GAGINANG (New Town Plaza Phase III)

今晚同朋友喺沙田新城市廣場行街, 餓餓地就搵野食喇~~行到三期見到有「自己人」呀, 唔知沙田都開左分店, 見唔洗等位就入去食喇餐廳裝修光猛乾淨, 坐得幾舒服, 我哋兩個人乜都想試下, 於是點咗幾款點心同小菜~~~~多款菜式選擇, 有單點亦有套餐小小梨子 (牛肉、黑椒) $49造型非常可愛, 真係成個梨咁樣外皮脆口, 口感煙韌~~入面係黑椒牛肉餡, 味道濃郁, 幾特別又有創意!抱抱蝦餃 $49蝦餃皮算薄, 隱約見到入面嘅蝦仁~蝦肉幾爽口彈牙, 幾新鮮酒醉走地雞 (文昌雞) $89雞肉非常嫩滑, 果然係用咗文昌雞~~ 雞皮爽脆!!酒味浸得恰到好處, 唔會太濃搶咗雞味, 又唔會太淡, 食落清香冰鎮咕嚕肉 $129咕嚕肉炸粉唔會太厚, 外層炸得酥脆~~最重要係用冰鎮方法上菜, 保持住個脆皮口感, 就算放耐咗都唔會變淋, 同平時食到嘅咕嚕肉口感完全唔同酸甜汁調味適中, 開胃又唔膩仲有可以食到多款水果添~~ 蟹粉拌麵 $198上枱時見到蟹粉份量都算足, 金黃色幾靚仔!!將蟹粉同麵撈勻, 每條麵都掛滿蟹膏, 味道濃郁甘香, 確實幾邪惡呢個份量絕對對得住個價錢, 蟹粉愛好者可以一試今餐兩個人食咗$598（連加一）, 以呢個環境同食物質素來講, 算係合理~冰鎮咕嚕肉係最大亮點, 非常有驚喜!!其他菜式如水準之上~~喺沙田區食啲有特色嘅中菜同點心, 「自己人」係一個唔錯嘅選擇, 下次會再嚟試下其他菜式…查看更多

之前係荃灣已經見過，咁岩見佢係喺沙田新開咗冇耐，又見到好多打卡可愛點心，忍唔住嚟試吓！估唔到係佢哋嘅燉湯同小菜都好好食！先講講我最鍾意嘅粥底蟹肉豆苗，價錢唔貴，豆苗鮮嫩又多，又唔會重口味，所以係我一個好愛嘅菜式！另外就講吓油柑燉鮑魚，第一次試，會員而家仲做緊$69 買一送一添，超抵！甘香甘香咁，我特別鍾意呢一個湯，差啲唔夠飲！如果鍾意打卡嘅話，佢嘅金魚戲水，係湯蝦餃，造型擺設都別具心思！另外仲有鮮荔枝球，有啲似有餡嘅煎堆，入邊係蝦粒同芝士！另外店員都推介佢哋嘅滷水，我就試咗滷水鵝，都唔錯！另外仲有東山羊腩煲，羊腩比較嫩，好似係食鷓鴣葉，所以唔會好臊味！最後飲番杯新鮮黃皮有柑汁，點飲品可以免茶介！…查看更多

今晚，我同朋友去咗沙田嘅“自己人”食飯。呢間鋪雖然無酒樓咁大，但環境唔錯。我哋點咗幾樣好好味嘅菜式。首先係蟹粉拌麵，蟹粉香濃，拌埋麵條真係唔停口！用隻蟹形碟裝蟹粉，好有趣。再來佛跳牆灌湯餃，餃子皮薄餡多，湯汁鮮美，每啖都惹人讚。香辣牛展就更吸引，肉質嫩滑加上香辣味，簡直係好味到飛起！接住有泰味魚皮，咸香脆口，食完仲想再來份；滴水大墨魚就令人驚喜，墨魚新鮮彈牙，咬下去味道十足。滴水拼盤多種食材合埋一齊，色香味俱全，好開心！甜品方面，鮮荔枝球包住蝦粒同芝士，口感獨特，加上手打鴨屎檸檬烏龍，清新又提神，真的好夠味！又一杯新鮮油柑汁，飲完真係心情好。整體來講，今晚吃得非常開心！期待下次再嚟！…查看更多

這間人氣中菜館新開分店位於沙田新城市廣場三期，主打新派手工潮菜及點心，菜式融合傳統潮州風味和創新元素。店內環境寬敞舒適，裝潢以時尚的中式為主，設有打卡牆，特置扭蛋機提供餐飲優惠券。蟹粉拌麵 - $198蟹粉的份量相當有誠意，金黃油亮的蟹油帶著蟹膏的濃郁脂香，蟹肉又鮮甜，麵條煙韌富彈性，有順滑的蔥油，鹹淡拿捏得剛好。魚翅撈飯 - $169軟糯彈牙的魚翅細膩滑嫩，富膠質而沒有雜質，醇厚的高湯鹹鮮適中但不厚重，炒底飯顆粒分明，有淡淡的蛋香和油光。金魚戲水 - $49/2件捏成金魚形狀的湯蝦餃栩栩如生，外皮晶瑩剔透，裡面飽滿的蝦肉彈牙飽滿，有著充盈的湯汁好鮮美。黑蒜蝦燒賣 - $49/3件燒賣皮厚薄適中，飽滿不鬆散的蝦肉餡顆粒分明，有黑蒜的濃郁焦香和回甘。鳳梨雀仔 - $49/3件捏成雀仔模樣小巧可愛，外皮鬆脆帶著淡淡牛油香，內餡是酸甜解膩的鳳梨果肉，酸甜鹹鮮交織，清新不厚重。粉紅佳人(龍蝦肉餃) - $69/3件外皮晶瑩彈嫩，龍蝦肉與蝦泥混合紮實彈牙，鮮味更加濃郁。蟹粉芙蓉餃 - $89外皮軟糯帶著韌性，內餡有鮮甜濃郁的蟹粉，又有滑嫩如絲的芙蓉，完美結合豐富且平衡。鮮荔枝球 - $49/3件外層酥脆有一粒粒脆米，咬開有半溶化的芝士，又有鮮甜彈牙的蝦肉。紫蓉八爪魚 - $19/件捏成卡通八爪魚栩栩如生，外皮鬆軟帶韌，內餡香甜細膩，帶有紫薯的清香。豆漿蟹肉番薯菜苗 - $89清脆微甜的番薯菜苗帶有嫩滑感和纖維，絲滑的豆漿帶淡淡豆香，又有鮮美的蟹肉絲，鮮醇清爽。海鹽焦糖脆脆牛乳 - $29濃醇的牛乳帶淡淡的海鹽鹹味，中和焦糖碎的甜膩感。新鮮黃皮油柑汁 - $32油柑的微澀結合黃皮的酸甜，先微酸澀，後有回甘，層次分明且濃郁自然。…查看更多

新派潮洲菜自己人係沙田有新分店啦！之前係啟德airside 分店試過食晚飯，今次就去沙田新城市廣場食lunch😉主要係想試下佢嘅點心🫖🥢因為之前睇menu已經覺得樣樣都好吸引🤩🔻▪️天鵝酥 $59/3件呢個賣相好靚😍隻天鵝入面係汕頭滷水鵝肉，出面嘅酥皮炸到好脆，熱辣辣食超正🤩連黑色嘅天鵝頭都食得🤣咬落去好似餅乾咁😊▪️魚翅撈飯 $169/位呢個真係想試好耐，叫左一碗share, 但份量都幾多，而且入面真係真材實料😜好多魚翅，啲飯粒粒分明，仲加左蛋黄係入面所以好香😙▪️蟹粉芙蓉餃 $89/3件呢個好出色，果然係值得呢個價錢😛入面滿滿嘅蟹肉、蟹膏再加蛋白，真係好正😊▪️粉紅佳人 $69/3件又係賣相好靚，佢其實係龍蝦肉餃😁平時食開蝦餃多，龍蝦肉餃係第一次食，比起蝦餃啲肉更加彈牙，同埋好juicy😛呢個都超好食▪️小小梨子 $49/3件好可愛嘅點心，出面脆卜卜，入面係牛肉同黑椒，食落有啲似咸水角咁😉▪️麻婆豆腐小籠包 $49/4件呢個都係第一次食，入面真係有麻婆豆腐，口感好特別！另外仲叫左以下呢幾樣就唔逐一介紹啦😜▪️紫蓉八爪魚 $19/1件▪️XO 醬蝦腸粉 $99▪️東山羊羊腩煲 $111▪️福果芋泥 $39但係樣樣都好出色，估唔到連點心都咁好食，下次會再encore😀…查看更多