張公館

Open Now

Now Closed

張公館坐落於銅鑼灣登龍街V Point 29樓，居高臨下，能飽覽維多利亞港的璀璨夜景🌃餐廳的裝潢典雅，以現代中式風格為主🏮座位寬敞舒適，適合親友聚會及招待商務客戶。🔸脆焗鮮鳳尾蝦吐司/2件  $96吐司外層酥脆，內裡鬆軟，亦不會過於油膩，搭配上鮮嫩的鳳尾蝦🦐蝦肉新鮮彈牙，口感層次豐富。🔸羊肚菌松茸竹笙花昔燉湯  $98燉湯蘊含著濃郁的香氣，羊肚菌和松茸味道鮮香🍄竹笙則增添了口感上的清爽。每一口都能感受到湯頭的鮮美與滋補🥰既暖胃又暖心，絕對是冬天的滋補佳品。🔸鐵板西班牙叉燒  $288作爲招牌菜之一，果然名不虛傳。叉燒選用西班牙黑毛豬肉🐷半肥瘦的肉質，細嫩多汁外層經過鐵板的高溫煎烤🔥形成了一層微焦的香脆外皮，內裡卻依然保持著粉嫩的色澤。🔸櫻花蝦脆米海鮮炒飯  $298炒飯粒粒分明，口感鬆軟，搭配上鹹香的櫻花蝦和香脆的脆米💥形成了獨特的口感對比。海鮮的份量十足，包括大大隻鮮蝦🦐鮮嫩帶子等，每一口都吃得豐富又滿足。

今晚同朋友去咗銅鑼灣一間好靚view 的中菜餐廳，落地玻璃窗可以一覽維港的景色，真係超正，望住海景食嘢超舒服！除咗環境靚，食物都好好，桌上已經有蕎頭和炸魚仔花生做小食！潮式香炸蝦棗：啱啱炸起熱辣辣，用咗蝦膠芫荽等，食落去香脆可口，就咁食已經好好食，再點埋自家製醬油更加好味，酸酸甜甜好開胃，醬汁有少少似梅味！蒜蓉粉絲蒸九肚魚：平時呢度菜通常係食開椒鹽九肚魚，用咗蒜蓉粉絲去蒸，更加食到九肚魚嗰種滑溜，而且骨唔算太多！潮式荷香欖菜肉鬆蒸菜心：看似是簡單家常菜，但也是不可缺少的菜式！欖菜肉鬆好送到飯，加在菜心上，更加增添吃菜的滋味！迷你東瓜盅：還記得以前的冬瓜盅係好大個😂起碼四至五人食飲可以，呢個迷你版真係啱晒，看似迷你，但係裏面超足料，鮮蝦、帶子、海參、花膠等…夏天消暑一流，湯底鮮甜又解渴！生磨蛋白杏仁茶：杏仁茶的香味，再加上厚厚的蛋白，食落去好滑桂花五色糕：顏色已經好繽紛，好有夏日feel，除咗桂花味，另外仲有蜜瓜，士多啤梨，芒果，椰汁！食到不同層次的口感，而且仲可以食到果肉！

經OpenRice 訂咗時已註明要窗邊枱,而且我們還早15分鐘到,竟然給我們另一張枱，還說他們沒有收到通知，我隨即說明我訂座時已指定，經爭取一番後，終於可轉回窗邊位，是晚酒樓也不滿座，唔知餐廳搞乜😤我們叫了兩個頭盤一個杏汁白肺湯，頭盤同湯還可以，到主菜「蝦醬骨」就差勁，豬肉有雪味，竹笙蘆筍就普普通通，甜品也是非常一般；總括來說，樣樣嘢都不如評語中那麼好，無論服務、食物質素、味道，唯一可取是環境，居高臨下，可以遠望維港，景色怡人，還有，一樣令我很不滿的就是離開時看到原來用某張信用卡有9折，但我埋單時侍應隻字不提，本人覺得性價比一點都不高，是次經歷並不愉快😕

這晚到來點了些家常菜，水準不錯。蒜蓉粉絲蒸九肚魚九肚魚肉質細嫩如豆腐，搭配吸滿鮮味的粉絲與金黃蒜蓉，蒸製後魚肉入口即化，蒜香撲鼻卻不嗆喉，粉絲吸滿魚鮮精華，是經典的粵式海鮮佳餚。 潮式香炸蝦棗潮汕風味的經典小食，將蝦膠混合馬蹄碎，捏成棗狀油炸至金黃色。外皮酥脆，內裡彈牙鮮甜，蘸上桔油更添風味。上湯金銀蛋浸莧菜 嫩綠莧菜以濃郁上湯煨煮，加入鹹香皮蛋與清甜鹹蛋製成的金銀蛋，湯頭醇厚中帶層次，莧菜柔嫩爽口，展現傳統中菜的湯菜精髓。迷利冬瓜盅精緻足料。生磨蛋白杏仁茶香滑，杏仁味濃，稠度剛好，不會過杰或過稀。桂花五色糕將五款糕點合而為一，一看就知是心機之作。有桂花的清香味，又有果肉增加口感層次。

呢日下晝嚟咗銅鑼灣飲茶，搵咗呢間望到維港靚景嘅中菜廳 ，叫咗兩款精緻小菜同埋幾個點心☺️香芒大蝦球一份有4件大蝦球，大蝦球輕輕炸過，唔會有好厚嘅炸粉，在沾上酸酸甜甜嘅香芒汁，令人回味無窮🍤 面頭仲有啲新鮮芒果粒粒，更加可以增加口感🥭碧綠雲腿白玉環我哋嗌咗一人一份，諗住夏天食樣清熱啲嘅食物👻 白玉環用上冬瓜肉，加埋面頭嘅雲腿碎同埋杞子，略帶點鹹香，底下仲有好鮮綠嘅菜苗添🥬鮮蝦菜苗餃晶瑩剔透嘅菜苗餃係必食之選，外層唔會好厚，而且餡料好飽滿😻 有原粒蝦仁同埋菜苗喺入面。田園鹹水角賣相造型特別，好似一隻隻紅蘿蔔咁，鹹水角嘅外層幾煙靭，入面嘅餡料唔會太鹹👍🏻酥皮菠蘿叉燒包勁鍾意佢嘅酥皮外層，同軟熟嘅麵包相映成趣，入面嘅叉燒餡都好豐富🐷脆脆笑哈哈用腸粉皮包裹住脆脆，入面就係彈牙嘅蝦仁，整個配搭都好豐富🦐茗茶我地揀咗較清熱嘅菊花，味道清幽🌼餐廳嘅服務都唔錯，如果想喺銅鑼灣飲個茶食個包，可以考慮一下嚟呢間有質素嘅餐廳 。

今日又黎咗銅鑼灣V Point食野，戈度嘅餐廳都有個共通點，就系望到靚景✨可以眺望維港海景食中菜好享受啊～✿ 陳皮水鴨燉湯兩種材料味道亦足夠濃郁，並有潤肺滋陰食療功效。清熱健脾，湯色清澈見底，滲出淡淡的果皮香。✿ 碧綠雲腿白玉環 系炆好嘅冬瓜，底部系杞子同埋菜苗🥬冬瓜向來有解暑作用，杞子清甜明目👀菜苗柔嫩軟稔。✿ 脆焗鮮鳳尾蝦多士向來好中意食炸物，大愛蝦多士🦐而且系用鳳尾蝦去做，裡面蝦膠打得結實，蝦肉新鮮彈牙，多士炸至金黃色，香脆可口🧡✿ 沙茶醬安格斯牛肉炒時蔬安格斯牛肉軟稔十足，油脂分佈均勻🐮連同沙茶醬撈埋一齊非常滋味，連同時蔬食有解膩作用。✿ 鐵板西班牙叉燒中菜館都有叉燒咁過癮😂仲要系西班牙叉燒😳充滿嚼勁但同時口感系剛好，滿滿肉汁，食得非常滋味🐷

前幾天天氣太悶熱了☀️，沒有心情煮飯，阿媽自己有節目，於是我和爸爸2人外出吃晚飯💃我們去了位於銅鑼灣「張公館」吃晚飯，是一間主打粵菜的中菜館。中菜館位於高樓層同時擁落地大玻璃，可以飽覽整個維港景色，非常悠閒寫意，環境也舒適寛闊👍🏻杏汁豬肺湯 $98這碗杏汁豬肺湯呈奶白色🐷，味道十分濃郁鮮美，飲落有濃厚的杏仁香氣，沒有半點油膩，絕對是女士喜愛的滋陰養顏靚湯之一🥰陳皮水鴨燉湯 $98夏天要飲一碗陳皮水鴨燉湯祛濕清熱😊，廚師用上8小時慢火精燉，湯色清亮，味道濃厚，飲落陳皮味道甘香，整體不膩口，夏天必飲❗️脆焗鮮鳳尾蝦多士 $48/件蝦多士炸得好酥脆，蝦膠口感彈牙🦭，蝦味十足，蘸埋沙律醬伴食一流。蒜蓉粉絲蒸九肚魚 $188說起九肚魚，一般會想到椒鹽食法😍第一次吃蒸九肚魚🐟，廚師已去除魚骨，吃下啖啖肉而且肉質非常嫩滑，配以冬菜及粉絲鋪底蒸煮，粉絲也吸盡魚汁精華，味道鮮美🩷夏果松子鮮百合西芹炒淮山片 $198呢道炒淮山片色彩繽紛🌈，厚切淮山片味道清香中帶有鮮味，口感爽脆，配搭夏果和松子的香脆、鮮百合和西芹的清甜，口感相當豐富🤩茶位 $20/位

高層食粵菜兼睇靚景！今次同friend試咗呢間隱世高級中菜，真係驚喜滿滿。🌸鐵板西班牙叉燒（半份）｜$168- 半肥瘦啱啱好，焦香得嚟肉汁爆棚，上枱仲「滋滋聲」🌸脆焗鳳尾蝦多士（2件）｜96- 多士金黃酥脆，蝦膠彈牙，用焗既方式代替油炸減低左油膩感🌸花雕蛋白蒸蝦球（1位）｜$88- 蛋白滑溜溜，蝦球又大隻又爽口，仲有陣淡淡花雕香🌸陳皮水鴨湯（1位）｜$98- 滋潤暖胃，陳皮香氣好突出🌸碧綠雲腿白玉環（2位）｜$96- 微微鹹香既雲腿湯淋上軟腍腍既冬瓜件，更加突顯出冬瓜既清甜🌸生磨蛋白杏仁茶（1碗）｜$48- 杏仁味好濃但又唔會太甜，蛋白重奶味好香滑。🌸桂花五色糕（1位）｜$58- 分別由4隻水果（椰子、芒果、火龍果、哈密瓜）+一層桂花糕組成，賣相吸精，呢個組合幾新穎，水果層中間仲會有水果果肉。

今晚同另一半去咗銅鑼灣張公館食晚飯，叫咗幾道小菜，整體水準好高，值得推薦！ **🍗 紅燒乳鴿** 乳鴿燒得恰到好處，外皮酥脆，肉質嫩滑多汁，用手撕開食更過癮！調味唔會太鹹，值得一試。 **🍤 櫻花蝦脆米海鮮炒飯** 炒飯鑊氣十足，櫻花蝦嘅鮮味好突出，最特別係加入脆米，口感層次豐富，海鮮份量都算足料。 **🥒 碧綠雲腿白玉環** 金華火腿嘅鹹香配上清甜冬瓜，仲有嫩綠菜心，味道平衡，適合鍾意清淡但又想有鮮味嘅朋友。 **🌶️ 春筍酸辣羹** 酸辣度適中，春筍切得幼細但仍然爽口，開胃又暖胃，份量啱啱好。 **🍢 鹽雞軟骨** 炸得香脆，鹽味適中，送酒一流！如果鍾意香口小食，呢道必點。 **環境 & 服務** 餐廳裝修雅緻，座位寬敞，適合情侶或者三五知己聚餐。服務員態度友善，上菜速度合理。 **總結** 張公館嘅菜式有心思，味道同賣相都出色，尤其紅燒乳鴿同櫻花蝦炒飯必試！價錢合理，會再encore！ **💡 小貼士** - 晚市人流較多，建議預早訂位 - 乳鴿即叫即燒，可能要等耐少少 - 炒飯份量足，兩個人食可以share

陳皮水鴨燉湯湯底清甜，陳皮香氣突出，水鴨肉質嫩滑，飲完暖胃又滋潤.碧綠雲腿白玉環賣相精緻，蘿蔔清甜淋身，芡汁好出色，有雲腿鹹香同杞子嘅香味，莧菜吸晒芡汁嘅精華！層次豐富，清新又唔膩，睇落簡單但係食得出入面嘅功夫同處理食材嘅細緻，非常推薦.蝦醬骨外層香脆，蝦醬味濃郁，肉質鬆化，配埋菠蘿又有另一種感覺，同蝦醬嘅味融合一齊甜甜鹹鹹咁都幾好食，送飯一流，啖啖都好惹味.XO醬黃金淮山面麵條煙韌，XO醬鹹香帶辣，配上淮山爽口，好足料大大碟又有鑊氣但唔會太油.海帶綠豆沙甜度適中，綠豆沙食到粒粒綠豆但係冇豆嘅腥味，一向唔鍾意食綠豆嘅我都覺得幾好食，仲為海帶帶出微微鹹香。.環境舒適，服務細心，望住維港景觀一流，菜式水準高，擅長用睇落簡單嘅食材配合唔同嘅調味同煮法，將食材發揮到佢最好食嘅味道，比淨係得個靚字嘅菜式好好多，唔簡單！

✨陳皮水鴨燉湯（$98）足料滋補湯品，每啖都有陳皮甘香味，後韻鴨肉清甜滲出，有助祛濕，好適合依家飲✨潮式香炸蝦棗（$108）蝦膠混馬蹄粒，裹腐皮炸成金棗狀，蝦膠彈牙帶脆粒口感，蘸桔油解膩更引鮮甜✨碧綠雲腿白玉環（$48）冬瓜如白玉透光，配搭杞子菠菜，非常清甜✨蒜蓉粉絲蒸九肚魚（$188）肉質嫩如豆腐，好滑嫩，蒜蓉炒香後輕鋪魚身，粉絲吸盡魚鮮與蒜香，好正✨上湯牛油大蝦球煎脆米粉底（$268）虎蝦開背裹牛油醬，煎出焦糖化脆香，而米粉炸成金黃鳥巢，米粉配上上湯，半脆半濕吸盡精華，可以有多種食法

朋友話有間係銅鑼灣既中菜館 好出名係精緻點心 又有d特色點心 仲有埋海景睇 趁放假就帶埋屋企人去食我地食左鮮蝦菜苗餃翠綠透薄的外皮裹滿彈牙蝦仁與嫩豌豆苗 蝦鮮與菜苗清香交融 爽口唔膩 櫻花蝦蘿蔔糕蘿蔔糕本身已經好好味 仲要加埋櫻花蝦 超多! 表層酥脆焦香 內裡軟糯綿密 蘿蔔超清甜脆脆笑哈哈個蝦炸到超脆 然後好似腸粉咁食 好特別既口感 而蝦都冇失到鮮味酥皮菠蘿叉燒包當叉燒包遇上菠蘿油 菠蘿酥皮甜脆帶奶香 內餡叉燒肥瘦適中 蜜汁醬濃郁帶微燻香 鵪鶉蛋燒賣懷舊功夫點心！燒賣頂嵌整顆溏心鵪鶉蛋 肉餡 紮實彈牙 初嘗古法手藝 出色 魚翅灌湯餃上台時仲出緊煙 魚翅超矜貴 望落去金黃醇厚 飲落去鮮甜 餃皮薄透卻承載用料十足

呢間位於銅鑼灣中心地帶嘅中菜館，有住令人着迷嘅維港景色，食物種類都好多，份量亦都好夠員工服務態度都好好，好熱心解答問題👍🏼🍲鯊魚骨花膠湯一碗已經夠兩個人飲，飲落去好濃郁好黏口，證明好足料😆而家仲做緊推廣優惠，性價比好高🍗椒鹽雞軟骨雞軟骨炸得好酥脆啱啱好，食落去一啲都唔覺得好油膩，加埋椒鹽粉，好惹味👍🏻👍🏻🥗碧綠雲腿白玉環用雲腿鹹香去炆冬瓜，令到冬瓜好入味😌底下仲有豆苗，鍾意食菜嘅必嗌🐟蒜蓉粉絲蒸九肚魚九肚魚處理得好好唔會有太多骨，肉質亦都好嫩滑連埋蒜蓉粉絲去蒸，令到九肚魚更加有鮮味🌶️XO醬黃金淮山麵表面睇落平平無奇，但其實入邊用料十足，又乾瑤柱又有蝦米又有蝦肉乾瑤柱同埋蝦米令到呢個炒麵好有鮮味，加埋XO醬有微辣嘅感覺更加惹味🤤

今次想同大家分享一下我成日幫襯既銅鑼灣張公館飲茶。呢間餐廳真係位處黃金地段，坐喺窗邊可以俯瞰全海景，真係心情都好好🌊首先，香煎鮮蝦韭菜餃真係唔可以唔試！餃皮薄薄，裡面包住新鮮蝦仁同韭菜，咬落去口感鮮嫩🥟另外，脆脆笑哈哈腸粉就好特別！外面嘅腸粉滑溜溜，裡面包住香脆嘅餡料，每一啖都係驚喜😋川式麻辣燒賣，真係唔可以錯過！佢哋嘅燒賣唔單止有肉味，仲有川椒嘅麻辣感，辣得剛好，食完之後口腔都會有微微的麻感🔥潮式香炸蝦棗4粒就係另一個驚喜，外脆內嫩，蝦肉鮮甜，真係好好味！仲有生磨蛋白杏仁茶，飲落去滑溜，杏仁香味濃郁，係完美嘅結尾🥤最後，桂花五色糕就係最受歡迎嘅甜品，色彩繽紛，口感Q彈，味道清甜，令人回味無窮！總括來講，張公館真係個飲茶好地方，無論係食物定環境，都令人流連忘返！下次記得約埋朋友一齊嚟享受呢個美好嘅飲茶時光🎉

久仰大名了，今次帶鍾意食中菜既媽咪黎食晚餐，點咗幾款推介菜式試，整體體驗充滿驚喜～陳皮水鴨燉湯燉湯好夠火候，湯頭鮮甜，陳皮香氣突出，水鴨肉嫩而不柴，暖胃又滋補。夏果松子鮮百合西芹炒准山片淮山片脆嫩，西芹爽脆，搭配夏威夷果仁和松子的堅果香氣，口感豐富。調味輕盈，突顯食材原味，健康又養生。碧綠雲腿白玉環賣相精緻，冬瓜（白玉環）吸收了雲腿的鹹鮮， 外層以碧綠菜苗點綴，味道淡雅卻層次分明。蒜蓉粉絲蒸九肚魚九肚魚肉質如豆腐般滑嫩，蒜蓉粉絲吸盡魚鮮，蒸製時間恰到好處。生磨蛋白杏仁茶杏仁香濃郁，質地細滑，蛋白增添口感，甜度剛好，暖胃又滿足。楊枝甘露經典甜品，芒果香甜，柚子微酸，整體平衡，不過甜不膩口，為晚餐畫上完美句號。菜式係傳統粵菜框架下注入巧思，食材搭配與烹調細節處見真章。加上銅鑼灣罕有的海景環境，服務亦周到，適合商務宴請或節慶聚餐。下次想試試招牌燒味同海鮮！