滾餃

Open Now

Now Closed

聽聞觀塘呢間滾餃好耐 今晚終於有機會過黎滾餃下 餃子種類好多 我地揀左 煎餃（雙併：香菇粟米豬肉餃 +泡菜豬肉餃）煎餃煎得好靚 外表金黃 香菇粟米餃 好香香菇味 配埋爽口粟米 一流泡菜豬肉餃 表面睇到泡菜既紅色 食落微辣 岩岩好加配上海麵 係豬骨湯底 麵條幼細 似拉麵蒜芯鮮蝦豬肉餃見到隻隻鮮蝦 好足料 配左蕃茄湯烏冬 好鮮甜 蕃茄湯有埋薯仔粒 勁飽小食：麻辣木耳 $28好大碟 隻隻大耳 配上麻辣汁 好惹味值得一提既係自家製辣肉脯 好香 夠脆 每人一小碟 好貼心

前排嚟到觀塘工廈搵平嘢食。見到呢間都好多人排隊，就試吓呢個。$34🍝雞絲粉皮唔好以為細細碟，份量都好大份，好多雞絲，又多芝麻醬。正！$52🍲湯餃(雙拼）豬骨湯 8隻 香菇粟米豬肉餃/ 泡菜豬肉餃揀咗雙拼，可以食到兩隻味。粟米豬肉餃鮮甜，泡菜味比較特別，外型已經睇到紅卜卜。好juicy，食落去爆汁。湯底冇味精，飲咗唔會口渴。$60🥟黑松露芝士豬肉餃(煎）8隻好特別嘅味，揀咗煎餃，煎到脆卜卜。一咬落去就食到黑松露味，而且芝士可以拉絲。都幾大粒，八隻都好夠食🤣。$10☕️紅茶花伝檸檬紅茶$8 🥤可樂加咗可樂同埋檸檬茶。如果喺附近返工，晏晝過嚟買Lunch或者收工食都抵食，咁樣食都係$100 幾左右，唔夠飽另外仲可以配埋麵。

官觀駱駝漆大廈超多小店，今日終於試左位於三座9樓嘅「滾餃」去到時係3點左右下午茶時間但鋪頭都算好熱鬧即刻覺得無揀錯。叫左雙拼芫荽豬肉&韓式泡菜餃、再加三蚊upgrade湯頭去羅宋湯。個湯餃上枱時熱辣辣非常好，先sip一口湯好夠味，仲有好多薯仔🥔蕃茄🍅紅蘿蔔🥕洋蔥🧅渣渣好足料。芫荽控嘅一定要試吓芫荽餃，皮薄仲爆晒西！相反泡菜餃就正常發揮，下次可以試下另一d口味芫荽餃🥬🥬🥬🥬🥬泡菜餃🌶🌶🌶🌶羅宋湯🍅🍅🍅🍅🍅

🌸雙拼煎餃（8隻）｜$58·配米線+$8（番茄湯+$3）煎餃簡左香菇粟米、黑松露芝士味，兩款既包法唔同。煎餃系全隻既皮都系脆既，唔會只有一面脆，而且餃子皮比較薄唔會硬👍🏻兩款餡料都好足，唔會食落好鬆散。黑松露芝士味既芝士唔系流心之士，系有少少咬口既芝士，同黑松露好夾。米線跟既番茄湯偏甜，有好多鮮茄粒同埋薯仔粒。雖然唔系叫湯餃，但辣菜脯配米線都好惹味好好食。🌸Coke Zero|$8飲品選擇方面唔算多～

超鐘意食水餃嘅我，今次去咗觀塘人氣工廈小店，閒日都排長龍，都要等位15分鐘左右好多款湯餃煎餃，一如既往要返自己鐘意嘅口味，另外仲有韭菜豬肉、粟米豬肉、京蔥豬肉、特別啲嘅有泡菜豬肉、蒜芯鮮蝦豬肉、芝士黑松露🥟香茜豬肉湯餃$60/10隻豬骨湯濃郁好飲無味精，湯餃大小適中，皮薄饀料多，幾紮實無鬆散，整體好食🥟煎芝士粟米豬肉餃$63/10隻煎餃少不免少少油，但幸好唔係勁油淋淋嗰種，所以呢到都煎得幾外，外面好脆口，芝士溶溶地好好食，調味剛好🥢涼拌香麻皮蛋$32幾香口惹味嘅小食，停不了口🥢泰式無骨鳳爪$36爽口好大碟🥛豆漿$10💰$211/ 2ppl🚩滾餃 (觀塘) @boiledumplingss 📍觀塘開源道60號駱駝漆大廈第3座9樓K室

觀塘人多，食肆多，花多眼亂，唔係介紹都唔知位於觀塘開源道60號駱駝漆大廈第3座9樓，有間好唔錯嘅手工餃子店。好彩行得快，遲少少都要等位😄餐廳個名好盞鬼，裝潢少少工業風，自己掃碼點餐，點了黑松露芝士豬肉煎餃10隻，泡菜豬肉湯餃10隻，無骨鳳爪，拍青瓜，豆漿。🥟黑松露芝士豬肉煎餃，餃子皮脆卜卜，外脆內軟，一口咬落去黑松露香氣四溢，好多汁，又香口，超滿足，值得一試。🥟泡菜豬肉湯餃，因為我都幾鍾意食酸辣口味嘅嘢，所以試一下呢個口味，唔係好覺得辣，也不會好酸，配埋豬骨湯，好清爽。🥟無骨鳳爪真係無點錯，好好味，我個人超鍾意，酸酸辣辣，好開胃，無骨啖啖肉，而且夠晒大碟，好味夾抵食。🥟拍青瓜，上面的醬好特別，清爽可口，同樣都係好大一碟。豆漿唔會太甜，豆味濃，好飲。錯誤估計餃子的份量，因為真係都幾大一隻，真材實料，食完飽到上心口。

講到觀塘平靚正餃子 首選一定系滾餃😎.*符號內嘅價錢系單嗌10隻嗰款餃子嘅價錢*.♡ 雙拼湯餃 10隻 $60想食餃子最original嘅味道就一定要食湯餃😋史努比揀咗豬骨湯清甜得嚟唔油膩飲完都唔覺口乾 絕對唔系味精湯🤣.👍🏿蒜芯鮮蝦豬肉餃 ($68)餃子皮食落少少煙韌 幾有咬口🤭不過頂部嘅摺位就略厚 但口感唔太差原隻鮮蝦爽口彈牙配上適量嘅豬肉 恰到好處地帶出肉嘅鮮甜而唔覺油膩蒜芯爽脆且清甜 為餃子增添口感三樣嘢出奇地match😳如果可以落多啲蒜芯應該會更加正🤪味道: 9/10性價比: 8/10.👍🏿京蔥豬肉餃 ($58)唔同餡料嘅餃子包嘅方式有少許唔同呢款餃子皮食落滑身 厚薄適中🙌🏿京蔥同豬肉呢種新奇嘅配搭可以話系毫無遺和感豬肉同京蔥嘅ratio啱啱好肥瘦均稱嘅豬肉令餃子充滿肉汁🤤京蔥雖然切成一絲絲卻不失口感😚爽脆清甜 正好有助中和肉嘅油膩感咁多款入面史努比同媽媽👩🏻都最鐘意呢款♥️味道: 9.5/10性價比: 9/10-♡ 雙拼煎餃10隻 $66.👍🏿芝士粟米豬肉餃 ($63)黃金色嘅外表特別吸引相機食完就當然到史努比啦🫶🏿啱啱煎起仲系熱辣辣 底部個皮超級脆😳咬落去依然保留餃子皮嘅煙

已光顧约十多次。當中最出色為韮菜豬肉，京葱，粟米冬菇餃湯餃。湯底喝得出無味精，夠哂熱，但有些微肉腥味希望可改善。但湯餃皮偏薄，不上來有時皮已掉下。外賣雖分湯，但皮因太薄，就算以一般10分鐘內番到office,打開蓋基本皮同涵有三份一已完全分開，再倒回入湯就一半散開，所以不太建議外賣。相反煎餃皮又太厚，外賣就變得太硬。韮菜和肉攪得太碎，有點baby food feel影響口。如能改善呢兩点口感外賣必能增加不小。

The Camel Building never ceases to surprise me. I always find something of interest and always something new. This time we discovered 滾餃 (English name: Boiledumplingss).  A small restaurant serving dumplings. The dumplings are made in house as we saw a group of ladies wrapping away in the corner. A decent amount of diners were eating so we decided to give it a try.Menu is in Chinese only. You order by scanning a QR code, there is no 10% service charge and you pay on your way out. They have a var

滾餃@駱駝漆大廈今日約咗朋友係觀塘食飯，咁啱大家都想食餃子。就嚟到工廈搵咗呢間小店，今日一收工過黎，去到已經滿座，人氣極高。係門口排隊大概等咗15分鐘就入得。店裡既裝修好有格調，簡潔得黎又夠光猛。一坐低就比左碟菜脯我地食先，食落少少辣又幾爽口過癮開胃，而且仲好似有得encore多碟！點餐可以用QR code慢慢揀，因為覺得湯餃Juicy啲好食啲，所以我哋都係揀咗湯餃:🌽香菇栗米豬肉餃餃子一嚟到見到佢嘅尺寸，每粒都好大隻睇落好豐盛～咬落去非常juicy而且肉味好濃郁，栗米粒粒都結實鮮甜，仲有好重㗎香菇味。餃子本身算係皮薄，加埋喺入邊嘅餡料好足，咬落好實淨，好好食！🥟泡菜豬肉餃因為我本身都唔係好好辣，所以我都只係夾朋友既黎試幾啖。放入口又好似冇想像中咁辣，有好重嘅泡菜味，但都只係少少辣。不過同其他辣嘢一樣，不足既係會將其他食材嘅味道蓋過。

今日同朋友到觀塘食飯，去到餐廳不需要等位就可以入座。我們叫了10隻煎餃雙拼、8隻湯餃雙拼、泰式無骨鳳爪、手拍青瓜和自家製支装奶茶。首先上的是手拍青瓜，青瓜口感爽而味道帶點辣，很好的開胃菜。再來是無骨鳳爪，這個就比較辣，不過味道很吸引人一食再食。接住是湯餃，有香菇粟米豬肉餃和蒜芯鮮蝦豬肉餃放在蕃茄湯。蕃茄味道不會很酸而且又帶點甜。香菇粟米豬肉餃入面有菇香再加粟米清甜，口感不錯。而蒜芯鮮蝦豬肉餃入面有鮮蝦的鮮甜，入口爽中帶有蒜香味。之後是煎餃，有韭菜豬肉餃和泡菜豬肉餃，再加上豬骨湯米線。餃的外表爽脆內裏多汁，韭菜味香而泡菜辛辣。奶茶不會太甜，茶味比較重，但又不會完全蓋過奶味。整體而言，餃子選擇種類多，而且味道不錯。

平日lunch hour爆滿既人氣餃子店，原來收工依舊爆場。收工打算食埋野先返屋企啦，無諗過咁多人，好彩快一步mark名，做埋我地生意。所以如果想食，最好6點半前就到，如果唔係分分鐘摸門釘。今次試左四款口味，一份煎餃雙拼、一份湯餃雙拼再加小食。煎餃有：韭菜豬肉餃-滿滿既韭菜味濃而且有咬口。蘑菇煙肉芝士豬肉餃-有少少流心芝士汁同煙肉蘑菇又好夾，而且煎香脆口，好食。湯餃有：蒜芯鮮蝦豬肉餃-呢個餃超驚喜，蝦肉爽口，而且配有少少豆角粒，成隻餃好有口感，味道又唔係好搶。香菇粟米豬肉餃-少少菇菌味，有粟米加多口感，預期中，唔錯～配埋蕃茄薯仔湯，成碗餃清淡而好食😋小食：泰式無骨鳳爪-呢個味道超好食，酸酸辣辣，勁開胃，但個辣度都有返啲後勁，而且無骨鳳爪啱晒懶人食👍🏻雞絲粉皮-份量都多，食前記得撈勻，如果唔係底層粉皮會唔夠醬，雞絲足料，加埋香芝麻，就再香d。另外，小店既辣菜脯十分惹味，千祈唔好miss左～

呢個月都離唔開觀塘haha但每次都係食唔同國家嘅野食~~~餃子係其中一樣成日會揀黎食嘅野~記得早少少黎食，一到7點呢啲放工時間就好多人，要排隊想講見到啲餃子整體都好大粒，所以無叫到麵食XD· 雙拼湯餃 10隻 (香菇粟米豬肉餃 + 蒜芯鮮蝦豬肉餃) $58香菇粟米豬肉: 食落都鮮嘅~有菇香粟米粒都有唔少嘅~但呢隻餃嘅皮偏淋所以所以望落去同夾起都有啲易散蒜芯鮮蝦豬肉 :我覺得呢隻餃嘅皮係硬身啲食落口感好啲，蒜芯餃除咗豬肉之外仲有蝦，最欣賞佢唔係細細粒蝦粒而係一隻蝦食落爽口唔腥*2隻湯餃都實肉~唔會一pat野咁· 雙拼煎餃 10隻 (黑松露芝士豬肉餃 + 泡菜豬肉餃) $66黑松露芝士豬肉: 黑松露味道夠晒濃~雖然有芝士，但都唔會蓋過黑松露嘅味道，煎得都好香口，唔會太油，咬落去仲有少少汁~餃子黎講黑松露味都真係做得出色~~~泡菜豬肉: 相對泡菜就係預想嘅味道，同韓式餐廳食到嘅差唔多，不過就無黑松露芝士豬肉咁實肉· 麻辣木耳 $28有少少失望嘅係個木耳小食雖然分量同口感都唔差，但無咩咸味同無咩調味咁，辣味都差少少，要加埋菜脯先食到~· 涼拌香麻皮蛋 $32呢個小食就夠味好多，皮蛋做到少少流心

觀塘駱駝漆水餃小店🥟1. 湯餃 $68個湯係豬骨湯 佢唔算係好濃郁嘅豬骨湯 但清清地 配埋餃子食 可以以佢清甜襯托出餃子嘅美味 唔面會喧賓奪主京蔥豬肉：4隻味入面最鍾意嘅配搭 簡單嘅京蔥香味 加豬肉 juicy多汁蒜芯鮮蝦：蒜粒好香 菜芯粒甜甜地 再加上一隻鮮蝦嘅鮮味 都配搭得幾特別2. 煎餃 $66皮係脆卜卜 介乎於炸同煎之間 但係又唔會太厚皮 包到入面啲餡幾好芝士粟米豬肉：有啲芝士嘅咸味撞粟米嘅甜味 有啲啲芝士拉絲泡菜豬肉：第一次食有泡菜嘅餃子 少少酸同辣 有趣嘅味道3. 雞絲粉皮 $34粉皮爽嫩 雞絲麻醬都足…………………….🌝餃子唔錯 啲味道都幾特別🌚830pm一定要食完走…………………….

一直想食滾餃好耐，見平日早放就黎食下，一口氣叫左唔同口味既餃子。香茜豬肉餃 煎餃8隻 $52鐘意芫茜既朋友一定唔可以錯過呢個，餡料夠足茜香濃郁，加上煎香，外皮脆口好惹味。京蔥豬肉餃 湯餃8隻 $50湯餃比煎餃大隻好多，份量十足，蔥味道非常突出。蒜芯鮮蝦豬肉餃 湯餃8隻 $60 咁多款餃最鐘意呢款，蒜味夠又唔會搶過肉同蝦既鮮味，蝦大大隻口感彈牙。泰式無骨鳳爪 $36唔夠喉加個小食，口感唔錯咬落索索聲，辣香夠又清新，開胃之選。