鼎泰豐

Open Now

Now Closed

世畀知名的鼎泰豐已在香港多年，屯門鼎泰豐係最常食嘅一間，已經一段時間無再去食，就同家人再訪。食得鼎泰豐，品質當然有保證，水準果然無乜點下跌，環境保持到乾淨整潔，食得舒服。屯門近期人流減少，晚市早段人流不太多，加油。涼菜因為家人叫的，無太留意，應該係羅白海哲，非常開胃，不會太濃味恰到好處。我最喜款的花雕醉雞，以性價比來講，鼎泰豐嘅花雕醉雞係暫時個人最愛。小籠包袋依舊水準，絕對合格有餘，不錯。流沙包外觀無乜特別，出黎效果不錯，好食的。總結係平常經開V City 的話，都會照食呢間野，好過某大集團嘅酒樓。

耐唔時都會去鼎泰豐食晚餐，今個星期五早收工，6:30去到沙田新城市廣場，唔使等位就直接可以入去。我哋叫咗一個酸辣湯、小籠包、豬扒炒飯、清炒芥蘭苗，同埋荔芋小籠包。平日去上海舖飲酸辣湯，第一次喺鼎泰豐飲酸辣湯，其實有少少失望。雖然材料好多，但係面頭會見到有胡椒粉、同埋辣椒油，飲之前自己撈埋，感覺有啲似街邊碗仔翅。我都好想知道正宗嘅酸辣湯，或者台式酸辣湯，係咪都係咁。雖然味道唔錯，雲耳豆腐肉碎都配合得幾好，酸辣都尚可，但係喺餐廳比呢個價錢就覺得差少少。豬扒炒飯都係好好食，不過比起台灣嘅，豬扒醃得冇咁入味，個炒飯有少少油，所以還好啦。小籠包依舊係皮薄餡靚，而且肉汁多，配少少薑絲同埋醋，保持一貫水準👍👍。至於芥蘭苗，竟然有驚喜。芥蘭苗除咗鮮嫩之外，仲帶一啲清甜，份量緊夠兩個人食。最後就係荔芋小籠包，雖然好多人都會叫豆沙小籠包，但係我反而鍾意食呢個。因為芋頭味好重，而且個皮好薄，最緊要係唔太甜，同埋芋頭蓉比起豆沙更軟綿，一個人食咗三粒都覺得可以😋😋。不過呢個要等15分鐘，用餐時間只有 75分鐘。我哋係加單先至叫甜品，食完最後一啖，侍應就走埋嚟買單，不過都明白嘅，行到出去見到有幾十人喺度等。有時諗

新年流流處處人山人海，逛完成個新城市廣場腳都軟埋，突然好想食肉骨茶小籠包之類嘅野，於是去咗鼎泰豐。噢！原來佢係米芝蓮一星餐廳，真係失敬失敬。等咗一陣就有位，都算幾好彩。餐廳環境乾淨，個餐牌簡單得黎幾靚，睇咗兩睇就決定嗌《小籠包》，《紹興酒醉雞》，《台式酸辣湯》，《菜肉紅油抄手》和《迷你芝麻包》。小籠包同細細個嗰時食嘅都係一樣咁好味；醉雞唔係幾夠醉；酸辣湯用料足；芝麻包非常芝麻唔太甜；意料之外係佢嘅紅油抄手，皮薄餡靚唔太辣，非常抵讚，自從同類型餐廳嘅紅油抄手改版後，真係好耐冇食過口感咁正嘅抄手喇。最後，要讚一讚喱間鼎泰豐嘅侍應，除咗細心不時為我們加茶之外，佢地真心顧客至上，一句「嗌外賣去收銀處分開嗌唔駛加一噃」非常大體令人敬佩，服務態度絕對襯得起「米芝蓮餐廳」喱個名。

源於台灣，現已有超過60 年曆史和140多間分店，是近期我們經常回訪的餐廳！主打小籠包和麵點，與「港式飲茶」的模式相似，基本每台一籠小籠包及炒飯 / 麵條；作爲碳水愛好者我們也不例外，同時也點了3款菜式，人均 $300 小籠包 $70/6個 皮薄餡多，經典豬肉餡滑嫩多汁，吃在嘴裏一點都不膩口 餐廳還有創新款小籠包，有預算的話可以試試看黑松露口味 $190/6個，黑松露醬馥郁芬芳，表現不俗唯性價比不高 蒜香粉皮肉 $66 帶濃郁的蒜香味，粉皮墊在最底，整道菜有點像蒜泥白肉但味道更溫和 蝦肉紅油抄手 $72 特製的紅油抄手醬香甜濃香，辣味不重；每一顆抄手都包著一隻蝦，飽滿Q彈 炸豬扒蛋炒飯 $92 蛋炒飯是必點！粒粒分明的米飯卻不會油膩，伴隨蛋香及葱花香；豬扒的口感比較乾身 黃金流沙包 $45/3個 受歡迎程度MAX，建議人多直接點兩籠 (每次想加單時都售罄) ；外皮十分鬆軟，手作包點真的很不錯，另外上次也發現芝麻包也值得一試

星期日係沙田整完野就係新城市廣場搵下有咩食，屋企人就話想食試下鼎泰豐，餐廳都幾大，我地等左大約3個字就可以入座。環境：座位都舒適同闊落，環境都乾淨。服務態度：因為屋企人唔食辣，我地問可唔可以少辣，waiter就即刻提議擔擔麵同紅油抄手既汁另上，服務態度好好，完全冇唔耐煩。食物：我地3個人總共叫左6樣野，都唔係話好飽，因為食物既份量偏少，而且味道一般，性價比略低。1. 台式擔擔撈麵 - 花生味重，仲有花生粒，撈麵黎講都算幾多汁，即使冇加辣但味道都好香濃2. 蝦肉紅油抄手 - 每粒都好係兩個5蚊銀既大細，但佢個汁幾特別幾香同甜甜地但一啲都唔辣，之後仲用佢黎點小籠包都唔錯3. 原味小籠包、雞肉小籠包、絲瓜蝦仁小籠包 （每籠6隻）- 全部小籠包皮薄多汁👍🏻咁多隻黎講原味比較好，肉味濃。雞肉果隻就肉比較實；絲瓜蝦仁就冇咩特別，一定要點醋食至有味。4. 荔芋小籠包 - 雖然有少少甜，但芋蓉好香滑，係其他地方亦食唔到呢款小籠包，所以值得一試。 總括而言，呢間可試一次就夠，食物質素都可以，但略嫌份量有啲細，呢個價錢黎講唔太值。

同朋友喺沙田新城市廣場行街，不經不覺就行到8/9點，於是就喺商場內搵食。由於大家都好耐無去過台灣，十分掛住台灣菜，所以最後就決定食鼎泰豐。都有一段時間無食過鼎泰豐，就咁睇黎食物好似加價了不少。首先點了一份蝦肉紅油抄手。蝦肉不算太鮮甜，但係配上紅油醬汁真係好難唔好食。之後小籠包來了。都是一貫的味道和水準，食的是回憶。朋友說一定要食排骨蛋炒飯，所以點了一份試試。炒飯底很不錯，但排骨的感覺有點像漢堡扒...最後叫了一份油豆腐粉絲湯。個人而言，湯底太清淡，豬肉不新鮮，所以不推薦。價錢加了，但水準好似下降了，希望下次再食的時候唔會令我失望。

好耐冇去過台灣啦，好掛住台灣既鼎泰豐，香港就之前去過拎過星星既尖沙咀店，非常好味，今日去開沙田，唔洗點諗就揀返佢啦！夜晚6點幾去等就已經企滿哂人，好在有用到個app攞飛，等左30分鐘就入去了。基本上每次食都係揀返嗰幾樣，小籠包就必點架啦，跟住揀個油豆腐粉絲湯、菜肉餛飩湯、高湯蒜蓉炒油麥菜等，今次重點左紅燒牛肉湯麵！小籠包皮薄多汁又夠熱，點埋「一份豉油三份醋」，提升小籠包既鮮味，正！紅燒牛肉湯麵牛肉好嫩，配搭牛筋，有兩種唔同口感。麵質彈牙，而且湯底濃厚有層次，比起其他湯底（如餛飩湯）更滿足。但由於味道比較濃，建議可先食其他有湯的食物，再食返牛肉麵。總結，其他食物都唔洗多講，鼎泰豐有系統既管理，就係可以令到佢每樣食品每間分店，都做到同一樣質素，欣賞！餐廳：鼎泰豐 (新城市廣場) Din Tai Fung (New Town Plaza Phase 1)地址：沙田沙田正街18號新城市廣場1期1樓166號舖 Address：Shop 166, 1/F., New Town Plaza Phase 1, 18 Sha Tin Centre Street, Sha Tin #肥誠 #肥誠搵食 #f

過開新城市廣場行街shopping，行到八點幾又夠鐘醫肚要諗食咩，本來想食Shake Shack，但今日又好多人，行咗一圈都無檯，跟住再行前少少，見鼎泰豐無咩人就去拎飛，但竟然要等成十張，出奇地前面等飛啲人走曬，一分鐘就嗌咗十張檯，就係咁就順利入咗去。坐低之後即刻叫嘢食，唔駛講嚟得就一定要叫份小籠包啦，湯汁熱辣辣，size啱啱好可以一啖食曬，好滋味，舌頭每個部分都嘗到湯汁精華。另外，蝦餅同排骨都炸得十分之香，排骨揼到鬆曬，好好食。仲有份蝦仁蛋炒飯，等咗半個鐘先到，鼎泰豐啲炒飯成日都好似炒到濕濕哋咁，但每次食落都感覺爽爽哋，但今次有啲離譜，蛋炒飯送埋蛋殼，我唔expect喺鼎泰豐都會食到蛋殼囉，搞到今次體驗始終差啲啲。

星期五難得齊人，約咗去沙田食飯。鼎泰豐係我哋首選，先到先等。阿女最早到，七點就去到等位，唔使七點半就可以坐低了。太耐冇食台灣菜喇，一於食番夠本。四個人開餐，一共嗌咗八樣嘢。開胃涼菜要咗香干馬蘭頭同紹興酒醉雞。馬蘭頭雖然係野菜，但係就有一種特別嘅味道，喜歡食佢嘅人愛不釋手，我就係其中之一。醉雞係屋企人鍾意嘅，呢度做嘅醉雞有非常濃郁的紹興酒香，唔似其他餐廳啲這味餸，做到酒還酒，雞還雞，好似風馬牛不相干的。嚟到呢度，當然係要食餐廳出名嘅小籠包。皮薄餡靚，肉汁鮮甜，香港呢個地方也真心搵不到另外一間餐廳的小籠包可以做到咁出色了！台式酸辣湯和蝦肉紅油炒手也都是我想念的，當然也各要了一份解解饞。主食方面叫咗個紅燒牛肉麵、蝦仁蛋炒飯同台式擔擔撈麵。我個人的至愛係牛肉麵。牛肉煮得非常入味，湯汁鮮美，令人百吃不厭。炒飯粒粒分明，每一口都吃到蛋香。呢餐雖然唔平，但係我哋食得非常之開心，算係近期食得比較心滿意足的一餐！

呢間都真係好多年無食，食既唔係味道，係回憶😹見兩點唔駛等位，就入去過下口癮👉🏻👈🏻不過坐低覺得好焗同熱，原來係壞冷氣，結果一路食一路標汗🫠▪️ 小籠包（7/10）💲66/6個個皮都夠薄身，夾起上黎又唔會穿，入面有暖笠笠既湯汁，但係就未有話好爆汁🤫豬肉餡味道比較淡，連同薑醋一齊食調下味更佳🤨▪️ 台式酸辣湯（7/10）💲58呢碗都算足料，有唔少肉絲、筍絲、木耳絲、豆腐乾絲，口感唔會太稀或者太稠😌明明飲之前已經撈過下，但係飲到底突然間好酸，至於辣味其實唔重🌶️▪️ 菜肉餛飩湯麵（7/10）💲78/6個餛飩皮滑身，有飽滿健康既菜肉，侍應貼心問我地麵條駛唔駛剪開，雖則幼細，但都唔會糊口，湯比較清淡🍜🔎 整體評分（7/10）

🍪【#沙田】鼎泰豐 Din Tai Fung💥水準穩定小籠包💥.🍪 去鼎泰豐當然係食小籠包，唔算太驚艷，但保持到一貫水準。✧The famous destination for xiao long bao— Din Tai Fung. The freshly made dumplings are always of consistent quality. Swipe to see more dishes we had for dinner:~~~~~~~~~~~~~🍽小籠包 Xiao Long Bao $66 （4/5）水準穩定，皮薄多汁。 .🍽蘿蔔絲拌海蜇皮 Tossed shredded jellyfish with radish $62（3.5/5）頗為失望嘅前菜，調味如果酸少少會更開胃。.🍽清燉雞湯 Double-boiled chicken soup $76 (3/5)好袖珍嘅雞湯，只係一人份量~雞湯比較油都尚可接受，調味太鹹。雞肉唔少，軟身但冇咩雞味。.🍽高湯炒芥蘭 Sautéed Chinese Kale with supreme broth $78 (4.5/5)呢個要

冇得去旅行唯有搵啲嘢食補返數掛住台灣梗係去鼎泰豐啦食物質素同台灣比都仲差啲唔知係咪去旅行嘅心情都影響食物味道首先一定要點小籠包啦皮薄有肉汁 不過味道好似比唔上霸王山莊🤭係時候要檢討下喇見到隔離枱點咗滷水牛肚好似好正咁 冇諗到會凍到咁去食當日天氣太凍 即刻扣咗分分別點咗鮮蝦雲吞麵同菜肉雲吞麵雲吞皮好滑 但味道稍嫌太淡攞咗碟辣椒油加落去好啲因為碟辣椒油真心好味😋排骨蛋炒飯件排骨大過個飯味道好唔會乾蒜茸炒油麥菜屋企人話太硬 我覺得都可以接受嘅

好耐都冇去過旅行原本台灣係我第二個家而家唯有食啲台灣嘢頂住先幸好鼎泰豐都keep到台灣嘅味道滷水牛肚夠入味好似平平無奇嘅通菜其實都炒得好好味小籠包保持水準 皮薄多汁熱度十足鮮蝦煎餃個底夠脆不過燶咗少少🤏🏻醉雞嘅酒味好夠將牛肚點啲醉雞汁 別有一番風味紅燒牛肉麵幾乎係我每次必點嘅牛肉夠淋 個湯可以辣多少少就perfect喇杏仁豆腐&荔芋西米露西米露值得一提係將芋頭磨蓉整嘅啖啖都有芋頭味 好正杏仁豆腐就淡淡地 全靠上面嘅糖水要揀都係揀西米露

簡單晚餐紹興酒醉雞，雞唔鞋👌🏻👌🏻小籠包，皮幾薄👍🏻高湯蒜蓉炒菠菜，菠菜幾嫩油炸排骨(胡椒味)，有肉汁，幾軟嫩，食食下有d食緊漢堡扒嘅感覺😂 因為質感同埋個胡椒味。

大名鼎鼎嘅鼎泰豐，無論係台灣本地人定係外國人都專程去食。雖然疫情去唔到旅行，好彩香港都有店可以過下口癮😛店鋪無得訂位，係開店前半個鐘已經有人排隊，限時75分鐘食用時間。食物質素依舊，但留意返每款份量都較少😂🔸小籠包 (HK$66/6個)小籠包嘅皮厚薄適中，內含少許湯汁，肉餡亦唔會十分飽滿，食多兩粒都唔驚膩🥢🔸排骨蛋炒飯 (HK$90)排骨好大塊，肉質食落唔柴口。炒飯充滿蛋香，配住排骨食都唔會太油😋🔸蝦肉煎餃 (HK$88/6個)餃子煎得金黃，外層脆口，咬落去依然會有爆汁感，內餡有豬肉以及原隻細蝦🥟 🔸香蔥拌麵 (HK$56)份量較少，爆香嘅香蔥惹味，麵條軟硬適中🍜【推介指數：5⭐滿分】環境：⭐ ⭐ ⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐ 回頭率：⭐ ⭐ ⭐