王家沙．花樣年華 (太古城中心)

Open Now

Now Closed

叫了以下菜式：1. 生煎菜肉包2.燒牛仔骨撈麵3.雞煨湯麵4.煙燻魚其實已有一段時間冇食過王家沙了，今次叫咗以上每款菜式都不好吃，生煎包煎得太久，包底好靭，又無肉汁。牛仔骨撈麵，啲牛骨斬到碎晒，跟麵撈埋一齊，食牛時黐住啲碎骨一咬，驚隻牙都咬崩，痛死人。煙燻魚小食有5小塊，不過每塊魚都有起碼20至25條骨和碎魚骨。唔哽骨算偷笑啦😓. 價錢又唔算優惠，加上食物品質有跟價錢不成正比，好難會再幫襯。一定無吓次。

餐廳冷氣太凍，食物好快變凍。高力豆沙嘅餡係酸嘅，我走嘅時候同個職員講，佢只係講咗聲唔好意思。我用咗$100 voucher,手寫扣一百蚊，但碌卡無扣到，唔明白點解會咁大意。好失望！今晚點咗蟹粉生煎包、小籠包、嫩雞煨麵、紅燒牛肉湯麵、蕃茄炒青菜、四個羹、三絲粉皮、拼盤、話梅排骨，全部都普普通通。個甜品係我哋食完飯之後15分鐘都仲未上，到我哋買單嘅時候，職員亦都冇問我哋甜品上咗未，之後我話甜品冇嚟過，佢就話要我哋嗌佢上（但之前冇人提過我哋要咁樣做，我以為佢落留咗單。）總括而言，食物一般，服務仲有好大嘅進步空間，好失望嘅一餐晚飯。

本來今日打算幫襯一間，點知去到同一個4眼姐姐話2位，佢望咗我一陣，竟然行咗去，之後做其他野無再理過我地！我發現係太古城嘅餐廳服務態度真係好好好差！唔明係係咩？明係咪呢區文化問題！好好笑都未入去食已經要比負評🤭

近幾日都西餐或打邊爐，難得今日結婚周年慶祝，選擇了中餐---上海著名食店「黃家沙」(太古城)，因具有多年歷史一定唔會失望，仲選了8時入座心想會人少D靜D，結果真係估唔到咁差，我估係近日難請人吧!返工嘅伙計及厨師唔休做或多人請病假吧! 我坐近門口及厨師位，見部長或是伙計不時大大聲同厨房職員對罵或講嘢，吵耳非常。我選了醉雞，唔入味口感亦不佳，上海粗炒算過關，炒牛肉太咸太多汁算是有史以來我見最差的，酸辣湯細都冇所謂，但真太淡冇味，兩碗湯丸粗製而成似的，叫了杯豆漿比女兒，我未有試豆漿，仲9時許便催人走，服務態度極差劣。怪唔得知8時得咁少客人，似等執笠咁嘅工作態度又點會多客呢!

見佢好似靚靚地咁樣，之後又有啲一家大細都入去就試下啦，見佢唔使等位都啦，點知真係中咗伏！可能佢係上海菜，所以啲川菜真係做得麻麻地，完全唔辣了！又好似普通街買嘅醬料劈上去咁樣真係好尷尬。好幾樣餸都真係唔係幾好食，連上海粗炒都好麻麻真係冇下次啦，唔該曬！而且價錢都唔平，服務又唔係幾好

個兩面黃炸到鐵線一樣，個汁稀淋淋冇料，得幾條芽菜，冬菰絲，用放大鏡找到幾條肉絲，食水太深。窩貼三小隻，連加一要 20元一隻，小籠包也是細細粒，味道正常！薰魚唔入味，冇味，靠個汁先食得落！咁嘅質素，價錢唔平，点樣做得落去，一次過，不會再幫襯，自取滅亡。

1. 排骨菜飯豬扒幾好食，但菜飯入面既菜少得吝嗇。。。2. 上海粗炒本身無諗住寫食評，食左第一啖呢個真係忍唔住！炒到好濕，顏色好深但條麵咬落去完全無味，衰到要用豆瓣醬去撈黎食。肉絲少到5隻手指數得岀，細碟+配料得少少菇少少菜。

今日行行下街見有啲肚餓，睇到呢間王家沙，鍾意食中菜嘅我同朋友們即刻衝左入去試下😆 餐廳環境都好大好闊落，樓底高而且位同位之間都有一段距離，幾鍾意個間隔！而今次我地叫左個蟹粉小籠包、黃金蝦、松露天鵝酥～上菜速度唔算話好快，平均20分鐘先想一道菜～ 個蟹粉小籠包皮都算簿！蟹粉味道唔算好濃味但可以接受～反而食落個湯汁同肉汁嘅味道好濃！整體來講蟹粉味道冇咁出，比較多係肉嘅鮮味😆而第二個菜喺黃金蝦，佢個鹹蛋黃味道好濃，但食多左都會有啲膩，最好配個白飯中和會更好～最後既天鵝酥味道唔會話好濃，加上佢入面喺啲蔬菜雜菌，中和左外面酥皮嘅油膩感！食落口唔會成口油🥳 整體今餐餐廳同嘢食質素都唔錯，好適合同朋友一齊嚟食！環境氣氛都好好👏🏻

上海燻魚 👎🏻好乾 鮮肉胡椒餅👎🏻👎🏻希望愈大失望愈大完全唔似胡椒餅，又細個又唔夠熱四川麻辣水煮牛肉😋相對比較好，味道都唔錯不過同樣係唔夠熱💁🏻‍♀️💁🏻‍♀️💁🏻‍♀️總結：所有食物都係微暖，難以理解一間餐廳點解連基本翻熱都做唔到😵職員亦好明顯唔識變通 - 全場無爆滿無人等位，隔離2人枱叫左最少4個餸，2人枱放唔哂，職員係企係旁邊等個客自己執好位，都無打算叫佢地放住係隔離空既枱叫埋單果陣問個職員係咪要出去比，職員好似對住咪講左野跟住乜都無同我地講就走左？.？過左陣我地見無人黎以為要行出去埋單，先有職員拎張單話可以係位埋

四個女士，叫左個四人餐，份量多，食唔哂，味道唔錯但其中的回鍋肉太油膩，豆沙鍋餅唔多香口，百頁東坡肉唔錯，小籠包皮薄奶油津白好味太油膩，所以短期內唔會去住😆😆

又收$12茶位又加一都唔緊要，最大問題係難食稀流流嘅擔擔麵，屋企煮個壽桃牌都有味過佢，➕埋－個冇蟹粉嘅「招牌蟹粉小籠包」，頂中哂伏，又冇招呼，食食下個伙記話要下埸要埋單先😩星期日都係咁，你仲夠膽收我加－服務費😡食兩樣嘢埋單$200 唔明白點解咁質素嘅食肆仲可以喺太古城商場䇄立到咁耐都唔執轉另一閒，難道太古城好平租或者是有紅色資本撑住！星期日都係咁，你仲夠膽收我加－服務費😡食兩樣嘢埋單$200 ！

聽講好多人去食過呢間上海菜王家沙花樣年華 ，最近又係K11開左分店 ，但因為約左朋友係Taikoo睇戲，所以今日去Taikoo店。【三 絲 粉 皮】 青瓜絲、雞絲、火腿絲、粉皮、芝麻醬極香【招牌蟹粉小籠包】皮算好薄，咬起哩湯汁鮮甜好食【上海話梅骨】本身都鐘意食酸既，哩個試過一次難忘，酸甜度剛好【韮王炒鳝糊】香濃惹味 ，肉質爽滑，又吾腥【健 康 炒 飯】紅米、白米、蛋白、青豆、松子、飯炒得乾身粒粒分明，健康為主【芝麻豆沙餅】豆沙餅煙煙勒勒，好多豆沙餡~~~~~~~~~~~~~~~~~~

第一次寫食評一家人食飯，因帶住兩個小朋友，想搵間坐得舒服可以訂位，太古城週末都好少餐廳可以訂位。咁容易訂，都知可能有伏，價錢唔平，服務員態度真是好麻麻，無笑容黑黑地面，唔是一個是咁，是幾個服務員都是，雖然都是有招呼，但面色唔太好。食物正常，上菜都好快，因為小朋友扭眼訓，拖到2點幾先食完，然後個場開始好嘈好嘈，因為佢地要要執定晚市d碗碗碟碟，不斷執碟聲…..咁岩坐是裡面d台走晒，得番我地一台，外面仲好多未走，但完全唔理我地。有得揀下次真是唔會黎。

屋企人就係鐘意食中菜 心水餐廳吾多 因為試過好多間 始終依間好食(蟲草花螺頭雞湯 ）補湯一盅 湯鲜味濃郁 據說蟲草花湯能增強免疫能力 滋肺補腎功效 吾知係咪呢?(蒜泥白肉 )豬腩肉切片淋上蒜醬 少微辣及咸香味 確實美味!(鮮鳳梨生炒骨 )開胃餸之選 生炒骨酥脆酸酸甜甜 菠蘿多汁 無得彈…(紅燒獅子頭烤菜 )食材簡單 但需要細火慢煮 功夫菜 入口即化 香味十足!!!(四川麻辣水煮牛肉麵 )味道濃郁撲鼻 非常刺激 湯底用多種香料及食材熬製 加上極具口感嘅嫩滑牛肉同麵…絕頂

睇完戲揀左王家沙餐廳 😊鎮江肴肉我比較鍾意呢個前菜 外觀紮實紅潤 朋友吾知嗰層透明啫喱喺咩 其實係用湯汁及豬皮煮成的豬皮膠 食前點少少黑醋會更好味話梅鮮淮山 埋相吸引 話梅的酸味極其開胃 配合淮山好食到停不了...忘不了枝竹百頁結紅燒肉鍋 正正常常 一碟小菜 朋友喜歡喎~~魚湯蒜子時蔬 因為要均行飲食 所以order 味道時蔬囉石鍋鮑魚飯 熱騰騰 隻鮑魚唔好期望似手掌咁大 又唔會好似豆豉咁細 適中size ...高力豆沙球 甜品呢講 呢個係推介!!!Menu食物選擇都算多 亦有圖案標籤指示 推介. 素食. 有辣椒的食物提示 如果吾食得辣的朋友要留意啦 😚😚