龍百味小廚

Open Now

Now Closed

形式好似兩餸飯0既鋪店，其實係每碟餸計錢的，好似小菜，叫左鹹蛋蒸肉餅，西蘭花雞柳，大概$廿幾蚊一碟餸，蒸魚就貴0的，白飯另計$5，湯$6。味道住家感覺，吾會好鹹，比一般兩餸飯好味

極度負評！送菜細細一碟！話就話白飯任裝！想飲杯水都阿芝阿左！膠杯按人頭計！裝送阿姐追住出來深犯咁審！！講完一句唔理佢繼續口upup！大佬尖沙嘴咁多食肆真係多你一間唔多！少你一間唔覺lor！真想睇吓你幾時光榮結業！反正就無下次！兩個成年人去吃根本吃唔飽！一碟挽魚要52蚊！細過蚊滋！菜式好一般！份量嚴重呃人！每碟收費唔明確！有誤導食客！總之就係阿姐小氣飲水膠杯一隻都走嚟啫住食客！菜式麻麻無特別！白飯要限住！各位避雷呀負評負評！

尖沙咀都有平民高質小菜，龍百味小廚位於金馬倫道，中式小菜選擇超多，豬雞牛海鮮、菜類豆類、蒸炒炸炆樣樣有，總有幾款岩口味，每款餸都係廿幾蚊，平靚正！菠蘿咕嚕肉係招牌菜，咕嚕肉製作步驟繁複，出街食就最岩，咕嚕肉質嫩，肥瘦比例剛好，沒有好厚粉炸，仲有埋三色椒同鮮菠蘿，酸酸甜甜好開胃，每款小菜都裝到滿瀉，毫不吝嗇！椒鹽豬扒香噴噴，份量十足，炒得好有穫氣，椒鹽好入味，好惹味！咁高質難怪咁高人氣咁多人黎開飯！蓮藕回鍋肉最鍾意食依道菜，因為麻麻辣辣好惹味，蓮藕＆回鍋肉炒到入晒味，食落唔會過份油膩，係愈食愈有食慾！堂食$5白飯任裝，絕對飽肚，高質又性價比高！銀芽炒雞蛋簡簡單單一道小菜，都能夠有穫氣係有一定真功夫，食到停唔到！

返工一族放工鬼咁夜返到屋企就更加夜，行經尖沙咀金馬倫道見到間平民嘅小菜小炒店，平平地$20起就有個餸，外賣堂食都得。餐廳人流都幾旺，燈光夠光猛又乾淨。小菜全部隔住玻璃見到可以慢慢揀，最誇張係堂食幾蚊嘅白飯食完仲可以任裝。今次兩個人叫左幾多餸黎食，咕嚕肉,椒鹽豬扒,魚柳茄子,麻辣鴨血,三色肉碎蒸蛋，另外仲嗌左碗老火湯飲，今日個湯係粟米南瓜栗子豬骨湯，幾足料幾好飲。咁多個餸最深刻嘅係麻辣鴨血，因為通常都要打邊爐或者去小炒店先食到，而且個味煮得真係幾香，又麻又辣特別開胃。

外賣5餸返屋企食，平靚正又有驚喜，呢間店每款餸都係廿幾蚊，仲有十幾款簡，岩晒想偷懶唔煮飯既人✅鳳梨咕嚕肉呢個咕嚕肉係典型嘅港式風味，外賣盒一打開就聞到陣酸甜香味，好有食慾！咕嚕肉嘅皮炸得脆香，但帶外賣返屋企有少少回軟，唔算最脆嗰隻，但肉質夠嫩，肥瘦比例啱啱好，唔會有嗰啲油膩膩嘅感覺。鳳梨酸甜味十足，係嗰種新鮮果甜，唔係假假嗰啲糖水味，加埋青紅椒，成個餸食落去好開胃✅陳年黑醋一字骨呢個真係外賣入面嘅驚喜之一！一字骨炆得好入味，肉質嫩滑但唔會炆到散晒嗰種，啱啱好仲保持住啲肉感。黑醋醬汁係重點，酸度唔會過高，帶少少甜味同濃濃嘅香醋味，食落去係一種幾溫和嘅酸甜口感，唔會刺激到好膩。仲帶少少陳醋嘅果香，幾有層次感✅馬來咖喱薯仔牛腩咖喱味一開盒就好搶眼，係帶住南洋咖喱香料嗰種濃郁，唔係淨係辣味嗰隻，而係有香茅同椰奶嘅微微甜香，勁有層次。牛腩炆得夠腍，啲筋位軟糯又唔會散，牛味保留得好好。薯仔吸晒咖喱汁，食落去粉粉嘅，仲有少少咖喱醬嘅微辣喺口腔打轉，好warm嗰種感覺。呢個餸會好啱配飯，咖喱同白飯係天生一對。如果鍾意辣啲可以再加辣，但我覺得而家咁樣啱啱好。✅蒜香西蘭花炒雞柳西蘭花夠鮮嫩，炒得仲保持住啲

見最近咁多人講呢間龍百味，是晚便來試試。小店人氣滿滿喎，全店滿座之餘，仲唔少人排隊揀緊餸添。熟餸選擇相當多，一時間真係唔知點咩好，最後揀左五樣野，一家三口應該差不多啦，價錢$26~$48一份，堂食$5白飯任裝，豐斂由人😆⭐鹹蛋蒸肉餅一打開發覺無豉油，試下味又ok喎，鹹蛋已有鹹味唔使額外再加豉油了，肉餅厚身份量足。⭐枝竹蘿蔔炆牛筋腩炆得好入味，蘿蔔鮮甜，牛筋腩軟腍，好食！⭐菜心炒牛肉牛肉唔韌同無乜鬆肉粉味喎，有驚喜！菜心爽甜。⭐四季豆炒臘味呢樣勁好食🤤鹹鹹辣辣好惹味，好食到汁都撈埋。⭐豉汁蒸黃花魚最後仲點左蒸魚，開頭見有黑色一塊塊以為係欖角，原來係雲耳，哈哈。魚肉好滑，蒸得啱啱好唔老身，正。熟餸係幾好食，唔怪之得咁多人嘅。

尖沙咀一向物價偏高，而位於大街的龍百味小廚簡直是平靚正，中式主菜選擇超多，有肉、有魚、有菜、有海鮮，蒸炸炒炆都有，價錢低至$18，好抵食！呢晚收工太夜，打包了5款小菜回家同屋企人分享。飯和湯都係仼食仼飲，絕對飽肚。每款小菜都裝得滿滿，毫不客氣，高質又性價比高，難怪keep住都有人潮！椒鹽豬扒份量好足，豬扒大塊厚肉，炒得好有穫氣，椒鹽好入味，好惹味！咕嚕肉咕嚕肉係我最鍾意嘅中式小炒，平時喺屋企自己煮唔到，所以出街必點！呢度嘅咕嚕肉都係啖啖肉，真材實料，唔會話大大舊粉，仲有埋三色椒同菠蘿，酸酸甜甜。蒸鯇魚收工太夜，平時完全冇時間去街市買魚，所以見到有蒸魚，真係超開心！有黃立䱽同鯇魚，揀咗鯇魚，好大塊，魚肉嫩滑。苦瓜蒸排骨排骨好腍好多肉，苦瓜薄切炆得入味枝竹蘿蔔炆牛腩全部都好入味又唔會太鹹，牛腩鬆化唔嚡口，好送飯！

朋友多年沒回港，今次回來探訪親友幾個月，今天陪他走訪尖沙咀一個大圈之後，大家都覺得好肚餓，剛好途經一間很特別的餐廳，因為已經見到美食當前，就即刻入店找位置這間店舖吸引我們的原因，是因為夠快，超過三十款不同的小菜可供選擇，真的比快餐店更快，而且選擇極富彈性，餸，湯，飯，任你匹配，符合不同食量的客人需要，二人三餸一湯，或幾個朋友選擇多款不同款式的小菜又得，要不要湯，吃多少碗飯，又或者不吃飯，完全適隨尊便，每個項目獨立計算，價目清晰表明，非常實際不要湯就是假的，這裏的中式老火湯非常美味，我就喝了兩碗另外，竟然有我最喜愛的蒸魚，細細條剛剛好，每天都有兩三款不同的魚可供選擇，感覺非常良好陳年黑醋一字骨，比東坡肉更堅實，咁有咬口，非常入味，酸酸甜甜很好吃沙薑豬手也做得出色，沒有把豬手做到腍腍的，而是帶一點彈牙和咬口，是我喜愛的做法自助冷熱水，和免費添飯，真的非常不錯，好希望自己有多幾個胃，哈哈

今次試咗呢間高質平民小菜 真係有驚喜 😋第一眼感覺似兩餸飯 但其實係小炒為主選擇多好多 仲有老火靚湯 同埋我最愛嘅蒸魚一於買幾個小菜返屋企加餸拎返去慢慢嘆🐟 豉汁蒸黃立䱽魚 $48魚肉鮮嫩 豉汁入味 蒸得剛剛好唔會過火 食落仲有啲魚嘅鮮甜味 抵食 👍🍲 枝竹蘿蔔炆牛筋腩牛筋腩炆得夠淋 枝竹同蘿蔔吸晒啲汁味道濃郁 送飯一流 😍🍛 馬來咖喱薯仔雞咖喱香濃得嚟唔會太辣薯仔同雞肉都煮得入味 啖啖肉 好滿足 🔥🥬 時菜牛肉牛肉大大嚿 時菜新鮮炒得夠鑊氣 簡單得嚟好食 👌🐖 韭菜豬紅大腸呢個組合真係冇得輸 韭菜香 豬紅滑大腸有咬口 食落好有層次感 正 💯🍚 外賣白飯配啲餸食真係perfect match🥣 老火靚湯飲完暖笠笠 好舒服 ❤️呢間小廚真係平民價錢 外賣都keep到水準下次一定會再encore 👏👏👏

18蚊起！飲杯奶茶都唔止呢個價食完呢間餐廳，已經成為我心目中平民小菜餐廳，亦成為我媽咪唔煮飯的選擇，堂食和外賣都得，堂食白飯5蚊仲可以任裝。餐廳光猛亮麗，乾淨衞生。店員態度親切，一盤盤葷菜素菜透過玻璃板可以清楚看到，前邊還有已經蓋好的一份份白飯和湯，整整齊齊感覺好舒服。小菜分唔同價位 ，$18- $28最平$18,酸辣土豆絲 ，適合喜辣人士因為屋企人都中意酸酸甜甜，揀咗鳳梨咕嚕肉和陳年黑醋一字骨都係$28，呢個價錢來講份量都足夠😋今日嘅例湯係蓮藕湯，6蚊，個人覺得唔係味精湯已經贏曬！

今天中午，我在尖沙咀金馬倫道，去到一間名叫龍百味小廚的餐廳吃午餐。這間小廚的環境簡單舒適。 我點了菜乾湯，湯底清甜，菜乾的味道更是提味，讓人胃口大開。接著是倉魚，鮮嫩可口，搭配上特製豉汁，簡直一流。然後是京都骨，肉質軟嫩，入味十足，咬下去的瞬間，真是滿足感爆棚！最後是涼瓜排骨，涼瓜的苦味和排骨的鮮香恰到好處，讓我對這道菜讚不絕口。 配上白飯，這一餐吃得相當過癮，真是一個幸福的午餐時光！下次再帶朋友來試試其他菜式。

龍百味小廚位於尖沙咀新開平民高質小菜菜品款式多！收工唔想煮飯的好選擇肉類、蔬菜、蒸魚、小炒通通都有老火靚湯只售$6、堂食更可白飯任裝$5價錢相宜！菜品每款由$18起至$48！難怪全院滿座今晚收工偷懶來買外賣～輕鬆搞點一餐🌟豉汁蒸黃立䱽🌟馬來咖喱薯仔牛筋腩🌟鹹蛋蒸豬肉餅🌟枝竹蘿蔔炆牛筋腩🌟鳳梨咕嚕肉🌟椒鹽炸豬扒買左以上幾款小菜👏🏻家人都大讚好味道大家如果想食平民小菜可以來尖沙咀龍百味小廚 📍尖沙咀金馬倫道16號地下B及C號

黎到尖沙咀試衫，想食啲平民化嘅小菜。兩個人想食家常便飯，呢度有老火靚湯白飯任裝☺️菠蘿🍍咕噌肉 $28Sweet and Sour Pork外脆內嫩😆，菠蘿酸酸甜甜好開胃。陳年黑醋一字骨 $28Aged Vinegar Short Ribs醬汁醃得好酸甜 一字骨比較多肉，骨比較少🤩粟米吉列鲜魚柳 $26Deep Fried Fish Fillet with Sweet吉列魚柳魚肉多炸粉少，淋上粟米汁 亦都唔會令到炸粉淋哂臘肉炒芥蘭芥蘭爽口， 用上臘腸同臘肉去炒好惹味。老火靚湯Daily Soup豬骨白飯/白飯任裝（堂食）White Rice /Dine in Free Refill餐廳入邊仲有好多遊客同外國人一齊食飯 好熱鬧😆

開正響路中心 經過冇理由唔八掛吓 點知見到我最愛嘅黑醋骨 一於買幾個小菜返屋企加餸❣️陳年黑醋一字骨醃得好入味 充分吸收了黑醋味道 有肉汁 唔會柴好開胃 想一件接一件咁食❣️蒜香牛油雞中翼外皮香脆 雞肉鮮嫩多汁 濃郁的蒜香跟牛油的香氣好匹配雞中翼隻隻飽滿 𢳂餸姐姐最後仲比多啲炸蒜我撈飯添❣️金針雲耳蒸滑雞份量足 雞肉滑溜 雞件都醃得好入味金針雲耳爽口 個汁用嚟撈飯都好惹味❣️泰式辣醬燴豬扒豬扒好鬆化 件件都好大件 食落唔油膩泰式辣醬酸酸甜甜好開胃❣️涼瓜炆排骨涼瓜煮到好腍 豉椒味香濃 排骨有咬口 份量足其實見到蒸水蛋蒸魚都好吸引 不過外賣都係揀啲易拎嘅堂食嘅座位都好闊落 如果幫襯堂食點白飯的話仲可以飲添白飯㗎 另外老火湯都唔錯㗎

呀媽話今晚吾煮飯，經過見到呢間位於尖沙咀金馬倫道的座無虛席的「籠百味小廚」，店鋪光猛亮麗，乾淨衞生。透明膠板清楚睇到每一盤琳琅滿目，讓人垂涏三尺的小菜，無重覆而且店員都毫不吝嗇的幫你放滿整個盒子，幾乎多到溢出，決定外賣做晚餐。招牌菠蘿咕嚕肉：毫不吝嗇的新鮮菠蘿，已經贏咗，菠蘿酸甜中和豬肉的膩，醬汁用上蕃茄醬醋糖調配，酸甜合當，豬肉炸至金黃酥脆，外層香脆，內部鮮嫩多汁。麻辣鴨血配豬大腸：花椒和乾辣椒是這道菜的靈魂，花椒帶來獨特的麻感，乾辣椒則提供了強烈的辣味，兩者結合形成經典的“麻辣”口感，刺激味蕾，令人上癮。鴨血鮮嫩配上豬大腸的韌勁與油脂香，豬大腸經過處理後，口感韌勁十足，整體充滿八角、桂皮、香葉等香料為菜餚增添了深邃的香氣，麻辣鮮香、濃郁複雜。椒鹽雞翼：外皮金黃酥脆，咬下去時能聽到“咔嚓”聲，而內里的肉質則鮮嫩多汁，椒鹽粉是由鹽、花椒粉、五香粉等混合而成，帶來咸香中略帶微辣的風味，刺激味蕾卻不會過於辛辣。避風塘炸豬扒：鮮嫩的肉質，豬扒選用里脊或豬排部位，肉質鮮嫩多汁，與外皮的酥脆形成鮮明對比，口感豐富。蒜香濃郁且略帶焦香，為菜餚增添了獨特的風味。香脆、鮮嫩、蒜香濃郁、微辣鮮香非常適合