利榮軒

屯門友召集！👋 最近見到利榮軒推出左個「無限時任食點心片皮鴨放題」，身為屯門友緊係要黎朝聖啦😍！只要入座每人都會送一盅原隻鮑魚灌湯餃，仲有成25款以上既即叫即蒸手工點心、8款即炒粉麵任叫。大堂仲有新鮮即切金陵片皮鴨、糖水、鮑汁鳳爪、蘿蔔牛腩、齋菜同即炸點心等等，真係睇見都流口水，一於約埋朋友黎食餐勁既！🤤.坐低無幾耐，個原隻鮑魚灌湯餃就上枱啦。真係有一隻原隻鮑魚係面，加上蟹柳，灌湯餃面仲有d瑤柱粒同蟹柳粒，個湯底飲落好鮮甜，一啖飲落去暖笠笠，感覺好滋補，正呀🍲！.講到回本位，一定係大堂個自助吧！焦點所在既即切金陵片皮鴨🦆，師傅係面前即切，真係熱辣辣上枱🔥。最讚係refill得勁快，完全吾使同人搶，真係無限任食，我地都食左五六次，皮脆肉嫩！另外仲有多款精美小食，好似炸牛奶🥛、炸餃子、春卷、炸油條、鹹水角、港式炒飯等等。特別推介個避風塘蝦🦐，勁入味又惹味，我地encore左幾次。仲有蘿蔔牛腩、鮑汁鳳爪同薑汁紫薯糖水，食到停吾到口。.點心方面當然要叫水晶鮮蝦餃🥟，個皮晶瑩剔透，吾會太厚，入面隻蝦爽口彈牙，咬落去有汁，絕對係水準之作。.蟹籽燒賣皇肉質結實，上面d蟹籽卜卜脆；潮州蒸粉果個皮好煙韌，餡料豐富，咬落去口感好豐富；鮮蝦菜苗餃就夠清新，菜苗好嫩滑，食完d肉食返呢個無咁膩🥬。.陳皮牛肉球🐂有好香既陳皮味，牛肉球打得幾彈牙，吾會粉，加埋喼汁食一流；瑤柱珍珠雞荷葉味好香，糯米軟硬適中，入面d料都好足，食完一隻都幾飽肚。.甜品控必叫芝麻流沙包🖤，一搣開真係流沙架！芝麻味超濃郁，熱辣辣食真係好幸福，小心燙口呀！.鮮蝦腐皮卷炸得好金黃酥脆，腐皮薄脆，一咬落去咔嚓一聲，入面既蝦膠好鮮味，點少少喼汁食就最岩🥢。.煎釀青尖椒🌶️煎得好香口，魚肉釀得幾厚身，煎到金黃色，青椒帶少少微辣，好開胃。.蜜汁叉燒腸粉皮好滑溜，豉油甜甜地，叉燒份量都算多，吾會食黎食去都係粉，加埋d甜豉油真係無得輸😋。.最後叫左個星洲炒米粉做結尾🍜。即叫即炒果然吾同，熱辣辣上枱，而且大大份！用料真係好足，有洋蔥、蛋絲、蝦仁、叉燒、韭黃、蛋花等，炒得好乾身又有鑊氣，咖喱味好香，雖然飽到上心口都忍吾住食多碗！…Read More

又到大閘蟹季，各大餐廳都推出了不少的套餐，不過說到性價比高的，這間應該可以算得上了，一次能吃到５隻大閘蟹，更有劵最便宜３５０元就能吃到了，比很多餐廳都要便宜了！而這酒樓屬於利東集團的，旗下幾間分別都有同樣套餐，怕遠的就可以去其他分店了！四皇一后套餐（４１８元）大閘蟹少有的一次給你５隻大閘蟹，雖然個頭不算很大，母的應該３兩左右，公的會大一點，但膏都很足，吃起來很滿足的！母的膏甘香，公的膏軟糯，肉質鮮甜。精緻三小品有酥脆的燒腩仔，蒜香酸甜的海蜇木耳和蜜汁叉燒，份量不錯。佛跳牆灌湯餃灌湯餃大大隻，而且挺足料的，有花膠，海參，鮑魚和素翅，湯的海鮮味香甜。餃的餡料有蝦肉，蟹柳，豬肉和木耳等材料，挺足料的。古法羊腩煲羊腩被燉得非常軟嫩了，非常入味，也沒有多了羶味，沾上鹹香的腐乳醬，會更惹味。鮮蟹粉扒豆苗豆苗鮮嫩多汁，加上濃香鮮甜的蟹粉，滿滿大閘蟹的香味。生炒糯米飯糯米飯軟糯，加了有香甜的臘腸，鹹香的臘肉，鮮味十足的蝦米，最後加上花生和蔥花，口感更豐富，又解膩。甜品桂花糕吃起來淡淡的清香，味道不會太甜。薑茶熱熱的薑茶挺暖胃的。…Read More

呢間餐廳片皮鴨同點心都係一個價錢好抵食，環境好坐又闊落，而家酒樓仲做緊片皮鴨點心，任食優惠，一個價錢可以食到好多款點心又抵食又可以約埋d,fd一齊飲茶坐下傾下計都幾正。部分炸物熟食同片皮鴨都係響大堂位置度拎既，片皮鴨係原隻即切片職員會即時切片，鴨肶食落啖啖肉，其他多款點心就自己落單食幾多叫幾多，燒賣可以逐粒叫，其他點心都係全部即叫即蒸，推介珍珠雞用左紅米煮比較健康而且入面好足料，棉花雞大大碟，粉果入面好爽口，每位都有一籠鮑魚灌湯餃。…Read More

自助吧種類多：涼拌魚皮、拍青瓜、炸鮮奶、炸蝦、蘿蔔牛腩、包紮鳳爪、鹹菜豬肚湯、醃蘿蔔排得滿滿，仲有炒飯、炒河、咕嚕肉，小朋友都瘋狂夾。煎炸區仲有懷舊錦鹵雲吞、鹹水角、煎餃子、春卷，錦鹵雲吞外皮炸到金黃脆口，內裡軟糯，沾埋甜酸醬，層次提升不少！重點當然係金陵片皮鴨，師傅喺大堂即切，鴨皮真係十分酥脆，完全唔油膩，咬落「卡茲卡茲」聲，皮同肉之間仲有少少黏連，鴨皮少有地出色，因為好多餐廳放涼了，皮便不脆，補貨速度超快，午市短短時間已經見到換咗4隻新鴨，絕對唔使搶。每人仲送限量1隻原隻鮑魚灌湯餃，湯清甜，鮑魚彈牙，啖啖肉！胡椒豬肚湯用料誇張，豬肚同枝竹多到滿瀉，胡椒味夠衝又唔嗆喉。點心即叫即蒸，用點餐紙打勾，蝦餃、燒賣、小籠包、紅棗糕全部以「件」計量，超貼心，蝦餃晶瑩、燒賣juicy、小籠包湯汁熱要小心咬。…Read More

我一向都好鍾意食片皮鴨，當知道呢度有得食片皮鴨放題，就即刻同老公嚟幫襯啦利榮軒片皮鴨點心放題當然唔少得嘅就係食片皮鴨啦！鍾意佢現場新鮮即片片皮鴨，片皮鴨皮脆肉嫩，肥而不膩！配埋配料同埋醬汁一齊食，味道層次都好豐富！可以任食片皮鴨，真係好抵食仲會附送瑤柱灌湯餃入面包住滿滿嘅餡料，湯汁濃郁又鮮甜，配埋瑤柱、豬肉、蟹柳等等嘅配料，仲有一隻鮑魚！真係幾足料，味道啱啱好，又唔會怕鹹！除咗任食片皮鴨之外，仲有好多款式嘅手工點心！全部都係即叫即蒸！我同老公都叫咗好多唔同款式嘅點心！我最鍾意嘅就係食芝麻流沙包同埋紅棗糕！芝麻流沙包有流沙嘅效果，食到入面餡料有香濃嘅黑芝麻香味，好味！紅棗糕充滿紅棗香味，口感煙韌，味道好清甜呢！老公最鍾意嘅就係食水晶鮮蝦餃同埋蠔皇鮮竹卷！大大隻蝦餃，皮薄餡靚，有新鮮嘅鮮蝦，口感爽口，都食到蝦肉嘅鮮味呢！蠔皇鮮竹卷，內餡好飽滿，配料好豐富又新鮮又多汁，鮮甜味美！除此之外，仲設有自助吧，任食精美小菜同埋小食可以選擇！包括有鮑汁鳳爪、唔同嘅炒粉麵飯等等！真係食到好飽餐廳舒適寬敞，呢個片皮鴨點心放題真係好抵食，點心款式選擇都唔少！店員服務態度都好Nice，今日同老公都食得幾開心呢…Read More