米走雞Live

Open Now

Now Closed

藥膳湯🍲一端上枱就聞到特別濃烈嘅藥材香味，滋味層次豐富而且回甘唔膩😋一碗落肚滋補又暖胃，口感十分細膩醇厚，凍凍哋嘅天氣食落一啖特別養生☺️澳洲和牛M8肩胛肉眼片🥩肉片色澤鮮豔，油花分佈平均，睇落就好新鮮🤩輕輕喺湯底涮幾秒後，肉片就迅速變熟，呢個時候就可以撈出嚟食喇😋溶化咗嘅油脂同肉汁相融，同藥膳湯底完美結合，入口即溶，口感一流啊！火鍋餃類拼盤🥟有選擇困難症嘅朋友可以揀呢盤餃子拼盤，五款唔同口味嘅餃子都可以食到，皮薄餡多，經過湯底燙熟後口感嫩滑😎最鍾意就係和牛餡嘅餃子，用嘅係高質牛肉，和牛嘅細膩油脂令餃子餡料格外鮮嫩多汁，入口時可以感受到濃郁嘅牛肉香味😌手打鮮蝦丸🦐蝦丸彈牙飽滿，每一啖都可以食到蝦肉嘅鮮甜同紮實嘅口感！用手打嘅製作方式更加有嚼勁，細膩嘅蝦肉同濃郁嘅蝦味，簡直就係火鍋必備👏🏼

之前，我哋一班好友喺呢間火鍋店食嘅時候，覺得佢哋嘅火焰麻辣雞煲好唔錯。嗰陣時唔敢即刻試，諗住留下次再嚟試下，於是今日我哋又嚟咗，嚟試下呢個麻辣煲。當服務員端上呢鍋紅彤彤嘅湯底時，香辣嘅氣息瞬間瀰漫喺空氣中，令我哋都躍躍欲試。入面嘅雞肉沾滿咗香辣湯汁，每一口都感受到辣椒嘅火熱，雞肉本身又好嫩滑，對我嚟講有啲辣，但食得好過癮。為咗搭配呢個濃烈嘅湯底，我哋點咗和牛肉。我哋放牛肉入鍋煮咗之後，每片牛肉都吸滿咗香辣嘅精華，咬落去肉汁四溢，仲感受到麻辣嘅刺激，真係欲罷不能。接著，仲點咗海鮮拼盤，入面有沙白、脆肉鯇片、虎蝦。其中我哋最鍾意嘅係佢哋嘅虎蝦，蝦肉質好緊實，仲帶住天然嘅甜味，配上辛辣嘅湯底，真係太正啦。佢哋嘅花枝片都好唔錯，咬嘅時候好Q彈，口感好爽脆，吸附湯汁後更加鮮美。另外我哋仲點咗佢哋嘅精品拼盤，入面有哈哈蝦中寶、黑松露手打鮮墨丸、竹笙墨魚滑。都非常好食，而我最鍾意嘅係墨魚丸，口感好豐富。另一份黑松露嘅料理——蟹籽魚麵，我都好鍾意。呢道面吸滿湯底嘅麻辣精華，每一口都帶住蟹籽嘅香氣，口感層次分明。最後嘅脆炸哈蝦餅，炸得金黃酥脆，好酥脆。不過我鍾意沾啲麻辣湯食，酥脆帶點麻辣味，好好食。呢餐

又係一日busy day，我係公司忙碌咗成個morning，Lunch就決定同同事約埋去公司附近呢間hot pot，一邊吹水一邊enjoy hot pot lunch set，休息一下。睇咗下個Menu，Lunch Time時間有限，我哋主要點咗幾道classic食材先上枱嘅係沙嗲湯，花生香氣撲鼻而來，湯底嘅顏色一睇就知好濃郁，表面漂浮泛紅ge辣油，未開始就流口水haha放入牛肉係湯裏面滾咗一陣，牛肉片吸收咗沙嗲湯嘅香氣，肉片香嫩多汁，有微微嘅辛香wasabi嘅墨丸手工製丸子，食到墨魚嘅Q彈口感，帶有一絲芥末刺激感，清爽有驚喜bor菠菜豬肉餃都okayy ga，餃皮薄又柔韌，豬肉鮮嫩多汁x菠菜清香，口感豐富Hot Pot嘅氛圍就係適合同同事or老best一起share，呢度食物質素都唔錯架

從來未試過咁有特色嘅火鍋🍲仲有我最鍾意嘅芫荽，真係好鍾意呢度嘅火鍋，偶然聽朋友講起呢間雞煲餐廳，原來仲有火鍋食，抱住嘗試嘅心態就約咗女朋友嚟呢度食午餐，嚟一餐火鍋盛宴🌟芫荽湯入面仲有皮蛋佐料，湯底味道非常鮮濃☺️口味非常扎實，簡直就係我哋芫荽愛好者的天堂佢哋仲有各種高級嘅火鍋料，我哋隨性叫咗幾樣🌟西班牙黑豚真係極品中嘅極品🐖肉質非常滑嫩，仲有普通豬肉冇嘅香氣，油脂分布都幾均勻，最鍾意就係夾住同芫荽一齊食，味道真係一流🌟帶子同金針菇非常正🍄帶子嘅肉富有彈性，獨有嘅鮮味仲好襯芫荽湯底，非常好食🌟手打蝦丸亦都非常之正，可以食出蝦肉嘅鮮味，仲有丸子嘅彈牙，主要係口感真係好滑

前排喺觀塘搵到呢間主打食火鍋同雞煲嘅餐廳，睇住環境都唔錯，就book咗位帶屋企人嚟呢度食午餐。睇咗呢度嘅餐單，感覺特別多選擇，一時之間都唔知食咩好。最後決定要咗花膠湯底，然後仲要咗啲配料。花膠湯鍋睇落去湯色非常濃厚，仲有撲鼻嘅香味，非常惹味，感覺用嚟煮咩都好好食。我哋叫咗雪花牛、海鮮、雜菇。呢度嘅雪花肥牛特別靚，從肉質同色澤嚟睇，都係特別新鮮，尤其係吸收滿湯汁後，牛肉嘅口味更加豐富，花膠同牛肉真係好夾。佢哋嘅花膠湯嘅鮮香最適合用嚟配啲海鮮同雜菇一齊食，口味可以升華，令海鮮同菌菇類獨特嘅香氣更加濃厚。尤其我自己最鍾意佢哋嘅魚肉，非常新鮮之餘，肉質好軟，湯汁一下子就滲透入肉度，非常好食。我哋仲要咗一樽竹蔗茅根，非常解熱，飲咗好清涼。呢度嘅火鍋分量真係足，全家人嚟食都幾飽，絕對係極品。

大姐趁住假期返嚟住幾日，話好掛住呢度嘅食物，就問我哋最近去邊度食嘢。我哋諗咗下，就話帶佢去米走雞食雞煲，順便慶祝佢返嚟。呢度嘅環境同服務員都係一流，仲未食就已經覺得好開心。呢鍋係精心熬煮嘅花膠湯，味道鮮美又唔會膩，花膠食落軟嫩順滑，一口湯一口花膠真係好滋補。而且湯色好清澈，飲落好香甜。丸子拼盤都唔錯，全部係手打嘅，食落好新鮮滑溜，尤其係蝦丸，彈牙有嚼勁，豐富嘅口感喺口中散開，真係好爽！呢度嘅肥牛真係好高級，牛肉上面有雪花般嘅脂肪，好靚。尤其係脂肪溶化嗰陣，牛肉肉質更加鮮嫩，真係頂級享受。至於小食雲吞嘅餡料好飽滿豐富，每一口都可以食到肉料，好juicy。而且份量好足，我哋一人食一個啱啱好。大姐食到讚唔絕口，仲話呢個就係佢一直心心念念嘅味道。

黃金芝士雞煲外表誘人金黃色嘅芝士雞煲，每一塊柔嫩嘅雞肉都同香滑嘅芝士完全融入，令到每一啖雞肉都充滿濃稠順滑嘅質感，又香又好食。之後更加將雞煲變成芝士火鍋，芝士湯散發出濃郁嘅奶香同淡淡的鹹香，啱配搭任何食材。❤ 特級雪花肥牛脂肪同瘦肉交錯均勻，形成雪花般嘅美麗紋理，牛肉切成薄片，肥美嘅油脂喺高溫下微微融化，令口感更加滑嫩細緻，肉質柔軟而多汁，每一啖都充滿濃郁嘅牛肉鮮香同豐富嘅肉汁，令人一試難忘。虎蝦大只虎蝦蝦殼晶瑩剔透，色澤鮮亮。煮熟後嘅蝦殼微微泛紅，肉質緊實彈牙，帶住嘅海水甘甜。咬落一啖，Q彈嘅蝦肉充滿鮮甜嘅汁水，細緻而有嚼勁。鵝腸外觀修長細緻，色澤潔白透亮，帶住一種嫩脆質感。入口時，脆嫩爽口，帶住微微嘅甘甜同淡淡的油脂香，每一啖都充滿彈牙嘅嚼勁，吸收湯底後更添鮮香，令人回味無窮。

今次去咗「米走雞」打邊爐，試咗佢哋嘅蕃茄薯仔湯底，真係有驚喜！一上枱已經見到湯底好足料，蕃茄味好濃郁，仲有大大舊薯仔，煮到軟淋淋，入口即化～湯底酸酸甜甜，好開胃，飲一啖已經覺得好滿足，完全唔會覺得膩。😋🥬菠菜餃子呢個餃子真係好特別！皮薄餡多，菠菜同豬肉嘅比例啱啱好，食落去好清新，完全唔會覺得油膩～煮完之後餃子吸咗蕃茄湯底嘅精華，味道更加豐富，真係一個接一個停唔到口！🐑羊肉片，羊肉片切得薄薄哋，輕輕涮幾秒就已經熟透～羊肉嘅羶味唔會太重，反而帶點香草嘅香氣，肉質好嫩滑，配埋蕃茄湯底，酸酸哋嘅味道中和咗羊肉嘅油膩感，食落去好舒服！🍡黑松露手打鮮墨丸呢個真係全場MVP！手打墨丸口感彈牙到不得了，黑松露嘅香氣好突出，每一啖都充滿松露嘅香味，同墨魚嘅鮮味完美結合，真係食到唔捨得停口～

前幾日同同事去咗米走雞食午餐，呢間餐廳係觀塘嘅興業街，裝潢都幾有特色，唔會太複雜。今次嚟，主要就係想試吓佢哋嘅藥膳湯同啲招牌菜。首先係藥膳湯，湯底係清湯，味道好濃，帶有一啲草藥香味，飲落去幾暖胃，冇油膩感。跟住就嚟霜降Prime牛板腱，牛肉質地唔錯，肉質好嫩滑，冇太多油脂，咬落去有啲韌性，但唔會過硬。牛肉本身鮮味十足，搭埋啲醬汁真係幾好食。再嚟講返雲吞，雲吞皮薄餡多，唔會太硬或者太軟，肉餡唔會太鹹，啱啱好。最後就係五香牛肉，香味適中，唔會過強，牛肉切得唔錯，嫩滑。午餐食得幾開心，食材新鮮，唔會太重口味，啱啱好啱同事聚餐。餐後大家都話可以再試返其他菜式。而且餐廳嘅氛圍都幾輕鬆，適合同同事傾計，食個開心飯🍽

今晚dinner嚟食我經常嚟嘅火鍋雞煲店💯.🔥我哋揀咗藥膳湯🥣🍲藥膳湯味道一開始比較淡，但越煮越濃郁，藥材味亦都好足，會一直想繼續飲個湯底。.🔥配料方面，非常推薦：✨青花椒牛舌👅搭配足夠量嘅青花椒香，係正(///▽///)每一啖咬落去，牛脷嘅鮮嫩同口感嘅爽脆完美結合，而青花椒嘅味道就喺口中蔓延開嚟，口感啱啱好，又脆又嫩，搭配藥膳湯一齊，可以配多3碗大米飯.✨日本鮮帶子🌊厚身而嫩口，味道唔錯，好吸湯。.✨五香鮮牛肉🐮鮮切嘅牛肉～新鮮程度肉眼可見😶‍🌫️涮出嚟嘅口感都好好，涮到8sec變色就食，搭配各種秘製嘅醬汁，再加啲芹菜粒，係最好食😋

生日嗰日我揀咗呢間火鍋餐廳慶祝，準備以豐盛嘅火鍋嚟慶祝呢個特別嘅日子。一入到去，撲鼻而嚟嘅係濃郁嘅湯底香味，令我好期待。我叫咗花膠湯做湯底，湯色清澈，透住一股香濃嘅骨膠原香味。第一啖湯飲落去，口感溫潤滑順，滋補而不油膩，令人瞬間暖意十足。跟住係手切霜降牛頸脊，薄薄嘅牛肉片帶住大理石般嘅油花，放入滾燙嘅花膠湯入面烚熟後，牛肉吸收咗湯汁嘅精華，鮮嫩多汁嘅口感，唔單止有滿滿嘅牛肉香味，仲有花膠湯嘅鮮香味，真係令人無法抗拒嘅美味。雲吞都係呢間餐廳嘅一大亮點，餡料紮實飽滿，外皮薄而彈韌。烚熟後一啖咬落去，鮮美嘅湯汁喺口入面散開嚟，每一啖都食到肉餡嘅美味。而手打鮮墨丸就係令我印象深刻，Q彈嘅墨魚丸咬落去有鮮明嘅彈牙感，仲帶住新鮮嘅海鮮味，真係好美味。

位於觀塘興業街嘅一間火鍋餐廳，係美食愛好者嘅熱門選擇，以高品質食材同精緻湯底聞名。我同朋友經常一齊去呢度享用美味嘅火鍋盛宴。 特別推薦呢間店自製嘅【藥膳湯】作為湯底，呢款湯清香濃郁，散發住淡淡嘅中藥香氣，冷冷嘅天氣飲一口，十分暖胃。呢度嘅【特級雪花肥牛】都好推薦，肉片紋理分明，油脂分布均勻，食落去滑嫩多汁，鍾意食牛肉嘅朋友必選嘅火鍋食材。 每顆【沙白蜆】都新鮮飽滿，放入湯中煮熟後，沙白蜆嘅鮮甜味融入湯底，為整鍋火鍋增添咗整體嘅鮮味。最後仲推薦呢度嘅【藍檸檬梳打】，梳打味道酸甜清爽，帶住微微嘅氣泡感，解膩必備嘅飲品。呢間餐廳真係絕對值得再嚟，不僅食材種類繁多，每種食材都十分新鮮同高質素，係同家人朋友聚會嘅好地方。

今日下午約咗男朋友一齊去食米走雞，因為佢最近成日話想飲湯，啱啱附近呢間餐廳嘅湯底唔錯，就帶佢嚟試下。佢開心咁揀咗卜卜蜆鍋，湯底香甜鮮美，蜆肉又肥美，熱辣辣飲真係好香。仲有蒜蓉做調料，飲起來更加香濃。豬肉涮入卜卜蜆湯裡面，好有滋味，食落滑嫩十足，仲有啲彈牙，多層次嘅口感，好享受！因為卜卜蜆鍋真係好好味，我哋就多叫咗沙白蜆肉，每隻沙白蜆都大大隻，新鮮又多汁。份量好多，兩個人食一盤啱啱好。至於鵝腸都好新鮮，香噴噴，食落更加香！鵝腸食落爽脆，仲有啲彈牙，我越咬越爽口。男朋友平時唔食內臟，所以畀我一個人食曬呢道美食。仲有粟米，粒粒飽滿，口感脆甜，仲帶有淡淡嘅香味，係一道清新可口嘅美食。加入卜卜蜆鍋真係好啱，令湯底更加甜美，飲落更加入味。男朋友食到停唔落，今日嘅約會真係好開心❤️

早幾星期先至同鄰居夜晚打完邊爐，估唔到屋企人話飲茶最後又揀咗呢一間。咁岩有個機會試埋佢個午市。一入到黎都幾驚訝，竟然全場爆滿，啲staff話一定要試吓佢哋既火焰麻辣雞煲。一上枱，侍應現場點燃，火焰騰起，氣氛非常好。麻辣湯底香氣四溢🔥菠菜豬肉餃：餃子係麻辣湯入面煮過後，外皮吸晒湯汁，變得好滑嫩。餡料入面菠菜既清香同豬肉既鮮美完美融合，清新中和咗麻辣既刺激。每一啖都能夠感受到餃子既多層次口感，意外地夾！Prime牛板腱：呢度既牛肉片帶油花，質感細膩。放入麻辣湯入面淥幾秒，牛肉吸收咗辛香既湯底。肉片既嫩滑同湯底既麻辣，真係會忍唔住想再叫多盤，非常過癮。鮮墨丸：墨丸彈牙有咬感，內餡鮮嫩多汁。墨魚既鮮味係麻辣湯底入面更加突出，每一啖都能夠食到墨魚既鮮甜同湯底既辛辣，都好彈牙！幾出色😍

喺觀塘站行一段好短嘅路程，就去到呢間高質又抵食嘅火鍋雞煲店，佢哋提供嘅食物嘅款式好多，而且員工服務態度又好好🍲湯底：蕃茄薯仔湯底呢個湯底好夠蕃茄味，而薯仔嘅軟林林口感令成個湯底更加有層次。飲完呢個酸甜度適中嘅湯之後超級開胃。配料推薦：1. 特級雪花肥牛🐮必嗌配料之一。肥牛切得夠薄又均勻，啲脂肪分佈得啱啱好。輕輕碌幾秒，肉質鮮嫩又多汁，配搭埋蕃茄薯仔湯底，味道就更加鮮味。2. 菠菜豬肉餃🐷呢個係我嘅最愛😍餃子皮薄而且非常彈牙，入面餡料非常飽滿。菠菜嘅清香同豬肉嘅鮮甜非常之夾，煮熟後嘅餃子又吸晒啲湯汁。好好味！3. 黑松露蟹籽魚麵🦀呢個係特色配料之一。啲麵非常爽口彈牙，又非常勁嘅黑松露嘅香味，啲蟹籽又喺口入面爆開，好滿足😌一吓就被大家KO晒