四寶食堂 (兆安廣場)

Open Now

Now Closed

I was eagerly anticipating trying the signature pineapple bun with thick butter at this establishment. The pineapple bun is meant to be a delightful contrast - a crisp, golden-brown exterior giving way to a soft, pillowy interior, with a generous portion of cool, creamy butter melting into the bun.Sadly, this is not what I experienced on my most recent visit. While the bun itself was toasted to perfection, with the right balance of crispness and fluffiness, the real letdown was the woefully inad

同朋友去銅鑼灣整指甲，臨走突然傾盆大雨，剛剛行到謝斐道一間餐廳門口，朋友話咁大雨行唔到，不如入去食埋晚餐先走。四寶食堂裝潢簡潔，座位舒適。是間港式茶餐廳。晚餐包括：餐湯十伴菜兩款十主食十飲品餐湯係忌廉蘑菇湯：蘑菇湯口感creamy,仲有一片片嘅蘑菇，好足料。百里香蒜香橄欖油烤春雞：烤雞色澤均勻，皮脆肉滑，又香又juicy,點些特製醬汁甚惹味。伴菜擇咗薯仔沙律和炸薯條，沙律醬酸酸甜甜的味道好開胃，薯條香脆可口。雪山紅豆冰：紅豆軟腍又不失口感，加上鮮忌廉，更香滑。蔥油豬扒飯：豬扒好大件，咬落啖啖肉又夠香，表面鋪滿蔥油，令味道更佳。再加上一隻半熟蛋，蛋汁伴飯美味極了。朱古力雪山：甘醇朱古力混上香滑嘅忌廉，濃郁順滑。西多士：西多士用咗兩塊白麵包，厚度適中，夾層內有花生醬，炸至金黃色，再加上一大片牛油同糖漿，滋味無窮。凍奶茶：茶味濃郁、口感滑順。

上次來食左個二人晚餐，念念不忘，晚餐雙扒套餐也不過$88，已包括餐湯，兩款伴菜，再加飲品，相當划算 。雙扒餐有豬柳雞扒，男士一定夠食，再配蘭花苔加薯仔沙律，營養均衡 。我自己就叫左封門牛柳，蘊含濃郁的牛肉香。配以炒得恰到好處的什菌，既鮮美可口又增添了菜品的層次感。晚餐可以追加北海道直送咖喱飯/鮮油多/菠蘿油等經典茶餐廳美食，菠蘿油超級大😂 烘得暖暖入面夾了冰凍既厚牛油，邪惡得來又好滿足—————-𝙒𝙚 𝙤𝙧𝙙𝙚𝙧𝙚𝙙:香煎加拿大豬柳 拼 燒紐約雞扒 + 香烤蘭花苔 薯仔沙律板燒美國頂級封門牛柳 + 炒什菌 / 香烤蘭花苔咖喱飯 / 菠蘿油蘆薈白桃冷泡高山烏龍（少甜）蘆薈西柚梳打（少甜）—————————————————𖠿𖥣 四寶食堂 (銅鑼灣)〒 銅鑼灣謝斐道482號兆安廣場地下1-3號舖—————————————————⠀⠀⠀⠀⠀⠀⠀

假日嘅三點三 銅鑼灣嘅呢間茶餐廳門口有條人龍 見到佢咁有人氣 就排埋一份 入去歎返個豐富嘅下午茶😎黑蒜蔥油瑞士汁雞髀撈公仔麵 呢隻瑞士汁雞髀超級大隻 肉質仲非常嫩口 咬開入面仲爆汁呀🐥 底下嘅黑蒜蔥油撈公仔麵唔會太過油膩 仲係我鍾意食嘅爽口公仔麵添呀🍜 呢個常餐仲配嫩滑炒蛋同埋丹麥提子酥 呢度嘅炒蛋真係好香滑 難怪每個嚟到呢度嘅人都會好想試呢個常餐啦🫢 丹麥提子酥就唔係度度有得食 味道方面唔會太甜經典粒粒花生醬西多士呢一個熱辣辣嘅西多係我非常推介嘅茶餐廳美食 喺兩層鬆軟嘅麵包中間有一啲粗粒嘅花生醬 再沾上蛋汁 放入油鍋度炸香🍞 加埋牛油同埋側邊嘅糖漿 一份完美嘅西多士就係咁樣整成😻 大家快啲嚟試吓七味椒鹽炸雞中翼配美式炸薯條另外我哋仲嗌咗份雞翼薯條share 因為下午茶餐嘅關係雞翼只有三隻 落咗啲七味椒鹽好惹味 外脆內軟 三隻有少少唔夠喉😝 側邊嘅薯條係我鍾意嘅粗薯條🍟 仲有少量嘅沙律菜喺側邊菠蘿油另外仲用加配價嗌咗一份菠蘿油 菠蘿包焗到熱辣辣 配埋一大片嘅有鹽牛油🧈 半溶嘅狀態令每一啖都係幸福嘅滋味 呢個係經典嘅港式風味😚飲品朱古力雪山 呢個一定係小朋友嘅最愛 濃郁嘅朱古力底 配上一

太耐冇食過一間好食嘅茶記，今日終於俾我搵到一間有水準嘅茶記，真係好開心黑蒜油叉燒滑蛋飯滑蛋叉燒飯周圍都有得食，但係整得好食嘅舖頭唔多。起初出於好奇，見到旁邊大叔點咗一碟滑蛋叉燒飯，個樣好靚仔，所以都想試吓。估唔到過咗一陣就上到菜，速度迅速。個滑蛋做得好出色，質感非常嫩滑，有啲溜心嘅效果，而且蛋味好濃。另外，叉燒肥瘦得宜，加埋個滑蛋口感層次非常之豐富。叉燒滑蛋上面加埋啲黑蒜油同豉油，撈埋食好惹味喜哥蔥油豬扒太陽蛋飯呢碟嘅上菜速度慢少少，但亦煮到好好味。個豬扒好嫩滑，滑到好似雞扒咁嫩滑，而且份量非常大塊，加埋蔥油食好惹味。蔥油嘅部份唔會太鹹，所以最後都可以食晒。檸檬桂花蜜糖冰茶味道清甜，同港式比冇咁澀，好解渴朱古力雪山比想像之中大杯，雪糕都幾多。夏天必飲～

銅鑼灣收工，諗住近近地食個晚飯，就約朋友去四寶食堂。它位於銅鑼灣核心地段，環境舒適自在，座位闊落，晚市都坐滿客人。晚市主打西式套餐，套餐有餐湯，主菜，兩樣配菜同飲品。餐湯係忌廉西湯，入面有磨菇，味道不會太鹹。板燒美國頂級封門牛柳配燒蒜+薯仔沙律美國頂級封門牛柳,肉質鮮嫩多汁,搭配原個燒蒜，一口牛柳一口蒜粒，及清爽可口的薯仔沙律，層次豐富，整體口感出色。朱古力雪山下層是朱古力，面層是忌廉，濃郁的朱古力綿密忌廉混合在一起，濃郁淳厚，好味😋秘製麻辣撈公仔麵麻辣醬汁香氣四溢，與公仔麵完美融合，公仔面彈牙，麻辣調味鮮香紐西蘭西冷牛扒配炒什菌+炸薯條牛扒肉質鮮嫩多汁，西冷部位肥瘦適中，配以炒香的時令什菌和酥脆的薯條，食牛扒時食上什菌可以解膩，牛扒同薯條絕配。蘆薈西柚梳打飲品顏色鮮艷，梳打口感清新，西柚味爽甜，夏日炎炎十分解渴奶醬多奶醬多到滿瀉，質地醇厚綿密,麵包烘到鬆脆，味道賣相都好好👍🏻

近排天氣都好熱，去到銅鑼灣想搵間餐廳坐低食下午茶就過咗嚟四寶食堂，下午茶係兩點至五點，啱啱好兩點就入左去，同朋友揀咗卡位坐，夠晒舒服！見到呢間餐廳都好多啲附近返工嘅人喺度食飯。今次叫咗一個英倫紳士炸魚薯條同埋美式薄牛扒拼滑蛋同沙律套餐，食物送到嘅時候熱辣辣，唔係預先整定的！美式薄牛扒好好食，一啲都唔韌，同埋冇啲好難咬嘅筋，口感好好，滑蛋就好似平時早餐食嘅炒滑蛋咁好香。下午茶時間特別想食炸魚薯條，朋友仔就揀咗呢一個，薯條好香脆，炸魚都好入味，而且份量都好足，呢間餐廳仲可以額外加配一啲小食，我另外仲叫咗一個辛辣麵，都只係加$15，啱晒啲平時一個餐唔夠食嘅朋友仔，辛辣麵好好食好入味，叫一個下午茶再額外加埋辛辣麵，簡簡單單咁都好滿足了！

呢間Tiffany blue顏色嘅茶餐廳，唔同區域都見過佢，今日經過銅鑼灣想平平哋食餐飯，就決定試一試！板燒美國頂級封門牛柳 🥩$188佢哋嘅頂級封門柳非常有肉味，上碟既時候已經切好晒一片片，唔使自己切非常方便！呢一個扒餐可以揀兩款配菜，我就揀咗原個燒蒜🧄 同埋 炒雜菌🍄‍🟫，套餐仲已經包咗忌廉湯～飲品方面我就加咗少少錢要咗檸檬桂花蜜糖冰茶，味道都幾清新！BBQ醬燒豬肋骨 🐷 $98估唔到呢個$100有找嘅豬肋骨上枱會有咁大碟！！食肉獸啱晒！！不過佢哋嘅豬肋骨肉質就偏向銀一啲～配菜方面呢一個餐都係包兩款配菜，我就揀咗田園沙律🥗 同埋 美式炸薯條🍟，另外我仲加咗$15 配咗個菠蘿油，非常邪惡🙈🙈飲品方面，就叫咗朱古力雪山（+8）🏔️，貪佢打卡靚啲呀嘛！炸雞翼配薯條🐔🍟$68可能有六隻炸雞翼，份量都算多嘅，即叫即炸，勝在熱辣辣！

出開銅鑼灣經過「四寶食堂」，試吓佢哋嘅下午茶，真係幾抵食。「四寶食堂」一向都多人幫襯，佢嘅signature 花花牆，仲有Tiffany blue嘅牆身深入民心，而啲間銅鑼灣分店都唔例外，而且亦係長期long queue，可見受歡迎程度！食堂招牌熱狗 $32有兩大條香腸，配上秘制沙律醬，麵包軟熟，果然係招牌菜，$32 仲要包飲品，抵食👍🏻美式BBQ醬燒豬肋骨 伴 美式炸薯條 $52$52 有燒豬肋骨食，比其他西餐廳平一半！雖然豬肋骨不算太燒烤，但勝在夠軟淋，醬汁都不會太咸，同樣抵食。菠蘿油 +$15跟餐可以追加小食，菠蘿油大大個，外脆內軟，牛油都幾大舊，都係一個追加必點推介👍🏻P.S. 凍飲+$3 ，如果加$8 仲可以轉特飲如朱古力雪山，下次試吓先！

之前食過四寶食堂既下午茶，覺得好食又超值。今日放工就約埋同事一齊去試四寶食堂既晚餐。相比起下午茶，晚餐既選擇相對地少。對有選擇困難既我黎講，絕對係件好事🤣🤣🤣今次我地點左2個晚市套餐，分別係1.）百里香蒜香欖油春雞拼炒什菌+田園沙律；再加$15 北海道直送咖喱飯2.）板燒美國頂級封門牛柳拼牛油粟米+田園沙律；外加$15 秘制麻辣撈公仔麵大大隻春雞絕不取巧，雞皮爽脆但內裡雞肉依然嫩滑。封門柳要5成熟，冇一般餐廳咁會過熟，肉味濃且鬆軟嫩滑，好味道😋

收工想鬆一鬆又想平靚正去個高質茶餐廳就至岩 見到裝修咁靚就即刻行左入去裏面既裝修比起一般茶餐廳靚好啱同閨蜜一齊嚟打卡 每張枱旁邊都有唔同嘅調味料俾自己選擇先上咗個忌廉西式湯又滑又濃既口感 同裏便嘅蘑菇相得益彰 同餐配有肉醬意粉佢有小時候嘅回憶 而且意粉質感煮到恰到好處呢樣係抵讚另外仲有佢嘅炒公仔麵佢嘅公仔麵十分彈牙 而且調味足夠 唔會太單調重頭戲係呢個 板燒美國頂級封門牛柳（$188）佢個薯條係新鮮炸係特別脆口 而且旁邊仲配有炒雜菇 五臟俱全嘅感覺當然主角嘅頂級封門牛柳就好好味啦 口感嫩滑 以依個價錢性價比不錯另外仲有加拿大豬柳拼板燒紐約雞扒選擇如果係唔食牛嘅朋友 可以選擇呢個餐最後要講到嘅一定係嘢飲 因為本人唔鍾意飲太甜嘅嘢呢兩款嘢飲就啱啱好 口感清新分別係蘆薈白土藍泡高山烏龍同埋鳳梨百香果泡高山烏龍高山烏龍一級棒

好耐沒見的一位朋友，同她約了一起在四寶食堂吃個二人下午茶傾下計，連她都覺得四寶食堂物美價廉！照燒雞扒咖哩飯雞扒表面焦香四溢,但裡面依然保持鮮嫩多汁的口感。咬下去可以感受到雞肉的嫩滑鮮味。米飯上的咖喱醬口感濃稠滑順,米飯完美地吸附了咖哩的醇厚醬汁！芝士肉醬意粉肉醬好多，鋪滿意粉上，芝士和肉香濃郁而馥郁,味道不錯雪山西多士外酥里软的多士,淋上黏滑甜蜜的奶油和朱古力力醬结合后,視覺上無法抗拒的誘惑，令人垂涎，入口就吃出甜蜜醇厚与柔润交织的美妙！芝士安格斯牛肉漢堡包一大塊厚身牛肉餅表面焦香誘人,一口下去肉汁頓時在口中爆發，融化的芝士慢慢包裹住牛肉,吃出陣陣誘人的奶香！檸檬桂花蜜糖冰茶桂花蜜糖的幽香悠然飄出,與檸檬的酸甜形成了動人的和諧，冰涼清爽，令人神清氣爽！雪山紅豆冰上面奶油,增添了雪山般冰冷動人的視覺效果。每一勺都是紅豆香濃而綿密的口感,甜蜜芳郁在口腔中令人陶醉。

今日同媽媽加女兒出銅鑼灣買嘢，想食少少嘢先再行，見這間餐廳都幾多人，所以入去試試，點知水平都幾好環境唔錯，以藍色白色配搭好舒服，拼有花牆設計，更有播放音樂，邊食邊聽食物方面，我哋食少少嘢，所以點了2個下午茶。不過佢選擇都好多，也有全日餐。1. 芝士安格斯牛肉漢堡包好耐冇食漢堡，見這個是其中之一recommendations, 所以點了同阿女試試。安格斯牛肉都幾厚身，多汁香濃牛味，夾了番茄、生菜同秘製醬汁，漢堡包都鬆軟多芝麻，出色之作😎❤️❤️❤️2. 香煎香茅豚肉眼配嫩滑炒蛋、胡麻醬田園沙律香煎豚肉眼厚身唔乾身，軟硬適中，份量都大；配上田園沙律，沙律菜脆口新鮮配胡麻醬好清新；嫩滑炒蛋顏色好金黃，嫩滑美味，正餐飲：點了熱杏霜，濃郁好味，唔係間間餐廳都有的選擇好味，這個價錢值得

平時嚟茶記都係食下午茶多，今次晚市過咗嚟四寶食堂，原來晚餐餐牌好多選擇，比一般茶餐廳更加西化。🌷香草白酒比吉打魚柳 配 蕃茄莎莎 及 意大利陳醋餐湯只有白湯，魚柳以蕃茄莎莎作汁料，食到蕃茄粒，伴菜揀咗炒雜菌同香烤西蘭花苗。另外加錢可配特飲，試咗鳳梨百香果冷泡高山烏龍，一邊飲一邊有鳳梨肉食，而茶膽用茶葉做，味道唔錯。 🌷百里香蒜香欖油炒春雞伴菜有德國薯仔沙律同埋粟米條。雖然係春雞，但份量都幾多，全雞斬開一半燒，外脆內軟，餐飲轉咗檸檬桂花蜜糖冰茶。最後，套餐可加配小食，加咗份奶醬多，麵包厚切，練奶加花生醬永遠都咁夾。🧸評分：🧸🧸🧸🧸 4/5

銅鑼灣最愛的茶餐廳非四寶食堂莫屬。它選擇不是最多，價錢也不是最平，可是食物質素隱定，味道非常可口。銅鑼灣這間分店無論任何時候都有人龍，不過人來人去，通常都只是等候短時間。我和同事會在兩點後去幫襯，常餐、午餐、下午茶餐都可選擇。蕃茄薯仔牛肉湯通粉配嫩滑炒蛋及丹麥提子酥加熱奶茶（$55）長長的名字，可想而知是好多嘢食，價錢非常實惠。蕃茄薯仔湯底濃郁好味，牛肉是鮮牛肉片和牛肉塊兩種，營養豐富，通粉爽滑彈牙，口感特別好。皇室咖哩牛腩飯加凍咖啡（$71）這個咖哩香濃而不辣，牛腩和牛筋軟腍入味。大阪黑蒜蔥油撈公仔麵配自家製吉列豚肉眼配凍檸茶（$51）非常抵食好吃的下午茶餐。黑蒜蔥油是拌麵神器，撈公仔麵無得彈。吉列豚肉眼即是吉列豬排啦，看似薄薄的，原來很鮮嫩，一點也不柴。