Video
3-min walk from Exit C2, Prince Edward MTR Station
continue reading
Opening Hours
Today
18:00 - 01:00
Mon - Sun
18:00 - 01:00
Above information is for reference only. Please check details with the restaurant.
有晚喺太子食唔飽😛 誤打誤撞之後去咗一間由一對公公婆婆經營嘅甜品舖👉🏼 芳姐糖水小食👵🏼 鋪內嘅環境、牆上藍色原子筆手寫嘅Menu(仲要寫埋功效)、更加突出呢間小店嘅歷史～ 牆上面除咗有menu，仲會見到粢飯嘅包裝紙，咁大方誠實咁樣讓食客知道係攞貨返嚟嘅，實在罕見，欣賞💕➿ 薑水蕃薯 + 湯圓 ➿ 白果腐竹雞蛋糖水 回應自己個標題🤪 我係未食過唔係黑色嘅芝麻湯圓㗎～ 呢度嘅湯圓一睇就知道自家製，湯圓皮嘅厚薄唔係好平均，但勝在紅糖白芝麻餡嘅甜度恰到好處，唔記得咗$3定$4一粒，推介大家可以試吓～ 薑水都夠辣，冬天飲一流🫚 腐竹雞蛋糖水都值得試吓，厚身到不得了，證明好真材實料☺️呢類型嘅小店真係買少見少，Openrice最近期嘅食評已經係2022年，真係唔經過都好難發現到佢嘅存在～ 希望介紹到多啲呢啲好地道，值得用行動嚟支持嘅小店俾大家啦❤️🦥
continue reading
🧊糖水小店自家製湯丸🧊-太子區食糖水既舖頭唔算多，芳姐糖水入面雖然選擇唔多，但主打港式野例如紅豆沙、綠豆沙、麥米粥、白果腐竹雞蛋糖水等等，偏家庭式小店。糖水價錢超抵，由$21-30不等。蕃薯糖水($21)，薑汁夠濃，蕃薯比得超足，舊舊都煲到好軟綿，唔需要任何花巧野已經好好食，喱個價錢黎講絕對收貨！值得一試既係佢既湯丸($3/粒)，一上枱見佢好大粒，以為係煲完浸太耐發漲左😂，點知食落去別有洞天！居然係紅糖白芝麻餡，香甜得黎好有芝麻香，好特別！湯丸係芳姐自己包既，如果黎既話記得要試試佢🫶。
continue reading
這是一間由三個八十年代樂嘟牌電飯煲已經撐起一間港式糖水舖的故事.現在一個普通的廚房, 少不了識唱歌的電飯煲, 慳時間的氣壓煲, 疫情思物的氣炸鍋, 怕熱氣的蒸氣爐和鎮山之寶微波爐.在芳姐的巧手下, 煮出家的味道只是靠實而不華的舊式大電飯煲. 一間小小的糖水舖,已經有綠豆沙,紅豆沙,豆腐花和番薯糖水. 湯圓是自己整的. 所有糖水,滋潤而不膩. 真材實料. 喺度要加個港女tone,“啲糖水唔係太甜囉. 紅豆沙有紅豆沙味,而綠豆沙有綠豆沙味囉...”紅豆沙為例, 匙羹輕輕在碗內一抖, 蓮子、百合等已經浮上面, 十分足料. 綠豆沙入邊滲著輕輕的臭（香）草味. 番薯是用薑汁糖水煲出來的. 大大碗,男女老幼, 在狹窄的舖頭內,都會發出燙口的雪雪聲. 搓搓肚皮.十分滿足. 老闆老闆娘親力親為,和藹可親. 在一間毫不起眼,裝修簡陋的港式糖水舖內,我十分慶幸和感恩找到家的味道.十卜.
continue reading
呠仔前排比人逼遷，最近忙住過年前搞搬屋，結果搬得屋黎又買唔切傢俬⋯不過唔緊要啦，有驚無險有瓦遮頭，新春大吉٩(˃̶͈̀௰˂̶͈́)و不過今次真係唔知講咩好，今日經過呢間鋪頭見到裝修都有啲歷史，心諗一定係咩隱世傳統小店啦，結果⋯⋯_(´ཀ`」 ∠)_嘔_哂血⋯我真係無諗過結果會是這樣啊⋯淡如水⋯稀亦如水⋯點解可以稀成咁⋯等同我係超市買果啲即沖爛鬼芝麻糊一樣⋯真心。我希望我今次係一個意外，亦希望大家唔會遇上⋯反正我就真係唔敢再試呢間野了⋯(´･_･`)
continue reading
<舊式糖水鋪一定要支持>舊區既糖水鋪 細細間 向牆食野既格局 得一個老人家煮各式糖水 呢 d鋪買少見少 同埋味道一定唔會差 👍🏻一定要支持下🍴薑汁蕃薯糖水 20 蚊勁抵食 大大件蕃薯 個色澤好靚 個蕃薯肉煲得好淋好香甜 . 薑汁未去到好勁 但都算入味 整體好潤 好正😆🍴腐竹白果糖水 27 蚊🍡薏米 白果落足料 好有咬口 腐竹溶哂喺糖水入面 好有口感 加埋蛋 吸哂糖水 好正👏🏻🍴燒賣12 蚊🔥呢款有魚肉燒賣黎 算大粒 比較煙靭 味道正常 撈 d甜豉油同辣油都 ok 12 蚊8 粒都算抵食#腐竹白果 #烚蛋 #蕃薯糖水 #燒賣Score 平均分< 7.1/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#芳姐糖水小食 太子基隆街37 至47 號 嘉利大廈地鋪
continue reading