豐信餃子店

Open Now

Now Closed

都知道多人排 已經搭緊車就㩒飛 去到都等咗45分鐘入到去咗叫南瓜粟米拼椰菜餃落完單 個呀姐行返嚟話冇南瓜（但我明明聽到廚房呀姐話有）咁佢就叫我轉第二樣啦 我問佢有咩 佢話其他都有咁我就轉咗香菇餃啦 仲叫咗枝嘢飲5分鐘之後 個呀姐又行埋嚟話香菇賣哂 我真係火都嚟 我問佢 啱啱明明話有 點解宜家又冇呢？佢答我因為我太慢 入單個呀姐入咗比外賣個客我心諗 我慢？點解係我慢呢？點解入單個呀姐不停接外賣 然後等咗咁耐堂食嘅客會冇得食？ 完全諗唔明 個呀姐仲要話 冇辦法 佢入外賣先！我真心躁咗 然後起身走人！其實豐信我食咗好多次 由冇咩人食 食到宜家咁多人 但其實次次都會出現賣哂嘅情況 都唔緊要 你唔好同我講因為我太慢呀 呀姐！

次次經過都見到好多人排隊 就買生餃子返去試吓皮係唔錯 但個餡真係好難食 買咗三款 三款都難食已經係買最穩陣嘅韭菜 韭菜都唔好食好明顯落好多粉 痴埋一舊 山竹牛肉咁嘅texture餃子入面嘅湯汁得個鹹字真係唔係好明點解咁受歡迎 仲要$200得40隻餃子真係唔知點解排晒大隊得罪講句 灣X碼頭贏佢幾條街買咗韭菜 白菜 梅菜完全貼錢買難受 而家仲要咁多人推薦 諗極都唔明白可一不可再 奉勸各位唔好嘥quota 嘥錢嘥calories quota

位於太子的人氣餃子店豐信餃子，每次來都好多人等位，我光顧了好幾次，就知道值得推介吧。餃子多口味選擇，特別的也有咖哩、麻辣等。小食也有不少選擇菊花蜜 $10 清甜滋潤，好適合現在乾燥的天氣。羅漢果甘草茶 $10 甘味濃郁又不太苦，清熱一流。涼拌藕尖 $30第一次食，質感好爽口，而且辣味也好出色。甜蜜蜜雞翼 $23雞翼大隻肉嫩，甜甜的幾入味。湯餃雙拼 7 隻 $45 配好甜的椰子雞湯底薺菜馬蹄鮮肉餃、小棠菜鮮肉餃大大隻，我覺得餃子比一般的較大及飽滿。薺菜馬蹄鮮肉餃，薺菜夠香、馬蹄爽口，肉味濃郁小棠菜鮮肉餃，爽口鮮甜煎餃雙拼7隻 $47咖哩椰菜鮮肉餃、芝士粟米鮮肉餃咖哩椰菜鮮肉餃為濃味芝士粟米鮮肉餃，拉絲芝士一流豐信的餃子鮮肉比例較多，加上大隻，食幾隻已有飽肚的感覺，價錢經濟。

🍽️ Today, I want to share with you a hidden gem that holds a special place in my heart – Fung Shun Dumpling Shop in Prince Edward! I've been a regular here for months, and I can confidently say that it has never disappoints. 💥 Picture this: you step into the cozy eatery, greeted by the irresistible aroma of freshly cooked dumplings. Fung Shun Dumpling Shop offers a variety of flavors, but this time, I couldn't resist indulging in their legendary Pork with Cheese Corn Dumplings. The combination of

邪惡金沙芝士栗米鮮肉煎餃 $53(10隻）+ 16這款煎餃一上到嚟就feel到極邪惡，見到面頭鋪滿了鹹蛋黃碎⭐️,一咬落去勁熱辣辣，採用多款美味餡料,包括金芝士🧀️，啲芝士係半溶狀態、鮮肉餡以及香甜栗米粒,不同口感層次落落不同,令人食指大動🤤。 肉汁滿溢的煎餃,👅。每一口都能嚐到金沙餡頭的鮮美,以及芝士鮮肉餡間或出現的香甜栗米,味道豐富綜合😋。以實惠的53元可以試食這煎餃,不但外形邪惡🥟,每一口都帶給食家新鮮滋味。必定再次令食客傾心回味喔😍。

芝麻雪糕同呢間餃子店只係相隔一條馬路仔，可以兩間一齊食，所以食到我超飽😂我哋試咗三款餃子，湯餃同煎餃都正！價錢:7隻💰38-4310隻💰45-53煎餃+💰2雙拼+💰2🔸韭菜鮮肉餃(湯餃)(7/10)呢個比較普通，韭菜唔夠爽口，肉比較淋。湯餃嘅椰子海帶鮮雞豬骨湯好清甜👍🏻🔸麻辣白菜鮮肉餃(湯餃)(8/10)肉質彈牙，麻辣好惹味！🔸芝士粟米鮮肉餃(煎餃)(8.5/10)煎餃製作需時，大概10-20分鐘。係煎得金黃色脆脆，不過略嫌太多油。芝士拉絲，鮮肉配粟米有肉汁，又可以中和芝士嘅膩。不錯。成日打開盒麥樂雞想有多一粒，今日碟煎餃拎到埋黎真係有多一隻🤣🤣真係開心🤭🤭呢度嘅餃子性價比幾高，隻隻都大大隻，而且有好多味道選擇，可以再試。

🥟餃子一向係我最喜愛嘅平民美食💕不論湯餃、煎餃，只要係好餃我就會想去嗰間舖拜訪一下🤪今次去到太子嘅豐信餃子店，係網上見到超級邪惡又吸引嘅💛金沙煎餃即刻bookmark咗，其他餃子店都唔見有㗎。夜晚6點幾嚟到已經超多人排隊堂食或外賣，要有心理準備等下同搭枱。餃子口味選擇都幾多，有時會有期間限定或者新口味👏🏻仲有好多款冷熱小食。雲耳椰菜鮮肉餃（煎餃，邪惡金沙）湯餃加$2轉煎餃，再加$16就變成邪惡金沙煎餃😈見到金黃色又飽滿嘅餃子真係幾吸引，雲耳、椰菜、豬肉比例平均，食到爽口嘅雲耳同軟滑豬肉。外皮好香口，食到鹹蛋黃嘅香味，顆粒度較高，唔係超級起沙好膩口個種，所以食落無想像中咁heavy😚😚招牌秘汁拼盤咩都有啲😆有雞翼、滷蛋、雞腎、牛腱，鹹鹹甜甜嘅醬油汁入晒啲食材度，雞翼大大隻，雞腎口感竟然幾腍滑，唔係一般好有嚼勁個種😛清熱潤喉羅漢果甘草茶味道好清香，好解渴，食邪惡既餃子配呢個可以平衡一下☺️人均消費：$80推介指數（10分為滿分）：7.5分

每次同朋友一齊路經豐信都係長長人龍, 今次自己一個人去食大約等15-20分鐘好快就有位。豐信的餃子好大隻皮薄餡勁多, 我一個人食細Size 已經好飽。本來想食薺菜餃點知未夠6點半已經賣曬,唯有食返韭菜餃。韭菜湯餃(7隻) - $ 38 豐信餃子的湯係椰子雞豬骨湯, 味道香濃飲完一D 都唔會口乾, 冇味精。以$38 這個價錢真係好抵食。唯一唔好既地方係鋪面比較細, 所以坐得好迫, 人多等位好耐。如果要試佢新口味的餃子最好早D 去到, 唔係一到晚市好多口味的餃子都售罄。下次要早D去試下其他口味的餃子。

🫶🏻人龍大大隻餃子店❤️韭菜鮮肉餃 7隻 $38韭菜餃爽口 味濃 新鮮豬肉十分juicy 餃子飽滿 足料 大大隻 性價比非常高 👍👍❤️咖哩椰菜鮮肉餃 7隻 $38咖哩味香濃 唔辣 少少甘口 椰菜夠晒爽脆 足料 新鮮豬肉juicy 估唔到咖哩同椰菜咁夾 非常惹味 追住食❤️邪惡金沙芝士粟米鮮肉煎餃 7隻 $56煎餃非常有水準 保持到𥚃面juicy 外面皮脆 金沙醬咸蛋味 十分濃郁 配芝士粟米餃簡直－流 芝士爆多又拉絲 一啖餃子－啖金沙醬 十分惹味 追住食 小朋友同大人至愛❤️涼拌海蜇 $22海蜇Q彈 爽口 加上秘製醬汁 酸酸辣辣 十分開胃 ❤️香煎豆腐 $18/3件呢個必點 🫶🏻好有水準 豆腐𥚃面 非常軟滑 外面香脆 加上楜椒粉 同蒽花 非常好味❤️涼拌皮蛋 $20皮蛋大隻而且流心 加上秘製醬汁 同子薑十分開胃 ✅湯餃係跟 椰子海帶鮮雞豬骨濃湯 湯頭足料清甜 好有屋企感覺 📍豐信餃子店 (太子)太子汝州街17號地下A號舖

位於太子既豐信餃子店一向都係人氣店，呢日平日下午時段黎到都係咁爆滿吖🤣🥥 湯底： 椰子海帶鮮雞豬骨濃湯飲落幾鮮甜，有淡淡椰子香味💫 韭菜豬肉餃 $38 / 7隻 ; $45 / 10隻 ＆ 芝士粟米鮮肉餃 $43 / 7隻 ; $53 / 10隻 (煎)即叫即煎既餃子夠哂熱辣辣🔥，外皮煎到好香口卜卜脆咁，裏面就有滿滿既肉餡&肉汁😋韮菜味道好香，而K就更鐘意芝士粟米鮮肉餃😄帶點拉絲既芝士加埋卜卜甜粟米，一野啪左幾隻🤣💫 小棠菜鮮肉餃 $38 / 7隻 ; $45 / 10隻 ＆ 咖哩椰菜豬肉餃 $40 / 7隻 ; $50/ 10隻 (湯)新品既小棠菜鮮肉餃味道比較清甜，食到粒粒既小棠菜粒；咖哩餃就濃味啲～💫 招牌秘汁拼盤 $45想食滷水又唔知揀咩餸既有拼盤！有齊滷水雞蛋、牛、雞腎同雞翼超豐富🤣同埋都幾入味💫 涼拌海蜇 $22💫 青檸蜜 / 柑桔蜜 $10

阿姐服務態度差，問佢嘢唔答，就咁企喺度。個湯標榜冇味精，但係個肉餃就好多味精，真係有啲諷刺。肉餃裏面撈咗好多生粉，食落唔似新鮮肉，冇肉質的感覺，有啲生還未煮熟，紅紅的。回家結果肚痾了！

🥟🥟🥟太子長期人龍餃子店無論係中午定係夜晚呢間餃子店出邊都一定有人龍，所以我今次叫咗外賣試下先🥡▫️餃子分湯 / 外賣+$1▫️煎餃 ／雙拼+$2 ▫️餃子有7/ 10隻選擇，17種款式☑️芝士粟米鮮肉餃 （7隻/煎）-$46餃子超級大隻，差唔多係兩隻膠匙羹咁大，煎得好靚，兩面都金黃，都吾算好油，裏面有好多粟米粒，芝士味都濃，好夾，叫煎嘅一流。🆗 芫茜鮮肉餃（10隻/湯）-$55湯餃餃皮好滑，d肉包得好實，容易皮餡分離，芫荽量多味濃，但豬肉冇咩口感，整體調味吾錯。個湯係椰子海帶鮮雞豬骨濃湯，雖然冇任何湯料喺入面，但都飲到椰子味，都幾好味。🆗紫菜鮮肉餃（4隻/湯/雙拼）-$44呢個口感味道麻麻，可能因為紫菜本身吾濃味，比醃過嘅豬肉蓋住咗味道，而且壓實咗，食落就係一舊肉。☑️薺菜馬蹄鮮肉餃（3隻/湯/雙拼）呢個我覺得我值得推薦，佢都有芫荽，比較似係芫荽餃加咗馬蹄粒，馬蹄粒好爽口，令到成粒餃子好有餃口。

星期五晚上既七點幾門口已經排緊十幾限枱，唔想等既當然會選擇外賣，我就係叫外賣既其中兩人。番到屋企一開發覺係無分湯既，餃子稔左少少，都無計。叫左兩個餃子，一個係粟米芝士餃子，一個係招牌芫荽餃。先講粟米餃，係唔錯既，一黎佢啲餃子都幾大隻，二黎真係足料既，粟米餃又唔會好鹹。但係 芫荽餃鹹到一個點......食一啖飲兩啖水，連埋個湯一齊食，鹹到傻重叫多左個小食-海蜇。雖然好香，有麻油同蔥，但都係好鹹。下次不了

每次經過都大排長龍 終於一嘗果然出色店家有十七款餃子 可以放湯或做成煎餃全部都可以雙拼的 方便多試幾種口味餃子和小食都好平價 份量大 性價比好高！素菜餃 拼 薺菜馬蹄鮮肉餃每一隻餃子都超大顆飽滿 比湯匙還要大素菜餃好清爽 薺菜馬蹄都是爽口的配搭椰子海帶鮮雞豬骨湯好鮮甜沒有味精好喝得一口不剩 邪惡金沙餃（冬菇鮮肉 & 芝士粟米鮮肉）煎得香脆的餃子外面裹滿金沙碎 好邪惡最邪惡的配搭一定是芝士餃子 超香的招牌秘汁拼盤牛𦟌 雞腎 雞翼 滷蛋 滷得入味不會過咸 涼拌青瓜涼拌藕尖涼拌海蜇可能吃太多餃子會膩所以有很多款清爽的涼拌菜泡椒藕尖和手拍青瓜都帶點微辣 好開胃這麼大瓶的羅漢果茶和青檸蜜才10元真的算是佛心價了 健康解渴味道不錯

年多前已見這間多人等，有天就試了韮菜餃，一試好普通，唔覺得為何要排隊🫣，之後就沒再食了🥱。上星期等約7:00等放學，又見咁多人等，就拿張票入去再試，等了半個鐘有位了，地方不大，約有20多個座位😃，有三個人落單，拿食物給客人，她們都非常熟手😃，我㨂了冬菇湯餃，等了10分鐘便有😃喝一啖熱騰騰的湯，好飲喎🙂，再試餃子，肉質新鮮，好香冬菇味，好食啊，再叫多碗韮菜餃又唔覺好食😅，之後都來過幾次試了南瓜，紫椰菜，麻辣，梅菜都不錯啊，我覺得只是韮菜不太好食😭，試了煎餃好香脆，色澤平均🙂，大約40-52有一碗餃子，食了餃子會口喝，飲支甘菊蜜就無咁喝😅，幾十蚊便食得飽的一餐😂