菩提素

Open Now

Now Closed

這間餐廳是一位茹素的朋友之前吃過的，我們當日來是星期五的自助晚餐，分第一輪17:30及第二輪19:00，$138無需加一服務費。環境舒適，用膳後需自行放回餐具。食物選擇頗多，味道還好，基本上我吃第二碟已經開始飽肚了🤗飲品：中國茶、羅漢果茶和無糖豆漿粥水、湯水及糖水：每款各一，朋友喝了兩碗紅蘿蔔例湯，看來味道很不錯。當日還有玉米粥和綠豆沙。熱食：炒飯、炒麵、茶葉蛋、炒菜、蒸包炸物及薄餅：炸芋頭、南瓜、春卷、菠蘿pizza涼拌：酸齋、涼拌青瓜、黑木耳、素海蜇、麻醬秋葵、豆腐、玉子壽司、腐皮壽司等沙律及水果：有沙律菜、車厘茄、橙、蘋果甜品：一款不知名糕點 （餐廳沒有名牌表明菜式)星期一至四🥢自助午餐 $100🥢定食下午茶 $69 (另收加一)🥢自助晚餐 $128星期五至日、假期、初一/十五🥢自助午餐 $118🥢定食下午茶 $69 (另收加一)🥢自助晚餐 $138

好朋友想吃自助餐，但又怕肥，所以揀左素食自助餐，可以滿足份量又健康些。這裡離地鐵站不遠，5分鐘路程。自助餐星期一至四＄100位，五至日及初一，十五，假期收＄118。先付款再入座，各種電子收費都有，限時90分鐘，都有足夠時間食。我們以前都試過不少自助素食館，每家都有少少不同，今日的款式不少，食材新鮮，味道不算太重，要讚👍。我特別喜歡熱豆漿，因為連豆渣一齊飲埋，好香濃，無糖，感覺到黃豆的鮮香味。這裡的豆制品特別多，各款都好吃，今天的芋頭好靚，又香又粉，少有。😋還要讚👍是這裡很乾淨，人客也很自律，用完餐都自動收拾碗筷，不足之處是樓底矮，有點壓抑感，另一個是綠葉菜很少，我和好友都有同感，再有就是甜品少，我就無所謂，但好友覺得不足。🤣

菩提素藏身尖沙咀商廈，電梯門開，仿古燈籠映著深褐桌椅，裝修獨特，充滿禪意。餐廳主打兩小時素菜自助餐，素菜種類大概有30款，款式多，味道不错。素鵝酥脆不膩，豆香味濃；素叉燒加上素蠔油，鮮味層層遞進；咖喱角、冷盤豆腐、炸芋頭、欖角炒飯都很出色。飲品有羅漢果茶、新鮮磨豆漿選擇。中午時段每位$100 ，晚上時段每位$138沒有加一，是少数在香港質素中上的素菜自助餐。如果有朋友喜歡吃素菜，或適逢初一、十五、或佛誕，可以多個選擇試吓。（個人覺得場內射燈比較多，燈光頗刺眼）

食物質素Ok，環境也坐得舒服， 但姐姐服務一般……..有客人食完離開未有主動收回餐具， 服務員姐姐一邊「伊伊哦哦」不情願執回…..另提醒姐姐Refill 茶， 都沒有反應， 感覺不想回應客人

香港食素食自助餐的選擇不算多,上星期（星期一）試一試這間位於尖沙咀的素食餐廳. 地點都近尖沙咀地鐵站.價錢：$100/人 （星期一至四價錢）/ $118 （星期五至日,公眾假期及初一,十五）用餐時間：90分鐘午市自助餐時段：11：30-15：00餐廳環境：舒服, 座位是有椅背及木椅. 座位距離寬闊.食物區域（L字形擺放方便取食物）茶水區：中國茶及羅漢果茶湯水：只得一款,味道偏淡😅可能太多水材料少熱食（熟食）：大約十幾款（有主食八寶粥,炒腸粉,米飯,包子,青菜,瓜類...）炸物區：炸曼頭,茄子,豆角,菰,南瓜,春卷...涼伴區：酸齋,涼伴青瓜, 黑木耳,牙菜,酸蘿蔔,素海蜇,腐皮壽司等...沙律水果區：蘋果,橙,蕃茄仔,沙律菜..醬料區：7款調味料自由配搭總結：整體感覺良好,食物種類豐富多選擇. 除了自助餐外,亦有下午茶自選套餐,也很精美,下次下午茶在尖沙咀區多一個選擇了.菩提素金巴利道53-59號秀華閣地下8號舖及1樓交通：尖沙咀地鐵B1出口步行5-10分鐘

人大咗，即使係食肉獸嘅我，間中都會想食吓素，一直搵唔到環境好價錢合理嘅餐廳！早排跟朋友去呢間素食餐廳食下午茶set，覺得食物高質、環境好、服務佳，於是早兩日有朋友話想食素，我就推薦嚟試吓dinner buffet！結果好滿意，完全冇失望😋其中最鍾意麻辣蓮藕等涼伴菜，炸物亦好出色不油膩，加上有湯、糖水、羅漢果茶，真係乜都齊晒好味又抵食😊呢度地方好大，見到有好多房可以包嚟同一大班朋友或家庭聚會👍🏻食完有心有力仲可以捐錢買免費飯盒布施俾有需要嘅人🥰好味指數：😋😋😋😋清潔指數：👍🏻👍🏻👍🏻👍🏻禮貌指數：❤️❤️❤️❤️回頭指數：🤩🤩🤩🤩

跟公司過來食飯🍽️沒想到竟然吃到高質自助餐款式超多 素湯真的很好很好喝 食到超飽都要多喝兩碗熱食款式多樣 每款夾一點點都已經放到一整個碟子都係 哈哈哈哈哈食過幾間素食自助餐 依間真係暫時食過最唔錯嘅一間👍🏻建議大家用一隻碟 唔好拎咁多碗筷啦！價錢可以參考⬇️地方很大很大 坐位也很多 適合圍餐老闆娘 人超nice 超健談🤍

今日中午又過來吃素, 也供養三寶做下善事, 今日好多人, 出面差唔多坐滿晒, 要坐入面大圓枱, 今日的款式與過往差唔多, 不過熱食幾好, 炒菜會中途轉其他款式👍👍各式各樣也好食😋, 今次試多左唔同款, 係沙律菜, 蕃茄, 炸花生, 蒸包無食到, 冷盤整得也好食😋, 素湯清甜, 羅漢果茶淡但夠熱😁, 茶葉蛋醃得夠入味🤩😚, 紫米露試左少少, 好香椰汁味😘🫘, 不過已飽只食左少少, 如果熱盤再熱d我覺得會更加理想😆遲啲再過來食過😍🥰👍

今日想過來做下善事💞, 之前食過夜晚時段, 今日過來吃中午, 菜式我見就差唔多, 分別唔係好大, 有茶葉蛋🥚紫米露, 中湯, 中國茶, 羅漢果茶, 炒涼瓜, 萵筍, 蓮藕, 南瓜, 芥菜, 小唐菜, 冬瓜, 羅白絲, 薯仔絲, 炒飯炒伊麵, 南乳旺菜🥬粉絲,🫛, 菇🍄‍🟫類, 蒸包, 炸物, 涼🥒菜, 沙律🥗, 生果🍏🍎, 蕃茄炒蛋🍅🥚, 壽司🍣, 味道唔錯, 唔油膩選擇算多, 不過都係唔係好夠熱, 也是美中不足😅, 限時90分鐘😄, 每位100元, 以尖沙咀區, 都係算好抵😋🫶👍

和友人提早慶生🎂, 佢介紹去依度試下, 去到門口其實唔係好似食店🤭, 搭升降機上一層, 可能時間尚早, 所以唔係好多客人, 一入門口左手邊收銀位置先付款, 一百元一位, 話限時90分鐘, 然後自己入去坐, 環境舒服又清靜👍🥰, 大家輪流去拿野食, 拿左熱羅漢果茶, 少少甜味, 暖暖地飲落口幾舒服👍👍 再落只碟出去拿野, 有炒飯炒烏冬亦有不同的素菜, 都超過十款, 亦有包, 亦有不同炸物, 冷盤, 沙🥗律, 糕點和🍉🍊生果, 素湯甜甜地夠清潤😍🤩, 飲落好好味, encore左一碗, 羅漢果茶都飲多一杯, 素菜大致味道唔錯, 唔油又夠清淡, 但唔夠熱, 如果熱d會更好, 炸物怕熱氣和油, 今日一件都無拿😜都拿左少少冷盤, 個人比較喜歡熟食的味道😅, 沙律和糕點也不錯👍👍 有機會可以再去, 可能唔係太多客, 都無叫人走😅這裡還有可以捐100元福慧券一張亦可以捐30元一個飯盒, 大家可以支持下😚😙

地下入口處在惠康旁邊，上一樓才是餐廳，入場先付款，只需$100每位無加一，限時90分鐘，自己選座位，地方大座位多，傳統中式裝修風格。食物種類多，大約有50+款式，放在入口處兩張大長枱，生果冷盤沙律甜品，各式小菜及素肉，壽司炸物，炒飯炒麵，湯及飲品，應有盡有。食物味道好，不會太油膩，有少量素肉，員工添菜快，食完自行將餐具放到回收處。洗手間大又乾淨舒適。另有包房可叫套餐，有不同的套餐餐牌或散點可供選擇。

因為參加佛誕法會，認識咗一間叫菩提素素食店。係尖沙咀。營業時間是11:30 - 14:30 及17:30 - 21:30。非會員$100，皈依佛門弟子$90，菩提學會會員$80。法師免費。如果生活有困難，無法付款享用自助餐，只要出示長者卡，職員查核後都會免費賜坐。食肆內設有捐款箱。我自己個人另外善長可以買每張$100贈齋券。給有法師或生活有困難長者作供齋用途。付款後可以將名字寫在報告板上。如要多人用饍。可以訂包廂房。汽水自行付費。個自助餐加湯及茶。我個人飲菊花茶。食物有炸物、粉麵、沙律及水果。我個人第一碟食炸物及日式素卷。炸春卷香脆好味。日式素卷有叉燒造型。全素但有肉味。第二碟主要食素咕嚕肉。好重咕嚕肉味。第三碟主要粉麵。好清涼。天口熱最易入口。

去完朋友道場玩到餓餓子。佢帶我哋來菩提素食午餐。問我皈依左未。餐廳很佛心，有皈依卡有折的😯😯😯呢間素食餐廳好大。有前台、有幾個包廂，仲有個宴會廳。古典中式木桌椅、木牆、木天花、入榫設計等等，彷穿越了時空。自助餐吧有三張長枱之多。有港式、傳統、新派熱食和有港式、日式冷盤、有小吃、有湯、有糖水 更有水果。各式豆豆蘿蔔粟米湯很清甜好味。冷盤有菠菜麵、土豆麵、蓮藕沙律、秋葵沙律、海帶絲、支豆、小蕃茄... 等等 都好好味。茶葉蛋必吃。熱食 南瓜蓉 一流😋 要encore。仲有辣辣青色椒都正。齋鹵味都很不錯。還有圓圓的似是魚蛋的小吃 彈牙QQ的。仲有好多素菜天婦羅，例如 茄子、南瓜、秋葵、番薯 等等。可惜我未咳好。要乖乖忍下口。下次再黎食😋

我本身是已皈依的佛教徒，此素食店是本人期待已久的，它與其他素食店不同，是它的收費模式：持皈依證的人士90元，一般人士100元，法師是免費的。於是我就選擇食11:30 ( 90 分鐘 )食物選擇也算多，有冷盤的生果蔬菜、熱盤、日本壽司、天婦羅等，飲料方面有熱羅漢果茶、素湯、中國茶，也有蕃薯糖水。整體來說新鮮美味，大家不要錯過，走入去大圓台位置拍照，不少古色古香的山水畫及擺設非常值得一看。侍應們全是女性，態度非常好、有禮貌，值得去的地方。

第一次食，午餐優惠價$100，人坐前先交錢，跟住自己入去揾位，無人招呼，自己去取食物，種類大約30款，不過食物不夠熱，如同其他地方的素食自助餐比較，就差少少，最主要是食物不夠熱，同無蓋蓋住。味道一般。試一次要可以了。