿心思，值得一試✨。

前幾日需要去火炭工業區攞貨，攞完朋友話入面有間餐廳lunch幾多人幫襯。因為我地係收工時間去，相對無咁多人。食堂面積都幾大，仲有露天座位，有霓虹燈煙花睇會變色，坐係外邊幾有feel~我地叫左一個破地獄炒飯～碟炒飯超大碟，唔係講笑男士都有機會食唔晒。味道方面都幾夠辣，配料都幾豐富，炒飯粒粒分明，食得辣既朋友可以試下。由於朋友唔食得辣試左一啖，半碟都係我食。🐟鮮茄池魚飯池魚煎到非常香口，連骨都係脆卜卜可以揸住成條食，面頭鋪滿茄蛋超下飯。飲品可以揀支裝蜂蜜雪梨，因為當日都幾凍下就問有無唔凍，無諗過有熱，超貼心。🐥炸雞塊配泰式甜辣醬～唔錯，幾香口，炸粉幾薄。

#20250104 📝 📍 #聚知坊 @gather.friends.square 火炭禾嶚坑路2-16號安盛工業大廈1樓C室C廚房➖➖➖➖➖➖➖➖➖➖➖➖➖➖➖➖➖#鬼馬喇沙咸蛋流心丸麵 $55💭 呢碗野無論啲餸定係個喇沙醬都真係幾鬼馬，有幾粒咸蛋流心丸，平時打邊爐都未見過呢隻丸，有啲咸有啲甜咁幾趣致，麵底係大光麵，充滿香港本土風味🇭🇰個醬喇沙得尼帶少少xo既味，配料仲有啲油炸鬼，的確鬼馬！.#海陸空飛天麵 $60💭 講明需時大約要十分鐘，個麵出餐既時候就係咁樣飛天法，同日本餐廳出面果啲模型一樣樣咁，勁打卡able，證明好野係要等下📸個麵炸到十分香脆，海陸空既代表分別係蝦、豬、雞，夾埋啲濃郁既茄汁食非常好味🤤.#章魚小丸子 $24💭 呢度啲小食真係估唔到咁百搭，既有街邊既魚蛋燒賣，又有啲日式既吉列炸野同串串，叫左個章魚小丸子，即叫即整，一份有6粒，每粒入面都食列有章魚粒，外表比較香脆，面頭有沙律醬、燒汁同紫菜，比起街賣幾十蚊一分果啲都唔輸蝕架🐙. 🥢 #飲品 💭 兩份主食都有送野飲，揀左兩樽枝裝野飲，發現都唔係常見既牌子，唔知係咪對面屈臣氏倉買過尼😂最初仲驚火炭無啖好食，無諗到原來有

環境好chill！火炭工廈原來有個咁嘅地方，夜晚靜靜地吹水一流，嘢食不錯不錯，凍飲唔加錢仲要係支裝，值得讚賞有瀨尿蝦，牛丸，個炒飯都好食，夠辣，呢個天氣食個辣炒飯，爽！！偶然發現呢個地方，呢個禮拜已經食咗四次，通常都係嚟食下午茶同夜晚，會介紹埋俾同事過嚟食，最讚最讚係佢個露天茶座，對住屈臣氏中心有feel有feel！嘢食都多選擇，重點係嘢食有心機！

呢間餐廳嘅炒飯同炸雞脾真係絕配！炒飯粒粒分明，好香好食，配埋外脆內嫩嘅炸雞脾，真係一口接一口停唔到。仲有，餐廳嘅室外環境好有feel，夜晚嘅室外露台真係冇得頂，坐喺度食飯特別舒服。無論同朋友聚會定係家庭聚餐，呢度都係一個好好嘅選擇。推薦畀所有唔想諗食乜，又唔想食得貴，又想坐得舒服嘅朋友！呢度嘅炒飯同炸雞脾真係絕配，環境又好有feel，坐喺度食飯特別舒服。不過如果可以開夜啲就更加好啦！無論同朋友聚會定係家庭聚餐，呢度都係一個好好嘅選擇。推薦畀所有鍾意美食嘅朋友！推薦畀所有唔想諗食乜，又唔想食得貴，又想坐得舒服嘅朋友！不過如果坐可以開夜啲坐夜啲就好啦！