民聲冰室

Open Now

Now Closed

💆🏻💆🏻一直好出名嘅鹹蛋蒸肉餅飯～終於去食🤣🤣感覺係 不愧係大坑名物，外型特別吸睛之餘 味道仲要好好食👍🏻👍🏻豬肉肥瘦比例好 鹹蛋又靚又大粒，最重要係佢個豉油 調味調得好好，餸飯一流，搞到我食左2碗飯 哈哈🐖🐖😂😂之後買咗個外賣返屋企俾屋企人食，竟然水準一樣，犀利👍🏻👍🏻👍🏻🌟鹹蛋蒸肉餅飯 $58熱飲或凍飲加＄5 /白飯每碗加＄6📍 民聲冰室 (大坑)營業時間 : 11:30 -22:00地址 : 香港大坑浣紗街16號地下

話說人夫嗰日係跑馬地搵外快，咁我又好有興緻話去大坑潮聖，但因為要等位又肚餓，醒起我仲未試肉餅山飯，咁就走咗去民聲啦~我哋分別叫咗「鹹蛋肉餅飯」同埋「蒜蓉豉油豬扒飯」。鹹蛋肉餅飯：推薦，係我喜歡既味道。平時係屋企有蒸肉餅，基本上其他餸都唔需要預我。真係成座山咁，肉質鮮味配埋白飯一流。真係食到停唔到口。蒜蓉豉油豬扒飯：熟度剛剛好，唔會太「鞋」口。不過醬汁少咗啲。呢度係集地道、人情味、懷舊氣息於一身。食飽行返出去坐巴士又可以幫助消化。所以係encore飯店之一。

傳聞世一嘅肉餅飯🤩好食係真嘅，驚豔就未至於可能因為瘦肉居多，無嗰種膠質然後個飯真係濕削到無野好講🤦‍♀️反而個鹹蛋起哂沙又唔算好鹹幾啱我口味😋同埋凍奶茶重茶jengs🤩

上日試了炳記茶檔出名的豬扒，原來一啲唔好味今日試另一間出名，食後非常失望只為了打卡是ok肉餅無肉的質感。我在錢大媽買新鮮免治肉，仲好味鼓油勁甜$56肉餅飯不包飲品，要加$5才有熱飲我完全唔明白咁多人去食食肉餅飯可去附近的珍姐廚房幾名店員的樣貌，身型勁似大粒佬。我想起同事話五年前舖頭時常刀光劍影，兩兄弟時常爭吵，刀來刀去。五年後有一房人退出，無晒火氣。好似有一房人去了英國

【🎁1️⃣2️⃣⏺️2️⃣5️⃣🎅🏽】HO HO HO!! 大時大節，人人都去食西餐，揀間地道：homey啲嘅，就唔使同人迫🤭 晚餐，唔使等位。聽講先前因為員工要打針嘅問題，停業咗一段時間；小編一直都無食過，今次係第1️⃣次。🐽『鹹蛋蒸肉餅』$98 【應節嘅聖誕樹🎄】終於試到傳說中好似一座山嘅蒸肉餅，豬肉的確好軟綿綿，入口即溶，加埋甜甜嘅豉油，真係好啱送飯；鹹蛋味唔突出，似裝飾多啲，但可以做聖誕樹上面嘅星星🌟⋯⋯🥬『馬拉盞炒通菜』$88少少辣嘅馬拉盞，炒清清爽爽嘅通菜⋯⋯『白飯』$10大食友人話「好細碗」😅。味道真係唔錯，但比想像中嘅小炒價錢高，同埋選擇比較少；回味指數得3，唔係因為唔好食，純粹係對小編嚟講比較遠，所以少機會再食。📍 民聲冰室 (大坑)大坑浣紗街16號地下。好味指數：🌕🌕🌕🌕🌑回味指數：🌕🌕🌕🌑🌑

假日約了友人去工展會順便即LUNCH，諗返好耐冇去民聲冰室，對上果次原來係十幾年前!!不禁令人慨嘆歲月....門面冇乜點變，只有時代的變遷。室內位子較少，外面位子比較多，不過可能天氣太凍同疫情之下外面都少左位(加上唔係繁忙時間)，太凍瞓到好晏2點多先去到，冇乜人剛好有3個位，加上見到外賣比較多，大約3點開始多人。午市精選套餐，毫無疑問-鹹蛋肉餅飯，本身有諗過每人叫個唔同餸share，但大家太掛住鹹蛋肉餅飯了想獨享wwwww，假日飲品要原價，平日就+$5。鹹蛋肉餅飯，$56，圓碌碌的鹹蛋，肉餅好似成坐山，感覺似山頂日出之意境，鹹蛋味道鹹香送飯一流，肉餅混合左肥豬肉味道更香，口感柔軟，配上豉油更好味。熱鴛鴦，$18，正常水準。食物依舊好味，服務親切，支持良心小店。

叫咗三個餸，膏蟹蒸水蛋，客家手撕雞同埋馬拉盞炒通菜，兩個人食咗283$。有家的感覺，會再食。膏蟹蒸水蛋可以再新鮮，加上甜豉油，兩碗飯都唔夠。客家手撕雞不過不失。

［蒜蓉豉油豬扒飯］豬扒夠大塊，表面少少脆，幾好。但係我食唔到蒜蓉味😅反而變咗蔥油幾香［鹹蛋蒸肉餅飯]肉餅鬆化，但唔係因為多粉，食唔到多粉嘅感覺👍鹹蛋有起沙👍豉油調味過，甜甜的，香，沒有太油

💥 民聲冰室 💥 大隻仔今次覓食嘅店舖就係💥 民聲冰室 💥 民聲冰室係大坑十分出名，以往有多間傳媒介紹過民聲冰室嘅肉餅山，因為外型特別，吸引好多人前往試食，大隻仔今日經過大坑就去民聲冰室食佢出名既肉餅山，大隻仔第一次食，覺得打卡一流，味道普通。😅😅⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️服務 ⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鹹蛋蒸肉餅 $60肉餅山嚟到比想像中份量少，小小碟，與其話係山，其實話似一條圓柱，外型唔太吸引，肉餅山已經向下傾斜。大隻仔之後將肉餅山移平，其實份量真係唔多，就只係一隻豉油碟既份量。肉餅偏鬆散，太冧，可能豬肉溝水過多，冇乜肉味，但調味正常。肉餅山上面鹹蛋黃太乾，太硬。最出色就係豉油，味道調校得剛剛好，配肉餅食一流。白飯有少少生米，太硬太乾，鍾意食硬飯嘅朋友可能會喜歡。🔥 跟餐茶走 $5茶苦澀，帶微酸茶走係應該用煉奶沖製，以大隻仔經常飲奶茶既經驗，民聲冰室杯茶走用咗淡奶沖製，所以味道苦澀，奶不滑，冇甜味，茶底苦澀，冇茶香。大隻仔不建議飲奶茶，可以試其他飲

今次同朋友聚會去到好多美食嘅大坑，食咗肉餅山，同埋豆豉鯪魚油麥菜，味道ok, 外型特別, 只是我自己不太喜歡肉餅☺️可惜地方比較細小，不太舒適， 快快吃完便走了， 有機會會再想試其他菜式☺️

今日嚟到傳聞中嘅民聲冰室，專登去到大坑，我同男朋友一人叫左一個佢最招牌肉餅山，可惜佢同嘢飲要分開嗌，不過上菜的時候都好驚喜，好適合打卡，鹹蛋好入味，個肉餅好多汁知啦，不過大家記得早啲嚟，因為入面都好細，坐幾枱就滿🙈🙈

September 2022💁🏻‍♂️ ：肉餅真係成座山咁㗎🙋🏻‍♀️: 味道好食先係最重要( 再來一碗飯 🍚 唔該，一座山的肉餅我以為食嘅時候會比較硬身，而食落去嘅時候比想像中鬆軟再加埋呢個膏蟹蒸水蛋係會令人忍唔住添多碗飯）有種係屋企食飯既感覺

鹹蛋蒸肉餅唔多講但係鮮帶子蒸豆腐就真係唔講唔得一磚豆腐切成6塊 再加一粒一分為二嘅帶子盛惠$60 性價比極低！！！我哋周未去 野飲要仲要收正價嘢食真係overhyped 服務態度都一樣唔得臨走嗰時留咗部電話喺鋪頭入面行左一段路先發覺入到去見到原本食嘢嗰張枱啲碗碟收好晒部電話就原封不動咁留喺枱面即係老細從來冇諗住衝出嚟俾返部電話個客之前去嘅嗰啲餐廳只要留咗個人物品喺入邊啲staff都會衝出嚟還返俾客人 或者係門口快d嗌返聲真係好失望🤦🏻‍♀️

瑞士雞翼有4隻 （好大方 ， 好入味 / 瑞士汁味夠濃😗） 炒公仔面 好有鍋氣， 好香☺️☺️成個set 好大份 但係坐得好逼🥲， 大動作啲， 我都驚我打傷我隔離個個😂 

香港家庭十個有九個都會蒸肉餅😆 但是肉餅山就相信只此一家。是日慕名拜訪，幸好在午市前到達，不算太多人，便急急腳進餐廳了；因為已經一早想好要吃肉餅山，所以不用多想便點餐了。⭐️鹹蛋肉餅山飯：上檯時，不自覺有點興奮感😆 拍個照後，便急不及待把肉餅山切開，然後一啖肉、一點豉油，配一口白飯，吃著香港人的情懷。肉餅肥瘦適中，質地柔軟，不像平日的「乾爭爭」，豉油是特製的，有點像蒸魚的甜豉油，配合肉餅和鹹蛋，特別送飯，正！👍🏻