Cappadocia Turkish Kebab

Open Now

Now Closed

前排過灣仔做嘢，見到駱克道開咗間新嘅土耳其餐廳，餐廳企理光猛，餐點都幾吸引，一試有驚喜！雞肉串裹（$50）份量幾大，食曬一卷都幾飽，沙律菜、烤雞肉同餅皮比例幾平均，餅皮口感煙韌。如果食得辣記得試spicy，呢度嘅辣醬超惹味！混合燒肉串飯（$70）舖滿土耳其烤肉配有沙律菜同飯，加上薄荷醬同辣醬，每啖口感同味道都好豐富，睇落唔算大份但其實幾飽。呢個質素同價錢嚟講，絕對係附近上班族恩物！另外餐牌翻譯好有趣，等食嘅時候不妨再仔細睇下🤣

好多朋友同於 Kebab 呢樣野有好大嘅誤解，以為用 flatbread 捲住果樣野叫做Kebab，其實Kebab 本身係「烤肉」嘅意思，佢可以以好多唔同嘅方式呈現出嚟，同埋其實係可以來自好多唔同地方。 喺灣仔出席活動之前想食個快lunch，諗起呢間以土耳奇名景點 卡帕多奇亞（Cappadocia）命名嘅 Kebab 新開未試過，啱啱過左 peak hour 又無乜人，一於試試佢。 佢 lunch 都算好多選擇，有卷、包、沙律或者飯可以揀，價錢都合理，又夠光猛，食 lunch 唔錯，不過唔好講笑啤啤佢先，佢地有嚟自土耳奇酒廠 Anadolu Efes 嘅啤酒，Anadolu Efes 係全球第１１大嘅啤酒廠，來頭相當勁～ 不過見到佢個頂有塊好似益力多咁嘅錫紙，唔同係揭開張錫紙就咁飲?！ 非也，想太多了，其實只係裝飾，都係一個正常嘅啤酒罐嚟嘅。野食叫左一個羊肉串wrap 同一個羊肉串沙律，兩個都幾好食，完全對得住個價，基本上兩個嘅味道係一樣， 分別只係一個係菜底， 一個係跟 flatbread包住少啲菜.. 佢地嘅將嘅比例同配合都幾好， 我自己下次就會叫佢加辣，除此以外無乜投訴喇

灣仔駱克道開咗呢間好光猛嘅土耳其店, 主打Kebab烤肉, 100%天然eco-friendly, 即叫即做Lamb Kebab Salad - 羊肉加上薄荷汁同少少辣嘅醬, 惹味唔單調嘅沙律 沙律菜底都好豐富, 生菜、紅蘿蔔絲、洋蔥絲、紅菜頭絲, 女仔食係夠飽, 男士可能要叫返飯底Lamb Kebab Wrap - 味道同沙律都一樣, 不過將所有料用薄餅皮卷埋Efes Draft - 土耳其啤酒, 用木桶做packing幾得意除咗肉類, 仲有素食可以揀, 速食嚟講可以一戰店名Cappadocia  / 卡帕多奇亞, 係熱門旅遊地點, 除咗獨特地形、石刻壁畫, 仲有熱氣球, 想知有幾特別就睇下佢地個logo同menu背面啦