糖宮甜品專門店 (積信街)

Open Now

Now Closed

工作壓力好大，今晚我要同朋友任性下，甜品做我地嘅晚餐！！Rar !! <芒果窩夫伴雪糕>窩夫外層香脆，啖啖都有濃郁蛋香，糖霜上面係我至愛朱古力醬，店員好細心，幫我地再加多d朱古力醬😍配芒果粒粒同cookies and cream雪糕，正呀！<蘋果玉桂香蕉酥皮卷伴雪糕>呢個有驚喜！外面係好薄好脆嘅酥皮，咬落去有少少好似蛋糕咁嘅質感，裡面就係香蕉！朱古力醬同香蕉永遠都係我最愛的perfect match! 點埋雲喱拿雪糕一齊食好夾！<椰皇燉蛋白>個面有焦糖同士多啤梨！蛋白好滑~食完感覺皮膚會好咗😏<芋圓腐竹雞蛋>我係一個芋圓fans，呢度有好多芋圓mix嘅選擇！芋圓大大粒夠哂Q彈。腐竹雞蛋糖水好軟綿👍🏻

上OpenRice睇吓大圍邊度有糖水食，第一間就係呢一間，打電話去落定單，自己去攞。明明叫紫米露，但係整出嚟係紅豆沙加紫米。。咁你要講俾人聽囉，唔係咁老實。。。差差差

呢間糖宮甜品係我食過最有心整甜品嘅舖頭之一，而且價錢唔算貴，希望佢可以開多d分店啦🤪唔講咁多，去相先呢個椰皇燉蛋白又熱食同凍食可以簡，岩晒我呢d 鐘意食椰皇燉又怕天時暑熱要食熱野嘅我可以簡個凍食，而呢個凍嘅椰皇燉蛋白仲有焦糖喺面tim。波多野結冰係菠蘿綿綿冰再加菠蘿西米露組成嘅，菠蘿綿綿冰食得出係用鮮菠蘿製成嘅，唔會食到人工添加劑嘅菠蘿味，再加上用左半個菠蘿作為容器，打卡影相一流😄最後係即叫即製嘅朱古力心太軟，細細粒嘅心太軟一切開就流出濃濃嘅朱古力醬，而味道亦相當唔錯。同場加映勁清甜嘅椰青水，唔知道係咁岩呢個椰青真係咁甜定係買手簡貨好，呢杯椰青水係我飲過最清甜嘅椰青水之一。

由於我唔識踩單車，加上無咩朋友住大圍，印象中真係無點出過呢頭，對附近嘅餐廳認知可謂係零。既然呢排放假行商場行到悶，倒不如發掘多啲地區嘅美食。睇完戲之後，行咗一陣街就決定係大圍繼續覓食。亂咁係大圍兜左一陣，發現呢間定價唔算貴嘅甜品鋪，即興同人一齊甜品放題。-椰皇燉蛋白（熱）＄55甜品新鮮滾熱辣，入口帶有蛋白獨特嘅微微鹹香。燉得頗唔錯，表面光滑無瑕，無多餘紋理。食落嫩口，滋潤養生。仲可以挖埋椰皇入面嘅椰肉，清甜爽口。-菠多野結冰（一路向西）$68每次聽同講個名都覺得好搞笑。菠蘿如其名，真係好多，唔止雪花冰足料，果肉都好足，完全唔吝嗇。菠蘿雪花冰呈淺黃色，甚具夏日氣息，食落亦有菠蘿果香，綿軟透心涼。最驚喜係食食下發現底層墊住一層層菠蘿切片，好滿足。西米露滑捋捋幾彈牙，如果再重椰味多啲就更完美。入面亦有大量菠蘿切片，每塊都好厚身多汁，微酸開胃。-朱古力心太軟伴雪糕（綠茶＆曲奇）$52店員推薦咗好幾款甜品，心太軟係其中一款。仲可以揀兩球雪糕，我地就揀咗綠茶同曲奇雪糕。自己好少食心太軟，原來真係幾好食。外層嘅蛋糕溫熱軟熟，帶有微脆口感，內裡有流心黑朱古力，甜潤不膩。綠茶雪糕幾清香，另一款雪糕幾有咬

下午時份經過，因為突然想到要吃芋圓，難得發現大圍有，便停留在這店光顧。店鋪很小，而且是剛開門不久，也沒有人，我是第一位顧客。我點了一個佛系芋圓，和芋圓糖不甩來食。那時未食午餐，所以吃得有點多，哈哈。不過有點失望，這邊的芋圓，沒有想像中的好。芋圓有點細粒，而且口感很硬的，不夠彈性。就算是芋圓糖不甩，也是同樣情況，芋圓有點硬，且細小。我覺得以這個價錢來說，是叫我失望的。難得以為大圍有芋圓食，原來也是不夠水準，的確讓我失望。我想，假如大家要吃芋圓，還是選擇別家的比較好。這個價錢，應該有更好的其他選擇！

喺大圍食完飯梗係要食個甜品啦，呢間新開坐得比較舒服所以就揀咗佢。食甜品仲可以對街坐，算係咁啦～叫咗個椰皇燉蛋白椰青水， 以為只係一個燉蛋白原來仲有個椰青水另上，好抵！椰皇燉蛋白係新鮮原個燉，椰子味非常濃，蛋白嘅火喉同比例就掌握得過火小小，所以有比較淋，亦令到椰青味更濃，叫做打返個和啦爆芒有新鮮芒果肉、小丸子、芒果味爆珠、西米同明珠，仲有芒果布甸同一球自選雪糕。份量比較細，味道ok，整體係幾有心思同誠意。大隻仔店員哥哥超好人。我哋叫咗個呢嗱雪糕，落order都冇錯，但係就上咗芒果雪糕，最後佢補返一個雲呢拿味雪糕俾我哋。兩個甜品都有兩份，搞搞下好似叫咗四樣嘢咁，好抵食😂小店來講算係質素幾好，款式又多，仲有優惠，下次一定會再來👍🏻

每朝搭火車番工都會經過大圍，卻沒有去發掘這個地方的心。難得今天朋友介紹我到這區剪頭髮(這區真的有很多大大小小不同的髮型屋)，由於剪髮前已簡單地吃過晚餐，所以一完事就決定吃過甜品再歸家。這裡離火車站大約五分鐘路程，頗易找到。檯上擺放了一些椰殼裝飾，配上不同字句和插圖，非常可愛。點了一個<椰皇燉蛋白>，本身想點熱的，不過只有冷。蛋白表面鋪上了一層燒過的焦糖，椰香濃，蛋白滑，食完皮膚都滑左。<白雪>個底係北海道冷凍，配上小丸子、西米、新鮮芒果，芒果雪糕，多重口感，味覺一流。

娜娜這晚好想食芋圓，男友二話不說帶我去食糖水。目標明確的我點了個佛系芋圓，男友本想點個落重西，可惜沒有西瓜，便改要了個楊枝甘露雪花冰。等候期間男友去了買飲品，娜娜獨獨坐、東張西望，見到枱上宣傳牌寫著「真材實料，用心製作」，默默心想：間間食店都自稱真材實料，難道間間食店都真材實料.. 娜娜就只是這樣想了一想，沒有放心上。娜娜的芋圓先到，口感ok，有涼粉平衡甜味，滿足💕然後是男友的雪花冰來到，嚐了一口，再多吃幾口，冰不只是水味的冰，而是啖啖都有楊枝甘露味，娜娜頓時刮目相看，腦海飄過「真材實料」！頓時想起要寫食評支持，但娜娜心急食食食，竟然忘了相機食先，特此留影紀錄自己的不稱職😂😂

元宵佳節就梗係要食湯圓啦，今次就去咗大圍好出名嘅糖水店«糖宮»，先係講下食物嘅味道先，1)大雜圓，配料有芋圓，地瓜圓，芝麻湯圓，花生湯圓4種，芋圓，地瓜圓好Q彈，而芝麻湯圓，花生湯圓皮薄涵多，配埋薑湯，真係一流！

又再嚟呢間甜品店，今次試左以下甜品芒果三重奏芒果粒，西米露，爆爆珠，芒果雪糕，芒果布甸超級豐富嘅芒果三重奏，一開始冇認真睇個內容有啲咩，結果食左兩啖先發現原來有芒果布甸係入邊，超級驚喜！芒果布甸好幼滑，而且配上芒果雪糕，西米露，爆爆珠咁食，陣陣嘅芒果味由唔同質感同香甜咁樣湧入味蕾，層次感爆登！最重要嘅係芒果好新鮮好香甜，一啲都唔酸。呢個芒果三重奏足料又啖啖肉，芒果迷一定要嗌！椰王燉蛋白(凍)唔係間間甜品舖都有椰王燉蛋白，嚟到呢度見到就嗌黎試下。可惜原來熱嘅每日只限定10個，我哋太遲黎喇，好彩仲有最後一個凍嘅可以嗌😢。椰皇係正常size，打開有八成滿嘅燉蛋白😇燉蛋白每一啖都好幼滑，唔會有渣。由於係凍嘅，食落每一啖都好清涼透心，感覺非常滋陰養顏🤩食完蛋白都未夠，椰子入面邊邊位全部都係椰肉，梗係要食埋！晶瑩剔透嘅椰肉超級香甜，勁香椰味，唔會因蒸完冇晒味，我將所有椰肉都清埋先收手！菠蘿冰呢個並唔係一般嘅菠蘿汁！消暑嘅新鮮菠蘿蓉溝左椰奶，口感有少少似smoothie咁，仲要每啖都食到有菠蘿蓉係入面添，個人好鍾意傑少少嘅飲品！友人話似係水果cocktail個種味，不過呢個無酒健康啲lor hehe

10pm 左右去到，剛好唔洗等位，間野好多人食。叫左個芒滋枝，中間有芒果布丁，真係好好食，唔係太甜，啱晒我。唯一唔好係個份量有d 小...約$43。不過再經過大圍都會再返去食過～

平時跟朋友去開鬧市區食飯之後都會吃個甜品，因為勝左夠選擇多，但等候時間通常都會很長。今次剛好去大圍找朋友，他說有質素的甜品店都選擇開在小巷裡，低調用心的經營，好像今次推介大家的【糖宮】，誠意出品，只等結識有緣人。朋友帶路，嚟到大圍其中一間糖水舖【糖宮】。位於大圍積信街，店內有門口一預位置、地面及樓上雅座，店鋪以卡位為主，坐位乾淨舒適，裝修也不差的。全店總共可以坐40-50人、見到老闆應該幾喜歡蠟筆小新既公仔，因為佢既蹤影不少呢。選擇甜品個陣，老闆十分親切款待，仲介紹我地兩個甜品，就係「朱古力心太軟」同「椰皇燉蛋白」。最後點了三樣，價錢唔貴，算係做左個街坊價吧！椰皇燉蛋白$50每日限定！！！！！！！燉蛋白老實說是好味的，但特別地方不多！蛋白份量都幾多，入口的燉蛋白滑溜無比，還有很清香清甜的椰皇味道。真材實料，有驚喜。椰皇清甜，鮮奶香濃，蛋白幼滑，三者合而為一就成為一道人人喜愛的！朱古力心太軟即叫即焗，配上兩球雪糕，有幾種味選擇，最後選了 芒果，朱古力。必開時朱古力漿如湧出，濃厚的朱古力不算膩，外面少少脆口入面鬆軟，兩者外脆內軟，兩種口感，唔同滋味感受配上雪糕一冷一熱，老闆仲話個朱古力漿煲

下午茶甜品餐.焦糖菠蘿吉士拿破侖🍍呢個甜品係「隱藏餐牌」先有架🤗老闆娘非常熱情同健談，傾傾下就話整款創新既甜品😍😘😚首先賣相已經好吸引！焦糖菠蘿好鮮甜啊，輕輕燒過做到脆脆效果🤤拿破侖做到一個脹卜卜既散紙包咁，酥皮食落香脆鬆化，中間仲夾左吉士醬添👍🏻想食就show小編既食評問問啦😁.美麗槤夢露鐘意食榴槤既朋友絕對唔好錯過呢碗，真係超正😍用芒果糖水做基底，係用新鮮芒果打成的！加入西米、芒果肉同榴槤肉，食落係啖啖榴槤香，一邊食一邊講好味🤤.菠蘿椰奶特飲🍹呢杯唔係菠蘿汁咁簡單，溝左椰奶後有種超rich超creamy既感覺🤩.推薦大家支持一下小店，好難得見到小店老闆係每一細節上都一絲不苟，咁用心經營❣️

今日係大圍發掘到一間與眾不同既甜品店🍨,佢既裝潢同格局有別於一般連鎖甜品店, 好有風格同特色, 同朋友試左好多款甜品呀! 😋菠蘿拿破侖呢間甜品店係有hidden menu既，餐牌上只搵到芒果拿破侖。經老闆娘推薦下試左呢道隱藏甜品😮。 拿破侖一上枱有小清新既感覺✨。上層係菠蘿粒🍍, 表層係微微燒焦既金黃色焦糖。 因為係即製既, 焦糖咬落去果下暖粒粒, 菠蘿肉就涼涼地, 完全係冰與火既交融❄🔥, 口感好豐富, 咬到一半仲感覺到菠蘿汁慢慢滲出黎，好juicy💦! 至於下層既拿破侖好香口, 夾心既cream 錦上添花🌸, 同拿破侖一齊食時中和番個甜度, 唔會好「漏」, 甜品碟上仲有靚字tim ar!朱古力心太軟伴兩球雪糕本人覺得成功既心太軟係可以訴說到人生–「先苦後甜」, 呢個心太軟好成功呀👏🏻, 我最欣賞既係朱古力甜度調得岩岩好, 唔會太苦又唔會太甜, 一開始食到小小苦澀味, 隨之而來就係甜味, 簡直係品味人生呀! 外層既蛋糕軟硬度適中, 切開流出濃濃既朱古力漿🍫, 細心咀嚼下食到有藍莓粒, 熱熱既心太軟再加一啖凍凍既雪糕, 真係成個心都軟晒💞美麗蓮夢露呢道甜品既名好cute😍，例如呢道「美

上星期去左大圍探朋友，朋友推薦喺大圍積信街有間好食甜品店叫做糖宮，晚飯後就跟咗佢去試下有幾好食啦！餐廳以白色燈光為主調，感覺柔和舒適。樓上2樓還設有雅座，座位好寬敞的啊糖宮主打各式各樣的西式甜品，比較出名的是椰皇系列椰皇蛋白伴湯圓 $63即是3.6牛乳燉蛋白蛋白炆燉得超級嫩滑，不會太甜，帶有濃郁的牛乳及蛋白香，非常滋補養顏！湯圓分別有黑芝麻同花生湯圓，外皮Q彈有嚼頭，內裏包着滿滿的流沙芝麻餡，好味道啊榴槤爺爺 $68同樣都係有3.6牛乳燉蛋白，另外有大量小西米及榴槤肉，整個燉蛋白都充滿著榴槤香，大滿足！另外仲有一大球榴槤雪糕！榴槤迷一定要試試哦！