Video
3-min walk from Exit D2, Tai Koo MTR Station
continue reading
Telephone
25052266
Introduction
2023年『壽司居酒屋MARU MARU』正式進駐太古，由居酒屋達人堀田店長精心主理。為進一步提升食客的味覺體驗，誠邀資深料理匠人兼摯友大嶺主廚來港坐陣。延續原店精髓外，更加入主廚的巧手洋食及獨門肉類料理。在兩位日本達人雙劍合璧下，打造出全新進化的『洋食x居酒屋 Bistro MARU MARU』，呈獻「和洋折衷」的全新美食體驗！
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
About Reward Scheme
個friend今日帶左我去太古城嘅丸丸 洋食居酒屋，因為試過d菜式又有創意，又好食，所以要介紹比我⭐44小時製作厚切北海道三元豚鐵板燒嘩，呢個真係要讚👍！豬扒厚切到呢，但係慢煮嘅關係，入口超嫩滑，完全唔會韌！個秘製鹽液真係唔簡單，將豬肉嘅鮮味完全帶出嚟。三款醬汁都各有特色，我個人最鍾意牛肉多蜜醬，甜甜地好夾😋！⭐和風明太子薯仔沙律呢個沙律嘅造型真係好靚，打卡一流📸！薯仔沙律夠綿密，明太子嘅鹹香同溫泉蛋嘅蛋香完美融合，加上青瓜嘅爽脆口感，成件事好有層次，正呀👍！⭐焗蟹膏蟹肉配黃金多士條蟹膏蟹肉嘅鮮甜味完全爆發🦀！撈勻咗之後放喺鬆脆嘅黃金多士條上面，簡直係人間美味🤤！多士夠晒鬆化，同蟹膏蟹肉嘅creamy口感好match，食到停唔到口！⭐吞拿魚他他飯呢個飯嘅賣相真係好吸睛🤩！吞拿魚蓉夠晒新鮮，撈埋泡菜、蛋黃、蔥花同飛魚子，味道豐富，口感一流！撈埋一齊食，每一啖都充滿驚喜，好味😋！最後真係要一讚，li間餐廳嘅侍應係會主動加水嫁，真係好好😍
continue reading
【🇯🇵丸丸｜日本人飯堂的得意果醋酒🥝】太古城有唔少日藉街坊，今次跟隨日藉街坊腳步，嚟到「丸丸 洋食居酒屋🎌」，睇吓有咩食：🥝手工果醋飲品-奇異果菠蘿入坐後最吸引我嘅係牆邊嘅一樽樽漬物，原來並非擺設咁簡單，真係有店主自製果醋特飲餐單，我揀咗奇異果菠蘿梳打，味道好清新，醋酸味飲落去好舒服，有梳打soda同薑啤ginger ale 同埋Vodka soda揀，酒定唔酒由你決定！.☕️咖啡燒酎燒酎Shochu，日本燒酒嘅意思！無錯，就係咖啡+燒酒了！咖啡燒酎都係店主Handmade,分別有：💧加水/🧊加冰/🍼加奶 三個選擇今次揀咗「加水」，都有少少冰keep返凍度，口感有咖啡味又有少少酒味，又不太搶喉，易入口仲幾醒胃呢。.🦪廣島蠔豚肉泡菜鍋鍋仔細細，材料都幾多：廣島蠔、豆腐、大蔥、豚肉、泡菜。步驟1: 首先開爐滾熟材料，食咗面頭少量食材先，廣島蠔已離殼，啖啖蠔肉清味感覺，豚肉和蔬菜樣樣有啲，兩個人食份量都可以。.步驟2: 將白飯加入鍋中，輕輕撈伴，讓鍋嘅湯底都包圍着白飯，再加入芝士碎，一陣間之後就食得喇！.步驟3: 芝士燴飯成功🏆飯有芝士香之餘仲吸收晒鍋嘅湯汁精華，非常之暖身呀！冬季限定，過咗就未必再有喇！.🐷44小時製作厚切北海道三元豚鐵板燒豚肉用咗長時間慢煮，特別香軟，口感有豬肉嘅香，亦爽爽口咁一啲都唔會靭，再淋上醬汁，配埋旁邊嘅小蔬菜，雖然鐵板上但一啲都唔熱氣，有份健康嘅感覺。.🫘甜品鯛魚燒咬開是滿滿嘅紅豆蓉，好有傳統情懷呢！
continue reading
太古城是其中一個居港日本人聚居的地方，因此亦有「小日本」之稱，日式餐廳選擇亦比較多，今次就來到由日廚主理的丸丸洋食居酒屋，溫暖昭和風裝潢充滿懷舊情調，一室木系枱椅與昏黃燈光體現極致和風美學，餐牌融合日本、法國及意大利等多款洋食及居酒屋料理，帶來「和洋折衷」的新派創意，款式繁多。二段低溫油吉列豬排 $128採用兩段式油炸煮法，先以低溫炸熟豬扒，其後再用高溫慢炸，同時可去除多餘油份，炸成金黃的麵包糠外層針針豎起，酥脆無比，吉列豬扒夾起時依然皮肉緊扣，肉質纖細易嚼，肉汁豐滿，配合清爽脆甜的海量椰菜絲，並點上專為吉列肉類設計的自家製醬汁，中和炸物的油膩感。米蘭薄炸雞排 $75米蘭雞扒可說是意大利料理中的家常名菜，金黃炸衣撒上一層芝士粉，散發著一股芝士獨有的奶香味，將雞排拍至薄身，薄切炸物口感更香脆，拌以色彩繽紛的野菜沙律，清新又解膩。焗蟹膏蟹肉配黃金多士條 $88揉合芝士、蟹膏和蟹肉絲，蟹肉比例夠高，絲絲雪白蟹肉真材實料，每口都充滿蟹肉的鹹鮮味，將蟹膏塗上脆卜卜的牛油多士，迸發出雙重口感，最適合我這些愛吃蟹但又最怕拆蟹的懶人。凍番茄馬蘇里拉水牛芝士 $55以食用花點綴的擺盤姿態優雅，水牛芝士濕潤細滑帶彈性，奶香佈滿口腔，番茄清甜多汁。月見免治雞肉 $35免治雞肉棒將雞肉切碎混合雞軟骨搓成棒狀，口感更有嚼勁，蘸點蛋漿滿溢蛋香，入口更滑溜。番薯 $25質地粉糯密度高，燒香後在熱力的逼使下，番薯的糖分慢慢由內滲出，更能提升甜度，蕃薯味極濃。自家製西京味噌焦糖布甸 $48在傳統西班牙甜點Crema Catalana滲入帶微鹹甘口的日本西京味噌，表層糖衣燒得帶有焦香，一軟一脆形成強烈對比。
continue reading
今日去左太古城SHOPPING, 晚餐去左試下間洋食居酒屋MARU MARU, 係由日本居酒屋達人堀田店長精心主理，仲同洋食料理匠人大嶺宗善合作，打造全新「洋食料理. 單係日本人主理, 都已經好吸引. 店內裝修都好簡潔, 好日本FEEL. 菠蘿奇異果醋梳打 $38蜂蜜生薑檸檬醋薑味汽水 $42餐廳自家浸製嘅果醋, 都幾酸, 幾開胃. 果味香甜, 解膩. 雪糕脆筒吞拿魚他他 $83呢個菜都好特別, 幾創新用雪糕脆筒香脆黎配搭吞拿魚 , 食法新穎 , 擺盤有特色. 吞拿魚蓉中加入中式菜脯、韓式辣椒醬, 海鮮醬, 鮮味滿滿. 脆筒敲碎, 伴他他入口, 多重口感 !唔錯. 串燒拼盤 (5款) $148自家制免治雞肉, 雞翅, 雞皮, 豬肉五花, 牛舌. 火喉剛好. 有微焦香味. 食材都係好高質. 特別一提係雞皮. 勁香脆. 二段低溫油吉列豬扒定食 $148定食份量好足, 配有麵豉湯,前菜,沙律,白飯. 採用日本三元豚,豬扒肥瘦平均, 二段低溫烹煮 油溫要嚴格控制, 利用唔同溫度低溫慢炸兩次，做到外皮酥脆, 肉質嫩滑多汁, 吉列炸皮炸得金黃酥脆, 果然係餐廳招牌菜佢地仲有好多選擇,如刺身類, 火鍋. 下次一定會試其他! 丸丸 洋食居酒屋 地址: 太古太豐路3號太古城星輝台金星閣地下G1019號舖
continue reading
位於太古既洋食居酒屋，主打二段低温吉列食物、洋食同沖繩料理等，餐廳採用大量木系裝修，牆身貼上多款手繪食物圖片✍🏻充滿日式居酒屋風格🇯🇵焗蟹膏蟹肉配黃金多士條（$88）蟹膏混合蟹肉🦀同埋芝士🧀一齊焗味道香濃，食到一絲絲嘅蟹肉👅幾足料，多士條表面香脆，內層鬆軟，配蟹膏蟹肉食，幾夾👍🏻二段低溫油吉列豬扒定食（$148）定食配有麵豉湯、前菜、沙律🥗同白飯🍚豬扒係採用日本三元豚，肥瘦均勻，經二段低溫炮製而成，即嚴格地控制油溫，將豬扒利用唔同溫度低溫慢炸兩次，做到外皮酥脆，肉質軟嫩👄唔油膩~明太子忌廉烏冬（$108）牛乳混合豆乳調制而成嘅湯汁，加上明太子、味道鹹香濃郁😋烏冬採用較為幼身嘅烏冬，口感煙靭，幾掛到湯汁🍜最中雪糕夾餅（$48）雪糕有抹茶/芝麻/紅豆/柚子味選擇，我地揀咗芝麻味，芝麻味道香濃👅配上脆口既夾餅，好似食緊雪糕三文治咁~自家製西京味噌焦糖布甸惠顧堂食，follow 餐廳社交平台即可免費獲贈，焦糖布甸幾香蛋味👅口感有啲似雪糕嘅質感，表面塗上西京味噌，炙燒至焦糖化，鹹鹹甜甜，幾有特色👐🏻蜂蜜生薑檸檬醋薑汽水（$42）餐廳自家浸製果醋，配上薑味汽水，酸酸甜甜，帶輕微既生薑辣味，幾開胃😆
continue reading