泰濃麵 (樂道)

Open Now

Now Closed

放工約了友人食飯，大家就腳之下到尖沙咀食，凍凍地想食粉麵，係IG見到有間泰濃麵幾正就試下，平日食飯時段7點幾都幾多人要排隊，等左10分鐘到有位。餐廳不論裝潢及格局都似港式，只係牆上掛有關於泰國船麵嘅相。餐牌。香茅班蘭梳打，$29，香茅味清新醒神，爽。頂級安格斯牛肉船麵，$94。都幾大碗，湯底味道香濃，微微的辛辣帶鮮甜，要了薯粉，口感煙韌又入味，內有牛肉、魚蛋、炸豬皮及蘿蔔等，份量十足，牛肉軟腍，炸豬皮脆口，十分豐富。泰式炸蝦餅，$49，有3件，口感香脆彈牙，醮上泰式辣醬酸甜辣好惹味。食物味道不俗，有機再戰。

泰濃麵系isquare隔離 地點方便 岩曬行完街街既我地 可以輕食一餐👫🏻🚤 雞髀肉船麵 $72船麵湯底味道濃郁 食完吾口渴 零味精另外湯底仲可以簡冬蔭功 清湯麵質又有多款簡 岩曬自己口味🥰雞髀肉切細左 一口size 肉嫩麵上仲有啲魚蛋 豬油渣🐥 泰式海南雞飯 $69份量都吾錯有層雞🤪雞翼滑溜 而雞胸有咬口油飯幾香🦐 泰式炸蝦餅 $49呢個有驚喜 新鮮炸好 熱辣辣 脆卜卜蝦肉好膠身彈牙 啖啖蝦膠 加埋泰式辣醬 大滿足☺️🍹 泰式龍眼冰特飲 $28💭餐廳食物吾錯 價錢合理 地點又方便 可以簡單食返餐👏🏼

久唔久都會想食返碗泰式船粉，今次就來到呢間位於尖沙咀嘅泰濃麵，店內裝修充滿泰國風情，呢到主打正宗泰北風味嘅船麵，每碗船麵都可以按照個人喜好簡完餸之後，湯底同埋麵底亦可以自由配搭，非常之flexible～日本廣島蠔湯飯💰HK$99呢碗湯底簡咗船湯，湯底味道正宗，飲落口係帶有少少藥材味同胡椒味嘅牛肉濃湯！廣島蠔份量頗多，足足有4隻大大隻，另外仲有兩粒魚蛋、秋葵、炸豬皮！由泰式湯底整出來嘅湯飯，估唔到味道原來都好正～頂級安格斯牛肉金邊粉💰HK$92呢碗就揀咗酸辣惹味嘅冬陰功湯！安格斯牛肉脂肪比例較少，肉質嫩滑！另外冬陰功湯嘅湯料仲有青口、蝦、蟹棒等等，金邊粉偏扁身掛湯能力高，同冬陰功湯簡直係絕配～泰式炸蝦餅💰HK$49即叫即炸，蝦餅外層炸到金黃香脆，入面嘅蝦餅肉非常之彈牙，點埋泰式辣醬，味道一流！旁邊仲有埋兩大塊蝦片添～飲品就叫咗罐裝可樂～

上次已經黎食過泰濃麵，今次再encore，試埋佢地既主冬陰功湯本身諗住佢地主打船麵，冇諗過原來冬陰功湯都係隱藏MVP🤩  #eateateatin尖沙咀   1️⃣日本廣島蠔船湯薯粉（$99） 配料有炸豬皮、魚蛋、蘿蔔、炸蒜、秋葵。另外廣島蠔好大粒！有四粒，好鮮味～船湯好深色，飲落都好濃郁，而且唔會死鹹，帶少少鮮甜味。薯粉煙韌彈牙。  2️⃣卜卜蜆冬陰功湯金邊粉（$92） 冬陰功湯底既配料同船湯既唔同，有新鮮既蝦、秀珍菇同埋芫茜，湯底酸酸辣辣，呢幾日天氣突然凍翻食就啱曬😌卜卜蜆好大粒，而且都鮮甜👍  3⃣️炸芝士雲吞（$42） 炸得好香脆！特別係個邊邊位！中間包住芝士🧀️點埋泰式酸辣醬好好食。  4⃣️泰式炸蝦餅（$49） 炸蝦餅好似冬甩咁既樣，食落係好香而且都夠厚。配上炸蝦片都一樣係好好食😋

自從上次食完之後，就對佢個湯底念念不忘，喺尖沙咀區嚟講，價錢又相宜，質素又中上，所以我哋不知不覺變咗我哋嘅飯堂之一😂頂級安格斯牛肉船湯金邊粉 $92湯底依舊濃郁，有陣陣肉香同輕微藥材味，配料亦相當給力，有魚蛋，炸豬皮蘿蔔等等，金邊粉吸收咗湯底嘅精華，香滑入味，而安格斯牛肉嫩重牛味，再加埋個湯底，相得益彰🫶🏻煙鴨胸船湯薯粉 $72嚟咁多次都未試過食鴨胸😂 鴨胸個Sɪᴢᴇ都幾大，有5大片，味道係平時一般食到鴨胸嘅味道，薯粉係屬幼身款，而且彈牙又唔難咬斷👍🏻泰式炸腩仔 $88今次炸腩仔相對薄身，但又有唔同嘅口感，食落似炸咗嘅豬頸肉，非常香脆惹味，送酒一流🥴泰式炸蝦餅 $49一共三大圈，仲有蝦片做伴碟，蝦餅炸到脆卜卜，口感唔係話去到好彈牙果隻，但就十分扎實，係滿滿嘅蝦肉啊😍除咗之前講嘅優點外，最抵死係佢啲嘢食都算偏重口味，但食完你又真係唔會口渴，所以真係食多啲都唔怕啊😚

🙋🏻‍♂️餓底探員今日去咗尖沙咀調查呢間船麵店，一到餐廳已經見到大排長龍，等咗一輪先可以入座，餐廳主打船麵，麵同湯底都可以自行配搭，另有多款泰式小食同飲品供應，想一解思鄉之愁呢度係個唔錯嘅選擇🥩頂級安格斯牛肉船麵 $92📸表示呢個安格斯牛肉配上黃麵同船湯，仲有魚蛋，蘿蔔，炸豬皮，秋葵等配菜，大大碗，好吸引🙋🏻‍♂️表示個船湯香濃，黃麵彈牙，安格斯牛肉口感軟諗，好香牛味🐖黑豚肉船麵 $72📸表示呢個黑豚肉配上金邊粉同船湯，同樣有魚蛋，蘿蔔，炸豬皮，秋葵等配菜，黑豚肉份量好多，足料豐富🙋🏻‍♂️表示個黑豚肉肉質爽口，金邊粉吸收咗船湯嘅精華，食落好入味🍤泰式炸蝦餅 $49📸表示呢個炸蝦餅一圈圈咁放好，旁邊仲有蝦片伴碟，配埋泰式甜酸醬，睇見都流口水🙋🏻‍♂️表示個炸蝦餅炸到香脆，食落鮮甜，口感彈牙，蝦片炸到脆卜卜，食落香口🍹泰式香茅班蘭梳打｜泰式龍眼冰梳打 (跟餐特飲+$18)📸表示兩杯梳打都好大杯，睇見都透心涼🙋🏻‍♂️表示杯香茅班蘭梳打香茅味好濃，加埋班蘭嘅清香，飲落好fresh，龍眼冰飲落清甜，杯底有好多龍眼肉，兩杯特飲都充滿泰式風味📈吃貨指數😋好味度 8/10🔙返啅度 8/10

🍜🍜🍤餐廳名: 泰濃麵 地區: 尖沙咀評語:卜卜蜆船湯湯麵 HK$89 - 蜆好大隻 好鮮味爽口 湯算濃 羅白好淋 秋葵都新鮮 豬皮脆但要趁快食 湯底正常同有啲蜆鮮味煙鴨胸船湯湯麵 HK$69 - 煙鴨胸唔太鹹 肉質OK 湯就再基本啲泰式炸蝦餅 HK$49 - 脆炸皮 蝦肉好爽口 大大舊結論: 尖沙咀鋪位唔大 座位正常偏細乾淨 價錢同質素成正比 整體OK@siam.noodles#尖沙咀美食 #尖沙咀#香港美食 #香港餐廳 #情侶餐廳 #情侶飲食 #幫你食 #couplehelpyoueat #couplehelpyoue #helpyoueat #hongkong #hkfoodie

平時食泰式船麵來來去去都係得豬牛雞，呢間有海鮮揀，有卜卜蜆、廣島蠔，想食豪啲仲有原隻波士頓龍蝦。湯底可以揀船湯、冬陰公湯或清湯，比其他船麵店更多選擇。除咗船麵，亦有多款泰式小食。冬陰公卜卜蜆河粉賣相靚，卜卜蜆比想像中大隻，隻隻鮮甜無沙。除咗蜆仲有蝦、青口同蟹柳，好豐富冬陰公湯少辣帶微酸，唔會太重口味河粉爽滑唔會一夾起就斷。頂級安格斯牛肉金邊粉(船湯)，牛肉片生熟程度啱啱好，牛肉味濃郁。船湯香料味道突出但唔會過份油膩配料有魚蛋、炸豬皮、秋葵同白蘿蔔。泰式炸蝦餅一份有三件，新鮮炸起嘅蝦餅表面脆，內裡爽彈有粒粒蝦肉泰式青檸梳打特飲用上原枝泰國梳打水，落單時嗌咗少冰，青檸汁有成半杯咁多，溝埋梳打水味道酸酸甜甜好清新，好適合夏天飲總括嚟講食物質素幾好，份量唔少，兩個人食兩碗麵加一個小食都好夠飽，而且價錢合理。

喺尖沙咀嘅鬧市之中，竟然零零舍舍有一間食泰國🇹🇭粉麵嘅舖頭wor😋佢嘅湯底夠濃之餘，d食材重夠晒豐富♥️食物《泰濃麵》主打唔同配料嘅泰式湯粉，例如：美國肥牛、和牛、卜卜蜆同埋波士頓龍蝦🦞大家可以揀要船湯、冬陰功湯🥣或者清湯。至於麵底都有幾種選擇芫荽山 $82朋友就揀咗呢碗芫荽山薯粉配冬陰功湯🤭佢嘅芫荽真係多到太誇張啦😂😂所以我哋決定share嚟食💕食完晒d芫荽，我哋先見到入面有青口啦，蝦🦐啦，同蟹柳（真係好似搵緊寶藏🏴‍☠️咁🤣）講返佢個湯底先，個冬陰功湯酸酸辣辣咁，但我相信唔係好食得辣嘅人，應該都可以食到👍🏾頂級美國肥牛配船湯 $72我就覺得佢嘅船湯比起冬陰功湯更加出色，因為佢夠晒濃味👅好好好食🤤而碗麵除咗有肥牛之外，仲有唔少卜卜脆嘅豬皮♥️超正泰式炸蝦餅 $49我哋重叫咗個炸蝦餅，呢個蝦餅都相當唔錯👍🏾因為佢夠晒大嚿同埋彈牙🦷最重要係……即叫即炸💖而側面重有我最鍾意食嘅蝦🍤片tim 🤪泰式香茅斑蘭梳打特飲 $28我好推介大家叫呢杯特飲，因為佢唔太甜之外，香茅同斑蘭味都好出😎好特別，我好似喺其他地方都未飲過😆鍾意❤️食船麵嘅朋友，唔知又有冇試過尖沙咀呢間《泰濃麵》呢？

 第N次食「泰濃麵」～點解成日都揀「泰濃麵」？因為在尖沙咀食粉麵黎講，確實係相當經濟實惠嘅好選擇，食物又keep得住水準！ 🌟推薦❗️卜卜蜆冬陰功湯薯粉（$88）一碗有5隻好似半個拳頭咁大嘅蜆，肉質鮮甜，😍冇諗過卜卜蜆同冬陰功湯咁match！冬陰功湯底酸酸辣辣，仲有好多海鮮配料如青口、蝦、蟹柳、菇菌等，好足料！👏🏻薯粉幼身，口感幾煙韌～牛肉有美國肥牛、安格斯牛肉、飛驒和牛三種選擇，性價比最高嘅一定係頂級安格斯牛肉！🌟推薦❗️頂級安格斯牛肉冬陰功湯金邊粉（$88）冬陰功湯底一如既往的好，金邊粉香滑，比薯粉更吸湯，安格斯牛肉比美國肥牛肉肉質更香更有嚼勁，果然一分錢一分貨！鍾意食小食嘅小妹點會放過食小食嘅每個機會呀！😂😂🌟推薦❗️泰式炸蝦餅（$38）一客有三件，份量都算合理，蝦餅即叫即炸，外皮炸得香脆，蝦膠又夠口感爽彈，蘸上泰式辣醬，惹味！

終於過去地獄式直踩六個上班工作日, 放工有種解脫感覺, 即時同朋友食個lunch relax下!去左尖沙咀一間泰式粉麵餐廳, 六點前免加一服務費, 特別多食客幫襯Menu上除左粉麵類, 更有少量泰式小食、飲品選擇,粉麵一般都係$68就有交易, 自選湯底、粉麵我地都同樣揀左船湯, 呢款湯底係其他餐廳較為少見, 當然吸引一試!【頂級安格斯牛肉】HK$68 (自選: 河粉)生牛肉佈面, 以熱辣辣湯底慢慢浸熟, 牛肉嫩滑, 薄薄的更易索到少少湯底味道, 船湯味道甜甜地, 湯麵都有跟可索湯既泰式炸豬皮同埋彈牙魚蛋, 好味又滿足! 粉麵可加錢再加配飲品 +$18 配特飲【泰式碟豆花特飲】少少甜 【黑豚肉】HK$68黑豚肉肉質嫩, keep到原汁原味肉汁, 索左少少湯底, 食落唔會太乾。【泰式鳳爪】HK$48去骨鳳爪連埋軟筋同時入口, 口感很爽, 酸酸辣辣, 惹味又開胃 【泰式炸蝦餅】HK$38炸得金黃香脆, 略帶彈牙, 食到鮮甜蝦味

我哋一班死佬嘅「死佬飯局」因種種原因已經好長時間無搞過，但間唔時都會約個別死佬出嚟聚一聚，近日疫情又緩和好多，就約咗老死阿Fat食餐泰式粉麵，因為大家都未試過，幾間心水嘅就揀咗「泰濃麵」，始終尖沙咀都就到大家。若非牆上掛咗好多泰式美食，以及一大張船麵艇家嘅相，單喺卡位、小圓枱、格仔地磚，話佢喺茶記都有人信，加埋餐具、紙巾都放晌枱邊下嘅暗櫃，跟足茶記設定啦。而整體，環境都好乾淨企理，此外，枱上有消毒搓手液，一坐低，店員又會幫手將餐具放入熱水中消毒，算喺有誠意。其實早前睇啲飲食雜誌都有介紹過泰式嘅「船麵」，喺加入豬血做湯底的濃味湯粉，由移居泰國，晌水上市場工作嘅潮州人所創，多數晌艇上食，故專登做成細細碗，防止倒瀉，可謂泰國廉價地道美味，喺勞動階層嘅恩物。而墊餐紙同時亦喺餐牌，一眼睇晒有咩食，如各款泰式粉麵、小食、飲品，可惜，甜品當晚無供應。而枱上有啲調味醬供自由取用，不過，小弟就覺得啲粉麵夠晒味，基本上唔需要點用！泰式香茅班蘭梳打特飲 $28先上一杯由香茅跟班蘭煮成嘅「汁底」，再附上一枝泰國樽裝梳打水，睇見都覺得夠晒天然，唔喺啲糖水、人工糖漿做出嚟嘅味。入口啲梳打水嘅汽唔會好強，而香茅味較

📍 泰濃麵 呢間船都係小編已經食過好多次，成日對佢既船湯金邊粉念念不忘，今日特登介紹一下-肥牛船河金邊粉 $68湯底好濃唔似有落味精，係落左香茅、青檸、花椒、八角、胡椒等材料，仲有三至四種泰式秘密香料，再加豬血同30斤豬骨熬出黎，難怪咁正宗又濃郁。仲有炸豬皮、蘿蔔、魚蛋，秋葵為配料！用魚蛋唔係貢丸做配料真係好得意，但魚蛋都好好食，好彈牙，炸豬皮好脆好香口，肥牛食落好腍，金邊粉都煮得好好，唔會太稔，真係好好食。下午茶時間去仲抵食架!-泰式炸蝦餅 $39即叫即炸，入口熱辣辣，好彈牙好有蝦味！仲有蝦片附上，好脆好香口。簡直冇得彈！-地址： 尖沙咀樂道7號嘉樂大廈地下A舖-推介指數👍🏻👍🏻👍🏻👍🏻抵食指數👍🏻👍🏻👍🏻👍(5個👍🏻為滿分)

朋友忽然心血來潮，話想食船麵，結果搵到尖沙咀呢間人氣泰麵館。由於我本身唔太好船湯，所以點左冬陰公湯底。雞髀肉薯粉冬陰公湯底 $68冬陰公湯夠酸又夠辣，雖然係鹹左少少，但幾乎成碗比我飲哂!! 唔好睇佢碗細細，原來個麵底都唔少，不過薯粉煮耐左少少，唔夠彈牙；配料亦幾豐富，除左雞髀肉之外，仲有一隻大蝦、青口、蟹柳同埋一D秀珍菇；雞髀肉比較鞋，大蝦彈牙，整體唔錯。頂級美國肥牛黃麵船湯底 $68配料雖然唔及冬陰公既多，除左肥牛外，只有2粒白魚蛋、白蘿蔔同一D脆豬皮，不過勝在湯底濃郁又夠杰身；肥牛唔算好肥，而且幾有牛味，加上食果陣只係半熟，一D都唔韌，食得過。泰式炸蝦餅 $38朋友中意食蝦餅，所以特登點左個比佢解解癮。由於蝦餅新鮮炸出，職員細心提醒小心辣口；蝦餅厚身、彈牙、有蝦味，可以一試。係店內短短半小時，聽到之後入黎既食客都係點冬陰公湯底為主，我同朋友都一致認為，呢度既冬陰公湯底較為出色。

自從半年前在曼谷吃過後就很想再吃，可惜香港還不算十分盛行。在i-square 旁的樂道，以平民食肆為主，其中一間主打泰國船麪 - 泰濃麪。除了船湯，也有清湯和冬陰公湯揀；粉麪底都有五個選擇 - 河粉、金邊粉、薯粉、黃麪和湯飯。在泰國食船麪，會是細細碗；這舖就變成大大碗，可以一次過食飽飽。裝修方面有點懷舊，尤其是紙皮石的地板，更添感覺。黑豚肉清湯 配金邊粉（$68）當日男友有少少作感冒，所以叫咗碗清湯。除了豚肉，仲有魚蛋（打得唔實又彈牙）、蘿蔔和秋葵。薄薄的黑豚肉容易咬開肉腍，不錯。頂級安格斯牛肉船湯配金邊粉 ($88)船湯很深色，非常香濃，而且肉味都幾明顯。牛肉上枱時還有少少紅，不過湯夠哂熱，鍾意熟d燙多陣就全熟。 牛肉肉味夠濃，有咬口不過唔靱。除咗魚蛋、蘿蔔同秋葵，仲有炸豬皮 (Q彈Q彈)。泰式炸蝦餅 ($38)蝦餅有三件，炸得唔太油膩，蝦餅中間有個洞仔，外形有D似冬甩XD  非常厚身彈牙，厚到似壓扁咗既大蝦丸~另外有兩塊蝦片亦好脆!泰式香茅班蘭梳打特飲 ($28)見到呢款飲品感覺好特別就叫咗。香茅班蘭+糖水一杯，梳打水一瓶分開上。將梳打水倒落杯第一口香茅班蘭味好出，非常清涼的感覺!