陳儀興滷水鵝專門店

Open Now

Now Closed

陳儀興都幾勁！潮州打冷係佢，記得有間牛腩又係佢，行過新蒲崗，又見到佢！今次係滷水鵝專門店。見佢其他質素唔錯，一於買外賣返去！呢排姐姐放假返鄉下，真係好需要外賣救駕🤣🥢秘製沙薑雞飯 $42呢個價錢包湯！例湯入面有雞腳同紅蘿蔔食。雞都唔少，沙薑醬另pack。呢個價錢平靚正🦢斬多1/4隻滷水鵝，話晒滷水鵝專門店當然要試既！同埋...順便食剩當埋晚餐加餸嘛🤣佢個鵝又真係幾好食!嫩滑入味，皮下脂肪好薄，唔會好肥膩，滷水汁濃郁有層次，唔會死鹹，呢度$160左右，價錢公道，唔會賣名氣overpriced。原來鵝肉都幾有益，話益氣補虛。overall陳儀興食左咁多間，都真係有保證。yummy又搞掂一餐~

天氣炎熱，想先回家沖涼才用餐，所以去到陳儀興滷水鵝專門店外賣。招牌鵝三寶飯鵝肉嫩滑，肉質鮮美，搭配的三寶（鵝潤、鵝腸）口感獨特，風味十足。飯粒鬆軟，吸收了鵝肉的鮮香，非常美味。調味適中，不會過於油膩，讓人能夠享受到食材本身的味道。秘製沙薑雞飯沙薑雞肉質鮮嫩，沙薑的香氣為雞肉增添了獨特的風味。飯粒同樣鬆軟，與雞肉搭配得宜。調味充滿層次感，沙薑的香氣與雞肉的鮮味相輔相成，十分美味。油菜選擇了唐生菜和菜心，清脆口感為整體增添了清新感。是日例湯口感清淡，適合搭配肉類食用，既能解膩，又能提升整體用餐的滿足感。自選飲品是炎夏必備的汽水。

🪿新蒲崗潮州菜的老字號 - 陳儀興飯店🌟主打潮州菜式, 打冷, 滷水鵝📍位於新蒲崗廣場正對面🪟玻璃櫥窗掛滿滷水食品, 價錢親民💰🔸滷水鵝肉飯🪿  $58  6/10是日例湯︳+$10 油菜︳+$8飲品鵝片滷得入味, 又唔會過鹹肉質帶油香, 骨的比例佔多🦴🔸招牌鵝三寶飯  $108  6/10是日例湯︳+$10 油菜︳+$8飲品🪿三寶: 鵝肉, 鵝腸, 鵝肝鵝肉肥瘦適中, 鵝腸爽脆😉鵝肝軟嫩唔腥, 伴有椰菜絲及花生🥜🔸無糖可樂

傳統老字號潮州滷水店，選⽤優質汕頭獅頭鵝，還有經典及傳承的鎮店滷水，滷水汁滲透鵝肉，味道濃郁，香氣十足。必試這𥚃的招牌鵝三寶，賣相吸引，分別有滷水鵝肉、滷水鵝肝及滷水鵝腸，鵝肉肉質細嫩，脂肪的香味十分濃郁，鵝肝切薄片，口感綿滑⽢香，入⼝即化，鵝腸味道鮮香爽脆，富有彈性，再搭配⾃家製辣椒油，份外惹味。再來另一碟滷水鵝肉飯，份量好多，大大碟好抵食，同樣非常肉厚，啖啖肉，肥美嫩滑，肥而不膩，味道鮮香。

🪿新蒲崗潮州菜的老字號 - 陳儀興飯店🌟主打潮州菜式, 打冷, 滷水鵝📍位於新蒲崗廣場正對面🪟玻璃櫥窗掛滿滷水食品, 價錢親民💰🔸滷水鵝肉飯🪿  $58  6/10是日例湯︳+$10 油菜︳+$8飲品鵝片滷得入味, 又唔會過鹹肉質帶油香, 骨的比例佔多🦴🔸招牌鵝三寶飯  $108  6/10是日例湯︳+$10 油菜︳+$8飲品🪿三寶: 鵝肉, 鵝腸, 鵝肝鵝肉肥瘦適中, 鵝腸爽脆😉鵝肝軟嫩唔腥, 伴有椰菜絲及花生🥜🔸無糖可樂

平時都好鐘意食滷水既野食🤤行過新蒲崗見到陳儀興滷水鵝專門店就即刻買左外賣番屋企食👅叫左滷水鵝肉飯同滷水鴨飯🍚鵝肉同鴨肉食落好嫩滑 滷水好入味油菜都係+$10 飲品都係+$8叫左菜心同生菜各一份 最正係個例湯🌟🌟🌟🌟🌟好清甜又多湯渣 飲到舔舔脷👅店鋪用上陳年秘製滷水黎醃製😋師傅會用上最新鮮既食材✔️而且製作過程非常講究🫣所以咁好味🤤餐廳環境舒適 枱同枱之間都唔會好逼而且好少滷水店有堂食位置呢度有得堂食 就算唔係住附近都可以慢慢係度食😆

同朋友去開新蒲崗朋友話附近新開左間滷水鵝專門店打算買外賣番屋企食咁我都鐘意食 所以就一齊買埋一份🤤招牌鵝三寶飯三寶飯分別有鵝肉、鵝腸、鵝肝鵝肉好嫩滑 滷水味好入味鵝腸好彈牙爽口 鵝肝口感好滑溜😋秘製沙薑雞飯沙薑雞啖啖肉超滋味👅肉質鮮嫩帶着濃濃既沙薑味每一啖都有香料既味道 唔怪得朋友勁推❗️例湯細細碗但好足料 有唔同嘅蘿蔔同瘦肉 清甜可口😋油菜分別揀左菜芯同生菜灼得岩岩好時間唔會老身 咬下去好甜既菜心同生菜味👍🏻

餐廳招牌菜式係滷水鵝原來午市有套餐，價錢經濟實惠食到正宗潮州滷水鵝🎈招牌鵝三寶飯+油菜+是日例湯三寶包括有鵝片、鵝肝同鵝腸，仲有滷豆腐同椰菜伴碟招牌嘅鵝片無肥肉得嚟肉質好嫩，滷得好入味鵝肝做到入口即融嘅口感，而鵝腸爽脆一份套餐食到3種唔同感覺🎈秘製沙薑雞飯沙薑雞肉質嫩滑，唔會嚡口又夠鹹香另外配一碟沙薑汁，點雞食或者撈飯都好正🎈油菜跟餐追加油菜只係$10，份量幾多好抵食🎈例湯/餐飲除咗例湯，有汽水/ 奶茶選擇

相信鍾意食滷水或者潮州嘢嘅朋友對於陳儀興呢個名都應該陌生 之前我都去過其他分店食飯 今日喺新蒲崗經過見到呢間有外賣滷水或者飯盒 門口掛住各類型不同滷水產品好吸引 就決定買返去同屋企人一齊食😚🍚滷水鵝肉飯🍚招牌三寶飯 （鵝肝、鵝腸、鵝肉）🥬加油菜 $10兩盒餸份量都好大 打開見到滷水鵝肉好足料而且砌得好靚仔 值得一讚係飯同餸係分開兩層 咁樣滷水汁就唔會浸住啲白飯 最期待嘅三寶飯好有驚喜 除咗有鵝肉之外 仲有鵝腸同鵝肝 平時好少食滷水呢種煮法嘅鵝肝 食落甘香入味 鵝腸大條爽口 滷水鵝肉啖啖肉 滷水汁香氣濃郁 下面仲有幾舊滷水豆腐好好食等緊外賣嘅時候都有好多人陸陸續續買外賣或者加料 店員們都好有禮貌👍🏻

今日好友嚟探我，我哋唔想煮飯，近近地，我哋一齊去位於九龍新蒲崗崇齡街40號 地舖的陳儀興飯店買滷水外賣。我哋買左2份外賣：📍招牌鵝三寶飯 $108，追加郊外油菜（菜心）$10， 老火湯（ 紅蘿蔔雞腳豬骨湯）及罐裝汽水$8 鵝三寶有鵝肝、鵝肉和鵝腸，份量不少，鵝肝粉嫩軟綿，入口即溶的口感真好，鵝肉軟腍入味，鵝腸爽口好味。📍鹵水鵝肉飯 $58， 追加郊外油菜(唐生菜)$10，老火湯（ 紅蘿蔔雞腳豬骨湯）及罐裝汽水$8鵝肉軟腍，好香滷水味；唐生菜青綠爽嫩，老火湯好飲。

👧🏻細細個就好中意食滷水 上次去陳儀興打完邊爐 知道原來佢仲有一間滷水鵝專門店就一直都好想去試 今次就專登去買左2個外賣💕一入門口就見到好多滷水產品 已經好想食🤤🍴招牌鵝三寶飯 $108話明係滷水鵝專門店當然要食佢個滷水鵝💁🏻‍♀️但平時如果就咁食滷水鵝都幾貴 但呢度既午餐都幾抵食 有滷水鵝3拼 有齊鵝肝 鵝腸 同鵝肉 而d鵝肉一d都唔會好乾柴 而係好有嚼勁 同埋份量都唔少🍴滷水雜拼飯 $58有d似開盲盒咁🤣係會有隨機既滷水產品 但不包括鵝 鴨同雞 我個盒分別有五花腩 豬頭肉 紅腸 豬耳等等! 對於選擇困難症的我💯我相信佢係對自己每一樣滷水產品都有信心先會咁推出 同埋都真係滷得好入味😍🍴油菜每個set都可以用$10追加油菜💁🏻‍♀️💕🥣是日例湯午餐set可以簡飲品/是日例湯 有一份我就簡左是日例湯🤤係冬瓜紅蘿蔔+雞腳 湯好足料👍📍陳儀興滷水鵝專門店 (新蒲崗)@新蒲崗崇齡街46號地舖

今個星期經常OT要食外賣，燒味飯已經食到厭，記得之前屋企人加餸陳儀興滷水都好正，今晚一於去買外賣店舖環境光猛乾淨，闊落舒適，大櫥窗一眼望到各式滷味，即叫即斬，好新鮮，樣樣都想食有唔同嘅特色飯餐，可以轉做米粉/銀針粉，仲送埋大碗老火湯，加$10有油菜，凍飲加$8滷水雜拼飯有墨魚、紅腸、豬腸，腩肉等，墨魚爽口彈牙，滷水汁提升咗墨魚嘅鮮甜味滷水汁滲入紅腸，好惹味。腩肉肥瘦相間，滋味濃郁。豬腸柔軟而且口感豐富，仲處理得好乾淨滷水鵝肉飯，鵝肉肉質鮮嫩，脂肪分布均勻，連皮一齊食，帶少許油脂嘅香味，口感層次提升滷水汁唔會太鹹，菜心淥得夠腍

身為半個潮州人，潮州菜真係由細食到大，香港都有不同嘅滷水店，陳儀興既飯店就食過，今次試吓滷水鵝專門店招牌餓三寶，馳名滷水鵝用陳年秘製滷水製作過程非常講究，廚師會選用新鮮食材，處理乾淨之後，再用各種香料和調味料進行滷製滷水鵝肉表面油亮、入味嫩滑，既有肉質既纖維感，又不失油脂既香醇。鵝腸爽口彈牙，唔肥，處理得好乾淨，唔會有怪味鵝肝經過滷水既調理，變得更加醇厚，質感Q彈滑溜，輕輕一咬，鵝肝油脂在口中融化，比起西式煎鵝肝，我更喜歡滷水鵝肝加油菜都係$10，再加埋汽水 $8

我鍾意食潮州滷水，所以經常幫襯唔嘅滷水舖，呢間陳宜興個滷水真的不錯，不過佢欠缺一個靈魂配料>>甜酸菜！其他潮州菜館，如果你叫滷水飯，都會比甜酸菜做伴碟，另你覺得鹹酸有個平衡恰到好處好好食，但係呢間鋪冇就係佢嗰個缺點！