爆辣冷麵

Open Now

Now Closed

好少寫食評，但真係踩雷！叫咗四樣嘢，蟹籽冷麵，蟹籽炒飯，蟹籽沙律，蟹籽雞軟骨！幾乎四樣都好難食！炒飯我唔知大家對吵到一粒粒嘅飯係咪有啲誤解，的而且確佢啲飯係一粒粒，但係完全好似喺雪櫃啱啱攞出嚟嘅口感，硬、生、並唔係嗰種炒到粒粒分明嘅口感！完全就只係隔咗好多日嘅隔夜飯，完全冇水份嗰一種…所有配料都係嗰啲急凍嘅日式前菜：蟹柳裙邊，螺肉腸仔…雖然我明白佢嘅主題，但真係一啲都唔好食！係蟹柳，唔係蟹棒，螺肉裙邊都係林啤啤嘅🥹冷麵冷麵除咗好多醬汁同蟹籽之外，其他乜嘢都冇！啲醬汁，你完全食到係邊幾隻味道但加埋一齊就完全唔好食，除咗辣之外我就冇其他特別之處，仲要佢有一浸滑潺潺嘅口感，彷彿係啲冷麵同啲裙邊上面嗰啲潺一齊洗過咁！沙律可能為咗減少使用沙律醬，佢喺整整一大盒嘅青瓜上面可能只係緊緊撈左大概一匙羹嘅份量！所以大家係可以想像，幾乎係冇咩味，見到其他食評寫佢有啲裙邊類嘅物體撈埋一齊口感非常豐富，我見到大概只有兩至三塊嘅裙邊，而且係唔爽嗰隻！我都冇食到（因為其他盒盒都有，所以我知）最後雞軟骨呢一個已經係最易入口嘅一道菜！辣辣哋冇咩特別！唔叫好食，但可以入口的🙏🏻寫出嚟，只係覺得其他食評全部都寫得太好，所

今日去到元朗一間隱世美食嘅小店，佢係喺西菁街入面嘅一條小巷，佢係辣馳名嘅店，鍾意食辣嘅我當然要去朝聖一下啦。雖然鍾意食辣，但我都唔係可以食好辣，所以就叫咗小辣。不得不承認，佢嘅辣真係好特別，係香辣好惹味嗰種，配搭啲咩都有唔一樣嘅感覺。⚜️蟹籽沙律呢個係唯一一樣唔辣嘅嘢，用嚟做前菜或者中段食相當好，酸酸地嘅沙律醬配搭埋新鮮嘅青瓜絲好開胃。食辣食到一半再食返個沙律都可以緩和一下辣既衝擊。⚜️爆多蟹籽冷麵佢另一樣出名嘅嘢就係多蟹籽，真係超多蟹籽喺面頭，撈埋一齊食真係每一啖都脆卜卜，成個口感好正。⚜️爆辣炒飯真係好大碟，炒飯炒到一粒粒好有鑊氣，上面仲放咗紫菜同埋蟹籽，好有fusion菜式嘅感覺。⚜️袋裝撈麵袋裝撈麵真係懷舊嘅感覺出晒嚟，因為呢個係最原始嘅撈麵，細細個就已經好鍾意買來食，有粟米香腸蟹柳，撈起嚟都好大包。⚜️爆辣雞軟骨雞軟骨我平時就好鍾意食，脆卜卜咬落啲軟骨好香脆，加埋啲辣味真係好味到停唔到口，當小食一流。⚜️爆炒烏冬烏冬好有彈性，而且都好掛汁，炒出嚟嘅烏冬真係好香，鑊氣十足。

朋友一直都好想試呢間，今日終於入嚟元朗，於是外賣，然後拎上朋友屋企食！嗌咗嘅款唔同嘅小食，估唔到都有驚喜賽磅蟹杯麵大大杯,賽螃蟹同蟹柳份量都唔少! 配料都幾多款,辣味又好香濃，食落口感豐富！袋裝撈麵撈麵真係以前翻學既回憶，蒜香味幾重！配上其他撈麵配料，食落口感好豐富！爆炒雞軟骨分量好大盒食落爽口，辣蒜油炒香 食落好惹味,一粒又一粒食唔停口，下面仲有青瓜絲朔晒啲辣油，超香口！蟹籽沙律真心正,食完辣野之後再食佢， 完美解辣！配料有蟹柳，粟米，帶子裙邊同蟹籽! 一盒大大盒

我朋友想試呢間餐廳好耐lu因為呢間餐廳以食辣出名我朋友好鍾意食辣嘢所以山長水遠都搵一日入去元朗試吓個辣海鮮撈麵，不得了好足料有鮑魚、帶子、蝦、螺肉最重要係連我朋友咁食得辣佢食呢個海鮮撈麵都覺得有感👍👍👍所以鍾意食辣嘅朋友不容錯過另外招牌菜-爆多蟹籽冷麵真係勁好食因為我好鍾意食蟹籽佢嘅蟹籽份量真係好多每一啖都有好多蟹籽喺個口入邊翻滾好食到停唔到口而家諗起都舔舔脷因為前面兩樣嘢太好食相比起個炒飯就比較失色了😆

好耐冇去元朗國啦,適逢今日放假,約咗朋友去元朗體育館附近玩,玩完未到晚飯時間,又有少少見餓,當然同朋友仔喺附近搵野食醫肚啦.朋友提議不如去爆辣冷麵 @very_spicy_cold_noodles 買個外賣食,我當然唔會拒絕啦.老公知道後仲叫我買外賣畀佢添.賽螃蟹杯麵 杯裝方便易拎,而且賽螃蟹都唔少袋裝撈麵 微辣好香口,呢個份量好適合下午茶或者當小食.爆多蟹籽冷麵 蟹籽真係爆多爆炒雞軟骨 雞軟骨好有咬口,爆炒過後鹹味十足,鍾意吃味濃的朋友不能錯過.爆辣炒飯 鑊氣十足,飯粒分明而且份量好足蟹籽沙律 青瓜絲清甜,爽爽脆脆,清新又健康.人均消費💰 ： ＄ 100總結✍ ： 好香口， 辣得過癮NatNat評分💎💎💎💎(5💎為最高)

元朗真的有很多小店很好吃，之前打聽到有間店的冷麵有超多的蟹籽，果然~😍店主是一位喜辣之人，店内有自行研發的辣椒醬售賣，看到店名更讓我心冷冷的，害怕吃不了，只能弱弱地要求要一份微微微微微微微辣的蟹籽冷麵爆多蟹籽冷麵 $40/盒 ⭐️⭐️⭐️⭐️⭐️Wowowow，這個量也太驚人，滿滿的蟹籽鋪墊在冷麵上面。把麵和蟹籽攪拌均匀，吃起來真得每一口都有充足的蟹籽，真材實料的感覺。冷麵伴著特有的醬料，有大量的蒜蓉，令每口冷麵都很香，醬油、蒜蓉和辣醬，配合得剛剛好。提示：微辣其實都很辣，不能吃辣的夥伴，小小辣就會要喝一罐奶消辣蒜蓉味也挺重的，可以多喝水清清口氣，但真的好香，可以試一試

今日經過呢間「爆辣冷麵」小店就好想試吓有幾爆辣我哋兩個人就叫咗6款食物第一款想試「爆辣炒飯」飯炒得好香，飯粒分明，辣度正常，好味道👍🏻第二款「爆炒雞軟骨」呢款味道好辣好香，惹味，越食越上癮追住嚟食🥂🥂第三款「賽磅蟹杯麵」麵已經調好味道入杯，麵條爽口陣牙而且食到底都好夠味，賽磅蟹嘅蛋白係用咗咸蛋白，夠晒咸香，辣味適中，好味👍🏻👍🏻第四款要試吓招牌菜「袋裝撈麵」呢包真係好好好辣，鍾意食辣嘅朋友仔必定要試，真係爆辣🤪🤪麵條同杯麵一樣爽口彈牙👍🏻第五款「爆多蟹籽冷麵」呢款不是太辣，但用蟹籽嚟配冷麵，好好食，麵條都係已經調好味，撈勻嚟食，正！最後一款「蟹籽沙律」要叫啲唔辣先得🤣份量十足，中和下啲辣味，舒服晒☺️整體來講，呢餐都好食，應該會滿足到鍾意食辣嘅朋友們！

-嗜辣的朋友注意了❣️我千里迢迢去元朗國，就是為了試爆辣冷麵🍜🔥♥《 不會死系列✨ 》幾個朋友分享，總有些朋友不吃辣（我🥵以下配搭就十分適合大家！1️⃣爆多蟹籽冷麵作為譚仔清湯代表，我選擇了小小小辣🫠一打開就嚇了一跳( ͡° ͜ʖ ͡°)超級重，也超級多蟹籽🫣絕對是要當正餐來吃！！冷麵帶蒜香，惹味又有口感❤️只是⋯我一邊吃，一邊噴火lol2️⃣蟹籽沙律另一個不欺場的代表作🤣超級重，超級多的蟹籽沙律！居然有這麼多材料，太誇張😱我原本只想用這個來解辣～～結果又是正餐的份量😳😳😳不過一口冷麵，再一口沙律，這個配搭完美阻止自己辣死🤩十分推薦大家要這樣吃喔！！3️⃣爆炒雞軟骨我最喜歡的小食～爽脆，又有口感😋自家爆辣醬炒得很出色！炒雞減低油膩感，好味🤤單吃可以，配搭主食亦可，而我會建議配上冷凍啤酒🍻♥小提示 Tips：個人覺得1️⃣+2️⃣+3️⃣《不會死系列✨》可供二人享用，這個配搭不會太油膩，又令人非常飽足，大家不妨一試😘😘不過其他食物都非常惹味，如果大家成功組合一個更好的配搭，歡迎告訴我XD

食物🍽（4.5/5）今餐勁豐富！有賽磅蟹杯麵 爆西蟹籽冷麵 袋裝撈麵 爆炒雞軟骨 爆辣炒飯 蟹籽沙律 爆炒烏冬我揀左小辣（5好睇少佢辣度，真係好辣🥹）勁愛爆西蟹籽冷麵，d配料全部係我鐘意食既，有紫菜有蟹籽，最重要係秘製醬汁真係好正🤤雞軟骨都好香❤️‍🔥鮮炒脆卜卜，配主食一流💕服務🤘🏻(4/5)去果陣咁岩排晒長龍，辛苦店員喇～整完一樣會比我影相先～好好人🫶🏻環境🌌（4/5）位置係小巷，有少少難搵～take away既～

鍾意食辣的朋友不容有失，元朗就有一間馳名的爆辣冷面等著大家去試。雖然位於小巷裡的爆辣冷面不是太起眼，但很多人都慕名而來，原來喜歡食冷麵及喜歡食辣的同道中人如此多。今次點了好多不同款式的冷麵，有爆多蟹籽冷麵，蟹籽沙拉，賽螃蟹杯麵，撈麵，爆辣炒飯同爆辣雞軟骨。基本上來食得，都預左全部菜式爆辣，係爆辣啊。對於鍾意食辣的朋友，我就覺得完全沒難度，可以再辣D都得。講到個「爆」字，爆多蟹籽也是如文字所講，真係超多，撈埋麵一起食真係好過癮。唯一不辣的是蟹籽沙拉，食完爆辣可以緩和下爆辣帶來的衝擊，也是不錯的選擇。

呢排個個都出國又返鄉下。。。但係我都唔輸蝕haha今日拎埋Passport進軍元朗國！唔講你未必知，喺元朗千色附近原來有間食辣嘅黃店！喺榮茶對面巷仔嘅隱世小店~「爆辣冷麵」今日真係食到盡呀😂勁飽。。。呢到每種小食主食都有得揀辣or唔辣爆多蟹籽冷麵真係爆多蟹籽😂炒飯炒烏冬都勁夠份量🥹主打嘅撈麵同「杯」麵都好有童年嘅味道！🌶️加埋招牌「爆辣油生蒜」！🧄絕對食得返「多蒜少辣」嘅回憶🤤 #明嘅會明

今日入左元朗行街 行到千色店附近巷仔 見到有個招牌大大隻字🔥「爆辣冷麵」🔥好吸引喎 應該會辣得好過癮 😆 小店係外賣自取 所以就買返家試吓先🤨呢間話明「爆辣」所以唔敢叫咁辣平時食開小辣 今次就叫左蚊仔辣試吓全部都好大盒又抵食 性價比高既街頭小食店👍🏻🌶️爆多蟹籽冷麵（$40）嘩😳 勁大盒 勁多麵之餘 又爆多蟹籽 成盒滿滿的🌶️蟹籽沙律（$48）又係超大盒沙律 配有帶子裙邊 爽口有層次青瓜絲幼細好新鮮 配埋粟米 係解辣健康之選😉🌶️有賽磅蟹杯麵 （$38）用個透明長杯裝住好方便 色彩鮮豔 層層疊咁配有不同配料 底層有蒜香辣醬撈麵鋪上賽螃蟹肉造型既蛋白粒 蟹籽 粟米粒 西蘭花 紫菜 撈埋食好好食😋🌶️透明袋裝撈麵 （$18）撈麵多蒜少辣 加埋粟米 香腸 蟹柳 蟹籽三兩啖就食哂 正到唔夠喉呀😂🌶️爆辣炒飯（$58）盒炒飯份量超多 裝到滿滿的 炒得好有鑊氣 飯粒 粒粒分明 好乾身如果食得辣既朋友可以 order再辣d 會超級惹味呀😋🌶️爆辣雞軟骨（$38）雞軟骨用秘製生蒜油炒得好香配埋個辣度更香濃 好有咬口又好惹味愈食愈上癮 好快就成盒食哂 食到唔停得口😆

記得第一次食嘅時候唔識死, 見人哋舖頭名叫爆辣冷麵於是就嗌咗爆辣既level, 結果食咗一半就頂唔順胃痛食唔到落去🥲今次再去嘅時候就學識咗, 本身諗住叫小辣點知阿姐就警告我哋話小辣都好辣㗎啦, 俾佢嚇一嚇之後又諗返起上次嘅陰影於是都係叫蚊仔辣就算😂同上次一樣都係滿滿嘅蟹籽, 咁當然辣椒粒嘅數目就比起上次爆辣係少咗好多啦. 食頭幾啖嘅時候係完全唔覺得辣, 但一路食落去啲後勁就會湧出黎而且都有返咁上下辣度, 我諗一定要比較嘅話可能係等如譚仔嘅小辣?🤔今次可以唔使飲水嘅情況下食晒成個麵, 好彩聽左阿姐嘅勸告, 下次都係繼續食蚊仔辣就算🤪

曾經有個靚仔同我講，冬天食辣嘢有好多益處，可以促進新陳代謝，驅寒保暖，面色仲係紅潤添。今次就試吓爆辣冷麵到底有幾咁辣🌶️爆多蟹籽冷麵滿滿嘅蟹籽舖喺面，食每一啖麵都會充滿蟹籽嘅口感賽磅蟹杯麵原本係用個杯裝住，但要全家分享，倒落隻碟度原來分量都唔少😳袋裝撈麵嘅辣度正常炒飯配爆炒雞軟骨嚟送飯，相當惹味食得最乾乾淨淨就係蟹籽沙律，因為可以用作解辣之用屋企人食到標曬汗😂鍾意食辣嘅朋友不妨可以挑戰吓

《爆辣冷麵》今日難得嚟到元朗咁遠嘅地方，當然要搵下元朗有咩好食啦，最近比我發現到，呢間爆辣冷麵好多人去食🍽️，咁為食嘅我當然要試吓有幾正😋，嚟到舖頭門外已經有3-4個人排隊買嘢食，同埋呢間小店淨係做外賣🥡。爆多蟹籽冷麵 (原味) $40一打開盒冷麵爆多蟹籽勁吸引😍，每一啖冷麵都掛滿蟹籽，食落好有口感，而且蟹籽好新鮮一啲都唔腥，加上個冷麵有蒜蓉撈埋一齊食好惹味，麵質剛剛好唔會太腍，值得一試👍🏻。🏠爆辣冷麵 (元朗)元朗西菁街9號富盛大廈地下89號舖