蘇記(茶檔)

Open Now

Now Closed

今天我和老公及弟弟到深水埗高登,順便到蘇記吃東西 。我們點了西多士 ,豬扒豬潤麵 ,沙爹牛肉麵,蛋治,涷奶茶和涷鴛鴦，感覺味道如下: 西多士:傳統製法,沒有夾心,而且炸得香脆.我和老公覺得這種製法才是最好味.豬扒豬潤麵:豬扒入味,豬潤爽口,若配出前一丁麵便更好.沙爹牛肉麵:牛肉味道ok,湯底有豬潤味,因也不是出前一丁麵,故感覺普通.蛋治:蛋即叫即弄,夠熱,食落都ok.涷奶茶:茶味唔夠,普通涷鴛鴦:味道幾好. 總體來說,食物味道幾好,只是環境太熱及間歇性吹來陣陣渠水味.

幾個星期前同朋友去左深水搵食，今次帶媽媽去再掃一次...合益泰、劉森記...今次識得叫埋，每間都食少D，咁可以去多D地方。本來諗住去新香園食蛋牛治，但諗諗下不如試下新野，就去到耀東街的蘇記。地方好細，而且係鐵皮屋下，係真真正正的大排檔，好喜歡依種感覺。地方雖然細少，但卻好有系統，由杯杯碟碟到煮食材料都放得井井有條，感覺很企理，伙計們又做事認真且友善，絕不馬虎。食物方面，不用說，都係唔會馬虎的。點了西多士同豬扒麵，都係即叫即整。西多士係睇住佢炸的，只見師傅放左兩塊麵包落D蛋度，跟住就攞左去炸。好似好簡單，連媽媽都話「唓，咁樣我都識整啦。」但奈何食左之後，真係發覺屋企好難會整得咁好。雖然係大排檔，用的全部都唔係cheap野。牛油非常的香，係整個西多的靈魂；麵包唔會過份的多蛋汁而淋batbat，反而係充分索晒D糖漿同有蛋香，好入味。西多係正宗的，入面冇花生醬，但已足夠令我愛上它。西多食左一半，個豬扒麵先至來到，因為豬扒係新鮮煎的。十幾蚊一碗麵，當然唔會厚厚的一塊，亦都唔會係新鮮豬扒。但豬扒很入味，應該醃了一晚，有蜜糖味，感覺好似去燒烤咁。而且煎得唔乾，還可以要求什麼？麵係用上我最喜愛的大光麵

小弟捧的球會等了十四年,終晉身大型杯賽的決賽,贏輸與否要到月尾的決賽才知,這一天的早上,來到十四年之前,常去的茶檔,石硤尾耀東街"蘇記".昔日與同學仔之聚腳地,今天的一早各奔前程,剩下小弟一個,緊守著鐵皮檔下的豬扒蛋麵.望著積壓著紙廂的小房,勾起當年不少回憶,當年我們就是坐在這個小房,喝著檸茶菜蜜,吃住餐蛋麵,吹到天花龍鳳.果頭K君說搭上某某女同學,那便廂C君又說儲夠錢去日本旅行,對一個正值會考的中五學生來說,去日本旅行是遙不可及的事情.聽完笑下便算.笑完我又大唱反調:{想飛?想跟王菲,想飛倫敦,好想坐維珍航空....想買部新相機去.}哈哈哈,光陰裏片段,你我無句真.十幾年來,倫敦又去過,維珍又坐過,相機都用過好幾部,到頭來,仍是坐在此,對住個豬扒麵.豬扒鬆化可口,煎得頗香,面頭的太陽蛋更是一日元氣之始,下面的麵底淥得幾有咬口,如果以豬扒麵的水準,蘇記依然做得不錯.但是,一個人吃的味道,遠不及昔日與眾同學仔,嘻嘻哈哈又一餐的滋味,大家還記得讀書年代,放學與同學上老麥的喜悅嗎?相信味道,不只是食物的本身味道,而且更包括進食時的感覺.很多時面前的盡是天下美味,但與你一起

一向愛死這類鐵皮屋大排檔，得閒來吃個麵飲杯茶，比起不少貴價食店更為精彩。是日本來約了朋友去酒樓飲茶，後來想吓想吓，倒不如來這裡開餐。我先到，叫杯熱奶茶飲住等。茶味不是太重，不過口感幼滑，順喉舒服。奶的份量是偏多，卻正合我心水，始終大排檔的奶茶水準點都唔會太差。朋友稍後來到，可以叫野食了。每人叫一個麵，我要的是招牌豬扒麵，而對方則是蛋牛麵，再加一份西多士share食。麵不會淥得太稔身，吃落幾爽口；豬扒的味道不錯，醃得夠味，夠熱也香口，肉質鬆化，但又不似是經過嚴重的肉鬆粉洗禮，我挺喜歡的。試了一件朋友的牛肉，反而覺得質感有點假。西多士端上檯時似是十分肥，加上一大舊的牛油，女士見到一定怕怕，不過對我這麻甩佬來說，呢件才是極品。金黃色的西多，香脆可口，我喜歡吃甜一些，自行加多點糖漿，再把大大舊牛油塗上，人間美味。這類舊式大排檔在香港已僅存無幾，若然光臨深水埗的話，不妨一試。

經過耀東街, 本來又想去長發食豬手麵, 但見Openrice食評, 話啲豬潤和豬扒好食, 所以選了豬潤豬扒麵和叫了一枝Coke.豬潤 - 不太鞋, 雖未到"維記"啲爽, 但片得幾薄, 潤味重而滑, 又不似"維紀"成碗泡, 其實我都煮飯, 呢到啲豬潤算好食. , 當然睇你想食爽啲定係潤味重啲.豬扒 - 好似屋企煎的豬扒, 咬落係淋啲, 但冇煎豬扒的香味, 又咸啲和油啲囉 麵 - 好似早啲大光麵, 但好似連一個麵都冇, 好碎下不過唔知是否第九期發育, 我就覺午餐唔夠飽, 似早餐的size囉. 因為要成二十幾一碗, 貴咗啲, 所以去了後面食粥唔再叫.總結 : 豬潤好食過豬扒, 剩叫豬潤麵試一試好啲!

17-2-2009久聞呢度出晒名的豬扒及豬潤, 趁今日有時間搵路0黎試試. 叫了潤牛麵加豬扒, 加個熱奶茶 (total $39) 獨食.先0黎奶茶, 色水 ok, 茶底幾薄0下, 不過飲落茶味算幾香, 及格吧.再0黎潤牛麵及另上的豬扒... 先呷啖潤牛麵湯底, 味道淡口, 有點 MSG, 不過叫得公仔麵都預0左有點 MSG 0架啦, 是但啦. 麵底用大光麵, 淥得剛好, 不過無喱味道, 早知轉出前一丁啦; 牛肉少少梳打, 不過幾新鮮又幾腍; 薄切豬潤就好好食, 咬落彈力十足, 用薑絲辟了腥 / 澀味, 味道鮮甜, 正!豬扒分成 4 小件, 浸0係一大攤油內, 幾嚇人, 不過呢度係大排檔, 唔通 expect 佢會同你「去油」咩, 唯有自己0黎啦 豬扒帶黑椒香, 味道令人諗起大坑0個檔的出品 (http://www.openrice.com/restaurant/commentdetail.htm?commentid=1891311), 唔知用咩醃0架呢? 質地亦不錯, 無用梳打粉「也母」過, 食落又夠腍, 幾好食.環境就係典型老式 mou 街大排檔麻甩格, on one h

阿姐記性比維記既阿姐差有單唔寫單 扮記性好最後咪錯左羅 跟住仲要話我地豬潤好大內臟味 同維記差一皮不過招牌豬扒都OK但係唔夠熱 最後...食完好口渴 太多味精不會再來LU~

國慶日, 路經深水埗, 對附近的茶記及快餐店興趣不大, 決定來此一試大牌檔, 環境一般, 但未算太髒, 還可接受選了膶牛丁, 豬膶很不錯,厚薄適中,口感爽脆, 比維記的還香及爽脆牛肉經化學品處理, 下次還是叫豬膶丁好了麵煮得剛好, 湯底是味粉, 加了麻油更香另點了西多士, 聽見侍應阿哥向廚房嗌 "炸包"一份. 先知西多士叫炸包, 又學多樣野了.西多是傳統的厚包, 浸了蛋漿再炸, 沒有花生醬/火腿等不輪不類的配搭, 配上糖漿, 正合口胃. 環境雖一般, 但不用排隊, 質素亦較維記好, 下次經過深水埗, 還是會揀這裏.

2008.09.21 (日) 主又嗌餓，知呢度好評如潮，順路行過黎睇睇。預咗茶檔冇冷氣，但絕無預計地方咁污糟 ，雖然唔係周地垃圾，但地方暗暗沉沉，坐都唔太敢。我唔餓，亞姐介紹主黎個 "潤牛麵" $20豬潤幾滑幾香，主話牛肉都OK，但個湯底好鬼咸，咸到過份。好在主唔係飲三鹿或蒙牛大，否則要排隊驗腎 25 VS 0 變咗 25 VS 1 比我拆咗佢個完美招牌 tim 諗下會會再黎食豬扒飲奶茶，呢兩樣唔會咸喇呱，希望可以還返個笑面亞蘇喇

特意去逛深水埗，其中一個原因是想試蘇記的豬扒。這天天氣清爽，決定過海走一轉。十一點多的燿東街大牌檔，並不是很熱鬧。直徑走到蘇記，就點了豬扒三文治和熱奶茶（共$19.5）。豬扒即叫即煎，新鮮熱辣，不過想是成本關係，豬扒切得比方包還要薄，好味是好味，但實在吃得不夠過癮。至於奶茶，茶味稍淡，只能算是不過不失罷。有點失望，只嘆一句，來得太遲！

有場球賽在附近舉行，來這裡吃個豐富的早餐先，要了潤牛麵及豬扒米，例牌奶茶咖啡，當然唔走得雞。麵同米粉滾燙熱辣，先吃豬潤，以免其浸得過老。豬潤切得細細塊，略厚身，吃起來脆口之餘又夠粉，貨色夠新鮮，而煮的時間也剛剛好，有點水準。當然比起維記，是差一皮，至少後者的豬潤是好吃之餘，那啖豬潤水更是不得了；豬扒是這裡的招牌菜，皆因在餐牌上是命名為「招牌豬扒」的。雪藏豬扒，薄薄的。吃起來幾腍身，味道很似去BBQ買的燒烤包豬扒的味道，覺得出色與否，我想全憑對對種味道的喜好，我就很麻麻，寧願要科記那種真實的味道；滑牛名副其實，是非常的滑，明顯的給化學品重重的招呼過，吃淨豬潤好過。咖啡及奶茶都有水準，尤其是後者，比較合胃口。埋單55蚊，是及格的大排檔。

2008年7月30日早上7:15 同沙牛男友食完華南, 心思思又去咗蘇記食豬扒.有新嘢喎! 豬潤!1) 豬扒豬潤麵 – 豬扒還是老味道, 又香又軟, 不過噤樣o既mix & match豬滋+豬扒 好似令到d湯味唔係好夾, 豬潤質素同維記差唔多, 係我自己衰, 下次唔好兩溝應該好d2) 豬扒多 – 沙牛男友勁鐘意, 大家同時講”都係佢d豬扒得d!”3) 咖啡 – 響華南已經飲咗奶茶, 試下咖啡先, 好香啊! 我地好少飲咖啡, 所以唔識比較, 不過都幾好飲.埋單四十幾, 等我啊! 我地會返嚟架! … 會返嚟架! … 返嚟架! … 嚟架! …

我記得我係因為要做學校gai project 所以先去蘇記因為我地係做香港碩果僅存gai大排檔....老闆娘係超nice雖然夏天去會覺得熱d但唔洗驚，佢地把大風扇一定吹到你，好過勝香園先起碼佢地gai 豬潤面好正，係老闆娘每朝一早起身洗乾淨架，我本身都唔太食內臟，但佢d豬潤，你見到都會想試下，因為係用心之作!大熱天時仲要試埋紅豆冰就一絕。

來深水埗, 當然係想揾好野食啦!!!雖然環境麻麻地, 但係佢地既豬扒就真係好味, 外表帶點焦脆但又能鎖住肉汁, 食落唔 "鞋" 口.個滑牛公仔麵既牛肉都好滑, 仲有牛味, 不似一般用梳打粉整到冇曬味.但係唯一美中不足既係杯奶茶冇乜味, 唔夠滑又唔夠茶味, 仲要好似要十蚊杯.

都成廿年有去過呢度食野，讀書時很喜歡食牛米加凍齋啡，估唔到尋日食依然咁好味，牛肉同豬潤剛剛好，湯底濃淡適中，連凍齋啡都一樣咁正！大排檣真係買少見少，我地要去食多ｄ喇！