秋田鐵板燒刺身專門店

Open Now

Now Closed

走進秋田鐵板燒刺身專門店餐廳，環境給人一種典雅而舒適的感覺。餐廳以溫暖的色調裝飾，增添了一抹東方風情，讓人彷彿置身於一個精緻的日式庭院。空間佈置井然有序，桌椅間距適中，營造出私密感和寬敞感，適合與家人或朋友共進晚餐。服務員態度親切且專業，入座後即主動介紹菜單特色-這次點選了秋田二人前套餐，內容豐富且食材選材考究，堪稱一頓奢華的日式饗宴🇯🇵 季節沙律 
開胃沙律以新鮮時令蔬菜為主，搭配清爽的醋醬汁，口感清脆爽口。顏色鮮艷，味道清新，為接下來的重口味菜餚做了完美的鋪墊-🇯🇵魚籽鵝肝蒸蛋
這道菜是驚喜之作。蒸蛋嫩滑如絲，入口即化，魚子醬帶來一絲鹹香，而鵝肝醬的濃郁油脂味與之完美融合。調味恰到好處，沒有過鹹或過油的感覺，是一道值得細細品嚐的開胃菜-🇯🇵鮮活時令龍蝦
主菜之一的活龍蝦肉質鮮嫩，烹調手法保留了海鮮的原味。龍蝦肉彈牙，搭配微焦的外皮，口感層次豐富。醬汁帶有淡淡的酒香，提升了整體風味，令人回味無窮-🇯🇵原隻鮮活南非鮑魚 
鮑魚肉質Q彈，帶有天然的海水甜味，烹調得恰到好處，既不柴硬也不過熟。半殼呈現更增添了視覺上的享受，適合愛好海鮮的饕客-🇯🇵季節時令海鮮 珍寶帶子口感鮮甜，佐以簡單的柚

女朋友生日，諗住食間特別啲嘅餐廳食完感覺真心特別特別難食呀！首先，去到安排左我地坐爐邊位置一坐埋去體驗到戶外BBQ咁熱到傻呀，坐底無耐已經底褲都濕埋搵兩把無力嘅風扇吹住當通風實在頂唔順即刻叫佢換位比我地，都有換嘅認真職員都算有禮貌，不過成個觀感就真係扣哂分去到嘢食方面，叫左秋田set 900蚊一位整體來講，性價比極低成餐飯得個龍蝦算好食啲其餘茶記級數炒菜衰過兩餸飯帶子咸到我個腎隱隱作痛炒飯淡而無味唔建議大家去食，救得一個得一個

今日難得放假，同老婆去咗灣仔QRE Plaza 8樓嘅「秋田鐵板燒」撐枱腳💑！餐廳環境低調奢華，坐喺鐵板吧枱可以睇住師傅即場表演🔥，儀式感滿滿～ 🌟二人前套餐（$888/位）真心抵食！ 頭盤「魚籽鵝肝蒸蛋」一啖驚艷～鵝肝嘅油香撞爆脆魚籽，蒸蛋滑到似食緊雲朵☁️！「鮮活龍蝦」仲識郁咁新鮮🦞，鐵板燒完肉質彈牙到癲，仲有原隻「南非鮑魚」厚切爽甜，師傅火候控制得啱啱好👏 重頭戲「鹿兒島霜降和牛」有厚燒同薄燒卷兩食～厚燒外焦內軟，油脂香到漏油💦；薄燒捲住蔥蒜食，入口即溶真係邪惡到爆！仲有「香煎鵝肝多士」肥而不膩，配埋黑醋汁完美中和～ 最後「龍蝦清湯」鮮到舌頭都想吞埋🍲，甜品「荳莎香餅」同抹茶雪糕為呢餐畫上完美句號🍵。 🌃！服務員姐姐超nice，會同你講解每道菜～今次真係食到捧住個肚走，下次紀念日一定會再encore💯！

每每鐵板燒都要選取鵝肝或帶子、龍蝦或鮑魚、抑或是和牛薄切或加錢厚切….全都想要?力推這間屹立多年的老字號！【活伊勢海老】必是重點之作!廚師純熟地將龍蝦拆肉起膏,將蝦膏煮成醬汁再炒香龍蝦,肉質鮮甜彈牙.其後火燒龍蝦頭,火焰足足成米高,並煮湯,清甜得很~最愛這【香煎頂級鵝肝】猶如鵝肝扒,是吃過最有厚度的!!油潤香濃又無根,每次吃都極滿足! 【南非鮑魚】厚身而活生生的.煎煮後切片,咬落軟柔,配合那海苔忌廉醬汁,味道濃郁添層次.【鹿兒島霜降和牛】一次可同時達到兩種口感! 厚切和牛油脂香溢,肉質柔軟;薄燒和牛中間夾住蒜片及蔥花,非常香口.旁邊的鹽燒昆布及炸蒜片更是錦上添花.甜品是即制的【紅豆銅鑼燒】誠意有心思!微暖香甜,配綠茶雪糕一流~雖然抽氣系統未是盡善,但每次到此用餐滿足度爆燈.難怪大家都跟我一樣,依然為美食而光顧.全場坐無虛席,熱鬧坐滿!!

🎂 【生日驚喜】 今晚同奴才爸去秋田鐵板燒慶生，師傅用鐵板寫「生日快樂」儀式感爆棚～ 𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃🥗 季節沙律 ・新鮮野菜配芝麻醬 ・水晶粉絲增加口感 🍮 魚子鵝肝蒸蛋 ・鵝肝粒令蒸蛋更有層次 ・面鋪三文魚子爆漿 🦞 海鮮盛宴 ・鮮活龍蝦｜龍蝦頭先大火爆香熬湯，鐵板煎到殼脆肉彈 ・南非鮑魚｜師傅即場𠝹花更易咬開，配忌廉海苔汁更香・帶子｜兩面各煎30秒鎖汁，配埋紫菜食更有口感🪿香煎頂級鵝肝 • 鵝肝成部電話咁大 • 厚切保留口感 • 多士墊底、菠蘿解膩🥩 和牛二重奏 ・薄燒卷｜包住炸蒜片同蔥花夠香口・厚燒｜外焦內粉紅，我地最中意配脆口炸蒜、岩鹽同昆布鹽，帶起牛味又有口感 🍚 主食 ・秋田炒飯｜粒粒分明夠煙韌・炒野菜｜保留爽脆度・龍蝦清湯｜頭殼一齊熬更鮮🍡 甜品驚喜 ・豆沙燒餅｜師傅即席燒・雪糕｜可選抹茶/黑芝麻/士多啤梨🎨 【畫碟服務】 ・提前3日預約𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 🤑 人均消費：～$977🤩 推薦指數：9 / 10📍 餐廳資料：秋田

秋田呢個老牌鐵板燒♨️ 唔知你有冇食過呢😍❓..一間水準滿穩定而且有質素、食材新鮮美味、環境舒服設獨立包廂空間，每次黎到吃飯都感覺親切～鐘意食鐵板燒既朋友就別錯過喔！店內以和服👘、燈籠🏮、竹簾和清酒🍶 是秋田日式鐵板燒店內的典型裝潢。主打日本傳統的鐵板燒 & 爐端燒，香噴噴的串燒🍢 以及即叫即製的鐵板燒，讓人盡情品嚐「兩燒」美食，大滿足❤️!秋田 【二人前套餐】 由$888 - $1500 p.p. 抵食～🔸季節沙律 配胡麻醬 (水果蕃茄香甜）🔸魚籽鵝肝蒸蛋 (鮮嫩）🔸鮮活時令龍蝦 活伊勢海老 (印尼龍蝦鮮甜）🔸原隻鮮活南非鮑魚 (鮮活彈牙）🔸季節時令海鮮 旬の海鮮 (頂級帶子） 裹住紫菜、蘿蔔片、紫蘇葉、水晶海藻同吃，增加口感。🔸香煎頂級鵝肝 (魚籽醬 & 食用金箔）松針 超級肥美厚身～邪惡油香徘徊口腔。配上意大利黑醋減膩。🔸鹿兒島霜降和牛 薄燒卷 寸燒 (牛脂夾著蔥香） Kagoshima wagyu slices-cut beef🔸鹿兒島霜降和牛 厚燒 (脂香味爆發十足）Kagoshima wagyu thick-cut beef steak🔸秋田炒飯 秋田燒 (粒粒分明有鑊氣）🔸炒

今次同朋友食「秋田」套餐，真係食到嘩嘩聲！師傅即席炮製，由鮮活龍蝦到南非鮑魚，再到A5和牛，每道都係視覺同味覺嘅雙重享受～ 🦞龍蝦兩食超驚艷！鐵板煎香嘅龍蝦肉鮮甜彈牙，最正係個龍蝦膏煮汁，濃郁到黏嘴唇！配埋脆多士，食到lam lam脷～ 🌊季節時令海鮮係帶子（配紫菜）加咗柚子胡椒，清新得嚟帶微辣，好開胃！🦪原隻鮮活南非鮑魚爽口唔韌，個忌廉海草汁奶香十足，超夾！ 🥩鹿兒島霜降和牛薄燒卷同和牛厚燒，油花靚到發光！有鹽昆布、岩鹽、芥末和蒜片任你點配，簡單點少少岩鹽就已經好食到停唔到口～ 服務細心周到，師傅會講解每道菜嘅食法。環境私隱度高，好適合慶祝特別日子🩷如果係生日好似仲會有額外炒物，不過我地無人生日體驗唔到😛

.今日同朋友去咗灣仔秋田鐵板燒😬午市真係好抵🙌🏻門面低調但入到去有驚喜！✨ 裝修走日式簡約風，鐵板吧枱位可以睇師傅即場表演🔥，坐得舒服又夠私隱，lunch time唔會太嘈，傾計都得👍🏻🍽️ 午市套餐💰 $888起（有沙律、前菜、主菜、炒飯、湯同甜品）性價比幾高！ 前菜｜蟹肉沙律🥗新鮮！菜底爽脆，蟹肉份量唔算多但夠鮮甜，胡麻醬開胃，唔會求其hea做～ 魚子鵝肝蒸蛋驚艷！蒸蛋滑到似豆腐花🥚，面頭鋪滿鵝肝粒同爆汁魚子，一啖三種奢華口感～熱食超濃郁，朋友食完即刻想encore！ 鵝肝多士邪惡度爆燈💣！鵝肝厚切煎到外脆內溶，配蜜糖多士🍯，油香同甜味完美平衡～（小貼士：趁熱5秒內食，凍咗會膩） 鮑魚（鐵板燒）師傅即劂超新鮮！🐚 肉質彈牙唔韌，簡單用蒜蓉牛油燒，鮮味吊出嚟～連肝醬都煎到甘香，高級料理店水準！ 龍蝦多士🦞龍蝦肉拆成巨型蝦球，混入沙律醬炙燒～多士脆到「咔嚓」聲，邪惡但停唔到口！建議兩人share，飽肚感十足💪 帶子（配海膽醬）必點！帶子厚過1蚊銀💰，表面微焦內裡溏心～海膽醬濃到癲，鮮甜creamy，食完想舔碟😝 鹿兒島霜降和牛薄燒卷🥩和牛片包住炸蒜同蔥花，師傅火候控制神級！

位於灣仔的日式鐵板燒餐廳。 記得以前就曾光顧過尖沙咀分店，當時已對食物質素和服務都留下相當不錯的印象；尤其是師傅那一手倒轉寫字的精湛技藝，以及超用心的畫碟服務，都讓我嘖嘖稱奇並留下了深刻的印象。而趁好友生日大日子，接收工再安排去食飯一條龍自然就不在話下吧，於是便決定到灣仔分店好好地慶祝一番了。 ⋆____ 秋田二人前套餐 $888/位  _____⋆  ✿ 季節沙律✿ 魚籽鵝肝蒸蛋細膩滑嫩的蒸蛋上放了一件一口鵝肝，入口濃郁且柔和。.✿ 活伊勢海老 — 新鮮時令龍蝦鮮甜彈牙的伊勢海老肉質飽滿，配以用龍蝦膏與牛油調製的醬汁，香濃滋味令人回味。烹調完畢後，師傅將會龍蝦拆肉上桌，方便食客品嚐。.✿ 南非鮑魚 — 原隻鮮活大鮑魚鮮美大隻的南非鮑魚肉厚軟嫩，濃郁鮮香；配搭海苔與忌廉汁，口感豐盈細膩，令人愛不釋手。.✿ 時令海鮮 — 帶子帶子肉質肥美多汁，抹上柚子味胡椒醬，再以紫蘇葉或紫菜包裹著進食，口感更豐富。.✿ 香煎頂級鵝肝厚實潤澤的鵝肝，煎至金黃酥脆，油脂豐盈，入口即融；配以多士和黑醋，既提味又平衡油脂。✿ 鹿兒島霜降和牛 — 薄燒與厚燒薄燒和牛包裹香蔥，香氣撲鼻；厚燒則呈現粉嫩色澤，肉質軟

昨晚來到灣仔一家低調奢華的鐵板燒專門店，從食材到師傅手藝都充滿驚喜。🍃 *季節沙律* —清新爽口，搭配輕盈酸甜的醬汁，開胃又平衡味蕾。🥚 *Steamed egg with fish roes and foie gras* —入口即化的滑嫩蒸蛋與濃郁鵝肝完美融合，魚子點綴帶來一抹鮮鹹層次。🦞 *鮮活時令龍蝦* —肉質緊實彈牙，每一口都帶著海水的鮮甜，鐵板煎烤更添焦香。🐚 *原隻鮮活南非鮑魚* —爽脆彈嫩，細細咀嚼能感受到鮑魚獨特的鮮甜與柔韌口感。🐟 *季節時令海鮮* —依時令而變，當晚的海鮮特別鮮甜，火候拿捏恰到好處，將海味最大化。🦢 *香煎頂級鵝肝* —外層金黃香脆，內裡柔軟細膩，濃郁油香在口中蔓延，奢華感十足。🥩 *鹿兒島霜降和牛薄燒* —極致油花，輕輕炙燒即可呈現入口即化的絲滑質感。🥩 *鹿兒島霜降和牛厚燒* —厚切和牛擁有更豐富的咀嚼感，肉汁豐盈，油脂甘香四溢。🍚 *秋田炒飯* —粒粒分明，炒至微微金黃，拌入和牛肉汁更添層次，絕不遜色於主菜。🥬 *炒野菜* —簡單卻令人驚喜，火候掌控完美，保持蔬菜的鮮甜與爽脆。🍲 *龍蝦清湯* —鮮味濃郁，收尾時的一口湯溫暖又療癒。

灣仔嘅🔥秋田鐵板燒刺身專門店，係🇯🇵日式席前鐵板燒嘅老字號，開業近二十年🎉，出咗名係用料上乘✨！阿Bob👨🏻‍🍳上菜符合香港速度，放Lunch嚟食都唔會遲到，大家記得搵佢👏🏻！🔥秋田二人前套餐 $888/位好有活力、郁郁下嘅鮑魚同埋龍蝦！肥大肉厚充滿光澤嘅帶子！厚切大大片嘅鵝肝！漂亮油花嘅日本和牛！秋田嘅用料真係好靚！🥗季節沙律清爽新鮮兼開胃！🥚魚籽鵝肝蒸蛋席前製作，以魚籽加強鮮味！🦞鮮活時令龍蝦加入大量蒜蓉同埋龍蝦膏同炒，充滿蒜味同埋鹹香！🪸原隻鮮活南非鮑魚鮑魚軟淋之中有一點彈性，海苔忌廉汁為鮑魚添上更多鮮味！🐚季節時令海鮮時令海鮮係巨大肥厚嘅帶子，入口係滿滿嘅柚子胡椒味！🦢香煎頂級鵝肝鵝肝好大塊，輕煎了短時間，一咬即爆油，肥到一片菠蘿都唔夠解膩！🥩鹿兒島霜降和牛薄燒卷/厚燒輕煎至微溫，口感軟嫩而且肥美！會跟埋岩鹽、Wasabi醬、塩昆布、炸蒜片，自己調味，正！🍚秋田炒飯｜🥬炒野菜席前炒飯同埋清炒野菜，加啲七味粉會更好！🦞龍蝦清湯以火焰炙過嘅龍蝦頭，加入清湯而成！🍨精選甜品有紅豆餡嘅銅鑼燒同埋雪糕！🍻日本麒麟生啤 $60｜巨峰乳酸 $42炎炎夏日之選，冰涼消暑！

星期日銅鑼灣行完街，去咗【秋田鐵板燒刺身專門店】渡過完美周末。餐廳裝潢走日式典雅風，燈光柔和，分開鐵板區同壽司吧枱位，空間感十足，坐得舒服。坐喺鐵板枱望住師傅即席烹調，好有臨場感。我哋揀咗【秋田二人前】套餐，有龍蝦有鵝肝有和牛，啱晒我口味。🥗 季節沙律新鮮爽脆，配搭簡單，有蘿蔔片、粟米、蒟蒻絲同生菜，淋上和風醬汁，清新開胃。🍮 魚籽鵝肝蒸蛋蒸蛋夠滑，裡面有幼滑鵝肝，加埋黑魚籽點綴，味道濃郁但唔會過膩，鹹香中帶少少甘口，屬於誠意之作。🦞 鮮活時令龍蝦鮮活龍蝦即燒即上，肉質彈牙，擺盤鋪喺牛油多士上，多一陣美味油香。🐚 原隻鮮活南非鮑魚鮑魚切花處理得好，煎至微微焦香，仲滲出淡淡黑椒香味。配忌廉海苔汁，口感先幼滑後爽彈，幾有心思。🐟 季節時令海鮮呢道係炙燒帶子，上面加咗柚子胡椒醬同魚子，微辣清香。配一大片紫菜，包住一齊食，香脆鮮爽。🥩 香煎頂級鵝肝鵝肝煎至外層金黃，中心仍然保留柔嫩感，鋪上金箔與魚子，賣相高貴，底下就係香脆多士，吸收鵝肝油份，減低油膩感。🥩 鹿兒島霜降和牛厚燒/鹿兒島霜降和牛薄燒卷厚切部位煎香後上碟，口感結實但唔韌，油脂豐富，啖啖肉香；芥末、蒜片、岩鹽或鹽昆布，一啖一滿足。🍳

呢間日式鐵板燒餐廳除咗性價比高之外，店員嘅服務態度都非常好，而且坐得舒適，唔會逼夾揀咗秋田二人前套餐，季節沙律🈶新鮮嘅蕃茄仔及沙律菜，食落好清爽魚籽鵝肝蒸蛋有魚籽嘅點綴，帶來鹹香嘅爆珠感，配上滑嫩細膩嘅蒸蛋➕鵝肝完美融合，層次豐富且入口即化鮮活時令龍蝦以龍蝦膏烹煮，肉質香嫩彈牙，咬落鮮味十足原隻鮮活南非鮑魚肉質滑嫩，點上海苔忌廉汁食就更滋味季節時令海鮮係帶子，面層搽上柚子醬，帶子肉質鮮嫩，紫菜包住黎食更別有一番風味香煎頂級鵝肝真係超大件，鵝肝經煎製後外層微焦，內裡香滑，搭配酸甜醬汁及香脆嘅多士一齊食，真係好邪惡🙈鹿兒島霜降和牛薄燒卷裡面有炸蒜➕蔥花，非常惹味，另外仲有鹿兒島霜降和牛厚燒，都係揀咗5️⃣成熟，肉質多汁鮮嫩，牛味香濃秋田炒飯炒到粒粒分明，入口好香蛋味炒野菜有菇菌及椰菜，食落清新爽口龍蝦清湯以龍蝦頭熬製，湯底清澈鮮甜，輕盈不油膩，既暖胃又回味無窮雪糕紅豆班戟揀咗搽茶➕芝麻雪糕各一，班戟夾埋雪糕一齊食，非常美味可口飲品叫咗Apple Shochu➕巨峰乳酸，前者好香蘋果味，好好飲，後者口感柔滑清爽，味道酸甜適中

週年紀念日想搵間餐廳去慶祝下，諗起秋田鐵板燒，之前食過尖沙咀分店好喜歡，原來佢係灣仔都有分店，岩哂我收工就可以即刻趕去食😆季節沙律味道好清新，夠哂開胃😆👍🏻魚籽鵝肝蒸蛋鵝肝味道十分濃郁，蒸蛋夠滑溜，魚籽又卜卜脆，多重享受😆鮮活時令龍蝦龍蝦相當鮮味！肉質十分彈牙，加上係鐵板上面快炒，夠哂火喉👏🏻鐵板帶子帶子用牛油煎香過，再配合紫菜同紫蘇葉連埋一齊食，味道好夾！好好味☺️原隻鮮活南非鮑魚鮑魚烹調既時候掌握得剛剛好！肉質夠哂嫩口彈牙！配上忌廉海帶汁，連埋昆布一齊食，更加豐富左鮑魚既味道！😍香煎頂級鵝肝勁厚身既鵝肝！😳鵝肝既豐富油脂同酸甜濃郁既黑醋完美融合😋香脆既多士亦吸收哂每一滴鵝油，充滿油香🥰鹿兒島霜降和牛厚燒+鹿兒島霜降和牛薄燒卷霜降和牛油花分布均勻，口感軟腍👍🏻 配上兩種鹽，薄燒卷建議配合鹽昆布，厚燒就建議配知岩鹽，我個人就最喜歡沾日式芥末醬一齊食☺️😋秋田炒飯炒飯粒粒分明夠香口，櫻花蝦既加入更加令香味昇華☺️炒野菜夠哂爽脆，野菜夠新鮮食得出蔬菜既甜味👍🏻龍蝦清湯用左龍蝦殼去熬湯，味道相當鮮甜👍🏻甜品係銅鑼灣燒同雪糕，大滿足☺️再食仍然係相當喜歡，環境、食物味道都係令人會願意一試再試👍🏻

之前同朋友慶生食過覺得性價比好高，所以今日又book左位食!今次都係揀左「秋田二人前套餐」好鍾意佢個魚籽鵝肝蒸蛋，超級滑溜，鵝肝同魚籽既配搭令味道層次更豐富。龍蝦新鮮即劏即燒，現場火焰烹調，視覺效果好震撼!龍蝦肉爽口彈牙，醬汁溝入龍蝦膏調制，更突顯鮮味。南非鮑魚軟嫩又保留嚼勁，配埋昆布忌廉醬汁，清新中帶濃郁，令味道更具層次感。香煎鵝肝，仲大過塊多士，師傅煎到外層有輕微脆度，鵝肝細膩滑順，油脂豐富，入口即溶!季節精選海鮮係帶子，帶子厚肉鮮甜，用牛油輕輕一煎已經好香，師傅推介用紫蘇葉包住一齊食，紫蘇葉有獨特香氣，微微辛辣，平衡番帶子既鮮甜。鹿兒島霜降和牛薄燒卷同厚燒，師傅用上唔同切割方式呈現和牛的軟嫩同油香，滿足想要唔同口感既客人。薄燒卷包住香蔥同蒜片，令整體味道更清爽。厚燒和牛煎到表面微焦，入口即溶!龍蝦清湯 用龍蝦頭熬製而成的清湯，湯色清澈透亮但鮮味十足。秋田炒飯炒飯炒得好乾爽，吸收埋櫻花蝦同煙肉鹹香，香氣十足。炒野菜食完咁多正野，食番個炒野菜可以中和油膩感。即製銅鑼燒外皮鬆軟帶有淡淡蛋香，紅豆餡細滑綿密，甜度適中。每一次都食得好滿足。