Video
5-min walk from Exit E2, Mong Kok MTR Station
continue reading
Telephone
59787328
Opening Hours
Today
11:00 - 02:00
Mon - Sun
11:00 - 02:00
Above information is for reference only. Please check details with the restaurant.
牛腩專家簡直咗簡直侮辱咗專家兩個字 。店聲稱個湯底冇味精，但係淡而無味，個湯好似屋企煮嗰啲麵咁。辣椒油冇特色。竟然係超級市場嗰種桂林辣椒油 。 好冇誠意 通常啲粉麵店 就算唔好食都起碼係自己炒 嘅辣椒油 。崩沙腩 已經特別貴 但係 炆得唔夠淋 ，都幾硬下。 有幾舊 仲要係 顏色唔係好均勻 應該火候未到。 炆太短時間粗製濫造紫菜 應該係擺咗好耐 潮濕咗所以 一啲咬口都冇 ，入口霉爛爛嘅口感 唔明點解會有咁多好評。82蚊食到咁嘅質素 有啲憤怒， 最後食淨半碗離場 。仲有叫咗多青冇畀到 ，嘢飲又落錯單
continue reading
位於旺角的雄記牛腩王，門外已經飄來香噴噴的腩汁，忍不住要進來吃碗。牛三寶有牛腩、牛筋和牛肚，但重點是那香濃的腩汁湯底。牛腩肉味突出，質地軟腍，令人回味無窮；牛筋膠質豐富，味道十足，讓人每一口都感受到濃烈的肉香；而牛肚則彈牙爽口，口感層次分明，讓整碗湯更加豐富。至於麵底，份量十足，足以讓人飽肚，真是滿足感滿分。最正的當然是崩沙腩！這部分是牛腩中最矜貴的，位於牛肚皮的腩位，靠近牛的橫膈膜，表面有一層橫膈膜連接腩肉，肉質更加軟腍，肥瘦適中，讓人一試成主顧。咖哩汁的辣味適中，恰到好處，搭配飯簡直一流，讓人忍不住多添一碗飯。總體來說，雄記牛腩王的牛腩三寶不僅味道出色，是個值得一試的地方。
continue reading
夜晚七點鐘去到，見到得一台客，都覺得伏伏地，但因為趕時間就冇諗咁多，叫咗碗米粉分湯外賣，一返到去打開蓋以為自己叫錯咗飯😳啲米粉碎到咁樣好心就唔好出俾人啦！🤬牛腩冇牛腩味，雲吞又冇雲吞味，仲好意思間舖叫做牛腩王，真係笑死人😂😂😂😂😂😂😂。真係好犀利！可以令到我成為第一個忍唔住寫食評嘅舖頭😂😂😂😂😂😂😂😂完全唔明點解果幾十個人可以俾到好評，一係就係冇味蕾完全食唔出味道😂
continue reading
呢排天氣好反常每日都係咁落雨，落下停下搞到返工好狼狽。由於今日喺旺角見客亦好少地方泊位所以無揸車，果然天有不測之風雲。雖然多左人離港消費，但今日亦見有好多旅客來港，咁都真係唔錯呀~ 今日見完客都到下午茶時間，一如以往睇下附近有啲咩嘢食醫個五臟廟，對於我一個人搵食首選當然係牛腩麵，行經過波鞋街時見到一間應該都開咗無耐嘅牛腩麵舖頭，見到佢鋪面五隻大字「雄記牛腩王」，就即管試下係唔係咁厲害。入到去店舖位置都好寬敞，而餐牌上面亦有非常多嘅款式選擇， 當然主力都係牛腩，而對我嚟講一次過可以食到三樣鍾意嘅嘢一定係牛三寶，今次麵底要咗個幼麵，而且可以加$20蚊就可以有碟菜同埋一杯凍飲，好唔好食就未知，不過就一定好抵食。落餐後大約等咗十分鐘所有食物都陸續上枱啦~~~ 牛三寶麵入面有牛腩、牛肚、牛筋，首先從賣相上見到牛腩都有三大件，肥瘦適中而且油脂分佈很均勻；牛肚份量好多而且分別有金錢肚同我最鍾意嘅草肚兩款；牛筋份量多又大件，就咁睇就已經好多膠質。味道方面牛腩炆得好入味而且好嫩滑，嚼勁十足有口感；牛肚口感相當好，咬開一絲絲牛肚非常入味；牛筋除咗有豐富膠質之外，亦炆得相當淋身入味，煙煙靭靭好似食緊花膠咁；當然唔可以少咗配角就係又爽又彈牙嘅幼麵，完全冇鹼水味；再加上秘製嘅腩汁、湯底濃淡得宜，亦帶陣陣牛香唔會太肥膩。腐乳通菜新鮮爽脆，配合腐乳非常惹味。最後當然加埋我最愛嘅凍檸檬茶，大大杯非常夠凍而且檸檬有好多片一啲都唔吝嗇，甜度適中相當滿足。 雖然出面落緊大雨，但自己一個慢慢享受下午茶時光亦係忙裏偷閒嘅一個小確幸，埋單都唔駛$100蚊，牛三寶麵咁大碗份量又多，再加埋菜同埋飲品性價比好高，食完就繼續行埋波鞋街睇下有無啱心水波鞋先~~~
continue reading
食港式嘅潮州粉麵，雲吞、水餃、魚蛋各有所好，但講到粉麵舖嘅靈魂，一定係嗰個又香又濃嘅腩汁。位於旺角嘅雄記牛腩王，喺門外路過已經聞到香噴噴嘅腩汁，作為我嘅comfort food之一，忍唔住入嚟食番碗先得。牛三寶麵 牛三寶有齊牛腩，牛筋同金錢肚，但重點當然係加上香濃腩汁嘅湯底。牛腩嘅肉味突出，肉質軟腍；牛筋膠質豐富，夠晒入味；牛肚彈牙爽口，同樣出色。至於麵底份量十足，夠晒飽肚。咖哩崩沙腩飯 最正嘅當然係崩沙腩啦！崩沙腩係牛腩中最矜貴嘅部份，係牛肚皮嘅腩位，位於牛嘅橫膈膜附近，表面有一層橫膈膜連腩肉，呢個部份嘅肉質更軟腍腍，肥瘦適中。至於咖哩汁嘅辣味適中，用嚟撈飯一流！
continue reading