花月冰室

Open Now

Now Closed

✨尖沙咀平靚正冰室✨.尖沙咀食野一向唔平，想食好西又唔想駛咁多？不如試下香港本地特色冰室！.呢間位係旺區尖沙咀I square對面好方便，地方光猛闊落，仲有大大卡位坐得舒服😌.晚市都相當抵，$68就可以食到超大碗嘅香辣惹味又足料喇沙配好大塊雞扒😍正常嘅女士係會食唔晒🤣重點仲要好好味👍🏻海南雞飯份量勁多，三款醬汁星馬口味，啖啖肉配油飯正😋 XO醬茄子斑腩煲熱辣辣，大大件斑腩外脆內軟，送飯一流.再飲杯椰汁涼粉紅豆冰，透心涼香港口味，仲有老火湯，三個人$278都食唔哂，份量十足又好味，性價比太高👍🏻

尖沙咀都有唔少港式味道嘅冰室，最近就去咗呢間地鐵站出口嘅---🌟花月冰室🌟食晚餐，餐廳燈光充沛，地下環境乾淨整潔，餐牌嘅選擇好豐富，有港式餐廳必有嘅常餐，亦有鑊氣小鈔同鐵板扒餐🍽._.🐂| 板燒美國肉眼扒配薯菜（黑椒汁）|🐂鐵板上熱辣辣，肉眼扒大大塊厚身，肉質嫩口唔會鞋口，薯菜份量多，薯塊香脆大大舊，配埋黑椒汁更惹味。個汁可以選擇黑椒汁/洋蔥汁/蒜茸汁，而扒餐可以配飯/意粉/薯菜及餐湯。.🦐| 黃金脆皮蝦球（+＄12套餐）|🦐一碟蝦球份量都算多，蝦球外層以鹹蛋黃炸香，熱辣辣上碟，炸到金黃色外脆，蝦肉夾住鹹蛋黃嘅味道，好香口👍🏻./ 特飲 /🍋| 鮮檸柑桔蜜 |🍋鹹柑桔味重，係我最愛嘅味道.🍋| 鹹檸雪碧 |🍋檸檬係鹹檸嘅深黃色，配埋雪碧，經典味道._.

霓虹燈下嘅港式冰室買少見少香港突然間多咗好多裝修靚又乾淨嘅茶餐廳尖沙咀iSquare 對面花月冰室都係其中一間🌙茶餐廳唔少得常餐🥢沙嗲牛公仔麵 + 腸仔太陽蛋沙嗲汁濃到掛住每條公仔麵牛肉意外嫩滑唔「鞋口」太陽蛋一篤穿，蛋黃撈埋沙嗲汁邪惡度直逼茶記天花板～菠蘿咕嚕肉，招牌菜之一🏅即叫即炸，外層脆漿超薄豬肉肥瘦適中，酸甜汁用新鮮菠蘿煮，唔會得罐頭味鹹魚雞粒炒飯🍚米飯粒粒分明，馬友鹹魚碎鹹香霸道雞粒竟然keep到嫩滑，仲有大量蔥花同蛋絲食到最尾啖都唔油膩😜炸雞翼配薯條🍟 下午茶都好多人食～雞翼醃到入骨，灑咗少少淮鹽吊味粗薯條係即切薯仔款，外脆內綿～椰汁紅豆冰🫘紅豆冰椰香濃但唔假甜，紅豆煲到起沙又保留粒粒口感，爽啊

尖沙咀都有唔少種類餐廳，冰室等等可以揀，今日出尖沙咀見到呢間冰室新開又有位就入去試下啦。坐低睇完menu就決定揀無骨海南雞飯，熱檸檬茶有中湯。中湯夠熱，味道ok。無骨海南雞飯，無骨真係方便好多咁食，而且啲雞都算係滑，份量算ok既，整體算係唔錯既。油飯都算夠熱，所以整體黎講算係唔錯啦。熱檸檬茶就係正常茶記味道。環境方面，有唔少卡位而且都唔迫，坐得算係舒服同夠光猛。。。。總結。。。係尖沙咀有呢個質素同呢個份量，有湯有熱飲都係78蚊既晚餐，算係抵食，而且環境都唔錯。

尖沙咀Comfort food 代表菜單琳瑯滿目，從經典的菠蘿咕嚕肉到 comfort food 代表鮮茄芝士焗牛脷飯，甚至連素食的朋友也有芙蓉金玉扒西蘭花可以選擇，當然也少不了滋補的秘製肉骨茶配白飯。每一樣都好想試試看！🤤-Comfort Food代表一定係菠蘿咕嚕肉。橙紅色的咕嚕肉塊裹著飽滿的醬汁，仲有新鮮的菠蘿和甜椒，光看就令人食指大動！😋 豬肉外皮炸得酥脆，咬落好有彈性，酸甜的醬汁恰到好處，不會過於膩口，配上清爽的菠蘿，停不下來！👍--鮮茄芝士焗牛脷飯都好食熱騰騰的焗飯一上桌，濃郁的芝士香氣撲鼻而來，😍 挖開一看，底下的炒飯吸飽了鮮茄的酸甜和牛脷的肉香，每一口都是滿足！🥰-素食推薦芙蓉金玉扒西蘭花翠綠的西蘭花，搭配滑嫩的芙蓉蛋，整體口感清爽，調味簡單卻不失美味。除咗港式comfort food仲有星加坡代表-秘製肉骨茶配白飯。熱氣騰騰的肉骨茶，散發著的藥膳香氣。啜一口湯，溫潤順口，排骨燉煮得軟爛入味，輕輕一撥就能骨肉分離，簡單滿足。🍚

晚上在尖沙咀搵食，見呢間花月冰室，餐牌的食物中西合璧，選擇多價錢又親民，地方整潔乾淨夠晒闊落，便進入開餐啦！馬來咖喱🍛海鮮煎蛋意粉，海鮮有青口、蝦仁&魚，咖喱🍛汁濃稠度啱啱好，唔覺得辣，意粉跟汁撈勻食，好快便左佢啦。秘制肉骨茶配飯，肉&豆卜都煮得入味夠淋，湯濃郁藥材味道，飲完成身暖笠笠，感覺滋補。XQ醬西蘭花🥦炒班片，班片肉質爽口，西蘭花亦不會過硬，炒得夠晒獲氣，味道亦調得適當。飲品我點左至愛凍檸茶，友人的凍奶茶，入口順滑亦唔錯。

茶餐廳位於尖沙咀熱鬧的位置，但價錢完全唔貴，而且菜式非所多選擇，亦有港式風味的小食。見到咗有遊客之外，本地人都非常多，因為真係抵食！推薦大家去食！而且餐廳嘅裝修都好光猛和乾淨，座位闊落。餐廳牆壁中貼咗球星的海報，原來之前有球星到餐廳學沖奶茶！非常有趣！秘製肉骨茶配白飯套餐 $80套餐更包餐湯和餐飲，肉骨茶相當足料！啖啖肉！易離骨！非常腍！個白飯仲要超級大碗咁！好誇張呀！板燒美國肉眼扒 $148以鐵漢柔情為主題的鐵板餐，用鐵板上碟，可自行倒上醬汁，配菜嘅薯角亦都非常大條和豐富！肉眼扒的肉質非常軟腍！法蘭西多士 $38充滿本港風情的法蘭西多士，炸得非常金黃！加上蜜糖和牛油，非常惹味啊！必叫啊！

😍今晚去咗尖沙咀行街☺️經過見到呢間冰室餐牌款式選擇都唔少🥢套餐仲好抵食添✅🐣霸王雞：呢個霸王雞真係不得了😋雞肉好嫩🐔🈶️炸蒜🧄蔥絲🧅薑絲🌶配料豐富👍而且仲夠曬鑊氣🔥我好喜歡呢😍🐷菠蘿咕嚕肉：原個菠蘿上枱好啲驚喜呀🍍甜酸味道平均✅肉質唔錯😌配配青椒🫑紅椒🌶️洋蔥🧅同埋新鮮菠蘿🍍特別惹味開胃🤤🧋冰鎮奶茶：天氣太熱🥵今次奶茶控都要飲杯凍嘅解解喝☺️冰鎮奶茶超𤴓呀👍茶底夠濃✅搭配口感滑潤嘅黑白淡奶❤️令到成杯奶茶更加厚實呀🥳茶味同奶香好正😊奶茶控必試冰鎮奶茶呀💕🍹椰汁紅豆冰：呢個椰汁紅豆冰超🈶️水準呀💯椰汁超濃而質地又夠厚夠杰身❤️味道亦夠曬懷舊😍單睇個外表已經勁吸引👍好推介呀💯

上次經尖沙咀見到花月冰室開了新分店，裝修新穎設計，空間感十足，位置便是在國際廣場對面，食完可以到對面行街好方便！中西食物會集，我覺得是香港人喜歡平靚正茶餐廳之選！菠蘿咕嚕肉採用瘦肉部分，外脆內軟酸甜度剛好，送飯一流！原條鰻魚飯惹味醬汁的原條鰻魚鋪在飯上好吸引，肥美可口 ，滑蛋包飯夠滋味，口水直流了！西蘭花🥦炒魚塊鑊氣不錯，斑魚塊大大份，西蘭花爽脆花月冰室 尖沙咀北京道65-69號環球商業大廈地下A號舖

已經好一段時間，無嚟尖沙咀食嘢，估唔到北京道開咗間叫［花月冰室］嘅食肆，見佢環境闊落乾淨，氛圍吾錯，而且有鍾意嘅菠蘿咕嚕肉，就入去開餐🥰原隻菠蘿盛載咕嚕肉，好有儀式感，外層炸醬吾厚，上咗醬都保留到脆皮口感，醬汁調味酸甜適中好開胃，菠蘿和燈籠椒配菜份量足夠🤤二人餐另一個菜款就揀咗XO醬西蘭花炒斑片，魚肉片🐟鮮甜，西蘭花🥦爽口健康，XO醬嘅味道豐富，滋味！因為兩款菜式都好食，我哋再叫多個京都肉排，不單外脆內嫩，配上甜而不膩嘅京都汁，值得推介😋呢度晚市套餐仲包括兩大碗飯、餐湯和餐飲，抵食🫶🏼

菠蘿咕嚕肉(85hkd) 基本上都是無骨，採用瘦肉部分，有別於外面店舖，比較不油膩，我幾欣賞，酸甜度剛好，超下飯～法蘭西多士(38hkd) 蛋香味突出，不是很重炸，碟底無油，超耐無食過傳統西多，解解嘴饞😋板燒美國肉眼扒配飯及黑椒汁(148hkd) 切開做到7分熟，必選黑椒汁好夠辣，拌飯或者意粉一流，牛扒肉質不錯，底層貼近鐵板焦香，中間軟嫩，有牛味～冰鎮奶茶(+10hkd) 茶底重，甘苦味平衡得好好，奶滑椰汁紅豆冰(+15hkd) 椰香味濃，紅豆多豆🫘好綿，舊港式味道#foodiblum港式

呢間茶記喺iSquare對面，早/午/下午茶/夜晚都有唔同嘅菜式供應，店內環境光猛，仲有上下兩層，上面較為闊落，有大圓枱適合聚餐。下午茶時間為兩點半至六點，而晚市套餐由五點開始，如果想食下午茶又想叫小抄嘅就建議喺五至六點之間入嚟，相對嚟講最抵食🤣招牌菜為秘製肉骨茶，無論係賣相定係質素都絕對比得上高級餐廳，用鍋上，四大件軟嫩又入味嘅肉，附上吸滿湯汁嘅腐竹同豆卜，加埋鮮甜雜菇，湯底味道香濃但無藥材味，老少咸宜，配上軟糯白飯，令人一試愛上，性價比高，大推💓 下午茶款色眾多，除咗有炒粉飯麵焗飯常餐之外，亦有中西式嘅下午茶餐，主食有吉列魚/豬、香煎/蒜香雞、雞翼、雞髀等，炸至外層脆身，唔油膩，肉質嫩滑，啖啖肉。中式搭配邪惡致癌腸仔、兩隻蛋、蘿蔔糕同粟米粒粒，西式有沙律或者薯條，整體搭配好Match，會回訪。

而家冰室越開越多，競爭越大花款多咗，質素亦越來越高。尖沙咀嘅花月冰室裝修明亮，竟然仲有樓上雅座，是日晚餐有10款，定期都會轉餐牌荷葉金銀蒜鮮魷帶子籠仔飯 $85呢個絕對係誠意之作，其他冰室好少有荷葉籠仔飯，蒜蓉又乾又濕鹹香好好送飯，帶子同魷魚都好鮮甜💯秘製肉骨茶 $80用過瓦煲上碟熱辣辣，肉骨茶湯濃郁，藥材湯鮮甜唔會太重味太苦，豬肉連骨軟腍入味，當然唔少得豆卜同野菌鮮茄芝士焗牛魔王 $78港式經典，牛脷大塊彈牙，牛腩腍身入味，仲有牛肉片，配上芝士、蕃茄同雜菜，焗個意粉食到舔舔脷晚餐包中湯或西湯，蜜棗蘿蔔粟米湯好清甜又唔多鹽，西湯係足料雜菜都好好飲！餐飲特別讚冰鎮奶茶，特飲加$10 ，冇水冇冰都夠晒凍，真係特別濃郁🙏🏻