老厝邊

Open Now

Now Closed

今晚同朋友係荃灣行街，呢間台灣餐廳見到好多地方都有分店，之前食過九龍區嘅分店，今次就試下荃灣，完全保持到水準！🥚起司肉鬆蛋餅蛋餅包表煎到薄而軟熟，加上肉鬆嘅鬆脆，溶化咗嘅芝士，口感層次非常豐富！最值得讚嘅係配上嘅汁，鹹鹹甜甜，後勁仲有少少辣。🍝大腸麵線（小）最細嘅米線都有四舊大腸，麵線份量好充足，味道識落好似台灣街邊嘅麵線一樣，好惹味！🍚台式香腸滷肉飯滷汁調配嘅腩肉非常入味，加埋醬汁落飯裏面非常惹味。而且配菜仲有滷水蛋、菜、粟米，非常豐富！而台式香腸亦食得出表面煎得好香脆，非常好食，令人好掛著台灣夜市！🧋經典珍珠奶茶（加椰果）茶底係醇厚濃郁，加上粒粒黑糖珍珠，值得一試！🥤愛玉芒果綠茶（加珍珠）愛玉質地Q彈滑順，芒果汁加綠茶非常夾，夏天飲好消暑，餐廳仲可以加錢加配料👍🏻

餐廳有兩層，第一次坐閣樓食飯幾有趣。👉🏻經典滷味拼盤好豐富嘅一碟滷味，有滷水豬腸、豬耳仔、豆乾、海帶、滷蛋，味道濃郁，全部野都好入味，幾適合配碗白飯食😝芫荽碎畫龍點睛，增加香味又解膩。👉🏻超濃芋泥蛋餅芋泥份量十足，甜甜地，肉鬆芝士🧀perfect match。醬汁似蒜味豉油膏，配合蛋餅食有提鮮作用。👉🏻炸魷魚鬚即炸熱辣辣，份量唔小可以過足口癮。炸衣薄脆，魷魚鬚爽口唔韌，唔需要點醬汁已經好好食。仲叫多兩杯冬瓜檸檬解下熱氣～

突然好掛住台灣夜市美食，所以同朋友再次幫襯老厝邊～午市套餐連台式飲品好抵食，仲有大大配滷肉飯，好正～半筋半肉麵 $78又鍾意食牛筋又鍾意食牛肉嘅大推！牛肉牛筋燉到好腍，牛肉分布好靚，牛筋係滿滿嘅骨膠原應～面質係正宗台灣麵，qq彈牙有口感～超濃芋泥起司蛋餅 $44呢個蛋餅真係一解思念台灣之愁～滿滿的芋泥蓉，香滑又香濃，裏面仲有鬆化嘅肉鬆同埋溶化咗嘅芝士，每一啖都可以拉到絲，好正～大腸麵線（大） $45味道同阿宗麵線有得揮～酸酸嘅醋味加上大腸嘅惹味，非常開胃，叫大碗仲可以同朋友分享～珍珠芋香奶綠 $26呢度飲品的甜度同冰度都可以全部自己調教，我叫咗呢杯係走甜，真係全走，一啲都唔甜，冇罪惡感飲廢水～

喺荃灣剪完頭髮 就嚟咗呢間老厝邊食台灣嘢平時見呢間餐廳都好多人要排隊可能因為已經過咗食飯時間嘅關係 見到唔使排隊 即刻入去試吓叫咗碗香噴噴炸雞排滷肉大公碗炸得啱啱好 又脆又唔會好硬好厚粉啲肉都唔會炸到好乾身😌小食方面我叫咗香炸花枝丸同玉米起司蛋餅花枝丸我就覺得無咩特別 正常發揮蛋餅佢個芝士就好出色 可以做到拉絲效果不過掛住食就無影到啦😂😂最後仲有杯蜂蜜鐵觀音作結尾 不過嘢飲對我嚟講多數都係襯托事關我飲水都會飽😂

大腸麵線食左都會想再食，完全沒有大腸的腥味 超入味，比較濃郁噶湯底加上軟綿綿噶麵線，非常特別噶口感。超濃芋泥起司蛋餅，芋泥好綿密，但都有微微芋香，奶味不重。再加一杯凍椰果蜂蜜檸檬，簡直正！

呢間位於荃灣廣場附近嘅台式餐廳，有勁多台式嘢食，最正嘅係晚市唔收+1服務費。所以我得閒行過都會過嚟幫襯吓。坐低之後侍應會比個QR code你自己落單，我點咗個牛肉麵同埋一杯嘢飲。🍜 眷村牛肉麵 $70揀左紅燒湯底，好濃牛肉香味，牛肉有4-5大塊，每舊都好厚、入口軟淋、夠晒入味😋。麵質方面偏軟同滑口，搭配埋帶小小微辣的酸菜、蘿蔔同菜，好飽肚🤤。🧋珍珠黑糖鮮奶 $28食台式野點少得飲品，珍珠新鮮煙靭彈牙，勁多黑糖，有點甜。

聽聞大角咀嗰間經常排長龍，今次嚟到荃灣想試一試。12:30 入到去，收銀身材較為肥胖的女職員態度已經極度惡劣。不願安排較鬆動的位置給客人。一定要啲人坐得迫迫埋埋，全程受面色，語氣。上菜職員態度差劣，座位逼到只能在背後遞上食物，「唔」、 「喂」 一聲叫客人轉身拎食物。🤷🏻‍♀️用膳途中，收銀阿姐突然大聲叫喊，問尋日邊個xx對數，啲數唔啱。極度影響用膳體驗。👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼沒有下次👎🏼雞絲涼麵及滷肉飯，不推薦，十分難食

滷肉飯🍚我點的是細碗裝但都食唔哂有d滯 肥膏比例較多 醬汁偏咸🫤我食哂d滷肉 但飯就剩低少少大腸麵線🍜朋友點的 冇乜特別評價起司肉鬆蛋餅🫔芝士同肉鬆餡唔算多 會食到蛋邊皮位多🫠覺得可以多d餡🤔有醬汁配 但不太夾冇叫野飲 因為唔係好抵 又冇得平少少配總括而言 一般水準 價錢非特別平係裝修格局幾吸引同有風味

公司附近有間台灣菜館一直都好想試，今日終於下決心放工去試吓，呢間位於荃灣大壩街嘅台灣菜館，内部裝修具有台式風格，營造出温馨舒適的用餐環境。➰ 真心滷肉大碗公呢碗滷肉飯認真大碗，兼有小棠菜、粟米、芽菜和半隻滷蛋做配菜。滷肉肥瘦均勻，肉質夠鮮嫩，配合埋油香味十足嘅滷汁，整碗飯都十分惹味。➰ 塔香鹹酥雞鹹酥雞嘅外皮炸得金黃酥脆，咬落裡面雞肉又夠晒鮮嫩，重有淡淡嘅九層塔香味，椒鹽如果再落多些就更加完美。➰ 凍蜂蜜檸檬愛玉呢杯飲品極之適合夏天飲用，夠曬冰涼爽滑，又酸甜適中，感覺好清新。

[✨荃灣老厝邊·有風味台式味道🧋]#老厝邊 #荃灣🥢炸雞排沙茶麵 $66雞排炸到好香口，而且仲KEEP到肉汁，沙茶湯底味道濃郁，麵嘅份量都好多，抵食夾大件，值得一讚👍🏻🥢大腸麵線 $45麵線幼細順滑，加上濃郁嘅湯底，係好正宗嘅台式味道，大腸唔會太肥，細細舊咁都有6~7件，足料有水準😋🥢玉米起司蛋餅 $36有好多玉米同芝士，兩者配搭得好好，煎得煙韌有口感，好出色嘅一份小食😍💫🧋手作黑糖鮮奶 $28大大杯好飲，鮮奶味濃郁，唔錯😊🧋凍椰果蜂蜜檸檬 $24好清新嘅感覺，好解渴💕————————♡♡♡♡♡♡————————✨總結呢度嘅份量亦都比較大份🤤味道亦唔錯，裝潢好有心思，好有台灣風味，整體值得推介😋💕📍老厝邊 (荃灣)🏠荃灣大壩街25號地舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣餐廳

咁岩行開荃灣又好想食台灣野見到呢間台灣餐廳一於入去試下食物同野飲既種類選擇都好多，而且價錢親民 眷村牛筋麵份量好足料，牛筋鮮嫩多汁麵條有嚼勁，唔會過軟亦唔會過硬，口感非常好蘿蔔好清甜之餘，仲好腍身夠哂入味👍🏻 起絲肉鬆蛋餅每一嚿蛋餅都食到肉鬆同芝士拉絲，加上外皮脆脆地，非常唔錯！ 海陸鹽酥雞拼盤裡面有鹽酥雞、炸魷魚、四季豆、甜不辣每樣炸物都炸得恰到好處，甜不辣煙煙好有口感👍🏻 大腸麵線（小）麵線口感幼嫩，亦有唔少大腸。味道酸酸地好開胃而且每一啖麵線都有蒜香味殘留係口中，好惹味！

三杯雞排蔥油拌麵台灣的三杯雞真心唔錯，兩大塊雞排正反兩面都煎到金黃酥脆，雞排肉嫩juicy，醬汁與蔥油完美混合，醬汁亦相當掛汁，都幾香蔥油味，食落又唔會好油膩，推薦！黑椒牛仔骨大碗公大大碗飯，配上黑椒牛仔骨，撈飯食一流，仲配有炒蔬菜、滷蛋、奶油栗米等～仲可以加配小食，加左份小size 鹽酥雞，咁就唔會驚食唔哂～香蔥牛肉起司蛋餅蛋餅皮簿帶少許煙韌，包住滿滿香濃的起司搭配香蔥牛肉，都幾有份量，味道都幾夾～

本身六點去到嘅時候餐廳都冇乜人 但係過多咗幾個字之後就坐到滿晒啦香噴噴雞扒滷肉大碗公今日同媽咪去食飯 好彩淨係叫咗一碗咋碗飯大到我哋兩個都食唔晒 有五塊大雞扒 全部都炸得好脆 新鮮炸出嚟嘅 配上滷肉飯 真係好有台灣風味另外我哋仲加$15 叫咗個小炸物拼盤 入邊有花枝丸同甜不辣 都幾抵食玉米起司蛋餅蛋餅個芝士味好重 粟米都好甜 加埋都好好食 所以嚟到一定要叫蛋餅肉鬆皮蛋豆腐本身我同媽媽都好鍾意食皮蛋豆腐 不過就略嫌呢個鹹咗少少最後飲品我哋叫咗麥香奶茶同珍珠茉莉奶綠 兩杯好大杯 仲有得揀甜度同埋冰量

今晚又黎到荃灣覓食，行過呢一間老厝邊見到原來係食台灣　菜的餐廳，就走入去食啦。叫左眷村牛肉麵$70入面有三大塊牛肉，仲有一舊炆到好入味的白蘿蔔，湯底揀左紅燒湯底，好濃郁，唔係辣的，麵幼身得黎又算彈牙，係香港好少食食到有質素的紅燒牛肉麵，呢個掂。😍😍嫩雞沙茶麵$56雞塊都有五塊，真係好嫩，麵係油麵，麵質彈牙爽口，配埋個沙茶湯一流👍👍👍香炸花枝丸$34每粒花枝丸切開一半去炸，用左椒鹽簡單調味，又香口又彈牙。珍珠鐵觀音奶茶$26珍珠煙靭，個茶味幾香，有鐵觀音嘅回甘味。蜂蜜檸檬愛玉$24酸酸甜甜好適合夏天飲。又飲又食兩個人先係$210，呢個到性價比真係幾高。

最近好想食台灣菜，經過荃灣西見到呢間台灣菜就入去試下～餐廳嘅設計好有台灣嘅特色，而且有上下2層，雖然好似好多位，但都滿曬座！🍽️塔香鹹酥雞 $40台灣菜必食嘅鹹酥雞，外脆內滑嘅鹹酥雞，食落去好脆口，一啲都唔乾，入面好Juicy得黎又夠嫩滑！仲要係即叫即炸，上菜時仲係好熱，非常惹味！🍽️超濃芋泥蛋餅 $44蛋餅餡料好豐富，滿滿嘅芋泥加埋肉鬆，再點埋個醬，咸咸甜甜咁，夠曬開胃🍽️酥炸排骨滷肉大碗公 $62大碗公份量夠曬大，2個人share 食都夠～排骨炸得金黃鬆脆，肉夠嫩又有肉汁，配埋滷肉飯，好好送飯，而且真係啖啖都係肉！🍽️半筋半肉麵 $78呢碗招牌嘅牛肉麵份量十足，湯底濃得黎又唔會太鹹，牛肉同牛筋嘅份量岩岩好，牛肉仲炆得好淋又入味，入口即溶，至於牛筋食落去仲啖啖骨膠原～除左牛肉牛筋，仲有白蘿蔔同菜，全部配料都索曬湯嘅味道！真係一碗正宗台灣牛肉麵！🍽️鐵觀音奶茶 $27鐵觀音茶味都好出，再額外加仙草，成杯飲杯增加層次感，而且夠曬消暑🍽️珍珠黑糖鮮奶 $28珍珠好有彈性夠曬嚼勁，每一粒都包住有黑糖味，加上香濃嘅鮮奶的，真係滿滿嘅幸福感~