利星火鍋海鮮小炒

Open Now

Now Closed

港式大排檔熱炒最高！食客表示：大排檔價錢，私房菜水準。招牌鎮江骨必須要點；椒鹽九肚魚酥脆無比；西蘭花蝦球爽彈鮮甜；有錢佬炒飯好大堆頭，滿佈炸瑤柱、鮮帶子、大蝦仁（就係加入海鮮嘅豪華版瑤柱蛋白炒飯）。強烈推薦！One of the best Dai Pai Dongs in Hong Kong you ought to visit. On our table: scrumptious vinegar braised spare ribs; rich men fried rice with fresh scallops, prawns and fried dried scallop floss; fabulously deep fried Bombay ducks; and succulent prawns & broccoli. Ended the night with a frizzy can of lemon cola. Cheers!

之前係Youtube 見名廚Ricky介紹，見到好似幾吸引，之後終於約左朋友去食。一出地鐵站就係，非常方便。我地之前book左位，不過就安排左一個角落位，頭頂咁岩係抽氣扇位，吹晒D熱風出黎，因為太熱，所以同伙計要求換枱，伙計二話不說幫我換枱，態度值得一讚，係唯獨有個大叔唔知係聽覺差定係本身慢活，要叫好多次先聽到。D 小炒水平冇令人失望，個招牌冰梅欖角骨好惹味，杏汁豬肺湯好夠味，冇畀杏汁搶晒D肉味，椒鹽九肚魚炸皮上枱時依然脆口，炒蜆冇沙多肉，個啫啫唐生菜煲八面更附送了兩隻蝦。唯一缺點就係環境太迫太嘈，枱與枱之間好迫，果晚咁岩隔離大枱坐左十人慶生，聲浪太大，我同朋友完全傾唔到計。不過整體係性價比高既，不妨一試。

4個女仔約去深水埗搵好嘢食，朋友力推呢間，我一直以為係打邊爐，去到先知原來係食小菜😅 餐廳鋪面唔係好大，但係環境好乾淨，我哋四個人坐圓枱，好闊落，叫多幾碟野食都唔怕🤭招牌芋香卷 ⭐️⭐️⭐️⭐️朋友係為咗芋香卷嚟呢度，不斷推介我地一定要試！大大舊芋頭表面炸到脆卜卜，沾上隨碟嘅酸甜汁，咬落粉粉地但又好香口，鍾意食芋頭一定要試吓👍🏻乾隆生菜包 ⭐️⭐️⭐️⭐️⭐️食法同泰式生菜包一樣，入面嘅肉係豬肉，最驚喜係加入大量蟹籽，食嘅時候脆卜卜，令到口感多咗層次！招牌杏汁墩豬肺 ⭐️⭐️⭐️⭐️電話訂位嘅時候問我地駛唔駛訂豬肺湯，見佢咁力推所以梗係要試吓啦！杏汁味好濃好重，豬肺洗得好乾淨無內臟味，鍾意飲豬肺湯嘅一定唔可以錯過～ 冰梅欖角骨 ⭐️⭐️⭐️⭐️⭐️每次食中餐都會揀一道「骨」，今次揀咗餐廳推薦嘅冰梅欖角骨，話梅味食落好特別，酸酸甜甜好啱送飯，份量唔少但我地都清晒👍🏻 飛天芥蘭煲 ⭐️⭐️⭐️⭐️⭐️芥蘭煲好正呀！好鍾意上枱時嘅沙沙聲，雖然係飛天但絕對唔會太辣，醬汁濃郁，芥蘭亦軟硬適中，五星好評✨椒鹽九肚魚 ⭐️⭐️⭐️喺九肚魚同魷魚之間掙扎咗好耐，最後揀咗九肚魚😁 九肚魚好滑，脆漿唔會太厚，外脆內滑好好食～

平時都會跟朋友到深水埗利星食飯, 原因是食店近港鐵站, 多款式, 夠鑊氣, 夠大碟, 夠經濟, 服務又不錯😁今晚一行七人到利星食晚飯👇小炒皇: 韭菜花, 魷魚, 蝦乾, 菜脯&腰果, 材料配搭穩陣, 味道不錯👍雜錦大盤菜花: 椰菜花, 煙肉, 臘腸. 味道惹味, 不過較多油. 鐵板魚卜: 內有薑蔥, 洋蔥&主角魚卜, 魚卜煮得過火, 偏硬, 可能因為鐵板上菜問題, 魚卜底也鑊燶黑了椒鹽九肚魚: 椒鹽九肚魚炸得過火, 粉漿較薄, 肉嫩夠脆. 味道夠惹味, 不過食完有點熱氣胡椒豬肚大蜆湯: 鹹菜, 豬肚, 花甲, 蜆, 芹菜, 粉絲, 蒜子, 夠胡椒味👍豉汁蒸鱔: 濃烈的豉汁, 味道正常錦繡紅袍魚: 一條炸咗的桂花魚(應該是😬) 炸得有點過火, 不過欣賞它的番茄醬汁, 酸味味幾開胃, 撈飯食一流👍蒜香雞: 雞肉質都可以, 淡淡的豉油, 蒜蓉都好多, 配合它的餸名利星餸菜味道較濃味, 適合愛吃濃味人士. 最後食店免費送上甜品杞子桂花鯉魚果凍. 另外, 自攜蛋糕, 店舖沒有收取切餅費.

深水埗有不少港式小菜館, 各有特色. 這間就在地鐵站出口旁邊, 非常方便. 食物有水準, 小炒夠鑊氣, 碟頭亦夠大, 環境不算逼, 為聚餐的好地方, 惟價格比同類菜館略貴少許. 一行七人點了八個菜:冰梅欖角骨 - 欖角味道較梅味重, 份量十足.炸大腸 - 炸功不錯, 炸得乾身唔油. 大腸不太肥, 合我口味.椒鹽雞軟骨 - 炸得香脆不太油, 送酒一流.飛天芥蘭煲 - 上桌時把芥蘭和海蝦放入鐵鍋兜炒, 還配有蝦干, 非常惹味.三葱炒龍蝦配糯米飯 - 波士頓龍蝦唔算多肉, 但炒得入味. 糯米飯軟硬剛好, 吸收龍蝦精華幾好食.砵仔焗魚腸 - 用匯豐信用卡送嘅. 面頭的雞蛋焗得焦香, 鋪上油炸鬼加添口感, 雞蛋和魚腸很配, 加上少許陳皮味令魚腸不太腥.鐵板蝦仁麻婆豆腐 - 鐵板上桌時還冒著大煙, 很夠熱, 味道適中不太辣, 送飯一流.椒鹽九肚魚 - 炸得香脆不太油, 九肚魚嫩滑唔多骨.

早期的小炒店是大牌檔入舖後形成，後來厨師儲蓄一定本錢後，會開舖炒撚手小菜，現在第三代形式是友好合資，以搞生意為目的。街坊式小飯店多如茶餐廳，台灣稱為快炒店。每區都有幾間好的小炒皇。容記關門後，深水埔應是此店稱皇。代表第三代小炒形式佔主流。此店極近港鐵站D2出口，各區炒友可以一試。宜聯群結黨，10至12人才佳，因此店似第一代小炒，碟頭很大，如香煎美極蝦賣168元，每人分享一隻，只需十多元，可嚐遍8至9樣小炒。其次，菜牌比酒樓更精美，款式多，看餐牌也需10分鐘。主要分三類：第一類是海鮮類，我點選了椒盬九肚魚，因人少都可以輕易清碟。火熱酥脆，少咸少辣，內濕外乾。第二類是爆炒類，有菜有肉，我點選了少有供應的乾隆皇生菜包。相傳是乾隆皇下江南的名菜，以生菜剪成荷包形狀，厨師快炒豬肉粒和疏菜粒，此店加上蟹子，賣相豔麗。賣點是手工，古法是用鴿崧，有生財荷包的吉祥寓意。生菜清涼爽口，雜錦粒子夠火熱，夏天吃更佳。第三類是懷舊菜，此店強調有砵仔焗魚腸。由於用了openrice訂檯，贈送了此菜式。等了半時才焗好，撲鼻的果皮味道，砵仔灼熱，表面焦濃。超級古老的菜式，以胡椒粉和芫荽去除魚腸腥臭。