中環城寨火鍋

呢間嘅椰子雞湯底真係有驚喜！唔係平時飲開奶白色嗰隻，係清清地、帶啲金黃色，一飲就知係老火湯嘅路數，好清甜，椰子味好出，仲有陣雞湯嘅醇味，飲完成個人暖笠笠，好舒服。半隻雞嘅肉質都唔錯，唔會鞋口，浸完湯仲甜。羊頸脊肥瘦啱啱好，淥兩淥就食得，好嫩口，仲有陣油香。海蝦滑真係要讚，好足料，食到一粒粒彈牙嘅蝦肉，喺清湯底入面更加鮮味。佢哋自家包嘅木菜豬肉餃好大粒！入面嘅菜同豬肉好夾，咬落去有肉汁，好滿足。最後梗係要嗌返兜童年回憶——芝士腸！喺甜湯底煮完，腸仔爆開少少芝士，簡單但係又好開心。成餐飯食落好舒服，冇乜花巧嘢，就係靠個清甜湯底同新鮮食材。依家好少搵到呢種懷舊嘅老火湯風味…Read More

職員會話各位我哋依家準備時空穿梭啦，行落條樓梯即刻返返去城寨環境，好有feel呀🍅🥔蕃茄薯仔湯底 $188蕃茄薯仔湯底非常清新，湯色誘人，蕃茄的酸甜和薯仔的濃郁相得益彰，為食材增添了很多風味，先飲啖湯，係家嘅味道呀！澳洲和牛牛頸脊 $298和牛牛頸脊無疑係今晚嘅亮點！肉質鮮嫩，油花分佈均勻，燒烤後更加香味四溢。每一口都令人陶醉，絕對值得一試！黃喉 $58可以滾20分鐘起，質感爽脆，搭配上豐富嘅湯汁，口感非常迷人，是配火鍋嘅絕佳選擇。台山桶蠔 $198新鮮嘅桶蠔肉質彈牙，火鍋後嘅蠔都依然肥美，啖啖肉濃汁牛丸8粒 $88牛丸口感彈牙，濃厚嘅肉汁令人一試成主顧。推薦搭配湯底享用，增添了風味層次生菜 $42生菜新鮮脆口，係火鍋嘅最佳搭檔，為豐富嘅肉類帶來平衡白布烏冬 $48白布烏冬超好食！滾10分鐘便可，口感柔滑，吸收曬湯底嘅精華，愛上咗白布烏冬。📍中環城寨火鍋 (上環)🔎上環歌賦街49-51號地下2號舖…Read More

走進舖中舖既樓下火鍋，彷彿穿越時光隧道，回到70年代既城寨風味。餐廳裝修充滿古舊風情，牆壁貼滿老式可樂、香煙廣告，霓虹燈閃爍，樓梯堆滿紙箱和舊冰箱，牆上壁畫描繪舊香港街景，黛青磚瓦、雜亂電線，營造出城寨的擁擠與懷舊氛圍。桌椅是典型大排檔折枱，彩色瓷杯讓人憶起舊日茶樓，連廁所都極具懷舊情懷。店內仲還可以唱卡拉ok，勁chill 又有feel。清甜椰子雞湯（半隻）湯底用新鮮椰子熬製，雞肉嫩滑，湯清而不膩，鮮甜滿溢，暖胃又養生。澳洲和牛牛板腱肉質細膩，油花均勻，涮幾秒即熟，入口即化，牛香濃郁。本地豬五花腩肥瘦相間，煮後不柴，配辣椒醬更添風味。蟹籽墨魚滑彈牙鮮美，蟹籽爆汁，增添海鮮風味。油蜆個大飽滿，肉厚多汁，不加調味料已經超美味。蝦子腐皮卷脆嫩多層，蝦子鮮甜，裹上腐皮炸香，咬一口脆脆的滿足。呢到不單只食火鍋，更是體驗舊香港文化。環境獨特、創新，食物新鮮，鍾意試新嘢嘅朋友，值得一試！…Read More

今日想分享一間歌賦街打邊爐嘅地方，由湯底講起，未見過一個湯底，仲衰過自己屋企滾湯。第二澳洲牛肉，仲衰過喺街市買返嚟煮菜心炒牛肉嘅牛。餐廳有供應第一刀（豬嘅膊頭），呢個第一刀就等於揸住把刀喺我條頸度劏到一頸血。同街市買嘅豬頸肉冇分別。午餐肉最好味，煎得甘香，絕對好味。過茶餐廳。出前一丁好新鮮，其他嘢唔需要再講。兩個字，垃圾。大家千祈唔好俾佢劏第一刀。…Read More

呢間叫 「中環城寨」 嘅打邊爐店，環境幾有 feel 嘅～一入去就好似走返入舊時代九龍城寨咁，懷舊裝修、窄窄小巷 vibe，成個裝修都好有味道，影相都幾出 😉📸⸻我哋今次叫咗：🍅 蕃茄薯仔湯 ($188)湯底清甜又暖胃，蕃茄味好出，薯仔煲到好腍，好易入口 👍🥩 澳洲和牛牛板腱 (小) ($298)超嫩，涮幾秒就入口即化，油香啱啱好 🤤🦐 海蝦 ($128)新鮮彈牙，蝦味夠，無腥味，好易清晒一碟 🦐✨🦑 水魷 ($72)爽口唔韌，煮一陣就好食，幾實在～🍜 烏冬 ($48)最後用蕃茄湯煮烏冬，好吸味，幾滿足 😋⸻整體嚟講，食物新鮮、環境有特色，想搵地方打邊爐又順便打卡，中環城寨 都幾啱嚟坐一坐～🔥🫕…Read More

📍走進呢間餐廳，好似穿越返去舊香港城寨嘅氛圍。昏黃燈光、斑駁牆身、鐵閘同霓虹牌交織出懷舊又有型嘅場景，坐低就好似置身另一個時空，氛圍感滿分！🍲 清甜椰子雞湯（半隻）湯底入口清香，椰子嘅天然甜味同雞肉嘅鮮美融合，飲落唔油膩，反而有股清爽感，暖胃又舒服。🥩 澳洲和牛牛板腱（小）牛肉油花分佈均勻，涮幾秒就入口即化，肉質柔嫩帶少少嚼勁，牛香濃郁，真係令人忍唔住再夾。🦑 水魷爽脆彈牙，涮完保持海鮮嘅鮮甜，咬落去有層次感，配湯底更加突出鮮味。🦐 海蝦滑滑嫩細膩，入口即散開蝦肉嘅鮮甜，帶少少彈性，好似食緊手打丸咁，超有驚喜。🍜 稻庭烏冬最後落烏冬收尾，吸晒湯底精華，麵條滑溜又有嚼勁，每一啖都充滿椰子雞湯嘅香甜。…Read More

🏰中環城寨 | 中上環懷舊火鍋隱世寶藏 ✨在中上環發現這間超隱秘的中環城寨火鍋，入口隱蔽，超有驚喜！😄 小店滿滿「城寨」風情，牆上壁畫超吸睛，碗筷、凳子到裝潢，每個細節都勾起童年回憶！🌟 椰子雞火鍋湯底自家製，濃郁香滑，配菜選擇豐富，尤其是 嫩滑牛肉，入口即化，絕對必試！🥩 70-80年代懷舊音樂響起，瞬間穿越時空！🎶 適合大班朋友聚會，包場唱K更正！🎤💡 小貼士：中環來說價格親民，小店座位有限，記得提前訂位！…Read More