至尊雲吞麵雞煲

Open Now

Now Closed

今日爸爸生日，係濕地公園附近揾左間鋪頭，入到去先知原來係兩小時任食火鍋，個蕃茄魚煲、炸曼頭好好味其他一般打邊爐食物都有，唔洗返大陸食啦，係香港食都又抵又好味，支持留港消費

已經不止一次啦，打電話叫定外賣自取，去到話搵唔到單，完全唔掂！已經試過三次以上，無改善過！至於食物就普通，剛開張時好食好多，現在雞翼煎燶皮黑晒，凍檸茶一飲是暖的。

入天水圍搵朋友食飯，就去咗Wetland,輕鐵濕地公園站一落車就到，就算唔係處理區都覺得好方便，星期一至四成人$178一位，兩小時，雞煲可以無限添加仲可以由無辣食到大辣，真係冇得頂👏🏻👏🏻👏🏻其他食材都係任食，可樂雪碧芬達忌廉玉泉cc任飲，仲有咖啡奶茶檸茶都係任飲

🇰🇷韓國芝士公仔麵｜雞扒｜奶油豬.⚡️咪以為🐔至尊雲吞麵雞煲就淨係得雞煲食，原來早餐都好高質🤣某日超想食個邪惡早餐嚟個good morning，就任性地揀🇰🇷韓國芝士公仔麵😈芝士味濃湯汁厚身，麵條軟度剛剛好，勁彈牙，食到個人勁happy🤣🤣～雞扒面積有手掌咁大，肉厚兼超juicy，非常滿足！🥰.⚡️強推要食奶油豬，烤焗時間啱啱好，外脆內軟，香濃牛油味，再襯埋杯奶茶呢個早晨簡直無敵🤤🙌

夜晚人多 真係唔介意等，前後拎飛🎟️ 一共等左40分鐘左右入坐，可以理解，而我哋亦都明白。一入座，叫咗3人雞煲，每次我地好有禮貌咁講<唔該曬>，唔該前 唔該後 咁。個雞煲上左台，每人食左幾嚿雞，個雞煲d汁開始煲乾曬，我哋請 服務員 加湯，然後當晚 負責收銀個位 服務員 行過黎加湯。我哋就同佢講：唔該 幫我哋加少少湯就可以。結果佢加緊湯個時，我哋已經覺得夠湯，所以叫佢停，然後呢位服務員 故意（扮聽唔到）完全不理我哋，一直係咁加湯，加到個煲滿曬。重點係佢搞到啱啱上到枱既雞煲，成煲冇晒味道淡晒‼️我問返個位 服務員 依家點算，完全冇晒味。嗰位 服務員 答我哋：咁咪加雞囉‼️分開食囉‼️<服務員 服務態度惡劣>咁我想問我哋叫個雞煲黎做咩用呢❓不如打邊爐算數啦～之後 落單加雞<特辣>，懷疑佢哋幫我哋<加料>，加勁多 指天椒🌶️（如圖），啲指天椒🌶️多到成個雞煲都滿曬‼️我哋仲要係咁夾返出嚟。⬅️以前光顧過⬅️，食過一次得<特辣>，都無成兜嘢都係 指天椒🌶️。最後成煲嘢食咗幾舊雞，一入口就乸到喉嚨頂唔順，係咁咳，幾乎入唔到口，結果成肚氣埋

昨天9/30 中午去食， 兩個人食雞煲放題。講真，食材極一般，但收$168 一個人真係性價比極低。 小插曲係 食食下，個員工話「老板娘」話因為係假期前夕，每人要收多$10 ？ 食之前話係$158每人！好意思收多$10 ， 仲要原因係假期前夕，事頭婆好野👍🏼食材直接雪櫃拎出黎，解凍未好上碟，成盤冰水拎過黎。 好野點菜，每次都漏2-3 樣野。好野報左價，食食下，話要加錢，好野比完錢，一句多謝都無，事頭婆好野難怪港人北上消費 ，好野

排隊等得耐 都算啦，入到黎叫左個雞煲 ，嘢食又唔係好食都算啦，好聲好氣，講曬唔該叫你哋啲服務員 加湯，叫佢加小小 同我成兜湯 落曬去搞到個雞煲冇曬味，我問翻佢哋點樣算，佢哋又叫我加雞 分開食 咁我叫個雞煲黎個煲係有咩用呢，最後尾仲要受住佢氣 食埋呢餐。香港飲食業就係俾你啲服務員搞衰晒。

好好地一個晚餐食到一肚氣首先，晚上8點幾2個人去食，個場仲有一半空位，問個侍應可以坐4人位嗎？ 對方堅決唔俾，一定要坐返2人位。 咁算la, 可能之後會多人， 但到食完走人時都係一半空既。。。張枱又細，根本唔夠位放野食。放到層層疊咁。咁算la又的確唔一定要俾我地坐4人位既，又繼續點餐la, 然後d侍應叫都唔應人，最後要攞張單去佢面前先睇到。 再黎到落野飲時，佢有咖啡奶茶叫，我地就叫佢地落單la, 點知佢黑面話：你地做咩唔QR code落單!.. 我苦笑問返佢邊度有QR code呀... 佢再話：同事無俾你咩，咁等陣la!.... 我地O晒咀依個時侯已經覺得間野真係無服務可言， 但野食的確還可以，本來仲諗住下次再幫襯試埋其他煲，點知到俾錢時先黎大招。。。侍應：俾現金定八達通？我；信用卡丫唔該侍應：俾現金定八達 （黑口黑面）我：下？ 無其他方法？侍應：俾現金定八達通？（超級西面）大佬呀，覆句唔好意思我地只受現金咪得lo. 黑面串鬼我3次，重覆3次係想點我入去食野仲要受氣係咪痴線ga香港既飲食業就係俾依d人搞衰晒成日話d人北上消費，本地d服務咁樣點幫襯呀公平d講，間野既食物係正

{兩份靚早餐 - $71}落雨天無咩地方去，晨咁早約朋友去到大西北house warming 打麻雀！你又點會估得到屋苑下面有間雞煲專門店，而雞煲專門店又可以喺朝早七點幾就有茶記早餐供應丫！♦️沙嗲牛肉麵早餐可以轉米粉，牛肉有啲驚喜，餐廳用咗高質少少嘅牛肉，有啲肉味！配埋米粉一流，幾鐵意呢度炒蛋，唔係好似其他咁炒到碎碎的，但一片香濃奄列咁嘅樣嘅！♦️蕃茄叉燒意粉早餐又可以轉，呢個轉做米線先正！唔係度度都有得食呢個餐，特濃蕃茄湯配埋米線勁惹味，叉燒都做得唔錯，用料幾好抵讚！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #至尊雲吞麵雞煲 (天水圍)天水圍濕地公園路1號Wetland Seasons Bay地下8B號舖

位於濕地公園旁的至尊雲吞麵雞煲，絕對係雞煲愛好者既天堂！價錢實惠，野食種類同質素都好好👍🏻無論你喜歡bb辣定咩辣，都味道夠哂濃郁，雞肉都好嫩滑😋 呢到既飲品選擇都非常豐富，奶茶、檸檬茶等多種飲品任你選擇，搭配雞煲真係好正！ 除左雞煲，仲有兩樣必試既美食：炸饅頭和雲吞。 特別推薦呢到既炸饅頭，外皮酥脆，內裡鬆軟，搭配煉奶一齊食，簡直係絕配。每一啖都感受到外脆內軟的完美口感，真係忍唔住一啖接一啖！🤣 雲吞都係一大亮點✨雲吞皮薄而不破，內餡豐富，特別係每隻雲吞入面都有成隻蝦，鮮甜多汁，十分滿足！ 呢間係一個絕對值得一試的雞煲！

適逢工作需要 今日一大早到了天水圍找了間茶餐廳快吃一個早餐早餐抵食 餐牌很多選擇🛎️五香肉丁生麵 $33叫了一個五香肉丁生麵配餐肉炒蛋再飲杯奶茶 很滿足的一個早上特別喜歡五香肉丁帶點微辣很開胃牛肉惹味 生菜新鮮奶茶絲滑 奶茶味地道餐飲煎得很香口 炒蛋幼滑 充滿雞蛋香這裡晚市有雞煲 食物種類真的很多元化雞煲好似好吸引 有機會都想試吓環境🏡 地方使正 座位舒適 還有沙發座位服務👨🏻‍🍳 店員回覆快衛生🛁 感覺乾淨 沒發現明顯污糟

山長水遠入嚟天水圍交收，晨咁早就梗係入到嚟先搵嘢食啦～估唔到呢間茶餐廳幾有良心～大大塊豬扒！！仲要跟餐蛋雙拼！！配公仔麵加埋杯凍奶茶，都係修理四條嘢～（$41）真係邊度搵呀？！飽到lunch都唔使食～直接跳過去下午茶都得呀！！🤣🤣望下餐牌，原來都幾多嘢食～真係你想食乜都得，包你食完會好滿足咁開工！😅天水圍、元朗都有分店，住呢頭真係好多著數！！講下塊豬扒～都醃得幾入味，又鬆脆又juicy～～公仔麵唔會煮到一pat嘢～餐蛋就唔使講啦…天下無雙！！杯奶茶都幾香滑！真心唔錯！🥰👌🏻👍🏻

最好係食咩吾洗諗🥢樣樣有🐔🥘雞煲打邊爐，疏菜肉類飲品樣樣有，任食又可以揀啱自己份量😋食多又得✌🏻食少又得，價錢超值，吾會OVER BUGET🪙🥢平日晚上一位$178 算是很化算，惹味至尊雞無限加雞，有小中大辣🌶️又可以先小辣後大辣，食完雞加湯底慢慢烚🫕我吾算大食所以特意同服務員講每款份量少少，可以食多D款式🥦🍆🍅🥕🍠雜菜都食左三款😍🥓牛肉很新鮮，比較少有既海帶，豬潤，蜂窩豆腐配料我都叫雙份🍽️🧃飲品除左多款罐裝汽水提供，亦有自家製飲品豆漿羅漢果菊花，或者傳統凍檸茶凍檸水都有，全部都係任飲🌟支持本地店🌟服務很好又快捷🌟環境乾淨

趁今日天氣好早去咗濕地公園遊玩一番，玩完即刻去咗濕地公園附近開咗嘅一間新嘅雞煲😍，店舖位置好寬敞舒服，冷氣好足夠😘雞煲放題$178 雞煲好大煲，入邊每粒雞都好鮮嫩，唔會諧霎霎咁，今次我哋嗌咗小辣，平時唔食得辣嘅，我都覺得好惹味，佢立得你唔會搶走雞肉嘅鮮味🐔當食晒啲雞仲可以要求添加😍，最後梗係要打埋個邊爐啦，配菜有好多選擇，最特別嘅竟然有芝士竹崙卷😍，一口咬落去芝士汁爆曬出嚟🤪，另外仲有烏冬，豬肉丸、牛肉丸，仲有韓國oppa 魚板🥳種類應有盡有，而且全部飲品都係任飲㗎，百幾蚊食到咁嘅質素😝真係好抵至尊雲吞麵雞煲 (天水圍)天水圍濕地公園路1號Wetland Seasons Bay地下8B號舖

｛食盡天水圍之港式 — 至尊雲吞麵雞煲｝————————————————濕地公園係天水圍其中一個景點之一， 如果咁岩一場黎到，就不妨試下呢間 @supremechickenpot 雞煲啦！ 佢位於輕鐵濕地公園站，過條馬路就到！呢間餐廳舖位都幾大， 平日夜晚大概七點左右都幾多街坊入嚟食， 一埋位侍應就問雞煲要咩辣， 我就要左bb辣既🤣，好快雞煲就黎到， 香噴噴熱辣辣， 啲雞其實已經熟咗所以已經可以即刻起筷😆呢日兩個人食一個雞煲其實都幾多， 食到咁上下你可以選擇繼續用雞煲料去打邊爐，又或者加錢轉湯底又得！ 然後今次就選擇咗加$28要 春甜初戀蕃茄湯底啦，味道唔錯，番茄味足😉火鍋料有超過50款任你揀，其中我比較推薦嘅有肩胛肥牛片，質素唔錯唔係最普通既肥牛； 鮮蝦雲吞， 蝦肉爽口彈牙； 芝士竹輪， 流心芝士滿滿； 海帶， 健康又有益🤗另外佢仲有一啲唔同嘅小食，包括今次試咗嘅炸饅頭同埋油炸鬼都唔錯，另外仲有其他收費小食嫁😉