Running Chicken Live

想當年「米走雞」仲未開分店嘅時候，我已經係長沙灣店嘅座上客，但反而有分店之後就只係幫襯過一次。天氣開始涼就想打邊爐，呢晚放工就同朋友去咗觀塘The Wave店食晚飯🥢。樓層面積好大，即使場地劃分兩間餐廳，座位數量都仍然好多。環境正正常常，衛生方面亦幾好，起碼地下唔濕同埋碟邊無痴笠笠👍🏻。餐廳以芝士雞煲起家🧀，不過朋友驚漏，所以呢日食咗麻辣雞煲。其實兩款招牌以外，仲有好多其他鍋底，例如皮蛋芫荽湯同沙嗲湯等。食物定價中等，但就係巨無霸份量，所以計番都抵😛。餐廳上菜速度快，所以所有嘢可以同一時間食。火焰麻辣雞煲($168/小)，店員送上雞煲時，叫我哋唔好打開蓋，等佢焗一陣🍲，估計係因為落咗酒，免得揮發晒。因為咁樣先至可以等店員嚟撈汁點火時，做到火焰嘅效果🔥。🐔細雞煲超足料，雞件有好多件，件件都好滑，而且極少骨❌🦴(更加冇碎骨)，啱晒我呢個懶人食。另外仲有好多配料，包括辣椒乾、洋蔥、中芹同芫荽，有呢啲食材令到雞煲更加香口。辣度有得揀，我只係揀咗一隻辣椒🌶️，點知愈食愈辣🥵，我頂唔順喇！！！幸好店員姐姐勁好人為我送上冰水，咁我先食得到落去咋，不過其實啲雞真係幾好食😋，入味兼肉嫩。⚠️留意番，唔食得辣嘅人最多嗌半隻辣椒好喇。特級雪花肥牛($158/小)，我第一個反應係覺得餐廳係唔係畀錯碟大嘅我哋啊🤣。牛肉份量好多，每塊大大片亦夠厚，而且肥瘦比例適中，肉味又濃，推介！話時話，打邊爐邊少得牛肉㗎？哈哈蝦中寶($63/半份)，我見個名咁特別就嗌嚟試下。原來係蝦膠包住原隻蝦🦐，上面再加啲蟹籽。無論蝦膠定蝦肉都同樣彈牙，口感好正，所以廿蚊一粒其實唔算貴！蝦中寶超大粒，比雞蛋🥚或者粟米更大隻，一啖一定食唔哂。竹笙墨魚滑($48/半份)，竹笙入面包住墨魚滑🦑，組合好新奇！兩樣嘢我都鍾意食，依家簡直係一石二鳥。四條份量不多不少，啱啱好。粟米($20/半份)，半份粟米即係等同兩條左右🌽，粟米大大碌，如果斬細件啲就更佳。生菜($24/半份)，生菜大大碟，亦都洗得乾淨。但由於生菜太索湯會好辣，所以我無點食到😳。竹蔗茅根($68/壺)，一壺可能有成一公升，四個人都應該夠飲，抵飲😛。幸好有嗌飲品，如果唔係我會辣到傻咗。除咗解辣之外，佢亦有清熱氣嘅功效。竹蔗茅根夠凍兼好飲，味道幾清甜，但又唔會甜到膩。每人收$16醬油費🧂，店員一開始就會拎個調味架畀我哋自由揀取。總括嚟講，米走雞真係好出色🤤，每一樣食物嘅質素都好有水準！$300人均消費唔係特別平，但呢度就真係畀足嘢你食，而且食材係靚料。依餐晚餐令人滿意，唯一可挑剔嘅地方就係通風一般，食完個身都幾大浸味🙈。…Read More

今日放工見心情好，约咗個朋友在觀塘食火鍋。從港鐵觀塘站 B2 出口, 步行約5分鐘左右，就到The wave 3樓米走雞live。餐廳七點半後設有現場演奏表演，氣氛一流。聽講這主打芝士雞煲，所以二話不說就點咗先。芝士雞煲以半溶芝士、洋葱配上雞件，芝士醬汁濃郁香滑，口味獨特，吃完可加配料吃火鍋。吃完雞煲，侍應幫我們在原有的雞煲加了清湯。大约七點半左右，開始有人彈結他唱歌。跟著我們看了一下點菜纸，火鍋配料齊全，種類夠多，有海河鲜，肉類，手打鲜製，丸類等等。當然還有汽水啤酒等等。我們點了特级雪花肥牛，牛柏葉，脆鲩片，手打鯪魚丸， 魚皮餃， 蟹柳， 粟米， 鲜冬菇，生菜。食火鍋當然要有醬料，一盒有六個醬油，有天椒，有蒜茸，有蒽花...還有一支豉油，我只落有了上蒜茸和豉油。特级雪花肥牛灼熟以後，牛味香濃，肉質鮮嫩，可見食材新鮮。手打鲮鱼丸灼熟後，鲮鱼丸呈灰色的，口感爽口，味道鮮甜，實在是意想不到的。鱼皮餃灼熟後，餃子豐富圓潤，爽脆可口，鱼味濃厚，食落有些特別。鲩鱼片灼熟後，鱼味濃厚，爽脆可口，食落清甜，可見食材新鲜。牛柏葉牛柏葉是我的最愛，灼熟後，可口清甜，回味無窮。疏菜生菜，粟米，鲜冬菇，食材新鲜，食落可口清甜。可樂及咸檸七吃火鍋又可能缺乏汽水呢？總體來講，此間設有現場演奏表演火鍋店 湯底濃而特別，火鍋配料食材種類多而新鮮。這 環境舒適寬敞而且服務貼心專業。 我們約定在不久將來， 一定要回來再次光臨。…Read More

人生打咁廿幾年邊爐，食過好多次雞煲，呢間♥米走雞Live♥係最深得我心既一間！先講環境，佢比一般雞煲打邊爐既環境靚好多，個場超大，容納到好多人。最估唔到既係，佢仲有個Live band位置，當晚食到咁上下就唱左一陣歌，當中係有聽到有人點唱生日歌tim！餐紙同樣都係自己食咩自己畫，款式都幾多，而且仲幾特別。點完菜就可以調下醬料～火焰麻辣雞煲 BB辣 $168呢個麻辣雞煲認真惹味，真係食到停唔到口，鐘意食辣既朋友可以再食辣啲，包你上癮！首先未煮呢個雞煲，已經有勁多莞茜係面頭，莞茜控見到一定好歡喜！入面既配料都係離不開有洋蔥，辣椒，當然仲有雞啦～呢隻雞相比起出面，佢係比較滑，啲肉好嫩，好好食！杞子魚雲膠原湯 $208女士們必食！！呢個湯底非常濃郁，超正，真心推介！湯底入面有條魚，重點的是佢有好多花膠係入面～啲花膠索哂湯味，好好食，膠質好重，唔似平野，同埋花膠既份量都幾多，唔怕爭住食～杞子對女仔都係一樣好野黎，所以呢個杞子魚雲膠原湯係唔可以錯過架！手切新鮮牛頸脊 $228牛頸脊每一片都切得好平均，而且佢唔會太肥，但同時都都唔會太瘦，是有口感的。牛肉味都幾重，滾佢幾秒已經食得，點少少醬料已經好足夠！黑松露蟹子魚麵 $148魚麵都食得多，但係用黑松露蟹子配搭既魚麵就真係第一次食！都幾特別！佢既黑松露蟹子係另外分開上，咁就唔怕煮都果陣啲黑松露蟹子唔見哂～魚麵配上黑松露蟹子，個味又幾正，黑松露味非常香呢！竹笙墨魚滑 $88竹笙墨魚滑我認為都係必叫之一。因為佢真係用竹笙包住左墨魚滑係入，同時間放落去一齊煮，又可以食到竹笙既爽口，又能夠食到墨魚滑既鮮～生菜 $24打邊爐食生菜都係唔少得架啦～生菜都幾靚，唔會有變黃，食落口都係爽既！雜菇拼盆 $44有朋友喜歡食素食，呢個雜菇拼盆就一定唔少得。有金菇，有雞脾菇等等，一定可以滿足到唔同人既口味～…Read More

天氣實在凍到一個點, 除左火鍋實在諗唔到有咩岩食, 所以...........................又黎左呢間開餐!今晚個腦實在只有"火鍋"呢2個字, 雖則佢嘅芝士鷄煲係好出名, 所以好也已經點好湯底及火鍋配料偏向鍾情清湯底, 但呢個皮蛋芫茜湯 ($68)實在太抵食, 除左皮蛋芫茜馬蹄外, 仲有紅蘿蔔, 豆腐及粟米在內, 侍應都建議先飲啖湯, 果然幾鮮甜!記得初次認識牛頸脊就係係呢間火鍋店(太子分店), 呢份手切新鮮牛頸脊 ($208/小), 每片切得大細厚薄都岩岩好, 蝴蝶切法烚完都唔會變得好塊, 脂肪分佈平均, 肉色相當靚仔!輕輕烚一烚已經食得, 每片入口都肉汁爆滿, 肉味濃, 肉質烚完都咁滑口, 雖則係叫小, 但份量唔野小, 絶對性價比高!呢度既鮮炸響鈴 ($48)綜觀差唔多枱枱都有叫, 一份有6條, 每條都"粗身大勢", 相當抵食只需烚幾秒就索晒D湯, 仍然保持到內脆外腍, 好味!呢度既丸類可以有半份叫, 點了魚蛋 ($20/半份), 口感帶點腍身, 但魚蛋味幾香!另外亦點了魚皮餃 ($20/半份), 水準普通, 皮煙韌餡多汁!生菜 ($20/半份), 兩個人食就岩岩好, 味道爽甜!要澱粉質落肚?!  呢度有多種選擇, 我地點左辛辣麵 ($18), 自己煮, 軟硬程度自己話事!呢度仲有現場樂隊玩LIVE, 歡迎各食客點歌, 一班年青人玩得唔錯亦唱得唔錯, 一個價錢, 雙重享受, 食到咁飽, 今晚仲唔好好瞓?!…Read More

好耐之前已經聽過米走雞呢間雞煲，今次個朋友話想食雞煲，一search就見到有呢間新開既米走雞，仲係有live聽架添！仲要喺觀塘呢個幾方便既位置，所以我地就揀左去呢度喇。呢間米走雞位於The Wave 3樓，觀塘地鐵站B2出口出左去，往駱駝漆方向一直行，過左麥當勞之後望向左邊就會見到好大個The Wave字！入到去之後搭一層電梯再搭𨋢就到架喇。 一去到，見到原來係有兩邊既。一邊係食雞煲聽live既米走雞，一邊係食西餐既Mini Friday。我地就入左去雞煲果邊，但見佢西餐都好似幾吸引，下次可以黎試下😋 應該係因為新開既關係，入到去好大陣新既味道。周圍都好乾淨，好舒服。座位幾寬敞，而且枱同枱之間既位置都唔逼。再加上我地去食果晚正值打風前夕，所以唔係好多客。 一坐低，侍應就遞左點餐紙比我地，仲擺低左擺配料既盤。 身為港女梗係要嗌邪惡芝士啦，而且因為唔食辣，所以我地叫左芝士雞煲。但除左雞煲之外都仲有好多湯底可以揀。一望啲餸，好多可以揀，但價錢睇落都唔平，所以我地既策略係叫多啲比較平既餸！仲有冇嗌野飲，淨係飲水😂 交左點菜紙之後就睇下個配料盤啦，都係正正常常咁啦～叫完之後好快就上左個雞煲喇～ 超多芝士同洋蔥！！西班牙黑豚肉 ($188)都幾大份，而且一塊肉都好大塊～肥瘦適中，而且豬味幾濃，配埋個芝士湯底都好好味～我哋嗌咗上面呢啲餸，咁樣望落好似唔多咁，但係再加埋啲雞同埋好滯嘅芝士湯底真係會食到好好好飽個鍋滾咗就可以放啲餸落去喇 睇下有幾多洋蔥！！夾埋個芝士湯底就變左芝士一丁喇又係我最鍾意嘅粟米喇！呢日撞唔啱甜嘅粟米 無咩味：（一路食，一路同朋友吹水，仲可以聽住背景嘅live music，真係好享受同埋想講嘅係侍應嘅efficiency好高！見到我哋個湯就快冇晒就即刻過嚟加，要加水又即刻加。而且態度又好好！！最後埋單好似加埋一大約$500，同出面差唔多啦，但係加埋佢野食既quality再加上有live music聽，實在物超所值呀！一定會再黎過😚 或者多啲人share仲可以叫多啲，飲埋野都仲得！…Read More

這天是運動日，運動過後我和朋友在觀塘吃晚餐，説無論在食物的質素和環境都不錯，我們便決定入去試一試，來到這間餐廳看見店內環境寬敞和清潔衛生，店內的顧客是坐滿的，證明食物的質素都不錯，餐牌上食物的種類足夠多火焰麻辣雞煲($188)在雞煲中加入少許的玫瑰露酒，員工用火火熗點火時會產生火焰，十分創新又特別，之後再加入濃郁的雞汁，配上十分新鮮非常香稔軟嫩的雞，雞的份量非常多，這個價錢十分合理日本廣島蠔($78)蠔非常新鮮非常大隻，份量足夠多，蠔的海水味一般比較濃郁，而這款蠔海水味比較淡，所以較容易接受五香駝鳥肉($68)嫩紅的駝鳥肉軟彈煙韌，份量非常多，這個價錢非常合理生菜($22)生菜清鮮甜美，份量非常多，這個價錢十分合理鮮炸響鈴($48)響鈴是即叫即炸，十分脆，份量非常多，份量相對坊間的響鈴足足大兩倍，這個價錢絕對合理炸魚皮($48)魚皮非常大塊，非常脆，份量足夠多，價錢相對合理竹蔗茅根($68)在竹蔗茅根加入一塊栗米，整體味道更加清甜，份量非常多，材料非常足，吃雞煲火鍋當然要飲竹蔗茅根來清清熱氣整體來說，食物的選擇足夠多，食物的質素非常高，食物的用料十分新鮮，上菜的速度延快，價錢相對合理，店員有良好的服務態度和勤力，所以我認為這間餐廳值得再去惠顧…Read More

觀塘自從活化以來，工業區變化甚大，各式食肆林立，今次約了朋友來食雞煲。以木為主題，環保因素中又覺得很特別。分開兩part，一入去是較西式的咖啡廳，可以安靜享受，方便傾解談心。主要有雞煲或打邊爐兩種，雖然今天目標是雞煲，朋友臨時說不想食雞，所以改為打邊爐。配料有6格，薑蓉是比較少見的。蕃茄粟米湯，湯底很濃，材料還算足夠，酸酸甜甜的，特別開胃。特級雪花肥牛，份量足夠2人，但對於肥牛控，可能才會覺得不夠，個人覺得有少貴。四拼餃分別是水餃、牛餃、雲吞和韭餃，不同口味，各俱特色。豬粉腸處理得算乾淨，放入湯內煮的時間久一點，會更加入味和爽口。鮮炸響鈴，金黃得很，而且很是肥美，還是放入湯內煮一會兒進食才更好味。生菜洗得乾淨，有半份和一份供自由選擇，如果2人建議半份已經足夠了。由於有現場演唱，優美的歌聲令場面變得更加溫馨。…Read More

米走雞 晚飯的時間，我和朋友在觀塘逛街，經家人介紹，便決定來這間出名吃雞煲火鍋的餐廳試一試，來到這間餐廳，看見店內環境非常寬敞和清潔衛生，座位非常多，而且有籃球機，飛標機，live band，十分有娛樂性，除了食野既有歌聽，又有野玩，而外邊的餐廳是沒有這麼多的娛樂，所以給我一種很舒服和輕鬆的感覺 特級雪花肥牛($108) 肥牛質素非常高，軟彈煙韌 手打五寶丸拼盤($88) 手打丸非常巧功夫，又費時，但可以保證質素，因為用非常新鮮的材料，丸非常爽口微彈 生菜($40) 生菜份量非常多，生菜非常新鮮鮮甜 雜菇拼盤($42) 冬菇軟彈煙韌，金菇彈牙黏口，草菇稔香軟彈 火焰麻辣雞煲($188) 雞的份量非常多，雞非常嫩滑細密，自家製的醬汁味道辛辣中帶點甜，這樣的配撘令我非常開胃 鵝腸($48) 鵝腸份量足夠多，非常軟彈煙韌 豬潤($38) 厚身的豬潤軟綿綿，份量十分充足，非常飽滯 脆鯇腩($88) 脆鯇腩清鮮甜美，爽口微彈，用大量細碎，大小均勻的生菜絲鋪低 整體來說，食物的選擇很多，食物的質素非常高，食物非常新鮮，食物的份量很多，價錢相對非常合理，店員有良好的服務態度和有禮貌，所以我認為這間餐廳值得再去惠顧…Read More