金玉滿堂

Open Now

Now Closed

旺角新開食中菜，之前都唔覺有，今日見到就想試吓🤤入面都真係有啲似大排檔🤣好啱食中菜嘅地方！見佢推薦酸菜魚同雞煲🤭我梗係想試下雞煲啦！好似好香😝金玉麻辣花雕雞煲 $268勁大煲🤤一上勁香，個醬汁有好豐富配搭！！好夠味❤️濃味！啲雞都好入味，雞件好多！雖然叫咗半隻，但係都好夠食，2個人分食到好多呀！重點！！！花膠都大隻而且厚身同份量好多😝好養顏!!麻香爽魚皮 $55食過一啲係一條條，碎上！今次係我比較鐘意嘅一片片呀🤘🏻口感爽脆，有麻油清香！唔辣嘅係第一次食🤣睇落份量唔大但食到最後既竟然係佢！好襟食份量十足！七味炸豆腐 $65世界級！！炸皮同豆腐平衡岩岩好，有時覺得出面做既個面太薄，而呢個真係會食到個皮係脆身有炸豆腐感覺！豆腐超滑👍🏼👍🏼仲要大大舊，真係一流！！黑椒薯仔牛柳粒 $138相對外面都算平咼！一上菜色彩豐富，吸晴！有唔同配菜，有洋蔥，紅椒綠椒🤭薯片有先煎過先，所以特別脆㗎！牛柳粒鮮嫩多汁，唔錯👍🏼

今日行到花園街附近朋友突然話想食雞煲，但去集團式店舖又要排勁耐，所以就喺網上搵左依間街坊舖黎解下癮，點知係咁抵食嘅！花膠麻辣雞煲花膠多到好似唔洗錢咁，QQ彈彈又會會好黏口，比較特別嘅係店家加入左本菇做配菜，少少麻辣，好惹味豉椒炒花甲花甲粒粒飽滿，絕不欺場！豆豉嘅咸香豆味濃，又唔會好咸，非常出色，必點菜式！金銀蛋浸娃娃菜除左原有嘅咸蛋同皮蛋粒粒外，仲有一啲滑蛋增加口感，更易入口，娃娃菜都煮到好稔好清甜

上星期日我跟我的家人到旺角用晚餐，我們選擇了一家中菜館品嚐小菜。我們點了金稻穗香一口牛、炸米通、酸菜魚和炒時蔬。金稻穗香一口牛是我們最喜歡的菜之一。這道菜的牛肉非常嫩，口感鮮美，最特別是配上香脆可口的炸米通粒，香脆可口，吸索了牛肉的鮮甜，配飯一流，難怪是其中一款招牌菜🥰酸菜魚是另一道美味的菜肴。這道菜的魚肉鮮嫩香甜，而且沒骨。搭配豆腐卜、酸菜、辣椒、芫茜等，味道酸酸辣辣，配飯很開胃🤪最後，我們還點了一道上湯白菜仔，這道菜的蔬菜經過簡單的烹調，保留了其原本的味道和營養價值，口感清爽。

🔹️金玉滿堂🔹️ 往往大街既小巷內都隱藏著好味既餐廳，門面放滿游水海鮮，又傳出香噴噴既味道，想試鑊氣小炒既我就入左去試啦花膠麻辣雞煲點左一份半隻雞既份量真係令人一試難忘，小辣麻辣既味道剛好，辣味在我舌頭上跳動，雞既份量都好多，嫩滑又索汁，仲有滿滿既花膠，可以補充骨膠原，岩晒女士進補👍金銀蛋浸娃娃菜好耐無食金銀蛋浸菜系列，發覺菜既份量都毫不吝嗇，大大碟，鹹蛋皮蛋都好好食，仲可以加小小湯汁一齊食，真係可以加多份白飯 豉椒炒花甲鑊氣小炒出場，香噴噴之餘又鮮甜惹味，花甲好掛汁，食落無沙好值得讚👍真係好新鮮，配可樂食真係一流

餐廳位於花園街嘅一條內街當中，位置方便易搵，收工約埋一大班同事過嚟食又得，約埋朋友敘舊亦得！🤪經典大排檔款式，各種特色小菜應有盡有~七味炸豆腐呢碟小食係好多人推介，完美地詮釋何謂「外脆內軟」，炸蒜令佢更加邪惡😈老壇酸菜魚(小)酸味夠、辣味唔會過咗火😃呢份雖然係細份，但份量夠晒兩個人食有凸！碟上刻有中國馳名酸菜魚名店嘅口號「酸菜比魚好吃」，果然係還原晒中國風味！🤣欖角冰梅骨冰梅骨一定要出去大排檔食先夠風味😏酸酸甜甜，一字骨半肥瘦夠靚，炸得好香口🤩金銀蛋娃娃菜前面嘅餸菜太邪惡，最後叫返個菜平衡下，最愛金銀蛋系列😜

唔係朋友帶我嚟都估唔到旺角依條巷仔會有間食小菜嘅餐廳，知道依度係出名食雞煲同酸菜魚，今次一於試下。餐廳都有好多選擇，心大心細都唔知揀咩好。叫左幾個小菜，酸菜魚，碟碟份量十足，食得好滿足七味炸豆腐炸豆腐新鮮炸起，炸得外脆內軟，趁佢仲熱辣辣，忍唔住食左好多粒。本身炸豆腐已有炸蒜粒 椒鹽，蘸小小喼汁已經好好食，依碟小菜看似簡單，但都好哂心機先整得好食欖角冰梅骨用半肥瘦嘅排骨再加梅子汁，味道酸酸甜甜。排骨經半煎炸，排骨側邊嗰啲位炸到脆卜卜，非常好食酸菜魚(小)酸菜魚依幾年係香港真係大熱，自己都試過幾間，但食完真係超口渴，好多味精。但依間嘅酸菜魚就冇依個問題。我地叫左小辣，真係得好少辣，魚肉亦都嫩滑，仲有豆腐卜、大量酸菜同芋絲，配菜吸哂酸菜魚湯嘅精華金銀蛋娃娃菜金銀蛋加埋肉碎襯埋本身清淡嘅娃娃菜，味道即刻昇華左，提鮮又夠清甜

早幾日同家姐係旺角行街講起好耐冇食過中菜 於是佢就帶咗我去金玉滿堂試吓❤️因為佢話呢間仲有我哋好鍾意嘅酸菜魚食🤣我哋叫咗3個餸 1個飯🍚同2罐可樂🥤食中菜梗係要叫我嘅至愛咕嚕肉啦🥰糖醋咕嚕肉 $98咕嚕肉🐖肥瘦啱啱好咬落去啖啖肉呢間用咗新鮮菠蘿🍍加埋青椒🫑同紅椒味道酸酸甜甜 送飯正呀❤️老壇酸菜魚（小）$198酸菜魚🐟份量都幾多魚肉嫩滑 味道帶微微酸辣 就算食唔到辣都可以試吓配料仲有芽菜 豆腐卜 特別係佢加咗芋絲魚湯鮮菌白菜仔 $98白菜仔🥬同菇 吸收左魚湯🐟嘅鮮味好鮮甜

平時你哋應該好少見我介紹中菜😆 次次介紹親都係會有酸菜魚😎 因為我真係好鍾意食酸菜魚❤️ 今次同我妹妹去左旺角呢一間金玉滿堂😍老檀酸菜魚(小)🐟 ($198)酸菜魚份量都幾大兜👍🏻 入面除咗有主角酸菜同埋魚之外🥰 仲有芽菜、豆腐卜，最特別嘅係佢哋用咗芋絲嚟代替薯粉😎 魚身都幾滑😍 酸辣嘅味道都算做得幾平均❤️ 味道唔會太辣😊 就算唔食得辣都可以試吓😌糖醋咕嚕肉🐖($98)咕嚕肉係我嘅至愛❤️ 呢度嘅咕嚕肉有新鮮菠蘿🍍 青椒🫑同埋紅椒🌶 矮落去啖啖肉👍🏻 酸酸甜甜好味😋魚湯鮮菌白菜仔🥬 ($98)用左魚湯黎煮🥰 令到啲蔬菜更加鮮甜👍🏻我哋另外仲叫咗一碗白飯🍚 同兩個可樂🥤

今天我就帶著朋友來到了旺角的這一間中餐廳體驗一下。我們點了兩樣店裡的招牌菜，一端上來就發現雞煲熱氣騰騰，而薯仔黑椒牛肉粒也很有鍋氣，看得出來是廚師精心烹製的，而食物的食材也非常新鮮。在這盆特色鸡煲中，每一塊肉都浸潤了湯汁，吃到嘴裡垂涎欲滴，讓我吃了一口之後還想再吃下一口，而湯汁也看得出來是非常濃郁的，當然也就是非常下飯的，因此說我們也是吃到嘴裡之後回味無窮，鮮香撲鼻。黑椒薯仔牛肉粒也是美味非常，很下飯，吃起來特別沁人心脾。

睇post諗住食羊腩煲，點知原來停左。去之前都見的post係投訴下的服務，我都預左先去。。。無羊腩就叫伙記介紹花膠雞煲加酸菜魚，話好多人專登去食，另加個新出海哲頭個雞煲真係唔揸流，的花膠多到一個點！同埋佢係即炒！的雞好滑。亦好好味！美中不足係我個人譚仔食麻辣中辣，叫左小辣就好似直頭唔太辣咁。。酸菜魚又係不得之了，魚滑，個湯好鮮甜，酸辣平衡得幾好，但小辣始終對我個人就唔夠辣價錢亦合理4個人食飲埋6支朝日$1232，$308位講翻佢的招呼同地方，個人無彈無讚，正常做。。。所以無意見。。。

今天聽說有朋友來旺角玩，於是我就馬上預約他來了旺角這邊非常有名的一間中餐廳，體驗一下這裡的美食，順便還要體驗大廚的手藝是否達到了我心上的標准。這邊我們點了雞煲和牛肉粒，其中牛肉粒是我最喜歡的一道菜，因為它的用量非常講究，牛肉的質素也非常好吃，到嘴裡顆顆晶瑩剔透，粒粒分明，而且這道菜可以說既下飯又滿足了我的胃口，讓我吃了之後就停不下來，吃了一口，還想再吃下一口。雞煲也非常好吃哦，因為這邊座位非常寬敞，服務的質量也非常好，所以雞包可以說是越煮越香濃，越煮越可口吃到嘴裡既有飽腹感，又有濃濃的滿足感。所以總的來說，這間餐廳真的是完全超出我的想象，他煮的中菜集合了各方的風味，而且非常吸引人，所以下一次我一定還會來的。

金玉滿堂今日好想食小炒，出到旺角諗起之前食過呢間金玉滿堂，位置方便又好味，我哋叫咗三碟小菜，全部都係大大碟，仲好友鑊氣添👍🏻蒜蓉粉絲蒸頭腩粉絲完全吸收晒蒜蓉同埋魚汁嘅精華😍蒜香味濃郁又唔會蓋過魚香嘅味道👍🏻頭腩魚肉味道香濃，又充滿骨膠原，非常適合女士們❤️欖角冰梅骨呢道菜非常開胃，梅子醬甜中帶少少酸非常之出色，排骨炸得香口肥瘦適中，有淡淡欖角味道10分有層次，好食😋西蘭花炒斑片西蘭花🥦好清爽，斑塊夠入味，而且啖啖肉，有鑊氣又好味👍🏻分量，仲要大大碟好抵食😃下次人多就可以試多幾度菜啦🤭

食小菜唔一定去酒樓，今次就嚟咗旺角嘅金玉滿堂，兩個人都可以食小菜㗎🥳餐廳地點方便，適合大小家庭用餐及三五知己相聚👍🏻價錢合理，餐牌款式眾多。今日兩個人就試咗三個小菜：欖角冰梅骨一字骨夠晒入味，而且入口鬆化，配上欖角碎同埋冰梅醬真係非常惹味，酸甜度適中，同肉味融為一體非常之夾。西蘭花炒斑片正呀👍🏻斑片又係啖啖肉夠晒鑊氣，西蘭花爽甜翠綠，配上斑塊，又多一份鮮味🥦蒜蓉粉絲蒸頭腩最鍾意食魚，尤其是係頭腩，因為魚味較濃，而且有豐富嘅骨膠原😊蒜蓉粉絲就係呢道菜嘅靈魂，粉絲吸晒啲魚汁同埋蒜香味，真係可以食多兩碗飯🤣

本身經open rice book 18:30， 等齊人準備叫野食係18:50 。由一位非常唔熟手嘅姐姐落單，慢慢寫餸名唔緊要，最慘係佢連餐廳招牌都唔知係咩。。。。都唔緊要，落單等左30分鐘，我地見唔對路，即刻同番位姐姐講咩都未有，連單都無。得到嘅答覆係：廚房師傅掉左手寫單，你地而家落多次單，儘快出俾你地，或者自己寫單俾我入。我地6個真係o晒咀，請問一個用電腦入單嘅地方，點樣存在廚房師傅掉單就整唔到，要客人再落單？ 擺明講大話啦。好啦 叫番原本7樣野又話招牌賣晒 又要轉黑松露元貝做XO醬。 最後歷時70分鐘先食第一啖餸6個人食飯唔多唔少，但餸菜份量真係少得可憐，一人一啖。環境方面，鋪頭後面應該係潛建出黎嘅大廈天井位。要坐係大廈公喉堂食真係好恐怖，打左好多防水膠，分分鐘爆喉真係發到成身屎了💩。鋪頭仲係後巷洗碗，洗碗個呀哥仲要全程煙駁煙唔停。 佢食左4枝煙我地都未食過一啖餸。。。。 今晚團年飯真係畢生難忘

因為冇辦法年三十晚食團年飯，所以只好提早與家人團年提早到達之後金玉滿堂男員工叫我地係門口等3個老人家，係條街到等之後一個女員工同我地講Sorry 人為錯誤，但唔係我落booking，我只係前線人員上嚟say sorry, 如果小姐你唔接受，我冇辦法。個個近團年，所以會有啲咁嘅問題出現，只係你唔好彩成為咗個一個客人。我聽完真心笑金玉滿堂好貼心咁同我講，話佢可以比折扣優惠我你依家係覺得我冇錢，所以俾折扣優惠嗎？？訂7點，6點45已經大門門口等，我真心冇語新年流流。咁嚟玩？到左7點21分先話『係啊同事over Booking』咁點解你公司一早發現問題又唔通知客人？點解呢間公司會覺得客人到場後又提意客人去揾另一間餐廳？你自己做餐廳都知人人提前食過節飯，點樣當下walk in? 我booking嚟做咩？點解要客人受難？我到嚟一刻都重係門口等，有冇大神可以講我知呢一刻可以點？