愛文生

Open Now

Now Closed

好耐冇食中菜，今晚就去深水埗食下地道既大排檔風味。兩個人食唔到太多，叫三款都係上限了 ⬆️咸魚雞粒豆腐煲呢三樣中最好味既，豆腐都大細適中，一件一啖，索哂咸魚香，加埋雞肉細粒，都好入味，送飯一流。⬆️ 欖菜炒四季豆都好多配料，都香口，但略嫌唔夠乾身，菜脯可以切得細粒啲。⬆️黃金鮮魷咸蛋落得好重手，超邪惡😝味道好香口，但相對炸得太乾柴幸好有得加支竹蔗茅根平衡下心理（冇咁熱氣）😛💬總結：味道未算好驚艷，但份量真係好夠食。始終都係多人一齊分，叫唔同款，人人樣樣食啲最滋味

全部都好難食西檸雞全部都係粉豉椒炒蜆 冇味道有沙蝦醬炒通菜完全冇味椒鹽鮮魷無味勁難食 千祈唔好幫襯 仲要唔平 。。。。。。。。。。。。。。。。。。。。。。。。。。。。。。。。

係好耐好耐以前，愛文生是我們一家的飯堂，亦介紹咗好多朋友嚟食飯，同老闆都有兩句傾吓。 出面多咗好多唔同國家嘅特色美食， 真係比以前小咗幫襯， 但想到要食地道廣東菜， 第一時間還是會想起它，今晚食咗三個餸，三個都好好味👍🏻，食品一如既往地夠鑊氣。 雖然價錢都有略加，但多咗冷氣位，都值得嘅。

時不時都會聽到有朋友或同事去愛文生食小菜亦都有唔少旅遊書會介紹期待左好耐終於終於等到天氣凍d去試一試佢有咩符弗❓點解要等到天氣凍❓因為佢有一部分係坐係街到，就算坐係餐廳裡面都係好多人，門口無遮擋，所以唔敢挑戰夏天☀️去到竟然要用Gulu拎飛排隊拎飛，多人到要用先進既排隊系統，心諗今次一定唔會中伏啦😋------------------------------咕嚕肉🌟7/10即使酸甜汁咁濃厚仍然食到有肉味，係唔錯既椒鹽鮮魷🦑🌟4/10粉漿好厚，夾上黎甚至成成塊漿跌出黎魷魚無左應有既彈性豉油王鵝腸🌟8/10一絲絲既內臟味道係有既，不過唔係惡劣難入口個種。墊底既芽菜韭黃非常吸汁～😋平時唔食韭黃嘅我都食唔停口黑椒薯仔牛柳粒🌟7/10碟頭黎講算好大碟，味道唔錯略嫌鹹左少少🤏🏻椒鹽豆腐🌟6/10不過不失但唔會encore整體🌟6/10真係無中伏既，不過真係名過其實👎🏼而且大排檔黎講每道餸平均都100蚊實在有點貴，食既除左食物可能係情懷搭救💕現場見到廚師👨🏻‍🍳即直煮又大煙又大火係值得體驗既老香港🇭🇰

之前未食過 叫外賣app外賣見到 見幾個朋友一齊食就試下啦嗌左四個餸 豉椒鵝腸 椒鹽炸鮮魷 豆豉綾魚炒油麥菜 金菇肥牛煲椒鹽炸鮮魷 一啲都唔脆 食落去硬掘掘咁 唔會有下次😅金菇肥牛煲係就係幾大煲 但係個汁奇奇怪怪咁豉椒鵝腸同豆豉綾魚炒油麥菜不過不失咁 都無話特別好食到要幫襯完全對唔住個價錢平日都唔會打食評 係外賣app又無得rating 嬲到我要打200字都比個劣評佢😅😅朋友都覺得難食 最後食淨返勁多 嘥晒啲食材啊陰公

聽聞了很久的愛文生，因此冒名而來，本以為可以開心暢聚地大吃一餐，可惜⋯⋯炸大腸淡而無味，又炸得十分乾硬，完全沒有大腸的味道，底下仲有啲罐頭菠蘿，well⋯⋯不得了，雖然炸很脆，但完全沒有汁，一d海鮮嫩滑的質感都食唔到，味道就正常操作，見人見智，不過都低分啦所謂的鎮店招牌菜，本身expect薯仔外脆內軟，夠乾身，but薯仔唔脆之餘感覺冇炸咁失望，牛柳粒正常，而且味道很清淡😵😵，又沒有鑊氣第一眼，d汁一舊舊，望落去很多，但很多蜆都沒有開口（起碼有10隻），一啲鮮味都冇，仲有d膿味，辣味蓋過鮮味重頭戲來了，叫左白飯，但啲飯真系差到一個點，感覺燒味飯都靚過距，又乾又黃又硬，仲要原來15蚊一碗唯一勉強可以讚的只有自家製竹蔗茅根水，甜度適中⋯⋯最後埋單650多，性價比創新低，冇下次！

🤰🏻食神朋友熱烈推介哩間深水埗大排檔，我哋一行四人相約在此一聚，麻甩一翻！我哋5點半到，已經人頭湧湧，喺遠處已經感受到哩間嘢超有風味，超地道，超麻甩，哩類大排檔喺香港🇭🇰真係買少見少。好好彩我哋唔洗等位，真係遲十分鐘都唔掂。我哋叫咗招牌黑椒豬手、豬膶啫啫雞煲、豉椒炒聖子同上湯浸時蔬，另外叫咗佢哋自家制涼茶。黑椒豬手果然係佢哋嘅招牌，黑椒好香，板燒好惹味，豬肉好嫩滑，豬皮彈牙得嚟唔會靭。豬膶啫啫雞煲都好正！豬膶份量都幾多，醬汁香濃，雞肉肉質鮮嫩，洋蔥吸收晒醬汁嘅精華（同油），超惹味！大愛豉椒炒聖子都無得彈，聖子好大隻好厚肉，鮮甜彈牙，豉椒好有鑊氣好開心暢快嘅一餐，一定會再嚟！

以前每次約某一班朋友出嚟大家都表示想食呢一間大排檔，次次去嘅質素都保持穩定發揮，難怪我哋會多次回訪，最推薦係佢嘅蜜糖薯仔炒牛柳粒，薯仔唔會太軟淋淋，保持一定嘅咬口，每件薯仔嘅每一面都充滿蜜汁，牛柳無筋無渣，黑椒調味適中唔會太重手，而且每碟嘅份量都非常大份足夠三四個人分，依道菜式真係送飯一流呀～～另外佢嘅蠔餅、炒通菜、小炒王都係每次嘅必嗌之選，每樣菜式都充滿鑊氣，加上地道嘅大排檔擺設、佈置，已經移民嘅朋友都表示非常掛住～

黎到堂食最後一日啦，之後半個月晚市都冇得堂食，真係喊出黎！所以我地揀左深水埗米芝連推介既大排檔做最後晚餐，之後可能有排都食唔到！🥲✨黃金蝦啲蝦好大隻！而且已經去哂啲腳、蝦腸同蝦鬚，非常貼心。蝦已經炸透哂，外面脆卜卜，連頭、尾都可以食哂落肚。啲蝦沾上咸蛋黃同牛油既醬，非常香口，令人忍唔住係咁食，勁邪惡。✨椒鹽九肚魚拼魷魚魷魚食落去非常驚豔！以前食既炸魷魚外層個皮同舊肉好似分開咁，而且好淋，魷魚又咬唔開，但呢到既炸皮同魷魚混為一體，外層勁脆，而魷魚又煮到啱啱好，彈牙唔會韌，加埋少少辣椒粉同酸酸地既喼汁，簡直係完美！而九肚魚我覺得有少少失色，因為九肚魚切到好細舊咁炸，反而唔係好食到本身九肚魚個種柔軟同嫩滑。✨薑蔥蠔煲薑蔥蠔煲最重要既係咩？就緊係啲薑蔥啦！薑蔥既份量非常多，爆香左所以好好食，但係走油走得唔夠乾身，所以唔夠香，乾多少少會更好！蠔炸過再煮，食落酥軟，又腍又滑，而且汁濃味厚。不過蠔雖然大隻，但比較少，得4、5隻左右咋！✨沙拉豬扒係openrice見到好多人叫呢味餸，但食落又冇咩特別。豬扒幾乾身，雖然未至於難咬，但亦唔香。而本身個啲橙色既醬汁已經好咸，再加上啲沙律醬再咸左，而且好膩，加

朋友生日黎食地道大排檔。呢間第一次食，樣樣都好好味，且勁夠鑊氣😋😋啫啫油麥菜（$88）椒鹽雙併(豆腐、鮮魷） （$168）豉椒炒蜆（$98）潮式炸蠔餅（$88）黑椒薯仔牛柳粒（$128）

因為朋友介紹，又想襯聖誕節及跨年同唔同的朋友見下面，其實間野都bookmark 左一段時間，普遍男仔都係鐘意食中餐，今次食飯係全男班，所以就決定帶佢地試下呢間，個環境真係大排檔的感覺，成班男人坐底可以暢談暢飲。跟據觀察，好多枱都係全男班，係男人聖地。7點去到已經好多人，要攞飛等位。等左不夠半個鐘就可以入座，伙計員工換枱布比荼效率好快，佢有鋪內的座位，亦開好多枱係出面，我地被安排坐出面位，正呀，咁先有大排檔feel. 叫左幾樣菜，老實講，我都算食得咸，但我都覺得佢偏咸左少少，但就鑊氣夠，配菜足，椒鹽野，係大大塊紅椒，因此可以帶出個味道。同埋炸野佢算炸得唔錯。唯一乳鴿有d失望，佢話用左好多配方調味，但我食唔出有乜咁特別，而且佢隻乳鴿唔係嫩，因為佢價錢比一般貴，所以我對佢會嚴格d，但有d令人失望。整體價錢嚟講中上啦，唔算得平。整體嚟講佢食物唔會好食到成日想返轉頭，但質素係預期之內。

相約好幾次都嚟唔到，終於可以初次嘗試呢間地道大排檔喇（已經好多地方都冇得食㗎喇）。可能節日前夕想叫幾樣餸都賣晒，不過都多選擇去揀其他同佢地嘅推介，所以就點了呢幾樣， 不用等一刻啲伙記就好快逐樣炒好傳遞出來，脆口香噴噴，好味！好耐冇試食過風味嘅大排檔小炒，正！所以下次再嚟要幫襯我未嘗到的避風塘炒蟹先得。依家天氣良朋知己相聚暢飲可以坐外邊食都得不過會嘈吵熱鬧啲，介意就坐番入面都ok😄

慶祝朋友生日，想試吓地道嘅香港大排檔。友人介紹呢間嘅小炒幾好食😋。佢有室外同室內嘅座位，我哋今次揀咗室內。經過室外見到師傅炒菜非常有鑊氣！椒鹽雙拼（豆腐&鮮魷$168）炸得好乾身好野味，加埋d炸蒜粒 幾好食黑椒薯仔牛柳粒 $98呢個小菜店員推介話no.1 薯仔勁多，牛柳粒都幾嫩。潮式炸蠔餅 $88好多蠔仔係入邊，炸得乾身，有誠意之作。啫啫油麥菜煲 $88呢個唔係好多地方有，油麥菜吸晒d汁 好嘢味呀😍豉椒炒蜆 $98呢個都唔錯嘅 較辣，d肉都比較多，絕不是行貨。推介指數：⭐️⭐️⭐️⭐️CP值指數：⭐️⭐️⭐️⭐️

第四次食愛文生，今次唔使等一個鐘先食到，愛文生晚市超多人，今日點左金銀蛋菜心，蟶子，鼓汁蒸鱔。雖然埋單400幾，兩個人除非250左右，少少貴，但勝在味道好，份量多，好有住家菜的味道。蒸鱔d肉好滑，醬汁又好味，每次黎都必點。炒蟶子份量都多，其實每晚都消耗好多海鮮包括蟶子，蜆，唔知d貨源可以咁穩定。金銀蛋菜心都唔差，呢道菜我都好喜歡，有皮蛋咸蛋，令到味道更豐富。下次晚餐黎深水埗必吃的心水。只抱怨係等位超耐同環境好嘈

石硤尾，深水埗，呢頭嘅大排檔很多，今次嚟到愛文生。一行四人叫咗四個小菜加一碟菜豉椒炒蟶子，啲蟶子大約係手指尾咁大，細隻質地自己冇咁鍾意，唔算特別鮮甜，普普通通。蠔餅，以蠔仔嚟計、啲蠔係好大隻嘅，佢唔係煎蠔餅，而係用好多粉漿嚟炸啲蠔仔，好似係主力食炸粉咁樣，炸嘢嘅功力係唔錯，冇咩油，好脆。但這不是我心目中的蠔餅。薑蔥魚煲，魚好多好多好多細骨，唔係我可以應付嘅類別，朋友覺得好好食。薑蔥好多，呢樣係好吸引嘅，好鍾意啲小菜有好多配料/料頭。黃金椒鹽鮮尤，依家唔係好多地方有好味嘅椒鹽鮮尤，大部份啲魷魚唔夠厚身，炸到好乾。呢度就冇呢個問題，主要原因係魷魚夠大隻，佢個鹹蛋黃亦都做得好，這個10分推薦。菜，正正常常環境：雖然係一般大排檔嘅環境，但係坐嘅位置算係闊落，唔會太迫。總結：大排檔之中我覺得佢嘅味道拿捏得唔錯，唔會太油太鹹。炸物碟底都冇油。如果一班人有六個人以上會更好，可以叫多啲唔同小菜，因為碟頭大，就算4個人，都好似要不停食同一樣餸好多件咁。價位：附近嘅大排檔，近兩三年，一班人嚟食，除開通常都係$140至$180左右，依間都係差唔多。