茶記

Open Now

Now Closed

我們搭輕鐵時見到餐廳外面幾多人，就被吸引左入嚟。等候時間有點久，不過等位的時候店員都好友善咁同我哋講等候時間，知道我哋唔想坐出面吸二手煙後，店員亦都安排室內的座位給我們。當日我哋叫唔到餐牌某些小菜（例如煲仔飯及薑蔥生蠔），所以當晚我們只叫了一些家常便飯的小菜。食物質素方面，我本人最喜愛吃蝦仁炒蛋，不是每一間餐廳都能把炒蛋炒得滑，而且蝦仁亦很新鮮。我們全部人最喜歡吃的就是土魷肉餅。這道小菜亦都是店員介紹我們吃的。雞煲的調味做得不錯，店員亦細心提點我們把大件的雞塊預留後期才吃，讓雞塊更入味。看得出廚師有用心做好每一道小菜。雖然我們等到等候時間有點久，但是能吃到美味的食物也是值得的。服務方面亦做得不錯。店員不時也與我們亦閑話家常，感覺非常有親切感。感到驚喜的是店員見我們四人坐得有點迫，特意在讓我們轉去剛執拾好更加大的飯桌享用晚餐。這一點非常值得欣賞。食物環境方面，環境有點擠迫，飯桌之間的空間不夠多，比較是大排檔的形式，所以不是非常整潔。希望小店可以保持水準，下一次也會來光顧的

雖然餐廳名叫茶記，不過一到夜晚就變成大排檔格局，火鍋、煲仔菜、鑊氣小炒樣樣齊，晚晚都好多街坊熟客捧場。最值得讚嘅係老闆娘同店員態度好親切好健談，就算人多都盡量招呼每一位客人。推介滷水雜錦超多唔同部分食材（鵝腸/生腸/香腸/豬耳/腎片/豬大腸/豬頸肉)；沙薑雞腳整得好淋好入味；白灼大尾尤好新鮮；仲有胡椒豬肚雞煲，份量多到4個人都食唔晒，正！

同一班朋友宵夜 去左食椰子雞一隻雞 可以再叫小菜 分量滿滿椰子雞 超級好味 好夠椰香味 店員都好helpful 幫手整雞 同教我地要等滾起 熄火焗六分鐘 一夠鐘 個個都第一時間飲湯 好夠味係油左啲 撇咗啲油嘅話就好啲隻雞都好滑 好味道 下次一定再黎

有時夜晚搭車經過見門口坐滿人都想試下， 畢竟依家好少開到零晨嘅食肆。今晚一家3口終於遲兩個站落車去試下！老實講睇到價錢唔算街坊價🤔，揀咗個$248比較實惠嘅胡椒豬肚雞煲，加火鍋配料菜，滑牛，墨魚滑，炸支竹，雜丸，韮菜餃，啤酒，以為份量同一般酒樓一樣，仲驚唔够食，點知份量係酒樓嘅一倍😄。首先真係半隻雞，啖啖肉係豬肚小咗啲🤭！比較鍾意頭啖湯，落咗料就無乜胡椒味！滑牛，墨魚滑，韮菜餃都新鮮，配料比平時叫得少，但份量足，3個人食到好滿足！😋(附相片內份量已食咗一半，先記得影🤭)老細兩公婆都好客，健談，招呼周到，所以個場氣氛唔錯，好似個個都係熟客咁😅！下次可以試其他菜色，睇係咪都物超所值！😝

啲嘢食真係大碟，又勁好食重點老闆娘同老闆勁Nice❤️食得好開心，好耐冇食過咁有人情味同埋啲嘢咁好食嘅餐廳，蜜椒薯仔牛柳粒，涼拌魚皮，黃金四寶，脆皮炸豬手，炒粉麵飯…….真係樣樣都勁好食真係唔試，唔知道而家香港仲有啲咁好嘅餐廳如果你食，記得要book位😂因為長期都爆場唔book位有排等💪🏻💪🏻💪🏻💪🏻💪🏻💪🏻好明顯附近隔籬左右嘅餐廳長期都冇乜人食，就知道呢度有幾好食啦🤩

父親節飯🥰平時經過已經聞到好香，今次終於試左～豬紅好味！ 推介💓秘制醬汁好味，小辣，夠香。豬紅係外地煙靭，內裡軟滑個隻～我之前食過類似呢隻味既醬汁，但豬紅冇咁滑～豬紅有咁好味既，個醬汁又差左小小～薑蔥魚卜啱我口味💓唔會好多粉落去走油個種～美中不足係如果有小小辣味吊下就更香啦～可能下次可以要求小辣就perfect了～九吐魚略嫌細條左小小，但整體唔錯，唔會太厚粉，調味香口，會再食～田雞正正常常，不過我食到有舊仲有小小紅～唔差，但唔算吸引，因為都小柴～個炒蜆係叫錯左，本身係想食花甲，叫錯左炒蜆🥲🥲但係有十零隻蜆應該係唔夠熟，未開曬殼～同埋覺得整體咸左d，但間野本身個口味唔差，下次應該會試多次～呢間餐廳都係食大排檔野，但可能我本身少周圍去，所以我覺得已經好好食～因為我之前去何福堂食大排檔感覺太厚粉，友愛就似烚熟完d野打芡～侍應服務態度幾好，又nice～環境方面大排檔黎講都算幾企理～食物質素整體唔錯，夠香口，唔係勁厚粉，勁大pat芡個d～我本身都懶打呢d食評野，所以特登打得，都覺得係值得一試的～雖然我d評分唔係全5星，但食大排檔，我目前淨係敢食呢間😂😂祝生意興隆，keep到個食物質素💓