京都大酒樓

Open Now

Now Closed

我地一家人搭入酒樓門口，受到職員熱情既招待，感覺被重視，笑容好親切，職員好細心推介招牌小菜，見到我地隻龍蝦好難夾，佢主動走嚟幫我地剪細啲龍蝦，上餐快，令我地用餐好愉快

每隔2星期都陪老人家來幫趁，平時中規中矩，冇要求就是是但但啦。今天飲茶真係頂吾順😵啲點心又進一步差勁。蝦餃冇味不特止，仲有種怪怪味, 家鄉薄餐也有浸怪味道....平時叫開既排骨鳳爪蒸飯，排骨林到梅晒一般🙄去收銀處比錢都受氣，態度非常之差。決定了以後一段子不來了🙏

真係好後悔無睇食評就去左 新年流流酒樓可以晤洗book都有位就知咩事10幾人 已經點最貴個個年餐 4xxx乳豬竟然晤係全體上 竟然係拼盤。。。會晤會太寒酸。。。鮑魚用鮮鮑 年餐仲要一罐汽水都晤包客又晤係多 成班職員都搞到好似打仗禁真心晤會有下次

星期六Lunch,人少，粥稀淡而無味，幾分粉紅色牛肉，牛肉全部根，咬唔落落漏單，落左咩唔知無得睇，等好耐問先知無落單，最後等了個多鐘先齊4樣野貴唯一近地鐵站一定無下次

紅油抄手用上厚皮菜肉餃，只有辣油冇醬油，不知所謂。芋角味淡唔香。肉餅全瘦零口感。其他正常OK。服務態度唔好，有個亞姐完全趕客mode，粗聲粗氣，全場大把吉枱都逼人搭枱！只此一次，唔會再幫襯。

8點去到坐底碗都未洗已經係咁催我地叫野食，咁好啦，4個人叫住每人2隻大閘蟹同片皮鴨食住先，頭一兩round大閘蟹都無問題，個片皮鴨去到第二round已經話無哂啲皮，8點30過啲咋喎！咁算，叫左糯米飯，硬到好似泥膠咁，個火鴨生菜包，4個人夠膽死比3塊生菜比我哋。大閘蟹去到第三四round直頭蒸都蒸唔熟，返蒸左一次都係，再叫佢蒸話廚房收哂工蒸唔到？9點咋喎師兄，一早叫左湯同個啲甜點又未到，送既鮑魚同鴨掌好難食。無野好講，請都唔會再去！

諗住開開心心食個大閘蟹放題，結果受到極差態度對待。常見嘅茶樓問題…上漏餸，明明我哋嚟先，嗌同一碟片皮鴨，點知人哋快過我哋，咁咪同職員講我哋碟片皮鴨未到，個職員：「👉🏻👉🏻前面片緊啦，到架啦。」，咁都講返我哋嚟先但未到。隔咗陣..片皮鴨嚟啦，頂，一嚟到第二個負責片隻鴨嗰呀姐：「片都要時間架」….瞬間…躁咗，我：「唔係時間問題，係人哋遲過我哋嚟但係上咗先」。呀姐：「講咗一大堆嘢，最黑人憎嗰句係：邊有分先後」。即刻無哂胃口。食物質素：叫咗六隻蟹已經有一隻壞，仲要勁細隻，目測得3兩，無得揀公乸，無咩膏，埋單每人500幾….呢個價錢絕對有更多好嘅餐廳可選擇另外，酒樓係叫完蟹之後提供味極醬油？真心第一次見…好奇怪姜茶係無姜味..真試伏，想試伏可以試下。

琴晚食完$888四位嘅蛇羹羊腩煲套餐，瀨哂嘢！18:30落單，20:00堅持唔未有嘢上枱，蛇羹變魚肉碗仔翅，一條蛇肉都揾唔到，嚴格嚟講係少料嘅芡水，當刻想裝一碗去公證行驗明正身，冇乳鴿唔通知聲咗貴妃雞，而個煲仔飯其實係臘味蒸飯，蠔 & 魚係標準 。

每年到呢個時候都必須要食一次大閘蟹先滿足，所以今次就左黎呢度食大閘蟹放題坐低望到張落單紙，係有些少失望，選擇真係有D少我同自己講今日重點係食蟹，其他野只係配菜落完頭單隔左陣上左碟鮑魚鵝掌鮑魚似係包裝貨，一般般鵝掌炆得唔夠淋都係一般般跟住就係蛇羹，放題黎講都算合格，始終唔能夠同D 乜乜蛇王比【個人見議加些少川芎落去，成本唔係貴，但係成件事絕對有所昇華】片皮鴨有油香，肉質一D都唔鞋，唔錯皮方面用春卷皮正常既，收你幾舊水任食唔通俾荷葉餅你咩，明既重點大閘蟹當日全部蟹乸，正可能咁岩咁好彩，如果其他人去食唔係蟹乸唔好話我我地3個人最終食左90隻，個量有D大，中間有幾隻死蟹，唔係問題實屬正常，而且一開一望就知蟹品質唔差，放題黎講我俾80分冇滿分既原因係，3款蟹真係冇乜分別，花雕蟹完全冇花雕味，油鹽焗流於表面，個穀咸咸地之外同清蒸冇分別花雕會唔會考慮做成凍蟹呢?蒸完再用上湯花雕浸，保存時間可以比較長，花雕都會更入味更香需要食譜可以問我攞，做左10幾年總廚有我自己既秘製方法食到尾我叫左個湯，我有D後悔，後悔咁遲先叫，已經飽飽地只係飲得一碗個湯真心唔錯糕點方面就一般般啦，桂花糕都可以，椰汁紅豆椰汁唔夠，

我悟了！！本地人都爱去的茶楼真的好吃！！入座的都是香港本地食客，老一辈占90%边看报纸边喝早茶的老绅士而且大多都是老客人，12点就满座～ 拜完黄大仙庙又想喝个地道早茶的这家真的值得一试无论环境和菜品都很推荐~ 🔹潮州粉果超大只，外皮半透明糯叽叽的，馅料十足，吃起来百分百满足~ 🔹咖喱土鱿属于小食类，我真的很爱吃，鱿鱼q弹带脆的口感，挂满咖喱汁入口，正点！ 🔹葱姜牛百叶也是我喝早茶必点的，分量很足，牛百叶爽脆新鲜，推荐！ 🔹怀旧虾多士港式地道小食之一，多士的酥脆再加上爽口弹牙的鲜虾肉，松脆不油腻，蘸上沙律酱提鲜，味道酸酸甜甜又惹味，超推荐的怀旧小食！ 🔹金牌四宝饭所谓四宝，即叉烧油鸡烧肉和咸鸭蛋，性价比高！肉食爱好者狂喜！搭配的葱油蘸料简直是下饭神器！ 🔹花生麦米粥真的巨好喝，也很养生，软糯香甜，一碗喝不够！ 🔹灼菜芯广东地区的经典菜，菜心鲜嫩，尾味又能明显感觉到一丝丝属于菜心的甘甜~ 📍 京都大酒楼地址：黃大仙龙翔道110号豪苑商场2楼1A-B号铺 （港铁黃大仙站 A 出口, 步行约4分钟）

2月16日 二個人去飲茶， 平時呢間嘢服務都係差，不過住對面有時唔想出去就過嚟飲，平時我就好少飲下午茶多數飲中午，咁今日就瞓到2點幾， 換得衫落到去到2點半到，新年就冇下午茶， 其實我都唔理佢有冇下午茶。 嗌咗兩個燉湯，兩個燉湯完全係凍，之後叫咗 鮑汁鳳爪， 鴻運脆腸粉，兩個點心都係凍，好難食。其他嗰啲點心只係叫暖，完全唔係熱辣辣，冇人斟水 冇人收嘢，叫你斟水好似求你咁 ，啲部長經理就行行企企， 未夠三點半，有個執枱雜工就走埋嚟叫你出去埋單，態度惡劣，冇嘢呀， 三點半未夠就叫你埋單 ， 感覺都唔舒服，我知你收四點，我未夠 四點前都會走㗎啦，唔洗你走埋嚟好似爭你錢咁 叫我去埋單， 啲服務不知所謂， 我哋兩個人食咗450蚊， 點解香港人個個都唔係香港消費返大陸消費有原因，服務衰到不知所謂， 老闆唔去檢討，免費我都唔會再嚟

代朋友出：今日約 3:10 pm，我係黃大仙豪苑京都茶樓吃點心，3:20 pm 落單至 3:25 pm*點心未到* 已有 4、5位職員來問我 ✓ 咗點心未 ?我回應巳入單。有位男職員話 茶市至 4 pm。我回應：ok3:25 ~ 3:40 pm吃點心最尾吃糖水，同一位男職員竟然同我講：你出去埋單先，返來再慢慢吃 ..我很火回應：痴線既 !我唔想阻職員下班時間，3:42 pm 去收銀處付款。收銀職員打張收據釘著點心紙，我話戴眼鏡看看，個職員話5洗煩，我打過張單你返屋企慢慢看。真係離哂譜 !

我今早去京都大酒樓飲早茶 ，環境闊落 ，食客多，頗熱鬧！我點左2份醒神孖寶，每份$26.8，一份是臘腸雞粒飯配牛肉球，另一位是鳳爪排骨飯配煎蝦米腸。點心確是好味，米飯份量夠，飽飽👍👍！

係無限追加！大閘蟹！🦀💕咁當然食得放題要預左唔算爆曬膏，兩數細隻d，同埋多數上公，不過一定係數量取勝！ 我地每人食人食左13隻😍🦀京式片皮鴨🦆💥脆皮配上酥軟嘅鴨肉，一份都好大碟🤤🦆太史燴蛇羹🐍🍲寒冷嘅天氣飲一碗，滋補！😌🍲 有d似碗仔翅滋補養生湯，呢個湯嘅滋味好濃郁，都幾多滋補藥材💥🏋️‍♀️臘味糯米飯咁多款臘味同糯米一齊蒸，真係好香好好味😋🍚不過飯偏硬甜品方面有好多選擇！有薑汁糕、紅棗糕同埋馬蹄糕！薑汁糕味道好濃但係紅棗糕同埋馬蹄糕淡少少💖🍮🌟啤酒汽水🍻🥤都係任飲，不過最後啦，飽曬就食唔到巨量蟹架啦🤭...💸.消費. $538（再加$15茶芥加一）🈵.回頭率. 7.8/ 10📸.打卡率. 0 /10

地方夠大，不會坐得迫，也沒有限時催單，由經理到員工，態度都很好。員工人數足夠，不會要叫人時找不到。食物不過不失，不算特別好吃。龍蝦孖寶套餐不劃算，龍蝦不夠入味，伊麵較淋，不建議叫；椒鹽鮮魷也不好吃，不夠鑊氣，不及大排檔好吃。其他食物尚算可以。原本是看中1蚊有燒鵝去的，不到七點已沒了燒鵝，最後選了乳豬（講真的，還好1蚊，要付款的話，很不值），半隻只有十塊左右，脆是脆的。建議選燒腩仔或鮑魚都比這個好。