龍邦燒味小廚茶餐廳

Open Now

Now Closed

咁大間餐廳咁簡單一個燒肉飯咁要斬成45分鐘好明顯係入面個斬料條友手腳慢有個姐姐熟客行埋去問下有未門口個呀叔仲要大大聲話個客EE鵝鵝催佢單話一定有單比到實出到比你成班熟客忍你啲語氣忍得幾辛苦我就唔忍一野問佢「咁我果張你有冇呀我睇你一定係漏左單啦」講到口響響咪又係漏曬單好唔好食？賣相話左比你知眼見呢年老字號執得七七八八咁落去下一間就係你地你都聽到啲客已經係失望到絕望呢個係好大既警號希望你地唔好忠言逆耳好好諗下自己對唔對得住龍邦呢個牌頭

上環橫街窄巷都係滿滿嘅餐廳，仲要唔係連鎖店，嚟到當然支持返啲小店啦～燒味飯應該就係雙餸飯嘅前身，斬料快手唔洗等，又有得揀配搭。😋💡叉燒油雞米粉 $60以前有食過叉燒油雞，一啖食晒叉燒、薑蓉、豉油同飯都真係大滿足，飯吸晒油香真係食唔停口。今次唔算好肚餓，所以叫咗米粉～遇上叉燒要等佢燒，新鮮即上，叫咗少燶邊，加埋蜜汁，香脆又甜嘅肉真係好好味～油雞肉都好嫩，係黃金琥珀色，皮爽肉嫩真係幾好味。小提示，食米粉可以浸下啲油雞同叉燒落湯，米粉有油脂更香同更滑～💡叉燒油雞飯 $60

食過叉燒、乳豬，ok可以，份量都夠。咁遞日試埋個「原隻燒鵝脾飯」，x！天下燒味佬刀法一致，貼住大脾骨一削為二，淨係畀上面果浸。建議menu改為「半隻……」貼題啲。其他服務果啲就，一般茶記態度。

曾經有個油管富貴KOL做左個叉燒既對決 龍邦叉燒名列前茅 今晚特意揸車去會一會佢😌夜晚七點幾八點門口仲排滿曬人 好誇張🤯 嗌左80蚊半肥瘦叉燒 特意免斬! 足足等左二十分鐘叉燒左右先到手. 舊叉燒既色水係幾靚仔 有燶邊 仲暖暖地 期待感加倍😍 唔知係師傅見到我太肥想我健康啲定咩原因？ 說好嘅半肥瘦 變咗九成瘦😑 就算配埋個蜜汁食 每一啖都好干 咬到牙骹都軟埋 😮‍💨 就算用蒸焗爐處理下都無法挽救 失望感100😫 就係甘 我同龍邦既緣分 一開始即結束👋🏻

放假行上环🚶‍♀️呢間係想去好耐嘅茶餐廳我哋嗌咗⋯凍奶茶(少甜) 我鍾意熱奶茶多過凍奶茶但係 嗰日好焗 想飲凍飲呢杯係我飲過最好飲嘅凍奶茶啦😚滾水蛋 16第一次試滾水蛋 原來幾好飲😚🥚鴛鴦多士 (花生醬/煉奶+牛油/煉奶)menu入面冇""鴛鴦多士""姐姐話 而家得閒 可以整俾我哋試下😍好邪惡 但係好好味🤤鍾意牛油多士多d🐮姐姐對我哋好好 一定再幫襯啦🥰==============================龙邦烧味小厨茶餐厅上环文咸东街38号B地舖

"：💛 龙邦烧味小厨茶餐厅之前有近想食重口味嘅咖喱，搵搵下俾我搵到間出名食咖喱嘅港式餐廳，仲要原來佢個豬扒都出晒名大塊🤤．👅咖喱豬扒飯唔係講笑，呢度啲豬扒飯份量絕對夠吃驚😂一上枱已經俾幾塊豬扒嚇親，未食都見到佢好夠黃金色，先食一啖係無點咖喱醬嘅，脆！卜！卜！😎入口已經夠晒香脆，佢個外皮脆到好脆，然後啲肉汁又保留得到🤪再試埋個咖喱汁，好香嘅辣油同咖哩味，食落都辣辣地，唔食得辣嘅你可能真係會頂唔到😛咖喱汁淋落啲飯度一定係絕配😘．👅 乾炒牛河呢度嘅食物份量絕對對得起個價錢😂一碟飯或粉都足兩個人食啦！大大碟乾炒牛河，河炒夠乾身，食到底又唔會油立立，最重要係佢啲牛肉好到位，又大塊量又足，絕對無令人失望呀😍———————————————🏠 龙邦烧味小厨茶餐厅上环文咸东街38号B地舖

獨自一人在上環覓食，看見這間食店嘅燒臘幾靚仔，而且有幾個人在門外等外賣，感覺應該不會太差，又一於入去試吓。叫了碟半肥瘦叉燒燒肉飯，另加忌廉汽水。燒肉外皮酥脆，膏厚肉偏少，可惜凍冰冰，如果可以整返熱少少就更好了；肥叉燒香脆可口，但邊位過燶，而且蜜糖過多，味道偏甜，但都可以接受。整體水準也不錯，而且以上環區來說，都算抵食，難怪這麼多街坊幫襯；除燒臘外，這裡還有小菜供應，下次可以再試吓其它！龍邦燒味小廚茶餐廳地址: 上環文咸東街38號B地舖電話: 23423189

上環返工個同事極力推薦！每到lunch或者夜晚收工之後都可以見到門口一定有人等緊！可見佢味道品質係保持到乳豬三寶飯$67乳豬皮脆肉嫩，要落去咔咔聲！最推薦叉燒肥美軟淋，我最愛燶邊叉勁邪惡勁好食，叉燒整體偏甜好多蜜汁，好送飯，即使外賣返屋企，味道都一樣咁好叉燒65/斤仲可以買40蚊咁，收銀姐姐都好好人，話俾佢知你幾多人是，佢會推薦適合嘅份量你，唔洗勁驚買多買少❤️米飯可以轉粉麵河粉勁大碗，食完好滿足，仲有例湯或者熱飲可以揀

呢間食過好多次，可以話食十次，有七次都係嗌乳豬三寶飯！因為抵食！先講乳豬，皮脆微暖肉嫩，有時候咁岩嚟到師傅岩岩開豬既話，真係特別好食。叉燒，似係用梅頭肉整，非常之淋，味道亦好正常，正常味道。但就唔好預賣相好好，因為佢太淋既關係，斬出嚟加埋師傅有少少襟上去飯面，好多時都散收收既（d叉燒邊位）。油雞就正正常常，味道ok唔會浸到d肉好實。$67個乳豬三寶飯，我覺得好好食，雖然係內街入少少，如果你好鐘意食燒味，經開可以去試下！d茶啡就好普通。薑蓉梅醬乳豬醬，又會分開比你，我覺得幾好！如果去食下午茶，燒鴨瀨粉果類，就建議嗌正價喇，燒味份量同粉既份量亦較多！！試過廚房炒粉麵亦不錯，有樣野要留意，佢餐廳入面地下……好跣，記得慢慢行。

成日會掛住呢度嘅燒味飯最最推薦叉燒同乳豬叉燒肉質軟腍少少燶邊就算偏瘦嘅叉燒都一樣腍身印象中冇食到過又乾又硬果啲叉燒呢度嘅乳豬令我諗起西班牙菜嘅suckling pig係厚身dd嘅乳豬中間有一層肥膏我通常唔食每件乳豬皮都真係超級脆茶餐廳環境茶餐廳服務燒味真係做得幾好價錢合理朋友第一次食都覺得好食外賣飯盒大約平～$10所以外面成日有人等緊外賣🔘乳豬三寶飯 (乳豬/叉燒/豉油雞)🔘燒味雙拼飯 (叉燒/燒鴨) (lucky俾咗鴨髀我哋😋😋)

夜晚冇嘢做 聽人推介 叫咗個四寶飯 包括油鴨髀、鹹蛋、叉燒同燻蹄 。隻鴨俾佢唔會好肥但肉唔夠多 個皮好味好香 。叉燒正 燒得靚。燻蹄就其實我唔係好啱，食咗OK啦 人生都冇食過令我覺驚艷既燻蹄 ，定係我本身對呢樣嘢都麻麻哋呢唔知 。 最後隻鹹蛋真係好鹹 啲飯食到得返少少最尾消息鹹蛋喊到PK 不過我都係講廢話 鹹蛋唔喊乜狗鹹蛋要到杯凍啡走甜冇乜特別。買單晚市$70 。價錢正常囉上環區食晚飯想要幾錢姐不過佢啲燒味水準都算係咁㗎喇。得閒想食個快頹飯都可以去

我地嗌左乳豬飯 佢比左啲邊邊位肉我地我地同佢講 佢再後補兩舊正常既乳豬肉比我地唔係出名好食就咁巴閉下麻？前事等左半個鐘 佢話回爐燒緊有相為證出面既餐廳 既乳豬絕對唔會係咁樣！

每次做完facial，喺上環搵嘢食都真係幾辛苦(冇咩嘢啱我食)。 自從上次同做facial嗰個姐姐講開下面間燒味店，佢教路話原來好多人幫襯之後。終於，我又再嚟食多次。 上次我個friend食咗佢哋嘅乳豬飯，佢話超級好食，而且份量大件兼抵食。由於我唔係燒味熱愛者，我唯有選擇佢哋嘅常餐同埋炒粉麵飯。 今次我個friend encore咗乳豬油雞飯，我就叫咗肉絲炒麵。 但係由於太多人嘅關係(好多人都係幫襯佢哋嘅乳豬飯)，我個炒麵到咗，我個朋友嘅雙拼飯都未到，嬲到佢咕咕聲。 不過其實我覺得係miss咗佢張單(因為遲嚟客人都已經有得食🤷🏻‍♀️)，結果我哋摧一摧之後，個侍應好快就拎咗一碟雙併飯嚟。 我個friend話啲乳豬感覺唔新鮮(啲皮淋嘅)，同上一次食爭好遠，加上啲雞又少，佢就好後悔😂兼且佢食咗我個肉絲炒麵之後，覺得我個炒麵更為出色(好有鑊氣，同上次差唔多)。價錢合理，但燒味質素參差。或者，應該要再比多一次機會佢。

🍪【#上環】【糧尾精選】龍邦燒味小廚茶餐廳 Dragon State Kitchen Restaurant💥陳凱琳最愛龍邦叉燒💥.🍪睇完雪姨實測全港5間最好味叉燒，就去咗試陳凱琳最鍾意嘅龍邦叉燒！😎等我同再興叉燒比較下啦😋龍邦叉燒的確好出色，更加濕潤有光澤✨肉質都好嫩滑，調味更加甜~ 想食邊間就要睇個人口味，我都係鍾意再興多啲，個邊更脆！🥰.✧Together with Snow E the youtuber, 👸🏻Miss Hong Kong Grace Chan declares Dragon State Kitchen Restaurant is her favourite Char Siu place in town, aftering trying out 5 reputable restaurants. The Char Siu is undoubtedly drool-worthy, moist and tender😋. The seasoning is more honeyed than that of Joy Hing’s Roasted Meat. However

之前喺YouTube睇到陳凱琳推介呢間燒味店嘅叉燒， 已經好想試。咁岩喺上環又有啲肚餓，就去咗呢間燒味店食晚餐。佢嘅燒味飯餐有好多唔同嘅拼法， 諗咗陣之後決定試佢嘅乳豬三寶飯。乳豬飯唔係間間燒味店都有， 就算有價錢都唔平。而佢呢間乳豬三寶飯只係$67， 仲有跟餐湯或者飲品，真係好抵食。 本身就想食佢嘅叉燒先至嚟，所以呢個三寶飯我就揀咗乳豬拼叉燒燒肉飯，做咗超級食肉獸。 落咗單之後好快上餐湯， 超級鹹飲咗兩啖就頂唔順講返個三寶飯，份量超級足， 燒味大大嚿同埋飯嘅量都好多，已經叫定少飯，都仲係好多。 最出色嘅都係叉燒， 一嚟到已經聞到好香， 邊位燶燶哋香脆，叉燒汁好夠甜，鍾意食偏甜嘅叉燒一定唔可以錯過。 至於乳豬同埋燒肉呢， 都係偏瘦， 味道不過不失，同其他燒味店冇咩大分別。下次嚟嘅話我可能揀單拼叉燒飯或者就咁叉燒。