呼吸星球

Open Now

Now Closed

人氣懷舊Cafe人氣懷舊復古風Cafe！今日終於可以嚟到啦！港式懷舊復古風嘅小店相信大家都會喺IG見過！佢係由60多年歷史的白宮冰室改建而成，保留左當時好多唔同嘅裝修，亦都加入咗好多懷舊嘅玩具同埋裝飾！原本坐喺中間枱嘅我，好彩最後可以轉到去卡位影相！食物方面都相當出色！石垣和牛、 北谷塩等都唔係好多日式餐廳可以食到！燒過嘅石垣和牛油脂相當好味！真係有當然喺沖繩旅行嘅味道！想體驗下回顧旅行嘅感覺絕對可以來呼吸Cafe暢遊一番haha

打卡星人分享☀️另一星球的探索之旅Cafe由白宮冰室改建 佈滿店主收藏品進入時光隧道 參觀小型古董博物館客人可以在Cafe中脱離現實逃去另一星球放鬆 喘一口氣🍃店的主題「一屋 二人 三餐 四季」店內有超多打卡位 開啟時光倒流復古之旅Cafe主打日式定食 咖啡 水果茶☀️極上日本石垣和牛燒肉定食 $298不過不失 和牛未達價錢應有水準等待時間頗長 建議去Cafe前打個底先☀️金星（玫瑰牛奶咖啡） $64☀️蘋果蜜桃鮮打綠茶 $56飲品都偏甜 建議可以叫少糖在OpenRice上預訂到現場要等一小時🙈人流眾多 需要耐心等候環境: 💗💗💗💗💗美味度:💗💗💗推薦度: 💗💗💗💗

由野食服務裝修細至menu都超有心思😍，冰室擺滿左好多復古裝飾同玩具，真係好有去日本舊式喫茶店嘅感覺😍。menu好似一本繪本咁，欣賞咗好耐😂，所有staff都好好禮貌好好笑容，見我地咁熱衷打卡仲主動幫我地調靚位😂，sweet到呢☺️🫶🏻，雖然價錢略貴，但呢個服務呢個裝修絕對推介呀！✏️京蔥手打漢堡定食 $158每個set搭配嘅菜漬物都唔同，南瓜同粟子偏硬，不過不失啦，但漢堡真係好出色😍，竟然做到清爽唔油膩嘅感覺，入口軟綿，啖啖肉汁，五穀米飯粒粒分明，飯素偏鹹香，成個定食嘅配搭都好清新健康😍，食完完全唔會覺得飽滯。✏️火炙半熟鹿兒島和牛定食 $280薄切和牛啖啖油脂好飽滿，好似食緊好肥美嘅火炙三文魚腩咁😍，入口有微微嘅焦香，附送嘅柚子鰹魚汁好夾好解膩，不過都係漢堡定食更勝一籌🫡。✏️日本小山園綠茶拿鐵 $62入口綠茶嘅味道係清香多於濃厚，涷latte上會有粟子同忌廉，奶味更重更香甜😋。

以前完全沒踏足過土瓜灣，屯馬線開通之後先第一次去。由於有朋友喺呢邊住，又有好多posts推介土瓜灣搵食，所以就搵日黎行個圈~~同行既朋友偏向日系，所以揀左呢間coffee shop黎試，位置上同鐵路站有啲遠，都要行幾耐先到。好彩當日天氣幾好，又唔熱，如果唔係都幾辛苦。見到鋪頭門面都已經感覺到嗰種日本懷舊風，店入面超多舊物，都幾有趣既餐牌上面有張老闆寫既信，都係發下勞蘇咁...揀左兩個定食，秘製咖喱石垣牛肉飯定食同柚子鰹魚清湯慢煮牛燉肉定食。個人覺得所有野食既味道比較清淡，連牛肉味都係淡... 如果你鍾意一般日本咖喱咁偏甜，呢嗰可能唔啱你口味。牛燉肉偏有咬口，柚子既味道唔突出，要連湯食先有少少柚子味。反而跟定食既前菜調味唔錯，好清新，麵豉湯都偏清爽，唔會死鹹。咖啡就揀左木星，即係海鹽黑糖Latte，我覺得so far so good。海鹽黑糖係match得好好，個人覺得咖啡可以再濃厚啲。可能因為沒vegan milk既選擇，所以我覺得奶味相對重，變相蓋過左咖啡味...另外仲試左個甜品，濃調開心果仁牛奶手工雪糕，個人覺得全餐最好食係呢樣！開心果味濃郁，上面有雜果仁碎，配埋一齊食，味道多左層

發現呢度，係因為我去十三街整車行入舖裡面 ... 「嘩我細個用嗰隻雞毛掃呀」、「呢架單車真係好復古喎」、「咦，有個舊冰室招牌」、「部金色咖啡機好有型呀」... 懷舊嘅擺設雖然多不勝數，卻亂中有序。就好似身處博物館裡面，眼睛同相機都目不遐給👀📸相當鍾意富士山杯型嘅 Dark Mocha☕用上比利時 72% 黑朱古力，極香濃！配上軟滑嘅忌廉，大愛❤️店員介紹伴著小鬆餅嘅忌廉醬同果醬、以及抹茶雪糕都係佢地自家製嘅，係一份想食下午茶但又唔想食太飽嘅小點心👍🏻坦白講，價錢係比一般 cafe 貴，但我會當個價錢係打埋落欣賞環境同懷舊嘅陳設度。期待下次再來懷舊一番，同埋試下佢地嘅石垣牛☺️

事源係埋單既時候 一位女服務員表示公司只可以收現金，由於好大雨，我地亦唔熟路唔知道佢地講既7-11係邊，於是我哋嘗試問吓可唔可以選擇俾payme / FPS，然後一位比較年長嘅男員工就行埋黎表示可以，於是收錢其間我地反映其實可以增加多小小付款既方式於是嗰位男員工就話香港大把餐廳收現金啦，於是我就話係阿，但你呢到既收費都唔平，我地兩個人食埋單都$672，如果可以收其他付款方式客人都會更方便 於是佢就話 我地其他客人食成$2000蚊以上既都好樂意行過一條街7-11禁錢，唔似得你地，依家都係我肯用我私人户口收你地錢，公司規則係唔得，仲要個男員工好似係行埋黎想兇我地咁既態度 呢間餐廳都厲害 食2個main+甜品 $600幾埋單都唔算平 都可以有咁既service，仲要全程啲員工坐哂係到 叫極都冇人應我地，如果大家想比錢買難受就去la,學乜嘢人做日本餐廳，連基本日本人會有既禮貌都冇，什至連基本service都冇 真係麻煩你地好好反省😂

一心搵間食牛肉飯嘅好餐廳，店內裝飾係幾有趣，好適合打卡。但去過之後應該冇第二次，牛肉飯擺盤係幾好睇，但真係唔值$290+一碗，店員話牛肉冇特別調味，需要要自己落鹽。店員冇服務，完全唔應該收加一。

🕖時段-星期六中午預早book左枱12點 來到餐廳入面唔多人 有2,3枱客 可以即刻入座 但過左12:30之後開始多人同full _▫️極上火炙石垣牛半熟燒肉定食 $269用新鮮直送高質石垣牛燒至半熟 個肉質口感鬆軟 入口即溶🤤好香口! 我自己覺得唔洗點醬汁直接食牛原本個味仲正😋如果怕半熟太生可以嗌佢另一個推介定食_▫️柚子清湯石垣牛燉肉定食 $166(下圖右) 朋友怕熱氣唔想食燒肉 揀左呢款燉肉 佢個湯清清地但石垣牛個味夠濃👍🏻怕油膩既話可以試呢個_ ▫️ 玫瑰牛奶咖啡 $50_🍽環境餐廳外裝修招牌好有日本感覺 門外有個位置可以比人坐低影相但重點係餐廳內!! 入面全部都係vintage收藏品 每個角落都有花心思佈置 每個角度背景都可以打卡📸 真心令人目不暇給😍 復古控一定會迷上！

同男朋友叫咗2個餐食職員好細心咁去講解配菜同特色亦係用紅米飯去煮感覺都好健康 好有心思不過個咖喱飯就比想像中嘅辣可能我真係唔太食到辣啦🙈但佢哋嘅石垣牛肉 無可否認真係好好食 值得一贊👍🏻整體嚟講 唔錯。

呼吸星球📍土瓜灣馬頭角道91號地舖喜歡日式懷舊野既你一定要黎啊👍🏻👍🏻每個角落都係打卡位，裝修非常細心精緻，有種好chill又有復古感覺👍🏻👍🏻野食好食😋主打石垣牛🐂環境：🐣🐣🐣🐣🐣服務：🐣🐣🐣🐣🐣🌸 石垣牛小碗飯 $128味道：🐣🐣🐣🐣🐣呢個小碗飯唔好睇佢細細碗，女仔食真係剛剛好👍🏻👍🏻牛好嫩切得好薄好好食，加埋個柚子汁好夾好正啊👍🏻👍🏻🌸 鹽燒石垣牛定食 $286味道：🐣🐣🐣🐣🥚鹽燒牛定食有幾款小食同麵豉湯👍🏻飯可以添👍🏻但相比之下，小碗飯嗰個牛好食啲😂但都唔錯既👍🏻餐廳野飲款式超多😂😂🤣🤣🌸Juplter 木星黑糖 $51味道：🐣🐣🐣🐣🥚呢杯coffee個杯已經好靚好吸引👍🏻👍🏻拉花又細緻又靚☺️咖啡味濃👍🏻好香🌸Mocha $50味道：🐣🐣🐣🥚🥚呢杯mocha同街既有啲唔同，有層厚厚既cream，menu有寫話佢地有自創造法，不過個人覺得偏甜😂唔鐘意甜既朋友要注意啊⚠️總結：餐廳的確好有特色，懷舊嘅感覺令人好舒服😌嘢食質素同服務都好好，不過嘢食食物偏貴，未必會再encore推薦度：🐣🐣🐣🐣🐣

呢間呼吸咖啡店前身係一間冰室，裝橫充滿懷舊復古的味道，有啲似去左日本的復古咖啡店，好有𝚏𝚎𝚎𝚕打卡一流😚不過人流比較多，最好揀啲小人去嘅時間去🙈多人未必有得揀位同埋用餐時間會有限制～🍱日常定食🍛咖喱手打𝙰𝟺鹿兒島和牛漢堡扒定食 $𝟿𝟾今次試嘅呢款漢堡扒味道就正常，隔離附有蔬菜🥬漢堡扒夠厚實，不過日式咖喱嘅味道偏淡😲🧇香蕉朱古力雪糕窩夫 $𝟺𝟿細細份一個人食啱啱好，價錢偏貴，朱古力雪糕幾濃郁，配上香蕉和窩夫味道不錯👍🏻☕️玫瑰拿鐵 V𝚎𝚗𝚞𝚜 $𝟻𝟾拉花靚，杯身亦有玫瑰圖案好精緻🧡口感順滑，飲落去帶啖啖玫瑰香，甜度啱啱好，飲唔出香精味😋不過收費有小小進取🤏🏻🍑 香桃綠茶 $𝟺𝟽味道清新帶綠茶香，入面亦有黃桃肉，味道正常

大西北人又出發了,今日同馮先生去咗土瓜環嘅呼吸星球,食石垣牛~~一嚟到泊好車已經見到引人入勝嘅「招牌」,係到合照咗幾張^^天氣落雨有啲凍,怕凍嘅我叫咗熱湯定食,店員推薦咗「柚子清湯石垣牛燉肉定食」湯好清甜,入味,平時怕湯肥膩嘅我都飲哂,配料有啲似關東煮，而且仲有有蒟蒻加海帶,星星嘅係紅蘿蔔另外仲有我最鍾意嘅小蕃茄前菜,酸酸甜甜好開胃,飲埋個湯成身都暖笠笠~馮先生就叫咗「沖繩鹽燒石垣牛肉定食」石垣牛肉質鮮美,又嫩又滑,本身已經好鮮美,唔建議再加任何調味另外店員仲介紹咗一支北海道鹽,話加落去會更有味道,不過馮先生唔鍾意再加調味,所以就無試到啦定食仲包含咗個薯蓉,唔鍾意食飯嘅我就食埋馮先生個份最後當然要食甜品啦「北海道蜜瓜手工雪糕杯」 真係好好好好食呀,每一啖都係清甜蜜瓜香味,係我食過最好食嘅蜜瓜雪糕,連哈X大師都比下去。雪糕下面仲有乳酪同穀物脆脆,中和返,令到蜜瓜甜而不膩,雖然價錢相有啲貴,但的確係值得一試!!

對食物略有小失望🫣聽朋友介紹評論好高即刻去試試✨✨之前打電話因為假期叫我walk-in等等去到現場比飛既哥哥好friendly 叫我地留電話轉個圈再回來，最後大概40分鐘後有位💥服務❤️❤️❤️❤️❤️每位員工都好有效率，亦會為大家介紹Menu， 態度很好👍我們食飽再坐一會飲埋杯咖啡，都冇吹我哋買單（外面條隊無停過）環境❤️❤️❤️❤️我很喜歡懷舊物品，所以欣賞了四周環境很久，只是座位稍為有點窄，想來個打卡都很困難食物❤️❤️❤️.❤️可能期望過高，我們叫了兩份招牌定食$298 加一，兩杯咖啡，一份窩夫手工雪糕甜品 首先兩分定食一份是鹽燒牛肉，一份是火炙牛肉，店員有給上鹽說可能會偏淡…的確，是有燒牛脂味，但很淡，我們兩個都教了很多鹽，白飯加了五穀米，都是淡淡，如果可以配上一些什麼提提味可能會更好，而食到底會看到飯給一些油浸住🙈🙈我就不吃了～ 另外定食了一碗小椰菜..是只有麻油和強烈的草青味🙈我地都食唔到。牛肉方面，燃燒的油脂會比較高比較肥美，火炙肉質會稍結實一點，沒那麼肥火炙牛肉鹽燒牛肉另外朋友點了一杯冰咖啡，原來是齋啡比較苦，他說一般，我點了玫瑰牛奶咖啡，這款咖啡外表好看，而且每單也有玫瑰的味道，很不錯👍最後

🍴美食資訊🍴咖喱牛肉飯定食（$168）成個定食有碟咖喱牛肉飯、薯仔沙律、菜漬物同腐皮麵豉湯。成個定食都又貴又難食🤮 碟飯係五穀炊飯，因此口感偏硬同粗糙。雖然都叫勉強整到日式咖喱個種味，但係啲牛肉得幾舊仔兼韌到痴線😵‍💫 啲薯仔好硬咁好似有啲生😐至於薯仔沙律，菜漬物同麵豉湯都係一律冇咩味，超淡😵小英式鬆餅配自家製果醬、手打忌廉（$38）舊鬆餅硬到好似石頭咁款🥲攞把叉敲都啃啃聲🗿感覺似雪藏左一段時間，有order就拎出黎叮熱賣😓啲果醬同忌廉同樣都係冇咩味。Apple and peach blended tea（$56）飲得出係鮮榨出黎嘅蘋果同黃桃茶。味道啱啱好，唔會太甜。飲落仲有少少打碎左嘅果肉渣同果皮🍎🍑Ice milk chocolate（$52）飲落似美綠多啲，朱古力味都叫濃郁🍫起碼唔會飲落水汪汪咁。————————————————————👑評分味道：1.5/5環境：3.5/5價錢：1/5份量：1.5/5服務：3/5會否推薦：不會大伏餐廳😵‍💫真係for打卡，野食完全唔掂🙅🏻‍♀️係又貴又難食！係得兩杯野飲係正常😞由於我地去果日咖啡機壞左，飲唔到咖啡同熱飲，所以都係焗住叫。而且我地上o

假日出外走走～是日打卡點—呼吸咖啡～店舖無論係內定外嘅裝修都好有和洋風嘅感覺！假期大概2點到訪，約要等5張飛先可入坐，都幾有人氣。呢度主打招牌係牛肉，入座有可愛的店員同你介紹餐牌，唔洗唔知店家有咩食！好細心～今日叫左一個招牌火炙嘅牛，唔記得咩位，牛肉入口好香火炙味！讚👅～可以沾啲柚子汁嚟食，添加一點清新的味道！值得一試～隨餐仲有麵豉湯同小菜另外叫左一個燒汁牛肉飯，不是我喜歡的，但味道也不錯，如果燒汁可以另上，自己淋上個飯就好，因為依加食落太多汁的感覺飲品方面叫左摩卡同木星（焦糖海鹽黑糖latte），都不錯的，但是有點甜😵‍💫！#飲品無影到相兩個人埋單7百幾～店舖環境係好啱打卡，記得帶個工具人去！