遇見您

Open Now

Now Closed

厚切豬扒焗飯＋酥皮湯＝幸福感爆燈見到呢間餐廳係土瓜灣必食之一，特登去試一試，真心冇伏，每樣都好好食！！😍豬扒焗飯係最大亮點！厚切得嚟肉質超嫩，冇半點雪味，啖啖都係肉香，配上番茄醬同拉絲芝士，熱辣辣上枱嗰下已經聞到幸福味。酥皮忌廉蘑菇湯都好誇張～面頭個酥皮金黃鬆脆，一撕開，入面蘑菇湯香濃到癲，滑溜creamy得嚟唔會膩，暖笠笠好治癒。仲叫咗個手打漢堡，啖啖肉Juicy唔鞋口，薯條炸得好香口，係麥當勞以外最好食嘅薯條🤣重點係飲品都唔馬虎，奶茶真係超出色濃得來一啲都唔澀，咖啡又香又順，好有水準,完全拍得住茶餐廳水吧！👍👍⸻推薦指數：★★★★★食物有驚喜，份量夠，擺盤靚，最緊要真材實料，真係值得再訪！#厚切豬扒焗飯 #酥皮湯控 #香港美食 #西餐推薦 #打卡餐廳 #奶茶好好飲 #每日都有小確幸

當遇見…芝士鮮茄焗厚切豬扒飯豬扒厚切鬆化有肉味炒飯有蛋香芝士味濃茄汁酸味剛剛好自家秘製火山骨（小份-3件）真正嘅重質不重量3大件豬肋骨，好多肉配埋秘汁好舒服，唔係泰式個種刺激野一定係用手黎，骨吮得乾乾淨淨黑松露忌廉雜箘薯仔粉薯仔粉第一次接觸軟糯版嘅年糕好過癮黑松露忌廉濃郁夾到爆酥炸魷魚鬚配蒜香沙律醬炸衣薄脆一口一條面有海苔粉再點點沙律醬食唔停口不錯嘅小店，高興遇見您

土瓜灣多嘢食就係人都知啦， happy Father當然同妹妹約埋一齊食吓晚餐，搵到一間平靚正嘅地區性西餐廳享用晚餐🍴都好多街坊喺度食飯！🍽️ 自家製火山骨我哋一開始叫咗呢間好出名嘅自家製火山骨，二人只係$88🤤而且多肉啲汁酸酸甜甜好開胃，果然係自家製夠晒Yummy～妹妹話唔使去泰國或者韓國食真係好開心！🍽️ 香煎盲鰽配白酒忌廉汁薯菜食咗咁大盆肉好飽，所以只係叫咗少少魚肉品嚐吓，呢個盲鰽🐟到大盤煎到外脆內軟，魚皮脆，卜卜～啲魚肉多汁～好味！🍽️ 吉列炸魚柳配薯條妹妹叫咗個Fish & chips🍟即叫即整，當然熱辣辣冇得輸🤤香脆可口🍽️如果配埋啤酒就正爆啦🍻食咗咁多嘢慢慢行返屋企減少啲罪惡感😆

📍遇見你 encounter #5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-野菌忌廉酥皮濃湯配松露油 -$68一揭起酥皮 就聞到松露香味 而且食到粒粒嘅蘑菇 酥皮好鬆軟芝士鮮茄焗厚切豬扒飯 -$108豬扒好厚 而且食落好有肉汁 肉質好滑 芝士唔會太咸 而且會拉絲 鮮茄有蕃茄甜味 果然係必食餐點水牛城雞翼 -$68脆皮好薄 雞翼仲有肉汁 醬汁比較酸黑松露薯條 -$58滿滿嘅黑松露碎 好香黑松露碎 薯條好脆卜卜

放工約左朋去土瓜灣，比呢間「遇見您」個地下吸引左"在茫茫人海中......遇見你"。裝修幾有格調，而且見到佢哋個火山骨啲相好吸引，忍唔住入去試下！🤤⭐️火山骨雖然我哋只係叫咗細份，但係都有四大舊！🍖上面鋪滿蔥同芫茜，賣相唔錯。食落口，啲肉真係好淋，而且好入味！😋啖啖肉，正！⭐️蜜糖煙鴨胸沙律呢個沙律🥗都幾有驚喜！啲沙律菜好新鮮，仲有青瓜🥒同車厘茄🍅，配埋個黑醋汁，酸酸甜甜好開胃！最特別係個蜜糖煙鴨胸，食落甜甜地，好夾！👍⭐️ 爆炸脆雞配泰雞醬呢個炸雞真係一啖一粒，啱晒我呢啲懶人！🍗啖啖肉，而且係新鮮炸起，熱辣辣🔥，就咁食都已經好好味！點埋個泰式醬🌶️，更加惹味！⭐️ 黑松露薯條薯條🍟新鮮滾熱辣，上面仲有黑松露碎，啱晒我呢啲薯條控！🤤

呢間餐廳位置土瓜灣同何文田中間，店舖雖然唔大，但menu選擇意外地好豐富，西式泰式日式菜都有🌋自家秘製火山骨(小) $88見好多人都叫呢個，叫左小份都好多😱有3大舊，每舊都好多肉，有軟骨同膠質位😍肉質腍滑唔乾柴，醬料調味係蒜蓉醬油，如果中意食辣可以加10蚊要麻辣汁🍄黑松露忌廉雜菌薯仔粉 $88估唔到呢度連我地最愛既薯仔麵糰都有🥔黑松露味好濃，再加埋芝士更重口味，薯仔粉軟硬度岩岩好，每粒都比黑松露忌廉汁包住🐷鎮店豬寶芝士鮮茄焗厚切豬扒飯 $108即叫即焗要等一等，芝士份量唔手軟🧀豬扒好貼心地切好一片片，咬落鬆化唔韌🐽焗豬必需既炒飯底同菠蘿都有，不錯overall：當晚見到都幾多熟客仔食，最好book定位📞招牌既火山骨份量好足，價錢抵食

經典凱撒沙律生菜新鮮爽脆，配上風味濃郁的自家製凱撒醬，再加上香脆的麵包粒及帕瑪森芝士，讓人胃口大開。🥗🧀自家秘製火山骨肉質鮮嫩多汁，配合秘製醬汁，再配上大量香菜，濃郁的香氣和多層次的口感令人一試難忘。而且份量十足。香煎盲鰽配白酒忌廉汁及薯菜魚肉煎得外脆內嫩，白酒忌廉汁的細膩口感完美襯托出盲鰽的鮮味，配上的薯菜更為整道菜增添了豐富的層次感。🍖🐟參巴醬焗蠔蠔肉鮮美多汁，參巴醬微辣的風味恰到好處。

係位於土瓜灣嘅一間cafe✨ 餐廳環境好舒服，座位好闊落💓 而且食物選擇都幾多，有意粉、飯、扒等等🤩 價錢好合理，完全唔貴❤️ 決定試佢哋嘅招牌主食😆🔸 芝士鮮茄焗厚切豬扒飯 ($108)呢個飯係鎮店之寶✨佢係即叫即焗，所以要等15-20分鐘，食落去真係熱辣辣🔥 有別於一般嘅焗豬扒飯，佢茄汁嘅鮮味好出，好香嘅番茄味🍅 而且豬扒真係啖啖肉，冇咩肥膏，而且肉質鮮嫩😋 豬扒嘅份量都唔少😍 真係唔錯😎🔸 冬陰功海鮮意粉 ($118)冬陰功味好出🥰 非常香濃🔥 佢個汁都唔少，所以每條意粉都吸滿晒醬汁，好入味💕 佢個汁唔算太辣，但非常惹味🫶🏻 海鮮有蝦、帶子、青口、魷魚，都好豐富😍🔸 鮮奶咖啡 ($36)、焦糖咖啡 ($36)鮮奶咖啡奶味偏重，而焦糖咖啡係冇奶，但個焦糖味超出🤩 土瓜灣嘅cafe真係唔多，呢間cafe價錢又唔貴，食物都高質💖 性價比高✨

放工又凍又肚餓，經過見到食客拎住大大舊骨喺度食緊，二話不說入咗去。餐廳氣氛cozy, 木系裝修風、店員友善welcoming。嗌咗三個必食推介。 ✦ 野菌忌廉酥皮濃湯配松露油湯底濃郁，聞落食落都帶好重嘅野菌香，另加a hint of 松露嘅獨特香氣。口感creamy, 拌埋酥皮，幾乎可以用食湯嚟形容。凍冰冰嘅天氣飲熱辣辣嘅湯，好滿足。 ✦ 冬蔭功海鮮意粉好惹味，好開胃，都幾辣。冬蔭嘅醬汁掛晒落意粉度，一啖一刺激。海鮮份量充足，蝦、魷魚，青口等都新鮮爽彈。 ✦ 自家秘製火山骨有得揀大份細份，嗌咗細份都幾大盤。豬骨砌成火山形狀，豬肉炆得好腍、肉質鬆化、索晒秘製醬汁嘅惹味，而且每條骨都有骨髓、帶油脂香。另外嗌咗麻辣醬，唔太辣、重麻香，食到咁上下可以吊吓味。 好滿足嘅一餐，而且兩個人埋單三百蚊唔使。有氣氛有質素。

去咗土瓜灣做嘢搵咗間cafe食~ 餐牌種類好多而且價錢好抵食!! 完全係平民高質Cafe😝🚩冬陰功海鮮意粉 這道冬陰功海鮮意粉味道酸辣開胃，比想像中辣好多🤣🤣仲帶有椰漿的香甜。海鮮部分包括蝦仁、青口貝和魷魚圈，幾適合喜歡泰式fusion嘅人🥳🚩蘑菇汁雞胸肉紅米飯 揀咗較為健康嘅蘑菇汁雞胸肉紅米飯。雞胸肉煮得嫩滑不會過乾，仲好大份添😝整體味道清淡但不失風味，適合喜歡簡單料理的人。 🚩水牛雞翼 水牛雞翼外層裹著酸辣醬汁，雞翼炸得外脆內嫩，辣味十足。搭配的藍芝士醬味道濃郁，能中和部分辣味。雖然辣度較高，但吃起來很過癮🤩

阿媽今日又唔煮飯，我地試下屋企附近一間開咗年半，但一直冇幫襯過嘅餐廳。結果真係有驚喜！雖然細細間，但裝修精緻又舒服，仲有半露天嘅位置，方便帶埋寵物一齊嚟食飯，環境十分溫馨又住家feel。我哋今日食咗，1. 自家秘製火山骨（半份$88） 豬脊骨炆得非常入味。肉質超軟淋，用兩隻叉就可以輕鬆拆開肉，近住骨嘅肉真係好香。呢個價錢嚟講，性價比真係高。2. 野菌忌廉酥皮濃湯湯面鋪咗黑松露， 成個湯都佈滿野菌香味。3. 邦尼意粉（$98） 意粉好彈牙，份量好足，兩個人都夠食。忌廉汁好creamy，味道濃郁，絕對係必點之選。4. 即叫即炸嘅雞塊，外皮酥脆，內裡保持住鮮嫩多汁。呢間餐廳係一個寶藏，食物夠味而不鹹， 用餐後沒有口渴的感覺，絕對係用心製作 。加上好坐又經濟，附近的人有福了！😊

火山咸骨。好重豬味，但掂埋d汁都好咸下，個汁又普通鼓油咁。叫細份都好大碟牛肋條黑松露露筍炒飯。唔推薦。牛肋條切到碎曬，得5成肉食到牛味，其他無肉味，差差。唔重黑松露味，差差。露筍都係切到碎曬，所以唔重味，唔太食露筍既我都食到雞扒滑蛋蓋飯。雞扒夠惹味，煎得香口凍奶茶。叫左少甜都爆甜，懷疑無少到比我，又唔重茶味，差差環境：枱唔多，星期日下午入坐率得一半。整體望落好乾淨，有綠沙發坐幾好

土瓜灣西餐小bistro店舖唔算大但裝修幾有格調，餐牌選擇種類多，價錢大眾。主食我地嗌左黑松露雜菌薯仔粉同63度溫泉蛋卡邦尼意粉🍝另外嗌左店家招牌自家秘制火山骨。薯仔粉好特別，入口口感比貝殼粉或貓耳朵更軟糯，有D似年糕，但更軟滑。配濃濃黑松露醬一絕好夾味。卡邦尼意粉用料足，cheese風味十足，撈埋溫泉蛋好好味。火山骨好大份，因為我地嗌左small size但絕對唔係小食，可以當一道送。因為我地唔係好食得辣，所以未試麻辣汁，不過火山骨整體味道已經好足，有好多唔同香料，啖啖肉，肉食動物唔好錯過。

今晚係屋企附近見到有間食芝士鮮茄焗厚切豬扒飯好正既餐廳好想食。我入去即刻叫左佢最主打既芝士鮮茄焗厚切豬扒飯🩷🩷🩷🩷🩷超大塊豬扒，而且又淋得黎好夠味芝士仲可以拉絲，同埋食到番茄既甜味。好大份兩個人都夠食。另外叫左個香芒牛油果辣蝦沙律🩷🩷🩷🩷🩷佢加左黑醋汁勁開胃，而且啲沙律菜加埋紫洋蔥好清甜，同埋佢啲芒果同牛油果好清新，同埋最有驚喜係隻蝦好彈牙之餘佢煎香左仲要加埋啲辣粉落去配埋啲沙律菜食超正！好夾。我地最後叫埋甜品朱古力心太軟配雪糕球🩷🩷🩷🩷🩷，佢個心太軟朱古力味都好濃，同埋配左球嘅雲呢拿雪糕，好滿足。五個心心為最高分遇見您 (土瓜灣)土瓜灣漆咸道北423-433號怡輝大廈地下1號舖

📍#遇見您 (土瓜灣)土瓜灣漆咸道北423-433號怡輝大廈地下1號舖▪️▪️▪️▪️▪️▪️▪️▪️▪️▪️▪️▪️▪️▪️今次到訪係泰式mix港式mix西餐既fusion cafe，想食港式嘢又得，西餐亦有，仲有自家製既招牌菜秘製火山骨～✨#自家秘製火山骨💰$88（細份）火山骨可以揀大份$128 ，或者細份$88 ，兩個人share嘅話，細份都幾足夠。肉質勁軟稔，個汁好入味，鍾意食辣亦可以選擇加$10選擇麻辣汁✨#芝士鮮茄焗厚切豬扒飯💰$108我哋仲叫咗個「鎮店豬寶」芝士鮮茄厚切豬扒飯，焗飯即叫即整，需時15至20分鐘，上枱熱辣辣，豬扒鬆軟，整體幾唔錯。✨#煙三文魚車厘茄薄餅💰$78薄餅都有四款選擇，我哋揀咗煙三文魚口味，2個人share剛好，味道正常～✨#Tiramisu 💰$48最後我哋揀咗個Tiramisu甜品作結，朱古力味都香濃，口感軟綿綿，咖啡味就唔算好岀 ～▪️▪️▪️▪️▪️▪️▪️▪️▪️▪️▪️▪️▪️▪️