新香園 (堅記)

Open Now

Now Closed

✨馳名蛋牛治蛋牛治叫左烘底 今次烘得啱啱好 又夠脆記得以前成日烘到燶晒蛋牛 蛋同牛肉比例啱啱好 用上鮮牛粒 滑嫩偏腍 蛋仍有少少蛋汁 唔會好乾 整體唔錯 ✨南乳豬手麵豬手好腍 腍到已經冇乜咬口南乳味唔算突出 都算入味麵質過腍 鹼水味好濃 整體麻麻地份量唔少 價錢唔貴 先係賣點✨紅豆冰紅豆份量頗多 足足有半杯紅豆紅豆唔算好腍 有咬口 味道唔太甜奶同水比例麻麻 奶少水多 幸好紅豆多先唔會過淡另外值得一提既係 用幼飲管飲紅豆冰真係有d kick 總結：食物可以 不過不失 唔太建議食麵類 環境衛生麻麻 服務正常 價錢唔貴 街坊價都幾抵食

今次嚟到深水埗覓食, 揀咗有好多年歷史嘅<新香園>,嚟到都唔使諗咁多喇 「蛋牛治豬手米呀唔該!」10分鐘內, 食物就已經送到🙂蛋牛治（$22）個蛋好滑個包烘左(+$1)所以覺得好卜卜脆好好食個牛肉小小咸 輕手啲會比較好!!!見好多客人都特登嚟食呢個包 可見呢一個包都相當出名!!豬手米($24)食完個包其實都飽飽地 不過見佢豬手麵都咁出名所以都試吓☺️廿零蚊一碗米粉 正常發揮,肚餓嘅可以叫一碗嚟食下🤣不過餐廳入邊唔算太乾淨, 希望店方可以多多關注!!😌😌😌😌

上次專誠到深水埗，為的是很久沒吃過的連Michelin也推薦的街頭小食「腸粉」🥢但深水埗價廉物美的美食又豈只有腸粉一樣？😜 吃完腸粉就走到相距路程不過3分鐘的老牌茶餐廳，品嚐已經扎根香港超過半個世紀的蛋牛治🥪馳名蛋牛治 $21（烘底加$1）店家非常自信的一款食品，用名字告訴你這款絕對是遠近馳名👍🏻麵包🍞烘得剛好，不過可以再烘燶一點～非常足料之餘，牛肉跟蛋🥚的比例配合得好好，每一口都吃到麵包 + 牛肉🐂 + 蛋蛋香濃嫩滑😌，用上新鮮牛肉，份量又足夠，口感與其他店用鹹牛肉的截然不同雖然味道稱不上好吃😆到飛天，但我覺得能夠將一度簡簡單單的蛋牛治做到如斯水準，值得一試👍🏻😊老字號之所以屹立不倒⛰，出品一定是深得民意50多年來一直堅持不懈地💪🏻做好每一件食品，價格💰相宜，多年來都維持良好品質，才得到大眾的認同😉小店要支持，這些老店更加需要保留，有時間也要去一趟吃一次傳統港式味道😋

收工同朋友走過去深水埗搵嘢食行行下又搵到呢間新香園，據我所知深水埗有兩間新香園~呢間係比較多人食亦都比較出名所以我哋就揀咗呢間~~我就叫左碗推介嘅豬手麵同埋一個蛋牛治，豬手麵非常之犀利呀兩舊豬手絕對夠大碗麵略嫌多鹼水味但口字就非常之好非常之有餡料落去啖啖肉

Corned beef and egg toast 🥩 烘底蛋牛治 🍳🥪 呢個炒蛋牛肉三文治係舖頭最出名嘅招牌菜，一送上嚟嘅時候入面啲餡料熱辣辣外皮卜卜脆好香口😍，烘底嘅麵包落咗牛油去焗特別香，啲牛肉仲唔係碎碎地而係完整嘅牛肉片好足料啊👍🏻連埋滑蛋夾住一齊食口感層次豐富Condensed milk toast 奶油多 🧈🥯奶油多係另一樣必叫嘅嘢食，多士嘅外皮同樣係烘底超級香口🥰 入面有好多煉奶醬漏晒出嚟，就咁樣有啲牛油同煎過嘅嘅麵包加埋煉奶簡單得來已經好好味，性價比好高！雖然食完要即刻走人唔可以Hea，但呢啲先係香港地道嘅茶餐廳文化！

炒蛋多 + 凍駌鴦 $32嚟到深水埗, 諗住試間老舖, 可惜失望而回. 凍駌鴦冇味, 炒蛋多ok好味但係賣相真係太求其. Service 同衞生都麻麻.據聞呢度蛋牛治相當出色, 可惜我已經戒咗食牛肉, 應該有排都唔會再幫襯.

經常陪屋企人買餸，肚餓又口痕嘅話都會嚟食下呢度嘅招牌。蛋牛治烘底，而家仲會用鹹牛肉嘅餐廳已經唔多，所以見到鹹牛肉嘅餸菜都會望一望，可能係兒時回憶啦呢份烘底一路都冇失水準，依然都係咁香口好味，鹹牛肉又唔會太死鹹，如果唔想坐喺度人迫人嘅話，可以外賣拎住食都得。

這間位於街市旁的茶餐廳一點也不起眼，但當天卻要排隊才能進入，他最出名的是鹹牛肉蛋治及奶茶。我叫了一份三文治及一杯奶茶，好好享受一番。這家餐廳的牛肉應該是新鮮的，不像他家的用罐頭牛肉代替，因此有香濃的牛肉味，而且餡料也多汁， 10分好味，配上烤得剛剛好的多士，味道不俗。另外奶茶也香滑，不是太濃烈，有淡淡的奶香味。

香港真係有好多特色茶餐廳！可能附近左右都有一間！其實每間都有唔同特色！要數出色，歷久不衰，就係 深水埗 新香園！其實揾食小文一早就食過！開咗好多年，絕對唔係咩新鮮事，不過招牌菜做咗咁多年都維持到，所花嘅功夫一定唔易！蛋牛治烘底即叫即做！熱辣辣！烘咗底真係外脆内軟！香噴噴嘅多士，出面少少焦香，再加上入面軟綿綿咁。真係絕配！ 蛋牛係蛋白蛋黃咁，食到蛋黃香同蛋白味！份量都幾多，唔係薄薄一片！希望大家都支持本地茶餐廳，因為佢地係好值得大家支持！

同相片說明一樣，西多士𥚃面無花生醬，食咗十幾年第一次見到，後來執枱提醒吓小二亞哥，佢話要花生醬要加$1，仲要落單前提出喎。。。。。$1唔係問題，問題係你無話知原來我揾咗你著數20年嘛.........佢真係當我新黎，我應該由2000年去高登copy碟開始幫襯到今日，也是緣盡的一日。。。。。。。最後一句 ”大不如前”

新香園堅記呀作為深水埗名物呀，唔使我講啦大家都識嚟食，主打兩項最出名一個蛋牛治一個豬手麵啦， 咁我本人呀少食豬手，就淨係食咗個蛋牛治。有時茶記呀淨係叫個蛋牛治，啲夥記即時西口西面，新香園並無呢個情況，仍然客客氣氣咁幫你準備。我講番個蛋牛治認真特別，可以話香港其他地方都食唔到，皆因佢個牛就並唔係我哋平時食開嗰種鹹牛，而係呢一隻鹹鹹地帶類似滑牛咁樣嘅質地，令到中間依層有滑中帶實嘅味覺，咁個包呀烘得好呀唔再講啦。 的確非常值得嚟試一試😋😋😋

本身已經食飽晚飯，而且時間唔早，但經過新香園，我記得佢個蛋牛治，聽聞係非常出色，朋友亦話佢認同，所以就順便一齊食埋先返屋企啦🤣，未有疫症之前原來佢地開廿四小時。一坐底見到原來要人均消費廿蚊起，咁就叫左個烘底蛋牛治同埋紅豆冰，有時侯，愈係普通既野就愈做得好，蛋牛治既賣相就咁睇好似一般蛋牛，但一咬落去，麵包鬆脆程度剛剛好，又香又脆，雞蛋同牛肉混合埋一齊，半熟既蛋係超嫩滑，牛肉咸度剛好，蛋牛治口感同味道我覺得都好完美，簡單既雞蛋，牛肉，麵包，紅豆冰，其實吃貨既幸福係可以好簡單好平。

話說今日咁啱去ssp整啲野到左tea time時間，醒起上次幫襯左另一間新X園，呢間未食過咁就去試下佢個馳名蛋牛治去到有位，唔多人點左蛋牛治哄底 + 雲吞撈粗 + 凍檸茶野食好快手上枱，賣相還好食落其實有點似肉餅咁蛋唔夠多，整體不是特別好食，覺得另一間比佢更好食另外雲吞撈粗，雲吞無乜味，撈粗正常，兜湯唔掂，陣味想吐凍檸茶略嚴細杯左啲食完之後，全日好口渴，我估計係關個撈粗事，過咸整體覺得一般，唔會話好好食到馳名

呢間鋪頭應該大家都有聽過 佢最出名就係蛋牛治 今次小編甘岩要去深水埗整野 好耐都冇食過所以就食佢啦 話說小編食蛋牛治係唔夠既🙊所以再食左個豬手麵同埋奶茶🤗⠀⁣⠀⁣1. 豬手麵 $24🍜⠀⁣細細地既麵有成3-4舊豬手👍🏼豬手燘得入味同埋好軟腍 小編係好鍾意食豬手既人 呢度真係好出色🤩怪唔之得好多客人都會叫呢個麵🤔⠀⁣⠀⁣2. 蛋牛治 $21🥪(烘底再加$1)⠀⁣足料有特既蛋牛治🤤小編鍾意食脆脆既包 所以加左$1烘底 一咬落去真係每啖都食到餡料😚好滿足😬如果當下午茶黎食 再加杯野飲就夠🤭熱㷫㷫真係好好食 因為係即叫即整 不過好快就整好☺️⠀⁣⠀⁣3. 凍奶茶 $17🥃⠀⁣每次去到比較舊式嘅茶餐廳都會叫奶茶飲 總係覺得味道同依家新既茶餐廳唔同🙈呢杯奶茶正正就係我杯茶🤣茶濃奶滑 係舊時既味道🥰⠀⁣⠀⁣💫Hints:由於鋪面細 所以好多時都一定要同人搭枱 ⠀⁣

我屋企人成日都話哩間好好食👏🏻但因為平日我都要返工.放假又唔會專登去深水埗食嘢.所以話想食幾個月都未食到.咁岩要去深水埗買嘢.下午茶時間就即刻走去試下啦!🤗食物方面:⚪️馳名蛋牛治❗️溫馨提示:屋企人話唔烘底麵包軟熟啲更好食記得要求滑蛋.否則蛋係會全熟♨️滑蛋既蛋味好香.蛋係炒到有蛋漿流心咁💯牛肉好滑.完全冇雪藏味.係鮮牛肉.調味啱啱好唔會太鹹.真係好正!⚪️西多士下午茶必備好耐無食所以試吓.新鮮熱辣西多.麵包好厚.唔錯正常水平👍🏻.整體方面:店舖唔算好大.所有人都係食完就走.所以都唔需要等位.唔算好迫.因為下午四點嚟食.所以只係試咗兩樣嘢.見到呢度二十四小時營業🈺️如果凌晨肚餓宵夜過嚟試吓佢哋嘅粉面.整體都好滿意蛋牛治真係好出色.唔算好貴值得推介🥰🥰