麥記美食 (景文樓)

Open Now

Now Closed

麥記美食擁有極高人氣，其座位數量不多，在高峰時段需耐心排隊等候，但食客都不介意等待，幾乎每次來麥記美食，我都能看到人潮絡繹不絕，座無虛席。到底麥記美食有甚麼魅力吸引那麼多人? 今晚就跟我一探究竟吧。點心套餐既有10隻鍋貼，也有酸辣湯，10隻鍋貼一上桌還是被底部焦脆的美貌吸引著，鍋貼體積著實巨大，咬開真的外皮酥脆，內餡飽滿，鮮郁可口，隨著每一下的咬嚼，豬肉的香味與精髓滿溢在口中。酸辣湯不是走嗆辣路線的湯底，入口的酸辣是溫和的，重點在湯料不少，滿滿的豆腐、豬血、木耳、肉絲、筍絲、雞蛋，湯的醋酸度與胡椒辣度足夠，其酸辣比例個人蠻喜歡的，酸辣湯真是完美，把菜肉雲吞放在酸辣湯裡就是酸辣湯菜肉雲吞呢。小籠包的精緻度還不賴，我們兩個吃到讚不絕口，一夾起來就看到小籠包沉甸甸的，頗為厚實，不是空空的那種，咬破軟彈的小籠包皮，裡面均是爆漿的湯汁，皮的部份薄透，肉鮮蹦在嘴裡，細嚼時肉味在唇齒間迴盪，令人回味無窮。菜肉雲吞輕食餐另包含3隻鍋貼，鍋貼一咬下去直接驚艷，外皮煎到酥酥脆脆，大嚼一下鍋貼，肉香突然竄出來，每一口爆出超鮮的鮮汁，又不油膩，完全是味覺上的奇幻旅程，必須大推，這鍋貼神到不行。菜肉雲吞都是麥記

上網推介話北角有間上海舖連續幾年攞咗米芝蓮推介到達嗰陣，好彩啱啱有位，唔使等位。間舖好細，夾埋大約十零個位。我哋坐低後，用QR Code落單，點咗鍋貼、小籠包、擔擔麵同埋酸辣湯。$70就有4隻生煎包同4隻鍋貼，最驚喜係生煎包底仲要煎到金黃香脆，咬落爆汁！鍋貼餃皮薄薄，餡料夠實在，一啖一個好滿足！套餐仲包埋豆漿（+$6）同酸辣湯另外點了小籠包，佢個皮唔算特別薄，但入面真係好多湯。湯味唔係特別甜，但湯量真係數一數二。如果鍾意小籠包多湯，呢間真係好正！接住就到鍋貼，個底煎得好脆，去到係下午茶時間左右好快出新一輪酸辣湯，伙記叫我等一等拎碗熱辣辣嘅比我😁

阿媽特別愛吃上海菜這次就試試米其林推薦上海菜水準如何店是小店，我們兩個點了酸辣湯套餐+紅油抄手套餐，各自都是$4x，很讓人滿意的價格，還另外點了一籠四個小籠包個人覺得這個價格吃這種等級真的不錯⭐小籠包皮薄汁多，內餡料是醬油豬肉口味的⭐鍋貼一口大小，底部是脆的⭐酸辣湯濃稠，我個人口味自己還加了點醋，夠味⭐紅油抄手是廣式雲吞皮，皮很薄，鮮肉餡，紅油料汁意外香，吃到後麵碗底還有很多肉碎一個套餐40-50多，食物水平對得起他的價格，比許多偽上海菜好吃很多

呢間小店d套餐都幾抵食，唔算太貴，我地叫咗2個，份量都幾多，都幾抵食。酸辣湯入面都幾足料，有木耳絲，豆腐，蛋絲等，飲落味道唔會太酸，酸酸辣辣，好開胃。生煎包煎得好脆口，唔會太燶，個包唔算厚皮，一咬落去仲會爆汁。生煎鍋貼個底煎得好香口，好脆，熱辣辣，個外皮好煙韌，而入面d肉涵好juicy。小籠包即叫即蒸，上枱熱辣辣，小籠包個皮好薄，入面勁多湯汁，個湯汁好鮮甜，而d肉涵好嫩滑。雲吞擔擔麵雲吞細細粒，一啖一粒，入面d肉涵都幾好味，擔擔麵有好香濃嘅花生味，麵質煙韌吸晒擔擔麵湯嘅味，唔錯豆漿豆味好濃，唔算太甜。

天氣開始熱，有時唔想食得太heavy ，食下面食吓鍋貼會比較開胃。見到有set meals 可以試到多啲嘢，所以決定叫一個麻辣撈面set, 跟咗三隻生煎包，加枝豆漿，再加個蒜香牛油雞翼。另一個set 就叫雲吞擔擔麵，三隻鍋貼，同埋凍檸茶。兩個set 兩個人share 食，都好飽好滿足。可能因為生煎包及鍋貼都啖啖肉，特別欣賞鍋貼，皮薄肉厚多汁，無咩可以挑剔。另外最欣賞就係麻辣撈面，好香濃好開胃，一啖一啖唔覺唔覺就食晒豆漿同凍檸茶都好飲，整體來講係簡單好味嘅一餐！

麥記美食 平民上海菜式餐廳主打生煎鍋貼，鍋貼全部即叫即製鴛鴦餐套餐包四隻生煎包、四隻生煎鍋貼、酸辣湯同熱飲。生煎包外皮煙韌，鍋貼皮薄，兩種口感，兩款個底都煎到脆卜卜，成功鎖住鮮肉汁。酸辣湯微酸微辣，料足，仲好開胃。 黃金之翼鹹蛋黃雞翼，真係邪惡到爆！外皮香脆，鹹蛋黃味濃得嚟唔膩，食到唔停口😆

位於北角堡壘街的麥記美食，以其實惠的價格和美味的菜品吸引了不少食客。最近我嘗試了他們的「鴛鴦餐」，價位$57，性價比相當高。4隻生煎鍋貼這裡的生煎鍋貼外皮金黃酥脆，內裡的豬肉餡汁多味美，口感層次分明，讓人一口接一口。4隻生煎包生煎包的皮薄餡多，特別是熱騰騰的時候，咬下去瞬間會有湯汁流出，搭配香葱的香氣，味道令人驚喜。細酸辣湯酸辣湯的味道適中，酸味和辣味恰到好處，清爽開胃，尤其適合搭配主食一起享用。特飲 (檸檬雪碧) 額外加$12的檸檬雪碧清爽可口，增添了一絲檸檬的酸香，讓整餐更加完美。

連續幾年拎咗米芝蓮餐廳~✨麥記美食✨最出名係招牌生煎包同生煎鍋貼😍全部自家製成好新鮮，性價比真係好高今時今日喺香港可以食到呢啲價錢，真係好良心價，仲要係好好食😚✨鴛鴦餐 $57各四隻生煎鍋貼同埋生煎包即叫即整😍一上枱熱辣辣仲會爆汁添~好Juicy，每一隻都煎到底下好香脆😋✨酸辣湯入邊有木耳絲鴨血絲入口唔會過酸，亦都唔會過辣調味啱啱好😆另外我仲會落啲胡椒粉仲好飲 ✨牛油雞翼 $28牛油雞翼都係即叫即整，十分之香脆好香牛油味同蒜蓉味，雞翼亦都好大隻，入面好Juicy呢一個都係必要小食之一😍好食指數⭐️⭐️⭐️⭐️⭐️

話說有個朋友住左北角好多年，真係地膽，介紹這間食上海菜给我，下午茶時段去都好多街坊幫襯，連續10年米芝蓮推介的小店，出名係生煎鍋貼、生煎包、小籠包等…有套餐，亦有單點！雲吞麵餐有小食同飲品都係50幾蚊，加$6有汽水！雲吞麵都有六隻雲吞，豬肉雲吞食落去比較濃味，真係皮薄餡靚，麪係用咗粗黃面，顏色我覺得有少少似油麪，我食落去覺得更加彈牙生煎包：即叫即煎，所作需時，大概10分鐘左右，熱辣辣好新鮮，煎到金黃色，裏面肉質好Juicy，真係外脆內軟！零系可樂：呢幾日天氣太熱，要飲啲汽水降溫

返工經過附近就嚟試吓呢間米芝蓮小店，主打上海美食，唔係好肚餓，就叫咗小雲吞輕食餐 $44，小雲吞好食～有種令人懷念嘅熟悉感，好似細個唔知係邊度食過咁🤣 套餐包生煎鍋貼（3個）🥟，順帶一提呢度嘅生煎鍋貼同埋小籠包係呢度特色小食，現場有好多外國遊客都會特登叫嚟食～另外加咗蒜香牛油雞翼（3隻） +$28，外皮香脆，蒜香牛油味勁香，入面保留咗少少肉汁🤤味道唔錯👍🏻📍麥記美食 北角堡壘街19號景文樓地下2號舖

北角堡壘街19號景文樓有間上海館——麥記美食，連續幾年贏得米芝連食品獎，係信心嘅保證！今晚我哋點咗：①雲吞麵餐（套餐包鍋貼🥟3隻和豆漿）②雲吞擔擔麵餐（套餐包鍋貼🥟3隻和檸檬柚子梳打）擔擔麵有香濃花生醬味道。鍋貼一面煎到金黃色好吸睛，咬落脆卜卜。另一面外皮柔軟彈牙，饀料味道不錯，新鮮豬肉味甚濃。③蒜香牛油雞翼炸得外皮甚脆，倘若粉漿稍薄一點更佳，不過雞翼食落好好味😋。④小籠包一咬傾情，汁液灌滿口腔，包包皮薄豬肉惹味，而且熱滕滕，很夠火！🥛🍋豆漿鮮美不太甜，怕肥人士最合適。檸檬梳打飲一口心曠神怡！地址：香港北角堡壘街19號景文樓地下2號舖

今晚好想食小籠包鍋貼呢啲嘢，見呢間係米芝蓮推介，而今晚見條人龍又唔算長，所以決定就喺呢度開餐！1）小籠包呢個真係必點，每隻小籠包都係爆汁到流出嚟嘅，每隻小籠包嘅size比平時食嘅大隻少少，一咬開啲湯汁就寫晒出嚟，新鮮滾熱辣，加埋啲油香，好好味！2）生煎鍋貼呢個都係必點！鍋貼底脆，而成隻鍋貼又鎖倒肉汁，細細隻，一啖可以食晒。每碟有三隻，所以我哋兩個人要自私食，叫每人一碟先夠喉。🤣🤣3）小雲吞麵小雲吞都有好多粒，全部都係一口足料小雲吞。朋友唔食得辣，所以叫咗個清湯版，但係就轉咗白麵。我嗰碗就好想試下佢哋推介嘅紅油版-少辣，就跟返佢哋原本嘅粗黃麵 。個人覺得佢哋嘅粗黃面好食啲，因為比較粗身，而且冇咁索湯，又Q彈啲。朋友食嗰個白麵就比較容易索湯，我見佢食到尾嘅時候都冇晒湯水。4）蒜香牛油雞翼、黃金之翼（各三隻）超鍾意佢哋個炸雞翼，不論係蒜香牛油版本，定係鹹蛋黃黃金版本，都炸得超級好食，夠香，雞翼個皮夠脆，又係新鮮炸起。舖頭乾淨企理，又唔使加一 ，經濟實惠，食物又高質！

北角麥記上海生煎鍋貼連續9年米芝蓮推介真係有道理！望住姐姐即煎鍋貼👩‍🍳，金黃脆底「滋滋」作響，未食已經流晒口水🤤～ 招牌 #生煎鍋貼皮薄餡靚，一啖咬落肉汁爆出💥，底部煎到脆卜卜，豬肉餡仲混咗少少薑蔥提鮮，配醋食更加開胃～ 餐廳推介 #雲吞擔擔麵🍜一碗麵竟然有六隻雲吞！雲吞隻隻皮薄透光，鮮蝦豬肉餡彈牙；擔擔麵花生醬香濃🥜，微辣湯底撈勻食到停唔到口！ 最正係$60左右就有齊麵食+鍋貼+汽水🥤，性價比超高！小店雖然得幾張枱，但人情味濃，仲可以睇住師傅即包即煎，熱辣辣上枱夠晒鑊氣🔥～

行完山，當然要搵啲好嘢醫肚。落山後，我提議去一間米芝蓮推介的上海小吃店，呢間鋪主打親民價錢，但水準絕對有保證，係我心目中CP值極高的寶藏店！一入到去，就見到玻璃後面有師傅即場整包點，望住啲生煎包煎到金黃香脆，已經流晒口水。我哋三個人點咗三款超抵嘅套餐，每個都係幾十蚊食到飽飽，真係好滿足。我自己揀咗🏅2號套餐（$63）：雲吞擔擔麵 + 3隻鍋貼 + 熱飲。擔擔麵花生醬濃，雲吞皮薄餡靚，鍋貼底脆，一流！朋友A點咗🏅6號套餐（$47）：紅油抄手 + 3隻鍋貼 + 熱飲。抄手辣得過癮，紅油香氣撲鼻，佢食到不停話正。朋友B就試咗最豪華嘅🏅8號套餐（$57）：4隻生煎包 + 4隻鍋貼 + 酸辣湯 + 熱飲。生煎包煎得靚，爆汁餡多，酸辣湯又開胃，誠意十足。我哋仲加單咗🏅「黃金之翼」鹹蛋黃醬雞翼，酥脆惹味，鹹香中帶點甜，一人一隻剛剛好。

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。精選推介，飲品等。雲吞擔擔麵餐包雲吞擔擔麵同3隻鍋貼加飲品，$63。雲吞擔擔麵大大碗，有六隻雲吞，皮薄餡靚，入口滑溜，真係非常好食。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。加有少少肉醬，伴有菜心一條，灑上蔥花。真心好味，口感味道一流。3隻鍋貼生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。點心套餐包10隻鍋貼，酸辣湯同飲品，$62。呢個餐令你可以食生煎鍋貼食個飽。酸辣湯係飯碗size，好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。爆湯小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，墊有牛油紙吸油。熱辣辣，整得皮脆肉嫩，味道剛好，好香蒜味，而唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。凍檸樂凍檸樂都係配大大杯冰加幾片檸檬。都