皇冠(呂宋芒)專門店 (耀華街)

Open Now

Now Closed

食完飯諗住食甜品去甜姨姨，但係見到勁多人排緊隊，就試吓呢間喺隔籬冇乜人嘅甜品舖🤣點知都幾好食喎。不過價錢有少少貴，個人認為佢呢個份量嘅話可以平啲。🍽️爆芒小丸子有好多芒果同埋小丸子鋪喺芒果刨冰底上面，芒果嚟講其實唔算好甜，招牌嚟講嘅話就差少少🥲冰就正常，同甜姨姨比就冇得比啦，係普通刨冰。炎炎夏日食呢個甜品其實幾滿足嘅！🍽️抹茶麻糬窩夫（半份）呢個有驚喜😋個窩夫本身都好好食，有蛋香味，好脆口，裏面有少少煙韌，配上抹茶醬又唔會太甜，推薦！略嫌佢紅豆麻麻，不過我本身唔係好鍾意食🤣

夜晚11點左右得返呢間糖水鋪有開，入到去見到個menu 都好貴下，但仍然好多人係入面食糖水。今次嗌左個楊枝雪山，亦等左十分鐘，朋友既糖水都上齊，我呢個係最後一個先到。黎到個畫面都幾震撼，個甜品真係好大，而且係食極都食唔晒，佢溶冰溶得好快，好快個杯就半滿，就算兩個人食都食唔切，建議4個人share 食會好啲。我以為會比較重楊枝甘露味，但佢係重芒果味，芒果唔會酸而且好甜，最後食晒啲芒果就果斷放棄左，下次會試下皇牌，份量都比較正常。

✨自選皇冠冰冰🍧✨購自: 皇冠(呂宋芒)專門店（銅鑼灣耀華街31號地舖）價錢:$88推薦度:8/10-自選咗芒果刨冰+芒果粒+菠蘿+金柚+小丸子🍡+寒天 芒果刨冰底用新鮮芒果打成 食落好香滑 口感似沙冰 芒果味好濃郁 一啲都唔淡‼️加咗唔同嘅水果🥭特別係芒果粒 食落香甜冇渣 配埋煙煙韌韌嘅小丸子🍡 同Q彈嘅寒天 我冇再額外加花奶同埋椰汁已經好夠味💛-✨綠茶麻糬窩夫 半份🧇✨價錢:$88推薦度:8/10-綠茶麻糬窩夫即叫即整 口感外脆內軟 上面加入咗紅豆🫘綠茶布朗尼 粟米片 同埋吉士醬 綠茶布朗尼口感鬆軟 食落好香茶味🍵不過偏甜少少🤏🏻 特別欣賞佢嘅吉士醬偏稠 唔會水汪汪🔅整體口感好豐富 但所有配料加埋偏甜咗啲！

尋晚早左食完晚飯，行過耀華街，見唔太多人，拿拿聲入黎食返個糖水😁肥仔店員好有耐性介紹我地食乜，雖然睇佢個樣好惡 🤣🤣 原來佢好鬼funny 😁😁同兩個朋友叫左個香蕉朱古力窩夫配雪糕，仲有芋頭椰汁西米露。首先講下香蕉朱古力窩夫配雪糕 😋😋 即叫即整 熱辣辣再加埋雪糕非常好食，香蕉都好新鮮， 推介推介🉐芋頭椰汁西米露 鍾意食芋頭嘅你必食推介👍🏽👍🏽 好香嘅芋頭味 😋仲要非常足料👍🏽 椰汁甜到適中， 西米一粒粒好有口感🉐🉐🉐食完之後先發現 ，嚟到呂宋芒專門店，冇叫到芒果嘅甜品添， 下次一定要留肚過嚟食糖水😁

平時好少行去耀華街，除非去飲酒，但每次經過都見到要排隊，今日同朋友出去食飯，食完諗住行吓去散步，見到竟然門口冇人排隊，就衝左入去食，雖然唔使排隊，但係人流都好多。首先入到去環境不錯，之後老闆哥哥亦都細心解答我們的問題。上菜時間亦很快，至於食物質素我覺得很滿意，以前食開都好似飲糖水咁，但今次我覺得個甜度適中，芒果亦很新鮮很甜。價錢亦唔貴。難怪每次經過都見到有人在排隊。係一個很不錯的體驗，會推薦給朋友👍

平時經過耀華街，見到呢間鋪人頭湧湧，大排長龍，今日食完飯見到時間尚早就排左一陣間，好快就有位入到去試。試左芒果小丸子，芒果鮮甜新鮮，小丸子口感煙煙韌韌，不會黐牙。一個人嘅食量太少，下次要叫多啲朋友來試👍👍

一試就愛上😋不得了::::::::::::::::::::::::::::::食材新鮮，真材實料啊！難怪排哂長隆啦原來係原因既！係值得架！「招牌皇牌」個份量大碗到呀😅d芒果多到呢⋯要2個人食先食得哂，食得岀係真芒果味並唔係芒果醬同假芒果🥭真係冇揸流攤嫁禍店員肥哥哥仲誠意推介左個新岀品「芒果蛋餅」齋睇賣相覺得平平無奇….原來有驚喜㗎入面用咗（吉士醬），酸酸甜甜好惹味好開胃🤤令我哋一試難忘，每次去都一定會必點！睇到個餐牌種類多款到，想每款都叫🤭但可惜眼闊肚窄，唯有下次叫多幾個人一齊去先得🤗咁就可以試哂所有西式甜品中式糖水

聖誕節喺時代玩完飄雪，行吓行吓 無意中發現到一間隱世芒果糖水舖😨第一次試，肥哥哥職員態度好好，好有趣😂雖然佢個樣非常凶狠🤣但見佢同全部客人都有講有笑😂發現佢有好多fans皇牌芒果，勁大碗😂😂建議兩個人食絕對對得住個價錢 啲芒果多到食唔晒🤣仲試咗個店員推介嘅朱古力窩夫即叫即整，入邊仲要有麻糬！！ 勁多人排隊，如果可以多啲枱就更好了。仲有好多嘢都好想試 想試晒成個Menu嘅下次必須會試店員推介嘅椰皇燉桃膠糖水

不嬲都留意到銅鑼灣同灣仔唔多糖水舖有紫薯糖水賣，不過終於俾我發現呢間甜品店有！！超足料非常好味非常濃郁，啲紫薯煮到好淋好粉好好食👍🏻👍🏻又夠薑味，個糖水包六粒煙韌芝麻湯圓，我媽咪同家姐都好鍾意食！見佢個Menu都好豐富有好多其他好多選擇，好多唔同款嘅芒果甜品，又有麻薯窩夫，又有刨冰，仲有燉椰皇蛋白！下次會試吓佢哋d凍嘢🤪，呢幾日天氣凍就食返暖笠笠嘅嘢先🤤😝誠意推介👍🏻👍🏻👍🏻

刨冰成碗貓肉泥咁，一嚟到賣相已經唔好，荔枝好酸。店員態度差，問雪糕有咩味揀答得唔清唔楚，好細聲咁樣講咗句芒果煉奶朱古力，但又冇示意叫我揀咁，又唔理人，又行到好遠。窩夫$86 得半件份量好細，雪糕勁爆甜，而且浸味好假。如果唔係甜姨多人唔會食佢，冇下次！！食完成個口好甜到好唔舒服。

尋晚經過銅鑼灣好想食一個熱嘅糖水暖暖身入到糖水舖唔知食乜好問問店員有乜好介紹店員好有耐性了解一下我中意嘅口味之後介紹我食椰皇雪燕桃膠燉蛋仲話我知啱啱新鮮出爐😁咁我就叫咗個椰皇雪燕桃膠燉蛋食店員果然冇介紹錯👍🏽👍🏽非常極之啱我口味😋😋個燉蛋嘅蛋好香蛋味🥚🥚慢慢嗒落去仲有一陣陣嘅椰皇香味🥥🥥仲要非常足料👍🏽極力推介呢個椰皇雪燕桃膠燉蛋$82一個 個好值得一試😋尋晚食完真係一試難忘😍即時愛上❤️經過銅鑼灣嘅你一定要試下佢👍🏽

中午諗住食返個糖水啦，入到黎已經見個四眼阿姐掛住撳電話，都無咩理我， 一出聲 就會悔氣氣 😤叫左個鴛鴦紅綠豆，點知煲燶咗少少， 有少少燶味， 我食咁耐佢撳咁耐，機不離手，勁

芒汁芒果西米露冇味西米露口感有啲爛個員工咩都唔識… 連menu有咩都唔知又貴又難食。 八達通機又唔係好work 啲嘢又冇味 芒汁得好少同埋個汁本身係冇味 非常可怕。 要自己買芒果汁倒入的去先食得落口

店舖裡面的職員服務態度非常惡劣。安排座位前用較惡劣的口吻問食甜品目的是食野或是聊天。當時店內有一張長枱，但他沒有及時安排座位，只是用質疑的口吻了解我們來甜品的目的

9個人想入去，見有張大吉枱，個肥仔極度唔耐煩咁問我哋：食嘢定傾計？我喺香港三十年，未聽過入一間糖水店只可以食嘢。原來食糖水最近兄唔應該傾計。多謝。以後唔想再經過。