華輝小食

Open Now

Now Closed

上網睇左唔少資料，話過黎大圍其中一定要食既小食最出名係手撕雞腸粉手撕雞就係普通手撕雞，腸粉係普通腸粉加埋一齊之後就係【普通手撕雞腸粉】有咩特別?冇特別，雞都唔係特別滑手撕雞應有既味道，麻油味麻醬味，佢有齊但就係一個手撕雞囉其實你求其搵間手撕雞，再求其搵間腸粉加埋一齊【完成】佢就只係方便左你將兩樣野溝埋反而佢支無花果雪梨唔錯清甜得黎有些少冰糖味，熱到死既時候飲返支的確唔錯係個貴錢貴左少少睇左好多評論話呀姐態度差，的確有少少但感覺上佢似係唔多想講野，又唔係話真係冇禮貌既

由舊舖開始排長龍開始買，都差唔多就嚟10年啲姐姐態度就不嬲都好差，次次買都好似我俾錢乞食，所以每次唔多唔少都有一啖氣，奈何我屋企人鍾意食，所以都要去幫襯，但估唔到而家連啲份量都可以少咗差唔多一半，價就照加一成幾，腸粉量可以少到咁，連胃口少嘅都話之前都會食剩，今次係食完都唔飽仲叫餓，好呀，經過今次連屋企人都話以後唔去幫襯，冇計太激氣，咁凍落去買完返嚟都係唔夠食，當以後少咗個選擇囉！(放唔到相俾大家睇)雖然味道都係還可以，但再者，態度差咁多人講咗咁多年都冇改善，終歸都係自己犯賤，以後出發去玩之前都唔使再佢，橫掂堂食叫佢抹吓枱，一係俾佢冇視一係就話唔得閒，最後都係自己攞張布抹仲快，對於選擇困難症嘅人都係好事嚟嘅

當日下午大約4點，路過見到原來搬咗，記得之前係單車鋪隔離。企係收銀 都無人會幫你過嚟落單，間鋪只有兩個係度食緊野嘅客，叫左一份手撕雞腸粉，一份魚蛋同一枝嘢飲 $85? 之後佢比左個 取餐器，震就可以去自己拎，嗰取餐污糟到不得了，笠癡癡到呢…之後睇住佢對藍色手套，收錢>找錢>俾取餐器>整嘢食>出餐，全部都係同一對手套冇換過，一啲衛生意識都冇！講真個腸粉又唔散，又唔滑，仲要唔夠熱！最後佢會好大聲同你講要自己抌垃圾佢個風車垃圾袋嗰度，我真係唔明佢可以代表大圍啲乜嘢？

第一次去到舖頭門口，本身係諗住入去食，然後見到枱枱都full晒，有啲人食完喺度玩手機又唔走，有啲就喺枱就勁污糟冇人抹枱，又冇人收嘢。我話5個人，個度有張大枱空左，可唔可以執吓想堂食，佢好似聾咗，淨係係咁問我食咩食咩食咩。最後真係嬲撚得滯走左🫠咁第二次啲friend想去食咁就同再同佢哋入咗去食啦，個姐姐態度都係一如既往嘅西，其他職員都好。然後啲嘢食到咗，食到啲菜係飲浸青草味，食到勁想嘔🤮食咗一半都冇就即刻走人，返到去之後仲要肚痾，我都唔會再去食呢間咁嘅垃圾😃

落單又唔聽清楚 落錯單等候時間要半小時員工態度欠佳絕對係一間唔值得去既食店食物質素又差 價錢又貴 性價比非常低建議大家唔洗為左佢既假好評而去光顧 浪費自己時間以後不會再去！

Blingbling美食推介✨📍大圍🧃華輝小食✨ 大圍宵夜之選‼️ 💠💠💠💠💠💠💠💠夜媽媽口痕想食野點算好？大圍華輝幫到你🤣🤣 華輝每日開到凌晨2點！我地成一點去，無論堂食定外賣都仲係好多人！平日黎添啊！！不過真係幾好味既😋😋💠 手撕鷄撈麵 + 燒賣手撕鷄可以揀辣度or唔辣~ 醬料好惹味，不過略嫌雞絲太大塊，不過鷄肉都算嫩滑，所以大舊d都ok~我自己唔食得辣，所以就揀左唔辣，不過如果食到辣，應該會更惹味~撈麵係indomi~ 應該一份係有2個撈麵！好大份🤣🤣 我自己就食唔曬啦~ 燒賣不過不失！餐廳環境：💎💎💎/5服務質素：🌸🌸🌸🌸/5食物味道：😋😋😋😋/5性價比：💰💰💰💰/5華輝小食📍大圍積福街64號地舖

今日突然間好想食手撕雞撈麵，由火炭嚟到大圍就試吓，上次已經食咗手撕雞腸粉，今次試吓撈麵。今次仲加咗果皮魚蛋，今次個撈麵我試咗大辣個老闆好好人，好有笑容等咗一陣就有得食，只係嫌個面大辣唔夠辣，個雞好好食好滑，加埋芫荽仲好香好正會有下次❤️

今日上班前去這間所謂網紅小店食晚餐，這間店係我人生中感覺最差的小店，首先要在門口排隊比錢買野食，但收銀係冇人，等到有人來收錢，我叫一份手撕雞撈麵+燒賣$67堂食，然後取了號碼牌搵位等食物，等了大約20分鐘取了食物諗住快速食完上班，因為已經等咗好耐，我取了食物一坐低，店內有位姐姐真係串到爆，她正在用了一張四人枱在摺垃圾袋，然後好大聲呼喝同我講，你唔可以係度食，如果唔係就要罰錢，我回答落單是係度食的，另一位姐姐又話問咗我係咪外賣，我好肯定佢冇問，她們的態度真係差到冇人有，首先當時店內有很多空枱，多到姐姐用來摺垃圾袋，二來就算搞錯咗堂食和外賣，你可以客氣一點跟客講如果外賣就不能在店內食用，我真係唔明點解要咁大聲呼喝客人，語氣極差，我只是食個手撕雞撈麵，我完全沒有講要外賣，店內食客也望着我，我犯咗什麼錯誤，要被你這樣呼喝，又話要罰錢，我只係跟她說我是堂食，我沒有講過外賣，我依家才明白點解不願意在港消費，真係貼錢買難受，大圍有好多好野食，我以後一定唔會再嚟，之前睇影片分享平台都覺得老闆轉行用心經營小食店，所以試吓，但貴店之服務態度真係差到極點，都唔明這間店憑什麼可以服務態度差，真係以為不可一世，

今次咁啱經過大圍嘅華輝小食，試咗佢哋嘅手撕雞腸粉，聽聞係大圍名物，咁啱我去嘅時間無咩人，所以唔駛排隊｡:.ﾟヽ(*´∀`)ﾉﾟ.:｡#### 1. 手撕雞腸粉- **價格**：$40- **評價**：可能因為對佢好大期望，食落味道令我有啲失望。腸粉雖然滑，但雞肉肉質好嚡，味道食落去冇咩驚喜，整體嚟講唔夠吸引，冇令我想再食嘅衝動( ´•̥̥̥ω•̥̥̥` )### 總結手撕雞腸粉整體味道對我黎講有啲失望，可能唔會再嚟(〒︿〒)

手撕雞腸粉，咪就係手撕雞+腸粉only,兩樣溝埋一齊，都冇乜特別。仲要收銀同出餐阿姐都串串貢，勁受氣。如果呢間係大圍名店，咁應該係出名受氣，而唔係手撕雞。如果唔係M 底，唔建議幫襯。勁伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏

夜晚黎買，外賣條隊排曬長龍，裡面又唔係忙又唔係多客，成班老人家淨係識堆係廚房，無人識黎收錢，明明試過八達通比，老人家唔識得用電子支付又話唔收八達通，唔會再幫襯😩

呢間嘢開咗好多年我每次去買，都好多人排隊，近年佢轉咗大啲嘅舖頭，地方闊落咗，枱都多咗。我每次一定係嗌「手撕雞腸粉BB辣」,呢個腸粉本身會自帶花生醬，甜醬同豉油，你哋可以因應自己嘅喜好叫走醬。因為我唔係好食得辣，但又想有啲味掉下癮，所以次次都係嗌BB啦，如果你哋食得辣可以試吓其他辣度！腸粉好滑，手撕雞就更加唔使講啦，有雞皮，肉質一啲都唔乾，10分嫩！係我鍾意食嘅雞🤣🤣🤣如果踩單車行過大圍，歡迎都可以試吓呢個大圍名物，冇介紹錯😌

如果在網上搜集「大圍美食」的話，相信這間華輝小食絕對會榜上有名🛜其招牌菜手撕雞腸粉看似平平無奇😗但竟然好評如潮，個個吃過都嘖嘖稱奇😳令我也非常好奇，究竟有何特別🧐———————————————————————一如菜式名字所說，手撕雞腸粉就是手撕雞舖在腸粉上🐓再淋上平時吃腸粉必備的豉油和麻醬。腸粉質感實淨🙂即使攪拌後亦不會散開，雖然未算特別滑溜但仍屬合格水平👌🏻手撕雞肉質亦夠嫩滑😌即使是雞胸肉又不會乾柴，連皮雞肉更令口感更加順滑😇麻醬令雞肉和腸粉變得十分creamy😛但份量上就略嫌偏多🤏🏻令雞肉基本上只得麻醬味🤨完全蓋過了手撕雞本身的調味，味道上有點單調🙁———————————————————————華輝的手撕雞腸粉味道正常，不過不失🙂但並無甚麼特別的記憶點，未值得那麼多人特意慕名而來😅另外值得一提的是，店家的取餐提示器表面非常油膩🫣奈何食客必須照樣拿來取餐😰難免會令用餐體驗大打折扣，希望店家能作出改善🫡