一番日本料理

Open Now

Now Closed

一番日本料理 (元朗)元朗教育路29號地下C舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐食物推介：油甘魚壽司 $19，劍魚腩壽司 $19，吞拿魚壽司 $16，挪威三文魚壽司 $16，雜錦魚生碎壽司 $14，希靈魚壽司 $14等候時間：0分鐘油甘魚壽司：由紫變紅再轉為淡黃色的魚肉，有層次感，色澤漂亮，咬落鮮美彈牙！😋😋😋劍魚腩壽司：淡淡的橙黃色，飄散出清新的魚肉香味，魚肉紋理間夾雜著一層薄薄的脂肪，更添口感！👍👍👍吞拿魚壽司：個人覺得是今次食到最新鮮的燾司，鮮紅色的魚肉，肉質非常嫩滑及柔軟，有點入口即溶的感覺！😍😍😍挪威三文魚壽司：三文魚一向是必食心水，鮮橙色的魚肉，橫間著一條條白色脂肪，脂肪層比劍魚腩壽司厚得多，更為鮮甜肥美！👏🏻👏🏻👏🏻雜錦魚生碎壽司：這次的驚喜之作，雜錦魚生碎有4種魚生，包括三文魚、劍魚腩、八爪魚及油甘魚，外層再包扎著紫菜，一件壽司，5種滋味！😄😄😄希靈魚壽司：個人偏好吃希靈魚黃金色的魚肉，而這裏的希靈魚咬下去是既爽身又脆口的，很不錯！❤️❤️❤️

好多年前成日食 原因係大件又好食諗住生完心血來潮想食壽司就嗌咗十件壽司、三文魚沙律、照燒雞扒定食外賣返到屋企發現壽司細細件都算質素仲差過爭鮮 又細件又唔新鮮 飯又散照燒雞扒定食塊雞扒完全冇味 好似就咁煎熟倒汁上去個沙律話二人前 其實一個人食完都唔飽咁樣埋單$200 食唔飽 冇下次！好失望

琴日諗去食日本嘢，行過見到一番裏面都幾多人，睇左佢個menu又平好似幾抵食咁就入左去食啦。入到睇睇下menu都冇乜特別嗌左小小嘢食咁樣，上嘢食速度都快，首先嗌左個三文魚奇趣卷，裏面完全食唔到三文魚😓跟住到個蒜香牛油炒蜆，全部殼唔多肉都算，重要勁咸😑再尼個豬頸肉炒飯，好似冇落鹽炒咁肉又冇多幾舊。啲壽司都唔講啦，嗌左個八爪魚壽司個八爪魚好似未解凍曬就咁淋啲汁上去咁，都算啦，最過份係個蒜香雞軟骨，一聞落去已經有陣up味，食落去重要係好大陣怪味，之後我地同個女人（應該係經理）講想退左佢，望都冇望就話哦好，之後5分鐘岀返尼之後又冇解釋又冇問我地要唔要換其他野食咁樣。之後啲位好逼都算啦，啲侍應拎住好多嘢我男朋友係褲袋拎紙巾岀尼唔小心撞到佢地，佢地既態度真係差到爆，吱完一下個眼神望住我男朋友好似得罪左佢全家，你講又唔講聲你係後面重要眼超超既眼神望返人地，邊有人咁做嘢架？到最後埋單我地話要睇下張單個女人就好似唔耐煩咁樣放張單係枱，比完錢一句多謝都冇，你啲嘢食咁樣唔好意思一句都冇。我覺得嘢食難食都算我真係唔明比個服務費係買難受囉，我自己覺得就一定唔抵，唔會再有下一次，一陣又好似得罪曬佢成家咁😅😅😅😅😅

依一間屬於平民版日式餐廳，最出名係壽司同卷物都大大件，食物款式多樣化，壽司、串燒、拉麵等等都有。座位比較狹窄，枱同枱貼得比較近，出入要好小心，記得之前黎食過服務麻麻地，今次戴眼鏡姐姐好有禮貌👍🏻服務一流。沖茶既時候發現左一個有趣既位，就係紙茶杯設計，底層放左茶葉再加一層網係上面，不過有趣歸有趣，茶味就麻麻地，加左熱水浸泡，到走果刻啲茶都係好淡口。————————————♥———————————- - - - - - - - - - - - - - - - - - - - - - - - - - - - -♥️ 午市套餐：雞扒配烏冬雞扒賣相唔錯，不過味道就……雞皮煎既時候已經燶左，但照出餐俾客人😑 驟眼睇用醬汁蓋過真係唔覺，食落就出問題😤雞皮燶左既位苦到不得了。♥️ 跟餐加配：三文魚壽司 2件♥️ 忌廉芝士蟹籽壽司♥️ 辛辣三文魚碎壽司♥️ 劍魚腩壽司♥️ 大大花之戀‼️ 叫左幾款壽司，嗌左少飯所以壽司Size係正常既體型，整體壽司味道不過不失，飯總有暖暖地餘溫，魚生有一定厚度，花之戀外層三文魚有啲唔新鮮，顏色偏暗淡。- - - - - - - - - - - - - - - - - - - - -

員工服務態度極好，有禮貌，有笑容細心發現我地枱面水壺無水，主動給我們更換。黎到呢度，當然唔少得我最愛吃嘅三文魚🤤【三文魚刺身$88】三文魚刺身好鮮味，都有一隻手指咁厚，好滋味🤤推薦大家一試👍共八片~【三文魚壽司$96】三文魚壽司嘅上面嘅三文魚都有厚度，食落去有口感，壽司飯夾起唔會散，排列整齊。💕【燒鰻魚壽司$72】燒鰻魚有一隻手指咁長，燒汁整得好好，軟綿綿，冇腥味，值得一試!☺️👍【日式海鮮烏冬鍋$90】🍲我選了清湯湯底，裡面有日式魚旦🍥，青口，豆腐，烏冬，蝦柳，金菇菜，三文魚肉碎&娃娃菜，整個海鮮烏冬鍋配答得幾清甜，可惜海鮮種類較少🤔【吉列炸蝦$45】🍤四隻吉列炸蝦略為令人失望，吉列炸蝦不是用炸粉製作，而係用麵包糠來炸，比較似批發市場買的吉列炸蝦，只係幫忙翻炸😢【日式炸豆腐$45】四件炸豆腐不過不失，外面脆口，內裹軟嫩，外皮脆皮好薄，入面好似玉子豆腐咁，有滑捋捋嘅質感，值得一試。😁【紅豆沙糖水贈送】🤔店鋪用既係一次性紙杯(自帶茶葉嘅隱茶紙杯)，個人而言，我比較喜歡飲濃茶😉，所以會覺得茶比較淡味。埋單共$480服務費$44

呢到6點前壽司有特價 叫咗14件都係80左右 味道上就冇咩特別 好食過爭鮮少少囉 啲飯冇咁重壽司醋味 整體上嚟講就算抵食 另外叫多咗兩串串燒嚟食 燒茄子同雞腎 燒茄子係用照燒汁調味 食落去係甜照燒汁味 唔係出面串燒店嗰啲蒜蓉嗰種 味道上可以嘅 鐘意偏甜口味嘅人應該會好鐘意 另外雞腎就有6小塊 唔會話咬唔到 口感幾爽脆 但味道似滷水多過串燒 都好食嘅環境嚟講 可能5 6點閒日食就冇咩人 成間都係得兩枱客 坐得都算舒服 唔知係咪唔好彩 我哋食嗰陣喺枱見到有啲小昆蟲 呢點可能就扣少少分

這間日本料理店在元朗已經很多年了，這店起碼有10多年歷史😆沒有記錯我09年去元朗曾看到此店營業，到現在依然屹立不倒，果然厲害，所以一定有其過人之處呢！不過每次也看見很多人等位置🥲🥲不過為了吃沒有辦法啦😂這店有好多種類日本料理，包括刺身，壽司，熟食，串燒等等等等，因為太多實在不能盡錄，不過他的壽司很大件，價錢相宜，絕對物超所值，性價比亦高，這店以巨大壽司為名，真的實至名歸，大家還是看相片更好😂一番日本料理元朗教育路29號地下C舖

一番日本料理 (元朗)元朗教育路29號地下C舖元朗真是美食天堂，連壽司刺身也有下午茶優惠。這一間日本餐廳價錢便宜，下午茶更是抵食實惠。熱身凍食同樣滿足一家大細。點了一碟刺身，裏面全是我的最愛，平時返工咁辛苦，放假當然要稿賞一下自己。墨魚片刺身$7北奇貝刺身（2片)$10海虎蝦刺身（2隻）$10晶瑩剔透的蝦身，爽脆的口感。加拿大海膽刺身(1格〉$28新鮮的海膽呈橙黃色，海膽柔滑細緻，鮮甜味美，入口即化。日本磯煮鮑魚刺身（1隻）$28「磯煮」即是用醬汁慢火炆煮，醬汁的甘甜滲入肉質柔嫩的鮑魚中，新鮮鮑魚的鮮甜口感，入口有彈性且鮮嫩多汁！勁juicy!帶子刺身（2片）$12新鮮甜美的帶子，原粒大大粒。珍質赤蝦刺身(1雙）$12超級大隻，赤蝦刺身，長度有我手掌咁長！鮮甜美味的蝦身，爽口彈牙。七味三文魚骨腩唐揚（6件〉$29三文魚的油脂徘徊在口腔內，炸得脆卜卜的，骨同骨之間嫩滑嘅魚肉，香口惹味。肥牛烏冬，$35這個烏冬很抵食，下午茶餐只是$35 ，肥牛份量都算多，食完一個烏冬就已經很爆。而且湯頭濃稠奶白色，沒有戲場。原味乳酸$11熱紅棗蜜$5

一星期又開始，放工同同事兼好友食餐好既日本菜，稿賞自己。餐牌好豐富，樣樣都想食，忍不住點左好多：珍寶赤蝦刺身新鮮既赤蝦，肉質鮮甜彈牙，才$11隻，性價比極高！時令生蠔$15隻，超抵！想試原汁原味，簡單地落左少少檸檬汁，好肥美，係海洋的味道！必食！刺身三文魚+油甘魚+帶子+ 翡翠螺+北寄貝，全部都厚切，爽口新鮮肥美，好幸福！炭燒餃子雞翼（2隻）餃子雞翼脹卜卜 ，雞皮燒得金黃，雞肉非常滑嫩，食落充滿肉汁！三文魚奇趣卷(8件）第一次食，內層除左三文魚，仲有香口的脆脆，外軟內脆 ，好有驚喜！滑蛋燒鰻魚鍋飯天氣轉凍，想吃熱騰騰的飯！鰻魚味濃，雞蛋滑嘟嘟的，仲有炒得剛好的洋蔥，簡單又美味！炸軟殼蟹卷（6件）比想像中份量大，軟殼蟹香脆。卷物外沾滿蟹籽，口感豐富，飽肚之選。老板送贈既糖水係暖胃又滋潤既蕃薯糖水！食完好驅寒！好飽好飽，身心都滿足了！

元朗嘅日本野出晒名大件夾抵食！解決Monday blue最好嘅方法就係食得盡興😋於是去左公司附近搵好野食！點了（以下價錢需加一）🐱三文魚（2片)十油甘魚（2片)十鮮帶子（2片)+北寄貝(2片)+北極翡翠螺(隻)刺身 $68超抵食，大大盤，而且新鮮厚切。翡翠螺起肉切件，爽口方便！🐱時令生蠔$15@挺大隻，也鮮甜！🐱珍寶赤蝦刺身$11@手掌咁長嘅甜蝦鮮甜彈牙！🐱滑蛋燒鰻魚鍋飯$76配味噌湯同中華沙律大大煲，熱辣辣！鰻魚無骨，配紫菜、滑蛋同飯口感豐富。加七味粉更加惹味！🐱炸軟殼蟹反卷（6件）$68比想像大件😮😮😮😮軟殼蟹脆脆的！🐱三文魚奇趣卷(8件）$58餡料三文魚不多，主要是天婦羅炸粉，脆卜卜。🐱炭燒餃子雞翼（2隻）$38這個好吃！燒得外皮金黃，肉質鮮嫩多汁！無骨啖啖肉！🐱蕃薯糖水 （送）天氣凍送糖水很窩心！蕃薯軟軟，糖水薑味重又香甜！

今日同朋友行元朗，行到天黑要食野醫肚，元朗真係好多野食，日式、韓式、台灣、泰國菜、大排檔….講得出嘅都有，怪不得好多九龍人都專程入到元朗搵食，好彩一早已book定位，唔使惊等位，元朗好多餐廳都係要排隊，店舖唔算好大，平時午餐都有set ,學生仲有優惠，始終都開咗一段時間，佢都有好多fans 㗎，今日唔想食到好飽，所以大部份都叫刺身珍寶赤蝦刺身$11，一隻唔夠喉，叫咗兩隻，嘩好鮮甜，味道好濃，非常新鮮，蝦頭仲爆膏叫左原條網池魚$168，第一次食，質感好過吞拿魚，鮮甜海葡萄海膽杯$78，海膽鮮甜仲叫左極上三文魚雪花腩刺身$65，同樣都係十分新鮮，送左兩杯白桃乳酸，忘記影相😅

元朗日本料理眾多，能夠多年來站穩陣腳一定有它優勝之處，這晚就來試一試。首先要讚一讚茶杯的設計，底層放了茶葉然後加了一層網隔開了，非常貼心。有些激抵優惠真得很吸引。這便當亦是超抵食。大和牛粒 $23每口滿滿的牛肉汁，入口都算易咬，很好。鹽燒牛舌 $23很厚身，加點檸檬汁更好吃。鹽燒豚肉 $21豚肉肥瘦適中，肉質帶點爽口，因為肉質上乘，所以調味放了少少鹽就已經很足夠。雜錦天婦羅 $48有兩隻大蝦，一塊青椒，一塊茄子，兩條蟹柳，天婦羅炸得不錯，粉厚度適中，又不會有油益味，不錯！火焰壽司拼盤 $98三文魚很肥美，火焰過油脂非常香，魚肉變得柔軟，超好食！帶子很厚肉很新鮮啖啖肉吞拿魚加了少少薑茸，配搭得宜芝士甜蝦同沙律醬蟹柳都是預期中一定好食得，無得輸的配搭魷魚及甜蝦壽司兩件都屬於是大大件壽司，抵食味道又不錯。最後竟然每人送一碗足料蕃薯糖水，蕃薯超甜，好好食，充滿街坊人情味，難怪多年來深得街坊們的歡心，價錢亦相宜，簡直是日式的飯堂一樣。

蟹籽粟米沙律$38份量十足，好似塊面咁大碗，足夠2-3人share，有好多青瓜絲、蟹籽同沙律醬，少量粟米同蟹柳，味道正常。三文魚軟殼蟹反卷（6件）$78反卷size接近飯團，大大塊三文魚、軟殼蟹，味道普普通通但好足料。地獄吉列豬扒烏冬$65湯底唔算好辣，味道唔夠香而且偏淡味，少量粟米，海帶，半隻蛋，吉列豬扒大大塊，味道正常，味道雖然普通，但抵食。香蒜雞軟骨$50未食就聞到好香炸蒜味，份量都多，雞軟骨炸到好咸香😋鹽燒牛舌$23牛舌咸味適中，口感唔算韌，但烤得唔夠香口，加少少檸檬汁食會更fresh😊整體來講，味道講唔上好好食，但個別菜式係大份抵食，份量比好多日式餐廳來講都算多。

今晚同咗朋友一齊去元朗 見到呢間價錢幾平 就是一試啦～～魚腩刺身三文魚呢個三文魚好好食😋夠肥美照燒雞扒拉麵呢個照燒雞扒拉麵比想像中好食，拉麵嘅軟硬都好適中，湯底濃郁係豬骨湯味道，而雞扒亦都滑身。一口芝士呢個份量雖然唔多，但一口芝士佢係入口即溶化，同平時食嘅唔同。蒜香雞軟骨呢個就一般，好多蒜香，但雞軟骨嘅份量唔多。整體性價比都不錯👍🏻

又黎食在元朗系列，話說之前行過呢間番日本料理俾佢門口個餐牌吸引左，最平29蚊一份午餐，無錯係29蚊，有燒鯖魚或吉列豬排選擇，即刻記底左諗住搵日試試。今日放飯同同事過黎試試，餐廳開12點我地都準時到做第1枱客人，12點半左右學生放飯都開始坐爆成間餐廳，如無記錯有學生優惠免加1再送飲品，真係超抵食，由於小店面積唔算大，但都有超過10張枱，所以人多時可能會迫少少。落單方式係填點心紙，枱上都有壺熱水同茶紙杯自己沖茶，個茶紙杯幾得意底下有層紙蓋住d茶葉加熱水落去就咁沖，但我沖完就飲唔出茶味，都係似飲水多d。汁煮金菇肥牛飯+前菜沙律甜品小弟揀左呢個，由於想試多d野另加外加左$10多個前菜，蟹籽沙律同甜品，先講前菜就係秋葵，個人其實麻麻地鍾意，但佢加左d芝麻醬同木魚，食落又幾ok，蟹籽沙律份量一小碗，有d青瓜絲同蟹柳絲同蟹籽，沙律醬都幾多下，叫左正常啦無咩特別之處，另外麵豉湯就本身個餐有既，唔會太咸配料都有d昆布同豆腐。好啦講返個正餐，飯就珍珠米煮得岩岩好，飯量都ok，肥牛就普通肥牛啦有d位少少韌，接受到，金菇都好入味，汁底我覺得偏咸dd，都接受到，好送飯d，呢個價錢呢個質素，合格有多啦。甜品有泡芙