Outdark (H8)

Open Now

Now Closed

尖沙咀一直都係韓式餐廳林立，Outdart係人氣過江龍之選。除左炸雞啤酒之外仲有其他熱門選擇。 🌕🌕🌕🌕🌑東萊海鮮煎餅一般煎餅都係主要用粉去做底，Outdark嘅東萊海鮮煎餅係用左唔少野菜做餅底，配合海鮮煎香左一樣好惹味。 🌕🌕🌕🌕🌕豬腳韓式炆豬腳一直都係賣飛佛，配合醬料味道濃郁，伴以生菜減輕油膩感。 🌕🌕🌕🌑🌑米酒傳統韓米酒未必啱香港人口味（喺韓國好似都唔太受後生一代歡迎），但係如果想感受傳統韓式氛圍都值得一試。

今次iFOOD_ProMax 帶左個朋友黎尖沙咀Outdark(厚福街)慶祝生日🥰 由於我地兩個都好耐冇食過韓式料理，又想感受一下氣氛，就黎到呢間極靚裝修的乾式餐廳食Lunch 喇！😆由於大家都比較細食，淨係叫左2個餸：韓式炒年糕鍋配炸魷魚 $328東萊海鮮煎餅 $118呢個韓式炒年糕鍋配炸魷魚幾乎係Outdark必食之選😆先唔講味道，上菜時真係嚇死人！超級大碟，起碼霸左半張枱，當時已經有點擔心2個人食唔哂（結果係食左一半就飽）🤣店員仲會好貼心咁幫手剪開魷魚，方便我地夾到，再加上魷魚已經係炸好，點埋醬汁就已經非常可口，滿足感Max 😆至於東萊海鮮煎餅都係非常足料😍煎餅外脆內軟，海鮮岩岩好熟，餅饀軟綿綿的，口感一流！抵食！

再同朋友仔開餐，梗係要食下韓國嘢。因為冇book到位，等咗好一陣，一埋位就快快趣揀咗幾樣野。芝士炒雞 $328鐵鍋嘅分量都唔細，中間係芝士雞，外圍就有雞蛋，車打芝士，泡菜，菠蘿及紫菜飯。店員會協助拌勻芝士和雞肉，之後都會開著火保溫。雞肉好嫩滑，年糕好煙韌，醬汁係甜甜辣辣嘅，夾埋芝士一齊食，真係好惹味。番薯芝士條 $38芝士條炸到外脆內軟，一咬落去就食到甜甜既番薯味，而且啲芝士係可以拉絲既效果，下次一定會再食。東萊海鮮煎餅 ＄118煎餅表面煎到好脆，而且好足料，有唔少海鮮同蔬菜喺上面。反而粉漿比較少，唔太黐得住啲配料。串串魚糕湯 $198魚糕湯味道偏濃，鍋內有唔同類型的魚糕，另外仲有年糕、豆腐及金菇等配料。而且會有爐一直熱住，但啲湯飲到尾就有啲鹹。

今次嚟到Outdark搵食！ 成年冇得去旅行⋯真係要食一下異國菜幻想一下外國風情Outdark位於韓國街附近的厚福街～店內環境和裝修也比較舒適原來outdark特地調暗燈光、給客人一種放鬆心情的氣氛！餐牌內中英韓兼備～而且每種也加上照片和介紹食物款式一目了然！不過對選擇困難症來講～實在太多想要食了！！炭豚飯卷($88)太過份了～身為飯卷竟然材料比飯多！哈哈吃下豚肉有炭燒香氣～而且有蛋、青瓜、醃蘿蔔等各種材料～口感非常豐富～！雙拼炸雞（$192)可以選雙拼實在太好了！！！我們選了甜辣炸雞和香蒜蜜糖炸雞～店員一來～我們忍不住嘩了一聲一座炸雞山放上來！！香蒜蜜糖炸雞牛油味很濃～咬下去雞肉很嫩～蜜糖甜甜的～完全是juicy的感覺甜辣炸雞就是辣雞中最mild的～香氣四溢～惹味非常！而且炸薯還分薯條、薯格、粗薯3種～每種也不同口感～店家真是每一個細節也很用心東萊海鮮煎餅（$118）東萊位於釜山～當地傳統煎餅就是東萊大蔥煎餅而這個東萊海鮮煎餅就如其名～在大蔥煎餅上加上各種海鮮、有蝦、魷魚和魚肉還有紅椒青椒和洋蔥～只是色彩已經食欲大起～味道香口～材料又多～而且店家貼心切成小塊～非常推薦！Strawbe

呢間韓式餐廳進駐香港都成幾年，一開始出名嘅就係芝士豬肋骨😋直到而家，依然好有人氣。提供嘅菜款仲有炸雞丶紫菜包飯等地道韓食。店內員工好多都係韓國oppa，而家餐廳環境都幾浪漫，偏暗嘅光線配上星星燈，同朋友定情侶嚟都唔錯🌟🔸雙拼炸雞全份（HK$198）全份炸雞有10件，雙拼分別揀左醬油同香蒜蜜糖味。無骨炸雞嘅外皮係乾脆風格，兩款嘅醬汁都幾少，唔易食出個分別😂另外仲有其他炸物配料，例如薯條、薯格以及甜少少嘅炸薯。跟餐仲會配埋蘿蔔以及3款醬汁(甜辣、蕃茄、香蒜蜜糖)，可以沾炸物無咁悶，不過就覺得無乜太加分啦🤣🔸蕃薯芝士條 (+HK$28)叫炸雞時仲跟餐加左蕃薯芝士條，共3條。應該係全餐最好食嘅item😜炸皮有明顯嘅甜薯味，而且入面芝士真係會拉絲架😍🔸東萊海鮮煎餅 (HK$118)海鮮份量較少，除左面頭個幾隻蝦，都唔點見有其他海鮮。反而就好多蔥😂入口好濃蔥味，大家食完第一反應都係好似飲茶食到嘅中式薄餅😶🔸煎蛋飯捲 (HK$98)其實每次係韓國餐廳見到蛋卷或飯卷價錢都覺得偏高左啲🤔呢個飯捲係由蛋包住少少飯以及蛋，飯質太淋，蛋味都唔係話好鮮甜，性價比不高呢～🔸Blue Lemon (HK$34)好簡

朋友嘈咗好耐話想來試話呢度裝修好靚好有feel 有來自星星的你嘅感覺咁就同佢一齊試吓啦講真呢度都真係幾難book位叫咗一份炸雞一個魚糕湯一份煎餅先講炸雞有少少覺得食評吹捧得太好食個人覺得炸粉比較厚 因為雞件比較細令到整體少少乾香蒜蜜糖味比較甜 香蒜味唔夠特出甜辣味就唔夠正宗炸雞對我嚟講係失色嘅到海鮮煎餅好食亦都足料如果海鮮可以多個菜就好啦最後要講魚糕湯我覺得佢係今晚嘅主角每樣野都煮得好入味湯底又好好飲咁多款食物裹面算正宗啲嘅韓國菜

今日黎到尖沙咀食韓國野，滿天星星月亮，地方環境非常舒適，食都食得放d先黎一杯藍莓smoothie ，好有濃烈藍莓既味道，如果夏天飲仲正主菜就點左海鮮薄餅，餅底好香脆，仲有好多鮮蝦，例如魷魚、蟹柳、红青椒、咬落一d都唔硬，粉皮厚度適中，越食越想食我地仲叫左海鮮粉絲，海鮮就有蜆肉、蝦肉、魷魚，仲加左d红青椒一齊炒，小辣得黎仲帶有甜味，不油不膩最後仲叫左個韓式海鮮豆腐鍋，份量十足，豆腐香滑，仲左d肉、海鮮，睇起黎好飽滿，用明爐上枱熱辣辣非常有風味兩個人食到好飽價錢都唔過500蚊，好超值

平日中午經常都想著要吃什麼 ?!  因為公司地點在尖沙咀，雖然很多食店，但今天突然好想吃韓國菜，同事介紹下去了 OutDark ，享受了一餐美味的韓國餐 ~入到餐廳，門口有塊掛滿色彩繽紛的情人鎖鐵網，完全令我想起韓國旅行時所見到的情景  ;  內裡環境感覺迷人浪漫，裝修像夜空般，好適合打咭，柔和舒適，令人感到平靜和快樂！打開餐牌看到有多款特式的韓國食品，有芝士煱、炸雞、豬腳、煎餅、飯捲、湯麵、特飲等，吃回韓國的味道。東萊海鮮煎餅       $118韓國煎餅是我們最喜歡的菜式，這個煎得香香脆脆，餡料是海鮮和野菜，再混合粉漿一起放在鑊煎，海鮮口感清甜，大大隻蝦好新鮮，與爽脆的野菜很配，美味可口。海鮮炒粉絲      $98這碟都是揀了海鮮，我哋簡直是海鮮迷。韓國粉絲較中式粉絲為粗條，但食起來很煙韌，滑嘟嘟，海鮮料有蜆肉、蝦、八爪魚、什菜等，好鮮甜，加上蔬菜的爽口，而粉絲就完全吸入了醬油味，香濃美味。炸蝦飯捲      $88餡料豐富的炸蝦飯捲，原條蝦炸脆，香口、鮮甜，其他食材有青瓜、蛋、紅蘿蔔、脆瓜、生菜等，喜歡這個好多材料，吃出不同味道，多種層次，好好味！芝士條        $35炸

韓癮起，同老友去止止痕，Outdark 之前已去過，味道一向有保證。主打有鐵板芝士及炒年糕等，大大盤，足夠三至四人分享。另外亦有魚糕湯、燜豬腳、炒粉絲、煎餅及飯捲等韓食。今日天氣好熱，食D冇咁熱辣辣嘅。韓式豬腳 $ 238好大盤滷豬腳，雖然係 normal size, 兩個人基本上係食唔晒架。豬腳炆得好淋滑，連皮食好爽口唔肥膩，感覺到滿滿的骨膠原。生菜包豬腳，再加啲特調的韓式甜辣醬，配上新鮮切椒同蒜片，好味程度不下於南大門豬腳，飛唔到都可以止吓痕。一邊豬腳一邊啤酒，正到一個點東萊海鮮煎餅 $118肉肉以外想食點澱粉質，點個海鮮煎餅係不錯的選擇。大大隻鮮蝦，原隻八爪魚，加上無限韮菜、椒絲、菜絲，上枱時仲係熱騰騰出曬煙，香到呢！有照為証夠足料，口感是外脆內煙韌，點埋辣味醬汁真心無得輸。Hite 生啤 $68做緊 promotion, 買二送一，大杯夠凍的韓國 hite 啤，淡淡地但風味一流。温提- 想食記得訂枱，因為平日都會爆場架。

朋友生日點名要食炸雞，唔知點揀之下，同事介紹我哋可以去Outdark，因為話依間多選擇（指除炸雞以外嘅食物款式）。預早兩日打咗電話去book位，去到當日會再打電話確認訂位人數同時間，非常細心，所以即刻問埋可唔可以自擕蛋糕🎂，佢非常歡迎同無切餅費，感覺良好。當日排隊搭lift上到去，見到好多人喺度等位，慶幸自己有預早book位，一到可以即入，唯獨係地方唔大，6個人座啲座位比較擠迫。今次叫左（1）雙拼炸雞（全份），包括有炸雞、薯格、波浪薯條、薯片；（2）DIY飯團，小朋友最喜歡嘅菜式，因為有得參與同分享，最緊要好食；（3）豬腳（全份），份量超大，可配生菜同沙律菜食一流；（4）串串魚糕湯，份量大，味道好；（5）東萊海鮮煎餅，海鮮特別豐富，值得推介！整體而言，每道菜味道都好好。特別一提，生日黎食飯，店舖會送一張即影即有相片。咁好嘅服務態度同食品質素真係好難唔再幫襯，下次可以再試其他食品😚。

去唔到韓國🇰🇷，就唯有食個韓國菜當去左啦！😅 上次去過旺角嘅「Outdark」， 覺得幾好食， 而且仲係黃店，唔怪得咁多人支持啦！ 所以最好都係book位先～ 呢到嘅裝潢同旺角一樣， 都有一道掛滿色彩繽紛情侶鎖嘅鐵閘， 尤如韓國首爾塔嘅打卡位一樣， 發光嘅星星月亮🌙燈飾在昏暗嘅環境中好有情調 ～ 可能係因為春季嘅關係， 而家仲多左啲櫻花🌸擺設呢～ 芝士條（$40） $40有四條，都算合理， 而且即叫即炸，熱辣辣， 未食芝士已經多到要爆出黎， 一咬開便可拉絲， 作為小食或佐酒都一流！ 上次食過泡菜煎餅，覺得好出色。 所以今次就試下海鮮煎餅啦！ 東萊海鮮煎餅（$118） 一睇咁色彩繽紛就知道材料有幾豐富啦！ 全個煎餅都係韮菜同大蔥， 仲有好多菜蔬如洋蔥、紅蘿蔔等， 更增添色彩和口感， 當然唔少得海鮮啦！ 韓國海鮮煎餅嘅海鮮通常都係八爪魚🐙仔， 味道幾鮮香，份量仲好多， 煎餅切開左9件，件件都有！👍🏻😏 🌟推薦❗️ 🌟推薦❗️豬肉炒粉絲（$88） 豬肉份量十足，好足料！ 粉絲炒得惹味。 冇食過魚糕，都唔算去過韓國～

因為限聚令 令到唔少食肆生意少左所以我地一有時間或者環境許可都會出街食今次就encore Outdark 不過就去左尖沙咀個間環境一樣 有一大幅鎖牆 同星光天花 好浪漫而今次我地都有食炸醬麵 ($98) 真係好食😋除此之外 辣炒豬肉係我地第一次叫嘅辣度適中 用黎送旁邊嘅飯 好味🤩圍邊嘅仲有粟米芝士 一砣芝士加豬肉都好夾😆另外叫左東萊海鮮煎餅 ($118)一開始賣相的確令我好驚 因為有好多大蔥但食落又幾好食 無咩蔥味 點下佢特別醬汁令我想食多幾塊添 同埋海鮮配料好足 推薦🙌🏼最後今次飲strawberry smoothie ($45)奶味幾重的 用來解辣一流🍓-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

放工約了舊同事去尖沙咀食飯，走到尖沙咀H8，想起近期愛的迫降掀起一股韓風，於是今晚便來「Outdark」吃個韓菜晚餐。位於17/F的「Outdark」燈光昏暗，金金黃黃的環境很有氣氛。店長更是一名Oppa，所以韓式料理都很有水準。餐牌食物選擇都多元化，當然少不了韓式炸雞和一些韓式小食。辣炒豬肉盤子中間位置是韓式醬辣拌炒豚肉薄片，外圍則有芝士、泡菜、菠蘿和紫菜飯。而盤子一直有火爐持續加，芝士開始溶化，辣炒豬肉伴上半溶的拉絲芝士，既邪惡，又芝味，一口接一口吃過不停。豚肉肉汁豐富，入口嫩滑，配上韓式醬辣拌炒很入味，不會很辣，食落很香口，也不錯。東萊海鮮煎餅東萊海鮮煎餅都算厚身，材料也很豐富，有魷魚、蝦仁、蔥、韭菜，非常足料。煎餅已預先切開左一份一份，很方便食用。煎餅外皮酥中帶軟，食落不會有很厚粉的感覺，但吃多便有少少油膩感。沾上特製的煎餅醬汁，味道較清新，別有一番味道。炸蝦飯卷韓國料理不得不提飯卷，Outdark的炸蝦飯卷內包著炸蝦、紅蘿蔔、青瓜、醃蘿蔔等等。口感非常豐富，健康之餘又好味。總括而言，這間韓國餐廳無論在食物方面、服務、衛生、理念都很滿意，高度推介給所有香港人。

😋😋：3.8/5💮：必點の選- 雙拼炸雞+脆薯王 （原味/醬油）💮- 豬腳- 東萊海鮮煎餅- 串串魚糕湯..✨雙拼炸雞+脆薯王 （原味/醬油）$218 💮必食韓式炸雞吃過很多間，可以肯定的說這家是最好吃的！🍗🥰炸雞酥脆，不會油膩。最點精是同碟的脆薯王！分別有薯條、薯格和薯片，撒了味粉，食到停不了～✨豬腳 $268份量挺大。豬腳比較爽口，加醬料後用菜包着吃很韓式💓另有幾款泡菜，味道偏重。✨東萊海鮮煎餅 $118煎餅不會太實，也不會散開，外脆內軟，有花工夫🤤海鮮也足料，CP值高！✨串串魚糕湯 $198魚糕湯比較普通，多串魚糕但味道沒大分別。下面有烏冬，適合冬天吃。另外IG打卡還會送飲品💓💓

之前到釜山旅行去過一間樓上咖啡室以幫客人寄未來明信片作賣點，想不到香港都有，不過卻不是咖啡室，而是一間韓國炸雞店。＊＊＊＊＊＊＊＊＊＊＊＊＊＊＊說的就是Outdark，一出電梯就會見到這個郵箱，只要放入信件或明信片，並貼上郵票，就會在明年一月寄出，店內亦有少量明信片提供。雖然不像我在釜山的咖啡室般，可以選擇未來不同日子寄出，但都不妨玩玩。店內掛滿不同大小的星星燈飾，感覺浪漫。周末非常旺場，7:30ｐｍ之後更加要排隊，建議早一點來到。除了未來信箱，店內亦有幅掛滿情人鎖的牆，食客都可以問侍應拿情人鎖掛在牆上。Outdark主要提供韓式炸雞和不同的芝士鍋，全部都非常大份，比較適合大伙人來。東萊海鮮煎餅($118)海鮮煎餅比想像中大份，內有魷魚、蝦、蔥和洋蔥，食材比煎餅還要多，感覺非常足料。煎餅軟綿，不會有很厚粉的感覺。雙拼炸雞($192)Outdark的炸雞口味不算太多選擇，都是比較經典的味道，我選了原味和醬油雙拼。這裡的炸雞最大賣點是本身跟了薯條、薯格和薯角，，非常邪惡又飽肚。份量非常多，建議二至四人分吃，如果兩個人來，基本上只點一份炸雞已經足夠。薯條是波浪粗薯，我自己就喜歡薯格多點，比較