豆漿大王

Open Now

Now Closed

甘岩呢排要去新蒲崗做嘢，又唔知有咩好食，search openrice 搵到呢間豆漿大王，見近近地，價錢又唔貴就決定試試佢。Lunch時間都幾多人等外賣，我叫左個滷水蛋豆腐麵，野飲加3蚊叫左個玉米漿，叫餐牌寫住推薦，然後再加10蚊要左個椰汁豆腐花。滷水蛋豆腐麵既滷水蛋同豆腐都幾入味，仲有d椰菜，可以吸收下纖維，份量都足夠。至於玉米漿只可以揀熱飲，應該係攪拌機攪爛左啲粟米再煲熱佢，都幾清甜，貪得意可以試吓。至於椰汁豆腐花就係豆腐花再加椰漿同糖水，豆腐花都係滑嘟嘟，加埋椰漿就會更加滑同rich。49蚊有麵有野飲有甜品，仲要飽到上心口，邊到搵。

衣家香港食到粢飯配咸豆漿既餐廳少之有少，咁岩去開附近碌下有咩好野食，就發現做衣間豆漿大王餐廳位於新蒲崗工廠區，由鑽石山地鐵站出站後行過去大概7分鐘左右一到餐廳，餐廳食客都幾乎坐滿，但由於大多數食客都係醫肚為主食飽就離開，所以好快就安排到入座我地一行3人叫左兩個咸粢飯餐(一個配凍豆漿，一個配咸豆漿)，仲有一碗上海雲吞酸辣湯麵食物方面：粢飯 - 其實味道好好食，油炸鬼好脆口，配埋肉鬆同炸菜，令我憶起以前細個嘅回憶味道，但粢飯包得唔夠實一不小心餡料會跌到成身都係，建議大家食嘅時候用手握一握令飯實一點咸豆漿 - 衣度既咸豆漿落左好多櫻花蝦仔，仲有榨菜、蔥同油炸鬼，但食唔慣既人會覺得成碗配埋一齊味道會唔夾，所以我自己要再落調味料先食得到，記得細個食既口味唔係咁，可能間間煮法都會有差別上海雲吞酸辣湯麵 (唔記得影相) - 雲吞皮簿餡靚，酸辣度適中下次去開衣頭，會再想黎試其他，尤其係油豆腐粉絲

呢間豆漿大王喺新蒲崗工廠區好出名，平時午餐時間見到好多打工仔都會喺呢度食。呢度出名佢嘅粢飯同埋熱豆漿。不過我今日嚟呢度食早餐，平平哋叫咗個$19嘅炸饅頭配凍豆漿。估唔到簡單嘅炸饅頭都唔會做得馬虎，性價比好高！

超抵食嘅上海菜🤩應該會成為我去新蒲崗嘅go-to 飯堂因為超扺食🤩粢飯被稱為全港最好食真係唔為過🤩油炸鬼係脆架！！！🤩平時粥鋪就咁上都唔脆今次仲要喺係粢飯入面🤩夾埋肉鬆榨菜無得輸🤩🤩但佢啲飯係好粒粒分明乾身嘅，唔似平時食開嗰啲，睇個人preference 啦我就無乜所謂五香排骨麵正常嘅一碗麵，以$33 黎講我覺得無可挑剔😆香料味重肉都正常，分量同出面啲麵差唔多間鋪長期好多人，都等左5-10分鐘先入座，同埋要搭枱😕

今日冇帶lunch，想揾間餐廳lunch set係有菜食嘅，就行咗黎豆漿大王3個set入面我揀咗肉骨拼腎飯跟熱豆漿，因為我好想知咩係肉骨，原來啫係豬軟骨，正呀 肉骨同雞腎都滷得好入味，仲有2舊大豆腐係底，好大碗一定夠飽，對於我黎講味道啱啱好唔會太鹹。好欣賞碗熱豆漿係無糖嘅，送咗兩包糖俾自己落，啱晒想食得健康啲嘅人士

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻 /5(P.S. 另九龍灣有分店)要說每個人心目中的comfort food，除了是很喜愛的食物，我認為就是會時不時想起它，能帶給你濃濃的滿足感和美好的回憶 😍上海粢飯和豆漿相信是很多人的comfort food，我也不例外 😉 看似簡單的粢飯和豆漿，要做得好並不容易，可幸讓我找到這間好好吃的小店 ☺️。小店位於新蒲崗工廠區內，地方不多，我自己比較喜歡買外賣吃 🥡💋 咸粢飯 + 豆漿 ($16 + $8)糯米飯軟硬適中，裡面是足料的油條、炸菜和肉鬆，雖然油條不是超脆的狀態，但質感仍不錯，整體來說是豐盈的口感，鹹脆惹味，每一口都讓人感覺大滿足～ 🥰 至於豆漿的豆味香濃，順滑可口 🥛 (喜歡甜粢飯或咸豆漿的朋友同樣有選擇)💋 肉鬆奶脆多 ($18)炸得香脆的炸饅頭，質感新鮮，外脆內軟，上面是滿滿的煉奶和肉鬆，材料味道非常匹配，簡單就是美味～ 😋💋 秘滷肉碎拌麵 ($32)比較普通的拌麵，沒有太多驚喜感，一試無妨 😅

雖然屋企住喺附近，但係之前冇為意有呢間小店，只係知道門口位長期都有人龍～之後有一個網紅話佢成日專登揸車嚟工廠區買粢飯食，我先去慕名一試。試過幾次之後先寫呢篇食評，見到其他食評人有啲鍾意有啲唔鍾意。中我今日都係食粢飯同豆漿。小店嘅粢飯有甜味或者鹹味嘅選擇，豆漿亦都有凍熱或者鹹味甜味嘅選擇。之前見過人哋買粢飯會選擇全部加料。我之前食過嘅粢飯喺同一間店都係幾好食嘅。但係今日就唔一樣，啲粢飯好似比較鬆散，材料都比較少。我諗個師傅可能每日都係唔一樣嘅，因此令到食客嘅感覺都有差異。不過整體而言，我鍾意呢間店嘅粢飯比較乾身有咬口，同埋一定係新鮮整嘅。因為佢嘅流量實在太高啦。反而出邊有啲舖頭係整定嘅栥飯，令到啲米可能溶溶地咁唔好食。呢個下午茶好滿意呀，直到夜晚都一直唔使再食嘢，夠飽肚啦。

今朝收工後過左去新蒲崗陪朋友食lunch，佢指明要試呢間豆漿大王既粢飯～接近下午一點去到，好彩大約等左幾分鐘就有位，附近上班族大部分都係買外賣，可能因為呢度既位都比較迫唔算舒服😅我地叫左個咸粢飯多炸菜多肉鬆($21)同埋一個五香肉骨飯lunch set share (lunch set包左杯豆漿 $41)呢度既粢飯真心出色！👏😋宜家市面果啲好多時都係預先整好，搞到一拎上手就勁熱根本食唔到，然後啲油炸鬼又唔脆👎👎但呢度係即叫即整，落單時店員仲會問駛唔駛剪開，而且可以自己決定加唔加配料👍😊我就揀左多榨菜多肉鬆，外層糯米唔會太厚，幾香軟😋裡面油炸鬼保持住酥脆口感🤤雖然叫左多炸菜，但其實唔算多，但已經夠味，如果再多應該會太咸，搭配鬆軟既肉鬆食好夾好正！好耐無食過一個咁好食既粢飯！😋😋五香肉骨飯都幾大碟，伴碟既雪菜已經有啲肉絲，鹹鹹香香咁其實已經好好送飯😂睇圖片大概都估到呢度既五香肉唔係好似豬軟骨嗰種炆到淋身既肉，果然不出所料～肉身係帶少少香料味，但係個人嚟講覺得太鹹同埋太鞋，一般般，係唔會encore既選擇，反而下次可能試下炸雞扒/上海排骨，可能會有驚喜🤓但係以後每次嚟都一定會叫粢飯！！😋🤣

沿途附近都有好多食肆，但就見都係一般啲茶餐廳，食嚟食去都係啲焗飯意粉，就打算試吓新嘢。本身都無咩期望，覺得都係啲上海嘢咁。嗌咗個秶飯同杯豆漿，豆漿我飲熱嘅，秶飯加料全加。成舊飯係熱辣辣，油炸鬼好脆好正。如果閒日嚟要避開放飯時間，一係就早啲落嚟，因為真係好多人，排隊攞外賣嘅都成條龍

好難得香港有賣咸豆漿同粢飯嘅店舖，當然要一試！位置不太就腳，要看google地圖才找到。食物CP值高，價錢便宜好味！咸豆漿很大一碗，內有蝦皮油條蔥花，比想像中飽肚。建議快點吃，油條泡太久變軟口感會不好粒粒豆腐布丁小小一個，但很好吃！粢飯內的油條超大舊，飯反而比較少。整體份量不大，就是適合早餐的量，中午和晚上吃就不夠了。侍應姐姐會主動問要不要切開，服務貼心！炸銀絲卷即炸，要耐心等待。熱辣辣脆卜卜，加上甜甜的煉奶超好味！煎菜肉包也是即煎，還行，肉餡充足。總結：價格便宜，食物可口，是值得回頭再光顧的店舖。

☆豆漿大王👑𝘚𝘰𝘺𝘢𝘣𝘦𝘢𝘯𝘴 𝘒𝘪𝘯𝘨以平民價錢食到米芝蓮美食！今次推介嘅係cp值極高嘅地道餐廳 喺2019年獲選米芝蓮星級小食店😍-上海雲吞麵（$37）雲吞麵夠曬足料🍜有大量雪菜同金馬火腿 麵質煙韌有嚼口 餃子亦係每日新鮮包製🥟而最令人眼前一亮嘅係鮮甜濃郁嘅湯底 比普通上海麵香濃有層次 熬製得非常出彩👍🏻(˶‾᷄ ⁻̫ ‾᷅˵)推薦指數:8/10.粢飯（$16）嚟呢間小食店*必點*嘅一定係粢飯 揉捏粢飯嘅力度啱啱好完全冇鬆散 油炸鬼炸得非常鬆脆亦唔會過份油膩🥖加埋帶有甜味嘅肉鬆同炸菜 果然食得出鎮店之寶嘅味道😋不過建議趁熱食 如果攤涼左米飯就會變硬影響口感(˶‾᷄ ⁻̫ ‾᷅˵)推薦指數:8.5/10.熱鹹豆漿（$8）叫得豆漿大王當然以豆漿聞名🥛一開頭都擔心鹹豆漿會唔會味道有啲奇怪 點知竟然有驚喜😳豆漿內有油炸鬼、蝦米、炸菜、蔥花 🦐豆味頗濃 即使浸過帶有鹹香嘅豆漿油炸鬼依然焦脆 味道的確幾特別令人回味 值得嗌嚟試下🤤(˶‾᷄ ⁻̫ ‾᷅˵)推薦指數:8.5/10.整體來講雖然環境比較逼夾 但食物味道真係一流 絕對值得來訪～.

今日星期日想食一個傳統中式早餐，但又唔想食茶餐廳，所以專程去新蒲崗食豆漿粢飯。豆漿大王在新蒲崗大有街工業區，左右隔離嘅食肆門口都係一樣，門口沒有大招牌，要行近見到門口Menu先至知道係豆漿大王。我哋叫咗幾款店主推介嘅食物鹹豆漿，好少飲鹹豆漿，第一啖食落去覺得怪怪地，但跟住習慣咗，覺得幾好飲，裡面有蝦米乾、油條塊、炸菜及蔥花。普通豆漿，不鹹不甜，枱上有糖，想甜要自己加糖，但沒有黃豆味。鹹粢飯，裡面有榨菜、肉鬆同油條。如果想加料可以加錢，我就全加料比多$7。個粢飯味道淡，全靠啲餡料，油條好脆，肉鬆軟綿綿，榨菜鹹鹹地幾好食。酸辣淨雲吞，酸辣湯好足料，有木耳、豆腐、蛋花、豬皮等，酸辣度適中。雲吞皮薄餡靚。肉鬆奶脆多，多士非常鬆脆，上面放滿非常鬆化嘅豬肉鬆，都幾特別，未食過可以試吓，但又唔係非食不可。雞翼炸得幾香口，炸粉唔厚，外皮有少少甜甜地，但整體覺得偏淡，如果可以加重少少調味料就會更加好食。總結：雖然係星期日早上，位置又喺工廠區，交通唔係好方便，但估唔到有好多人嚟食，門口都泊咗啲車專程嚟買外賣。放假得閒可以嚟試吓，價錢相宜，好過日日食茶餐廳。

為咗美味的粢飯冒名而來🤤位處新蒲崗工業區的「豆漿大王」門面低調外表跟鄰近的食店差不多就靠等位等外賣的人潮來記認點了粢飯（多炸菜） 及 酸辣湯粢飯即叫即包熱辣辣的糯米飯不太厚剛好包住滿滿的餡料一口咬下，不得了！油炸鬼是脆的！肉鬆跟炸菜亦美味非常可惜住得太遠否則，我日日來買一個做早餐食足一個月都不會厭👍🏻酸辣湯相比之下顯得沒大驚喜但亦合格有餘老公問我值不值得特登來食我說，如果你肯車我來就非常之值得😆

唔鐘意食飯既我 但特別鍾意食粢飯朋友都成日極力推介呢間豆漿大王係特別好食 成日都有人排隊 今日朋友就特登走去排隊買一舊俾我試吓 見佢咁有誠意真係冇得推 😂😂粢飯比到我嘅時候仲係熱辣辣 原來新鮮包出嚟 入面勁多肉鬆 油炸鬼仲係脆 榨菜唔會太咸 糯米飯仲有小小甜甜地 的確係好好食 😋 咸豆漿😂朋友話食粢飯一定要配埋咸豆漿先好食😋我都係第一次飲 原來入邊有油炸鬼 蔥 蝦米 朋友仲加埋蛋比我 原來真係好好飲 一直以為咸豆漿就係豆漿加鹽 而家先至知一路都誤會哂 😂😂😂

我由細到大都好喜歡食粢飯😍貪佢抵食、飽肚、好食、又方便食。食過淘大既分店，粢飯一般。見新蒲崗呢間分店嘅粢飯評分比較高分，就特地過來，試試睇下有冇分別。上菜時，粢飯熱辣辣，新鮮包出黎咁。店員已幫我剪開一半，方便食。粢飯裡嘅肉鬆好新鮮，唔係淋晒，非常好👍🏻榨菜切得好碎，唔會太咸，但唔太食得出榨菜既味道，如果榨菜份量多返啲，會比較好。油炸鬼微熱，但唔脆口。糯米夠實，夠煙韌，唔錯👍🏻大大碗嘅熱豆漿，只係$8，好抵，唔係稀豆漿，比較厚身，豆味都有，又唔甜，唔錯👍🏻兩樣野加埋都係$24！非常之抵食。暫時來講，我食過最好食嘅粢飯都仲係將軍澳寶琳站嘅一間上海餐廳。佢嘅粢飯真係好好食，價錢亦都差唔多。