Bubble Tree (成業工業大廈)

Open Now

Now Closed

今日來到這間Bubble tree，仲有5分鐘才1800。叫左最鐘意的拿魚沙律焗薯下午茶，配菜是豐富的蔬菜沙律。朋友要照燒鰻魚滑蛋蓋鐵板拌飯。他結合了鰻魚的鮮美、滑蛋的柔軟與鐵板飯的香脆。經過照燒醬的烹調，鰻魚表面帶有一層光澤，肉質鮮嫩，帶有淡淡的甜味而蛋液滑順，口感豐富。整體味道十分和諧，滑蛋的清香讓整道菜不會過於油膩，反而增添了清新的口感。再加上一杯荔枝冰茶，更加感覺不到油膩。甜品要肉桂蘋果烤批配雪糕，最鍾意食蘋果批。肉桂味不會太重，蘋果批今次恰到好處。熱的蘋果烤批配雪糕，是世一絕配。而且有下午茶套餐，環境又優雅，推介朋友再試。

今日去咗位於觀塘工業區嘅Bubble Tree，真係一個好有特色嘅餐廳！叫咗一個全日早餐，裡面有炒蛋、煙肉、司華力腸、大啡菇，仲有多一份煙肉，真係好豐富呀！炒蛋做得剛剛好，滑滑地，煙肉又香又脆，搭配埋大啡菇，味道一流。另外，仲叫咗一個燒三文魚柳炒蛋蓋飯，三文魚煮得啱啱好，肉質鮮嫩，配上炒蛋同埋白飯，簡直係完美嘅組合！每一口都好滿足。甜品方面，試咗佢哋嘅朱古力心太軟，加埋雪糕，真係好正！朱古力心流出嚟，配上雪糕，口感超級好，甜而不膩，真係好享受。飲品叫咗紫薯鮮奶，味道好特別，紫薯嘅香甜同鮮奶嘅滑順，飲落去好舒服。仲有凍檸水，清新又解渴。下次我一定要試下佢哋嘅手工咖啡，聽講好出色！總括來講，Bubble Tree真係一個值得一試嘅地方，食物質素高，環境又舒服，推介大家去試下！

觀塘工廈多嘢食，朋友知道 Bubble Tree 有飛驒牛漢堡，即刻話想黎試。星期日 lunch time 時間黎到，餐廳地方唔算好大，但就座無虛席，真係好多人光顧。瘋狂起司日本飛驒牛漢堡  $98轉配酥炸洋蔥圈  +$8， 配凍檸茶  +$6最鍾意食洋蔥圈，所以將跟餐嘅炸薯條轉左洋蔥圈。熱辣辣嘅洋蔥圈炸得酥脆香口。麵包有用牛油烘過，好香口。飛驒牛漢堡好厚身，咬落充滿肉汁。配上超厚水牛芝士同新鮮蕃茄同生菜，勁足料。日本飛驒牛漢堡滑蛋蓋鐵板拌飯 $89半溶芝士佈滿飛驒牛漢堡面，加上嫰滑滑蛋，賣相相當吸引。飛驒牛漢堡兩邊煎得焦香，咬落好Juicy，而且口腔充滿油脂香味。滑蛋包飯配上大量甜粟米同燒汁，拌飯一流。套餐已包餐湯同飲品，真係好抵食。餐飲可選擇：檸檬茶、檸檬水、可樂。餐湯有3款選擇：南瓜湯、紫薯湯、蕃茄甘筍湯。未試過紫薯湯，所以試一試。紫薯湯入口滿滿紫薯蓉，而且好細滑，味道香甜。朱古力心太軟配雪糕  +$32心太軟唔太甜，朱古力都幾濃，可惜焗得耐左少少，無流心效果。雪糕係雲呢拿味，配上微暖且鬆軟嘅蛋糕，一冷一熱，口感一流。

今日同朋友嚟到呢間觀塘性價比高嘅工廈西餐廳食晚飯，餐廳食物款式都算多，有意粉漢堡包鐵板拌飯小食咖啡等等，而且都幾抵食，Weekday上嚟到座無虛席。日本飛驒牛漢堡滑蛋蓋鐵板拌飯，鐵板拌飯係餐廳其中一個signature，唔使$100就可以食飛驒牛都幾抵食，和牛漢堡幾厚身，牛味都算濃郁Juicy，配埋滑蛋、車打芝士、粟米、車厘茄等等嘅配料，淋埋燒汁係個飯上面一齊食都幾惹味，呢個都係飽肚之選白汁煮青口配薯條，青口份量都算多，連埋白汁食係冇得輸嘅配搭，至於薯條就熱辣辣啱啱炸起紫薯湯係隨套餐送嘅，佢嘅紫薯味好濃，飲得出加咗好多紫薯，而且冇加咗太多鹽同調味料，呢個幾欣賞蘋果撻配雲呢拿雪糕，蘋果撻充滿一塊塊薄切嘅蘋果，配埋雲呢拿雪糕一齊食good match 總括而言呢間餐廳裝修都係行樸素風唔算特別靚，但食物choices同味道都係性價比之選，啱啱附近返工嘅人或者想簡簡單單傾吓偈食一餐既朋友。

近排調咗返觀塘， －路都知道觀塘工業區附近有好多好野食， 但就好少去， 今日跟同事去咗d 間cafe , 食完十分讃.地方雖細， 位置唔多， 但乾淨整潔， 餐廳係自助點餐， 慢慢諗下食咩先點， 方便自在.日式飛驒牛漢堡滑旦蓋鐵板伴飯，另加大啡菇：賣相好靚， 層次豐富，大啡菇大隻鮮甜， 飛驒牛漢堡厚切， 肉味濃， 煎得剛剛好， 滑旦加上車加芝士和秘製燒醬汁， 食下食下清曬， 好味肉桂蘋果烤批配雪糕：個批做到又大又薄， 上面舖滿新鮮蘋果片， 即叫即整， 上枱熱辣辣， 配埋雪糕一齊食 正阿芙佳朵： 我的至愛， 唔錯

Bubble Tree (成業工業大廈)地址: 觀塘成業街19-21號成業工業大廈2樓27室電話: =====================作為偽文青，很喜歡去cafe / coffee shop 食野飲野打卡影相，這也是香港女生假日之熱門活動。西日式都有，且重點是很抵食，同朋友星期六來食lunch 我點了三文魚扒蛋飯及吉列海老滑蛋蓋鐵板拌飯蛋蛋愛好者，個蛋保持滑嫩有蛋汁。吉列蝦大隻炸到脆卜卜，咬下香口，三文魚扒有omega 3 健康，皮煎得香噴噴。跟餐有湯，南瓜同蕃茄carrot soup,端上來是熱乎乎加了salad ，吃些菜可以更健康。工廈cp 值超高cafe ,值得推薦。

這家店不單止味道好而且沒有加一服務費，價錢貼地，所以客人好多！### 藍青口蒜香白酒忌廉汁意粉由於加入白酒和忌廉汁，意粉更加口味濃郁醇厚，提升風味的層次，入口令人驚喜！藍青口在意粉周圍擺設，好似花邊，藍青口的鮮美與蒜香白酒忌廉汁相互交融，帶來無與倫比的美味！### 雪糕窩夫雪糕放在窩夫上，雪糕的冰涼與窩夫的熱脆形成了絕妙的對比，而且窩夫好香脆帶焦糖，令人感受到甜蜜的愉悅！### 新鮮白菌配雞肉拌忌廉汁意粉 意粉有彈性，外層裹著濃郁的忌廉汁。忌廉汁由新鮮奶油、蒜瓣和香料熬製而成，奶香四溢！新鮮白菌與雞肉都好滑嫩！### 紫薯湯使用新鮮的紫薯熬製而成，呈現出迷人的紫色，令人一見就愛！湯的質地滑順，口感絲滑，紫薯的自然甜味在口中柔和地散開，溫暖又健康！### 紐約芝士蛋糕檸檬味，口感豐滿而細膩與柔軟，奶香味在空氣中四溢！

返教會bg前速食Bubble Tree，唔知係唔係東廣場搬上去嗰間？早入有位，遲入冇位，冷氣唔夠金QR落單俾埋錢，可以做會員有$5 coupon。叫咗飛驒牛漢堡滑蛋蓋拌飯，飛驒牛彈牙，配芝士拉絲，蛋滑🙏，紫薯湯一般，凍檸茶正，消暑，隔離枱有曱甴

今日同屋企人到觀塘食lunch 見到bubble tree 發現原來都幾多人幫襯入面都坐滿咗好多客人 一於入後黎試下！Lunch 簡左✨P2 經典肉醬意粉（混合豬肉及雞肉）同埋✨P32 軟殼蟹漢堡我個人鍾意彈牙的意粉🍝呢間店嘅肉醬意粉適合我口味😋而軟殼蟹漢堡造型吸引，見到實物，已經流晒口水，原隻軟殼蟹，非常酥脆，配搭佢嘅醬汁同埋蔬菜，令人回味無窮，特別係鋪滿芝士嘅包，令人一試難忘！薯條外脆內軟，如果外層鹽味減少一點🤏🏻會更加理想。而喺飲品方面，我哋點咗熱情果梳打、朱古力鮮奶💦好欣賞店舖，用咗半個原隻熱情果放入杯中，可以食到淡淡果肉嘅熱情果，配上凍冰冰嘅梳打，真係有透心涼嘅感覺！朱古力鮮奶有香濃嘅朱古力味，喜歡朱古力嘅朋友真係唔好錯過🍫而甜品方面，我哋揀咗雪糕窩夫🍨新鮮嘅窩夫脆口😍配搭上凍冰冰嘅雪糕，真係好正！

雖然在工業大廈裡面，不過佈置得都幾靚，食物質素也不錯！晚上都沒加一服務費，所以同朋友過來吃晚餐。韓式辣汁海鮮意粉配煙三文魚這道主食色澤艷麗，最上面是用煙三文魚卷成的一朵玫瑰花，看著就好誘人。煙三文魚放入口中，海洋味和煙熏味俱全，香氣撲鼻。意粉加了韓式辣醬，所以只有微辣，還有魷魚等海鮮提升了整個口感層次芝士番茄肉醬燴意大利飯整盤飯是橙紅色的，上面加了很多白色的芝士，一絲絲，用叉子攪拌均勻之後，芝士立即被燴飯熱氣融化，與肉醬飯混在一起，勺一匙飯，還會拉絲，入口之後飽含肉香味和芝士奶香味！朱古力心太軟配雪糕咬下去,頓時湧出軟綿綿、濕潤多汁的朱古力,流入口之後極為香滑和濃郁。朱古力的濃郁與雪糕的清新形成美妙的反差！朱古力布朗尼配雪糕鬆軟的布朗尼外層略有些焦脆，內裡就比較濕潤細膩，濃郁的朱古力味道，還額外加了一杯朱古力醬，可以根據口味再加朱古力醬。紐約芝士蛋糕配雪糕芝士蛋糕柔滑細膩，入口即化，濃郁的奶香味加檸檬味就不會太甜，好清新！

日本飛驒牛漢堡滑蛋蓋鐵板拌飯 $89飛驒牛漢堡肉質好軟腍，肉汁豐富，帶有濃郁的牛肉香氣。鐵板拌飯香氣撲鼻，燒汁惹味，配搭大量粟米，口感好豐富。滑蛋口感嫩滑，入口即溶，同鐵板醬汁撈埋一齊食好match。🌟 評分: 8.5/10瘋狂芝士日本飛驒牛肉漢堡 $98厚切飛驒牛肉漢堡，肉質鮮嫩多汁，咬落去肉汁四溢。芝士醬好濃郁香醇，仲要流晒出嚟勁邪惡！麵包就烘烤過嘅，散發住牛油香氣，配料有生菜、青瓜、蕃茄，增加了清爽口感，平衡了肉的油膩感。🌟 評分: 7.5/10朱古力牛奶 +$17朱古力牛奶香濃順滑，甜度適中，非常適合解膩。價格合理，份量十足。🌟 評分: 7/10凍檸茶茶味濃郁，檸檬味清新，酸酸甜甜咁，好解渴消暑。🌟 評分: 7/10🎖️整體評分🎖️❤️ 味道: 7.5/10🧡 環境: 8/10💛 服務: 7.5/10💙 性價比: 7.5/10 📍 Bubble Tree (成業工業大廈) (觀塘)觀塘成業街19-21號成業工業大廈2樓27室

我朋友比較鍾意食西餐，所以帶咗我去食一間比較日系風格嘅西餐，佢個裝修都10分日系😂👍🏻位於觀塘一帶 。我哋叫咗肉醬意粉🩷🩷🩷🩷呢個肉醬意粉，完全得好鬆手，多到就嚟滿瀉出嚟😂😂真係好正，因為我個人係比較鍾意食啖啖肉醬，有時啲肉醬唔夠撈意粉冇咁過癮。呢個完全滿足到我肉醬愛好者😍😍，佢個味道係清香嘅蕃茄味加上鹹鹹地嘅肉醬襯埋少少芝士碎喺面度調味，不過佢嗰番茄味就唔係太濃，如果濃少少更加正，可能我個人比較鍾意濃味啲蕃茄味。水牛雞翼 🩷🩷🩷🩷🩷佢呢個雞翼真係好有驚喜👍🏻👍🏻，平時食開啲水牛雞翼係酸酸辣辣，但係佢呢個係偏少少港式類似啤酒雞嘅味道，帶小小酒香，而且佢個辣係越食越過癮停唔到口嗰隻辣😂不過佢係有少少甜味帶點酸味真係好過癮😍😍個味道真係估佢唔到，我個人覺得呢隻雞翼真係好有驚喜同埋好好食。完全同傳統嘅水牛雞翼唔同🤣🤣👍🏻飛驒牛漢堡包配薯條🩷🩷🩷🩷🩷佢呢個漢堡包層次好豐富，佢看到個包面勁脆又鬆軟，而且加咗啲甜嘅洋蔥圈，仲有少少炒洋蔥生菜青瓜蕃茄，嗰張係甜甜地類似千島醬，最意想不到係佢個牛係非常之多汁咬落去，完全唔乾柴，同埋佢個瀑布芝士真係好誇張多到😂😂👍🏻我要打開塊芝士先望到裏面嘅材料😆薯條正

過來觀塘工廈搵食， bubble tree出名又平又抵食，現在才第一次試失敬失敬🥹吉列豬扒、大啡菇滑蛋蓋鐵板拌飯$68旋風形的滑蛋望落超吸引，豬扒和大啡菇都是大大塊，還有超多半溶芝士，絕不欺場。加配薯仔沙律及南瓜湯，推薦南瓜湯，有濃郁南瓜味及南瓜蓉，好易入口。瘋狂芝士日本飛驒牛肉漢堡$98漢堡是配配炸薯條及沙律的，見到個個都點，超大份，所以我們都點來試。牛肉超厚身，麵包個邊夠香脆，充滿牛油香。配餐加甜品都好抵食，加了個肉桂蘋果烤批配雪糕$48，個批薄身但圓周好大，鋪滿了蘋果片，即焗即起配雪糕一流。Ube（紫薯）鮮奶好有紫薯味，也有紫薯粒，配鮮奶味道很香濃。

現在香港的咖啡店開到盛行盛市，很多更裝修得很精緻，但在觀塘有間屹立多年很有口碑的元祖級咖啡店，作為一名觀塘友，見證著Bubble Tree由商場舖轉為工廈店，食物多年來都維持高水準的表現，實在值得推薦～⧐ 日本飛驒牛漢堡滑蛋蓋鐵板拌飯 HK$121 ⧏說到Bubble Tree的名物大概就是飛驒牛漢堡肉.ᐟ這次我們點了鐵板拌飯，燒汁很惹味，還有大量粟米～滑蛋口感嫩滑，飛驒牛漢堡肉很Juicy.ᐟ口感軟腍，帶有很香濃的牛肉味，吃完又想去名古屋了♡⧐ 炸薯條配黑松露醬 HK$55 ⧏很喜歡這裡的炸薯條，選用的是粗薯條，每條薯條香脆的裡面很多薯仔，口感一流～而且份量很多，配上黑松露醬真的無得輸♡⧐ Kara-age 炸雞 HK$55 ⧏Karaage日文是唐揚炸雞的意思，所以這是一款日式炸雞～還附上蜜糖芥末醬，與炸雞的味道很搭♡即點即炸所以剛送上來時很熱，外脆內軟很不錯.ᐟ最後分享一樣好搞笑嘅事俾大家聽，我地其實仲加咗個朱古力心太軟配雪糕但食完主食之後完全冇咗件事就起身走咗…

位於觀塘工厦的Bubble Tree，選擇多元化，價格合理。今晚我和老公選擇了以下菜式：🐟🥚香煎三文魚扒滑蛋蓋鐵板拌飯～三文魚扒煎得外脆內嫰，蛋炒得既香且滑，十分下飯。🦀🍝軟殼蟹、蟹籽，香辣番茄汁雜海鮮意粉～意粉炒得香辣惹味，軟殼蟹炸得香脆可口。兩款主菜均可加配餐湯，沙律及飲品。我們今晚便點選了紫薯湯及番茄甘筍湯。前者口感順滑，後者味道酸酸，非常開胃。沙律方面，我們選配了田園素菜牛油果沙律。沙律有牛油果，番茄及沙律菜，健康清新。