六福菜館

Open Now

Now Closed

講起米芝蓮食肆都有好多選擇性美食，首選一定會係海鮮，原因好簡單除了食到海鮮嘅鮮味之餘，仲可以睇到廚師廚技，再次提升食材層次感，今次又到咗西貢碼頭呢條海鮮街品嚐一餐海鮮盛宴目標餐室當然係連續多年獲得米芝蓮一星六福菜館，係西貢區食海鮮應該數一數二嘅星級菜館，係餐單上除了有多款時令海鮮菜式，仲有其他獨特美食，可以俾大家一次過享受晒先來係必飲西貢地道魚湯$248，一入口已知魚湯用料十足，味道鮮到極點就不用說，而且口感好滑溜又滋潤，飲一碗真係未必夠喉美食逐一開始，再來係椒鹽焗大連鮮鮑魚，6隻$570連加工費$135，一定趁佢熱辣辣咁食焗得時間適中，肉質鮮軟之餘，size都有返咁上下份量，口感更豐富又惹味唔少得有自家招牌菜式椒鹽奇脆豆腐$120，睇落好似普普通通，但食落你會發覺香脆之餘，仲食到豆腐嘅滑溜質感輪到有藥膳辣酒煮花螺（例）小辣$298，上枱已聞到嗰浸藥膳味，表面上已見湯汁被花螺吸收晒精華，一邊食住花螺鮮甜肉質，仲可以試飲下藥膳湯味道有酒香又有藥材仲帶有少少辣味最後食埋呢個飯係西貢艇仔蒸飯$388，食完呢個飯後包你唔係到處食得到咁好味煲仔飯，材料夠豐富有銀魚仔、臘腸、蝦乾，乾魷魚等，配芫荽

平時都會買海鮮再到酒樓加工開餐，今次同事介紹六福，話係非一般食海鮮，所以入西貢試一試，驚喜發現👍🏻。今次直接叫4人餐，唔洗花時間買海鮮，坐低無幾耐就食得。椒鹽奇趣豆腐 - 係招牌小食，的確炸得出色，皮薄之餘，外脆內滑。薑蔥炒蟶子皇- 蟶子炒落足料，每人最少食三件。而且薑蔥味好香，比起豉椒炒味道更夾。天婦羅桶蠔生菜包 - 呢度每一道菜都有心思，加左生菜真係減低油膩之餘再多口感。而且蠔既size算得上珍寶，內裡juicy。椒鹽焗鮑魚 - 鮑魚肉厚，味道偏淡d，但有少少酥炸鮑魚裙邊，邊位好食。上湯焗龍蝦，加芝士轉炒飯底 - 炒飯一定要試，比起平時的伊麵底更驚喜，炒飯夠乾身又有蛋香，加埋龍蝦芝士汁，絕對唔比龍蝦輸蝕。而且當日有南澳龍蝦，所以轉左，肉質彈牙啖啖肉、份量相當多。仲有菠蘿生炒骨同米湯浸時蔬，生炒骨偏向酸甜開胃，而米湯浸時蔬就清甜淡口。椰青大菜糕 - 係由泰藉姐姐親手整，食得出係用新鮮椰青水整既清甜，藍色加左蝶豆花去調色，味道只有少少分別。口感爽彈，好食～

香港探店，一早聽聞西貢有間米芝蓮海鮮食府，今日終於相約閨蜜去聚聚。店員好細心講解今日有什麼靚海鮮，怎樣烹調最好，服務態度一流👍🏻我地聽店員講今日龍蝦好新鮮，於是點了來試：🥢薑米龍蝦炒球一上檯視覺上已經好震撼，整個龍蝦活現在碟上。新鮮的龍蝦肉，搭配薑絲經過炒熟而成。這道菜的獨特之處在於薑的香氣口感，以及鮮嫩的龍蝦肉。薑的辛辣和香味可以提升整道菜的風味。另外，將餘下龍蝦肉炒飯，加入芝士。龍蝦肉的鮮甜與芝士香濃融合在一起。使得炒飯豐富多樣。🥢豉椒蟶子-肉質鮮嫩彈牙，新鮮蟶子與豉椒調味恰到好處，烹調時間掌握得宜，使蟶子保持最佳口感及鮮度，令人回味無窮。🥢白灼赤米蝦-赤米蝦含有豐富蛋白質，白灼會突顯到肉質鮮美，味道鮮甜，體型雖然比較細，但比一般蝦鮮。🥢椒鹽奇趣豆腐-豆腐外皮炸到又薄又脆，椒鹽味道啱啱好，豆腐入面好滑嫩，沾上醋好味無比。🥢鹽蒸油臘魚-鹽蒸的烹調方法，使魚肉更鮮嫩多汁，提升其天然的鮮味。這些魚夠新鮮，才能用弄得這麼鮮甜👍🏻🥢蜜糖骨-必食推介，蜜糖賦予肉骨一層香甜的外觀，內裏肉質嫩滑，又有juice肉汁，包保你能垂涎三尺。🥢醋炒芥蘭芯-醋酸酸甜甜，能帶出芥蘭的甜味，芥蘭搣去外層，餘下最

一家人5人難得嚟西貢，首選一定去六福飲茶食下海鮮，除咗佢得到米芝蓮外，仲有2道我至愛必點菜式！六福門面好細，地下果層只有一枱....我想係for takeaway 為主，次次堂食都要上2或3樓....店內比一般酒樓decent 啲~ 整體感覺高檔少少及衛生，想幽靜啲同屋企人飲個茶必選呢度! 屋企人好鍾意魚湯，侍應向我們介紹一道地貢地道魚湯...我們即刻要一個大既，嘩~果然鮮甜好滋潤，一啲都唔腥，我地每人都飲咗起碼2碗，飲完個胃暖曬 跟住就嚟我既至愛 "椒鹽奇趣豆腐" 及 "蜜糖雞翼"，呢兩道菜可以係全香港我覺得最好味既 ~!!豆腐外皮炸到又薄又脆，椒鹽味道啱啱好，裡面豆腐好滑嫩，沾上醋簡直perfect，絕對係屋企整唔到!! 而蜜糖雞翼一上枱時係熱到辣口的，香濃蜜糖加芝麻既外皮，入面雞肉又入味，成隻雞翼都炸到脹卜卜咁，好正!!   我爸媽比較愛叫海鮮，叫咗個蟶子及開邊蝦俾佢地，蟶子都夠鑊氣，不過味道及蟶子質感差少少。 蒜茸半邊蝦，啲蝦都幾鮮甜，整得幾乾淨無蝦腸果啲，鋪滿蒜茸及葱，好惹味!! 可以一試~下次要試下油鹽水花甲及鮑魚先~