imbunnyfoodie的個人專頁

去啟德AIRSIDE行街，想去個環境又靚又chill嘅餐廳食個lunch，於是去咗位於雙子匯14樓嘅[新泰東南亞餐廳]。餐廳裝潢運用木材、室內植物，再加上燈飾，營造出一種接近大自然又充滿泰國風情嘅氛圍。餐廳範圍好大加上高樓底，空間感十足，坐位又闊落，感覺零舍舒服。食物選擇多，價錢合理，分時段仲有折扣優惠，感覺更加抵食。燒豬頸肉 $98.-豬頸肉質感軟滑juicy，帶陣陣油脂及焦香味。燒原隻魷魚 $128.-魷魚表面燒至香口乾身，口感爽滑彈牙，點埋秘製醬汁，零舍好味😋。串燒6串 $108.-肉串好大份量，雞、牛、豬各2，肉質軟滑多汁，食落啖啖肉。瑪莎拉咖哩 $108.-咖哩充滿香料味，味道微辣香濃，薯仔同牛肉煮得好入味。印度酥餅 $42.-酥餅切成小塊相對易食，香脆乾身唔油膩，點配瑪莎拉咖哩醬汁，微辣香口，更加惹味。紅豆冰 $55.-紅豆香甜粉糯，甜度啱啱好，冰涼解渴，最啱配泰菜😆。…查看更多

今日約咗朋友响佢公司附近聚餐，鰂魚涌係佢地頭當然跟佢搵好嘢食。我鍾意食喇沙，於是帶我去[隨心華人喇沙海南雞]街坊小店，點咗個2人餐包主食、小食及飲品都係$218.-，真係街坊價，抵食👍。慢煮咖哩牛肉喇沙牛筋腩大件份量多🤩，炆得軟腍入味，魚片口感爽滑，香濃喇沙湯底混有咖哩香味😋，香料味道更加豐富。海鮮喇沙喇沙湯底味道鮮香濃郁，仲帶陣陣椰香味。食材新鮮，有帶子、蝦、蟹柳、魚片、蛋及豆卜，長形豆卜豆味突出，內層口感非常綿密軟滑，勁吸湯，勁好味🥰。沙嗲串燒 (4串)雞豬各2串，肉串表面燒得香口，肉質保持濕潤，有肉香味，點埋秘製沙爹醬，更加惹味。鳳尾蝦金絲薯卷 (4件)蝦肉較細，外層金絲炸得非常鬆脆香口。餐飲竟然有杞子雞湯😃，小杯份量，味道鮮甜有陣陣雞肉香氣。熱檸檬薏米水味道微酸，薏米份量多，有消滯去濕功效，感覺特別健康😅。…查看更多

今日約朋友响佢公司附近聚餐，回程返屋企時，記得佢推介[秋意]嘅去骨豉油雞好正，係佢每個星期都會食一次嘅外賣午餐。難得去到鰂魚涌，梗係要買啲好嘢返屋企做餸同家人開心share🥰。秋意去骨豉油雞 (半隻) $100.-半隻雞份量足，肉質軟嫩腍滑唔見血，煮得好入味，豉油嘅鹹鮮香甜味完全滲入雞皮，加上雞肉香味，更覺鮮甜，正🥰。招牌去骨口水雞 (半隻) $100.-雞肉質感同樣軟嫩腍滑，雞皮爽口滑溜，加上秘製麻辣醬汁、大量芝麻、花生及蔥花，非常香辣惹味。蒜辣牛魔王 (例牌) $100.-牛魔王係牛展同牛舌雙拼，牛展肉質緊緻，肉味重，牛舌口感軟腍，混入味道濃郁嘅蒜辣醬汁，鹹香味滿滿又帶有微微嘅辣味，送飯一流。…查看更多

今日响觀塘見到[水門雞飯]，有抵食下午茶餐，包主食、小食加餐飲都係$38.-，決定買返屋企食，再額外散點做晚餐加餸。下午茶套餐 $38.-水門雞飯(輕盈板)：其實飯量依舊，雞件份量較少。雞皮口感滑溜爽脆，肉質嫩滑，點埋秘製醬汁食，正🥰。仲有勁重胡椒味嘅餐湯，同口感軟腍又入味嘅涼拌牛舌，食完好滿足。水門炸雞件 $54.-雞排炸至鬆脆乾身，肉質嫩滑juicy😋，肉味鮮香，好食到停唔到口。燒豬頸肉 $98.-豬頸肉質感軟滑Q彈，肉嘅邊位焦香又帶微微油香。燒魷魚串 $45.-/2串魷魚燒至表面焦香，口感軟腍軟滑，點埋特製辣汁，更加惹味😍。凍龍眼冰 餐飲加$5.-龍眼香味濃厚，香甜凍凉，配香辣食物一流。…查看更多

這間餐廳主打 「先蒸後滾」的任食海鮮放題，融合蒸海鮮與火鍋的雙重美味，且 無時間限制，非常適合喜歡慢慢享受美食的朋友！餐廳亮點1. 先蒸後滾：先以蒸氣蒸熟海鮮，保留原汁原味，隨後可加入火鍋湯底繼續享用。2. 任食蒸海鮮：每位客人都會奉送 半隻鮮味龍蝦，更可自選 4款海鮮，例如生蠔、海蝦、膏蟹、鮑魚等，滿足你的海鮮味蕾。3. 火鍋放題：多款火鍋配料無限添加，還有多種湯底可選（如麻辣鍋、冬瓜海白鍋、清湯拼沙嗲鍋等），適合不同口味需求。4. 無限時供應：讓你可以從容地享用每一道美食，無需匆忙。推薦菜式1. 蒸海鮮：- 生蠔：鮮甜肥美，蒸熟後更能品味其鮮味。- 海蝦：肉質彈牙，蒸熟後更添鮮甜。- 膏蟹：蟹膏豐富，搭配蒸氣的烹調方式，味道極佳。- 鮮活鮑魚：彈牙的口感，蒸熟後鮮味十足。2. 火鍋：- 湯底推薦：清湯拼麻辣鍋或澳門豬骨鍋，既有濃郁湯底也有刺激的麻辣口感。- 火鍋配料：數十款食材任你選擇，無限添加，吃到盡興！…查看更多

今日又去牛大人食日本A4黑毛和牛火鍋放題 $458.-/位 (120分鐘)，遇上中秋節推廣活動(做到10月12日)。要抽出3條燈謎，然後看圖猜詞或歇後語意思，3條全對就有小禮物，好應節👍。今期驚喜新出款湯底有聰明魷魚沙茶鍋/養生菇菌燉雞鍋。試咗沙茶湯鍋，沙茶味突出，加上湯料豐富，整個湯底味道好香濃，配上我最鐘意嘅日本A4黑毛和牛，口感柔軟，肉味重油脂香，仲帶有陣陣沙茶香味，勁正🥰。伊比利亞黑毛豬梅肉肉質軟滑，油脂邊位帶點爽口，油香味混上肉香，又係無得輸😍，必點。海鮮拼盤有鮑魚、生蠔、扇貝及魚片。另有3款熟食鮑魚可無限追加🤩，有醉鮑魚、炸鮑魚酥同埋柚子燒鮑魚，味道各具特色又勁好味，推👍。小食：蝦蝦霸霸脆多士、日本和牛橘梨半豆腐、海苔鹽酥雞、三和夜市雞皮卷同夜市撈脆薯等都唔錯。烏金墨汁手作腸同鹵汁五香雞胗返點咗好幾次😁。特飲芒檸蜜西米爽果肉滿滿，酸甜清爽。和牛套餐可以任飲港式檸檬茶18+酒精特飲(其他套餐升級另加$68/位)，檸檬茶+酒有創意👍！食埋甜品 : 蜜桃愛玉冰及Movenpick雪糕，真係勁滿足😋。…查看更多

大角咀舊區有間[大師傅粥品]，店內裝潢光亮整潔，座位闊落舒適，食物價錢又好實惠，所以同個friend 入去試下。蒸燒賣$13.-/6粒熱辣辣口感軟滑柔韌，帶魚肉鮮味。油條 $10.-油條大條，口感鬆軟又香口。豉油王炒麵 $13.-炒麵乾身條條分明，醬油均勻鋪滿每條麵，加埋蔥段及辣椒醬，零舍香口。韭黃鮮蝦腸粉 $15.-腸粉皮滑，蝦肉彈牙，加埋韭黃及豉油，又香又鮮。叉燒腸粉 $29.-腸粉皮米帶香味，叉燒香甜咸鮮，帶少量油脂。香煎蘿蔔糕 $25.-蘿蔔糕煎至金黃焦香，口感扎實綿密。黃沙豬潤粥 $33.- (另加半隻皮蛋$5.-)厚切黃沙潤住得啱啱好，口感細膩爽滑，白粥底十分綿滑，米香味突出，仲有微微薑味。…查看更多

今日去天后一間日式居酒屋[酒屋一杯喜]食晚飯，朋友推介價錢合理，環境好適合三五知己聚餐。店內裝潢融合日式及酒吧風格，燈光柔和昏暗，座位闊落，除咗一般四人餐枱，仲有吧枱。鵝肝 $98.-厚切鵝肝表面焦香，內層十分油潤嫩滑，入口即化，肝味濃郁，油脂香味滿滿，令人回味無窮。紫蘇雞皮蝦 $78.-雞皮香口乾身，蝦肉爽滑彈牙，加上紫蘇葉嘅獨特香氣，特別鮮味香口。牛の壽喜鍋 $168.-肥牛肉質軟嫰腍滑，肉味重帶油脂香，蔬菜有鮮姑、鴻喜菇、金菇、娃娃菜及豆腐，吸收咗壽喜燒汁，特別鹹香味甜。特盛壽司十貫 $438.-壽司飯酸甜度剛好，口感軟熟又有啲Q彈，店員話會因應當日來貨，而設定十貫款式，所以有部分款式會有所更改。今日有三文魚子軍艦、海膽軍艦、帆立貝、赤身、深海池魚、真鯛、燒海鰻油、甘富山縣白蝦、油甘魚及炙燒左口魚，全部都新鮮甜味。雞中翼 $45.-雞翼表面乾身香口，肉質緊緻，肉味濃厚。雞皮 $38.-雞皮燒至脆口，口感油潤有層次，油脂香味滲出，勁好味。雞肝 $42.-雞肝燒至表焦香，入口粉嫩，輕輕調味，肝味更加香濃。佐賀牛三文治 $488.-方包烘得十分香脆，佐賀牛肉味濃帶陣陣油脂香，入口嫩滑juicy，口感同味道都一流。…查看更多

位於銅鑼灣的[旭]，環境高雅闊落，食材質素高，服務一流，仲可以同時享受刺身、壽司、鐵板燒或Omakase，CP值絕對高，值得一試。晚市套餐 $1,280.-沙律前菜芝麻汁配沙律：沙律菜新鮮爽脆，加上清甜多汁的車厘茄，相當醒胃。薯蓉：薯味突出，口感幼滑。時拎刺身兩點海膽、左口魚刺身配酸汁：左口魚肉質爽口油潤，魚肉鮮味甘香，海膽新鮮綿滑，點埋酸汁一齊食，鮮味倍增。炙燒梭子魚刺身：口感十分軟滑，魚皮帶陣陣焦香味，加上魚味鮮甜，鮮味爆燈。時令壽司4點熟赤海老厚肉，口感爽彈，蝦味香濃。平靜魚爽口柔滑，煙燻過後肉味更香，味道豐富。野生拖羅口感嫩滑，油脂豐腴，魚味鮮甜。北海道海膽綿滑甘香，入口即化，好似食雪糕咁正。鐵板燒 • 季節鮮魚馬友魚皮煎至焦香脆口，肉質非常嫩滑又多汁，魚味濃郁鮮味，魚油香醇甘味，蘸上柚子醋酸汁一齊食，既可平衡油膩感，又令魚鮮味更加突出。季節貝類•北海道帶子帶子煎至焦香，保持刺身口感，肉質軟嫰腍滑，用高湯輕輕浸煮，味道勁鮮。鐵板蝦虎蝦大隻肉厚，爽口彈牙，蝦味濃厚又鮮味，仲帶陣陣焦香味。煎鵝肝選用匈牙利鵝肝，表面焦脆香口，口感嫰滑油潤，肝味濃郁，入口即化，油脂香味四溢，令人回味無窮。美國特級牛肉簿燒薄燒牛肉油脂豐腴，霜降均勻，色澤鮮豔，包裡蒜片一齊食，肉味香濃，帶陣陣蒜香味。鐵板炒飯用上洋蔥、甘筍、蔥花及牛肉，炒至粒粒分明，口感軟熟，熱辣辣好好食。炒雜菜銀芽炒得焦香脆口，配上脆口蒜醬，更加惹味。味噌湯蝦頭麵豉湯蝦味滲入湯內，湯頭濃郁，味道零舍鮮甜。甜品紅豆綠茶布丁，布丁非常滑溜，綠茶味道突出，配搭軟糯香甜的紅豆，食完勁滿足。…查看更多

行開佐敦見到[永年士多]，又想回味下佢哋出色嘅車仔麵，順便帶個外賣返屋企。麻辣豬耳及麻辣牛柏葉麻辣汁麻辣惹味，豬耳口感爽脆，牛柏葉質感爽滑，煮得十分入味，越食越香辣。淨酸齋麵根口感軟綿，濕潤多汁，酸酸甜甜好入味。自選麵四餸跟粗麵加微辣咖哩汁豬紅、豬腸、魷魚及麻辣豬耳，豬紅唔會好鹹又無腥味，豬肥腸腍滑入味，有油脂香味，魷魚爽彈入味，粗麵煮至軟硬適中，掛上香辣咖喱汁，更加香口惹味。四餸加米粉豬皮、牛肚、牛丸及豆卜，豬皮及牛肚炆得軟腍入味，牛丸爽滑彈牙，豆卜吸收咗湯汁，原味湯底味道香甜，配搭米粉一齊食，相當好味。樽仔奶茶茶奶比例剛好，味道香濃，口感順滑。菠蘿冰菠蘿粒份量多又味道清甜，零舍冰涼透心。…查看更多

朋友今日帶我去食精緻又好味的中菜，高級中菜廳[莫云]，位於大角咀香港遨凱酒店地下，店內裝潢簡約又闊落。店員服務非常勤快又貼心，同時享受高級環境、食物及服務，價錢貴少少都係值得☺️。套餐(兩位起：每位$668.-)，已包前菜、湯品、主菜、主食、素菜及甜品。前菜：叉燒軟腍香甜又有微微嘅燶邊，燒得好靚。海蜇味道酸酸地又脆口，好醒胃。蕃茄仔新鮮酸甜，口感冰涼。羊肚菌燉湯：有瘦肉、羊肚菌、雞腳、杞子、雞肉及螺肉，味道濃郁鮮甜，熱辣辣飲完零舍暖身。魚子醬香煎肉帶：帶子表面焦香，口感好似刺身咁好食，加咗魚子醬仲多咗陣鹹鮮味。海膽醬立鱗魚：煎得非常香脆，魚肉質感嫩滑多汁，魚味濃厚，點埋海膽醬汁，味道更加香濃。龍蝦湯櫻花蝦麵：濃郁嘅龍蝦湯加入大量櫻花蝦，味道極之香濃，幼身麵條掛滿湯汁及櫻花蝦，非常好食。禪關萬象：大蕃茄肉放滿香濃雜菌碎粒，加上波菜伴邊，係一個好靚、好食又健康嘅素菜。甜甜蜜蜜：南北杏紅棗雪耳雪梨糖水，味道香甜又滋潤，佢啱乾燥又起風嘅節飲用。…查看更多

大角咀又有新發現[上海維記]，我同朋友都鍾意食上海菜，當然要試下啦！酸辣湯酸辣湯份量勁多，材料十分豐富，有蝦仁、肉絲、豬肚、冬菇、甘筍、豆腐、腐竹、木耳及蔥花，辣味較重酸味較輕，令食材原味更突出。加入蝦仁、肉絲及豬肚，令整體味道更加鮮香。小籠包 $48.-皮薄湯汁飽滿，湯同肉餡比例啱啱好，每隻包都充滿肉香味及上湯嘅鮮味。黑醋骨 $88.-排骨肥瘦相間，肉味鮮醋味香醇，又帶陣陣油脂香，表面微脆，口感軟腍多汁，啖啖肉又酸酸甜甜，勁好味🥰。銀芽炒鱔糊 $168.-久遺嘅一道美食，鱔肉新鮮肥美，肉質緊緻爽滑，銀芽清新脆口，韮黃增添香味，醬油及調味比較輕，主打原汁原味，鮮味香甜又夠鑊氣，煮法非一般，但有驚喜又好味。豆沙鍋餅 $45.- 豆沙餡幼滑香甜，鍋餅較厚身，質感軟綿，更有口感。豆漿 $10.- & 酸梅湯 $10.-兩款飲料都好夠味又唔會好甜，好好飲。…查看更多

同事話銅鑼灣新開咗一間Omakase 專門店[重房]，位處比較靜的地方，店舖裝潢簡約精緻，食物出品既創新又有驚喜。我同朋友都有一段時間未食過Omakase，今日就去試下先。漬南瓜：粉糯香甜帶鹹味冷盤菠菜加蟹肉：波菜軟嫩，加點蟹肉絲，增添鮮味。仙鳳趾真蠔 - 蠔身肥美飽滿，口感軟滑creamy，加上柚子啫喱、三文魚籽及海葡萄，味道更加鮮甜。平目魚(左口魚) - 質感緊緻彈牙，面層烏魚子碎粉咸鮮香味。北海道秋刀魚 及 松葉蟹師傅見意先食秋刀魚刺身，魚肉軟滑細膩，點埋薑醋豉油，魚味濃鮮味出。松葉蟹先拆肉，再經過調味，鮮味十足。神戶A4和牛刺身 和牛肉新鮮味甜，肉質柔軟嫩滑，混合自家調配的香蔥醬汁、紫洋蔥及蛋黃醬，味道更加豐富。 腦天油膩豐腴的腦天，配搭香脆鱈魚乾及火炙拖羅，再用紫菜包住一齊食，入口即化又脆口，油香味及焦香味同時滲出，令人回味無窮。磯煮鮑魚鮑魚軟腍彈牙，帶淡淡醬油香味，加埋香濃肝醬，味道更香。蕪菁赤身卷薄切京都蕪菁卷道赤身，配搭紫蘇葉，口感爽脆，味道清甜鮮味。金鯛立鱗燒秘製醬汁用紫椰菜打製而成，食時加入檸檬青檸汁汁，醬汁漸變成紅色，視覺效果一流，最啱打卡。魚鱗炸得十分香脆，魚肉依然嫩滑多汁，點配酸酸微甜的醬汁，十分好味。梭子魚：口感柔軟，味道甘甜，帶陣陣油香味及焦香味。北海道北寄貝：軟嫩爽口脆度恰到好處，鮮甜美味，加點青檸汁，鮮味更出。深海池魚：肉質緊緻爽口，鮮甜又滲出煙燻香氣，配搭北海道面豉醬，鮮味倍增。小肌：醋漬後令肉質更嫩滑細膩，加上紫蘇葉的獨特味道，互相配合又添香味。北海道馬糞海膽：橙黃色的海膽，十分吸睛，味道濃厚，口感creamy，加入法國魚子醬，咸鮮味倍增。魚湯 用上30多條魚骨長時間淆製而成，魚味濃郁，鮮甜無比。静岡蜜瓜蜜瓜香甜多汁，肉質鬆化，果然係名物。…查看更多

隨住年齡嘅增長，食過好多唔同嘅山珍海味，但都比唔上今日食啲嘅美味讓我可以重溫童年回憶。機緣巧合下，我今日去咗一間喺沙田圍毫不起眼嘅老字號大牌檔 – 金沙角美食小厨，侍應一句又一句嘅「早晨」、一句又一句嘅噓寒問暖絕對係出面其他餐廳見唔到，點咗幾道懷舊又好味嘅菜， 簡直令我又窩心又回味無窮！懷舊煎蠔餅一上檯，煎蠔餅嘅香味及微微嘅海鮮鮮味就撲面而來！外面金黃酥脆，一口咬落去，裡面嘅蠔肉鮮嫩多汁，口感一流！呢道懷舊煎蠔餅仲有碟特製醬油，搭配一齊食嘅話，味道更加豐富，酸鹹之間同蠔肉嘅鮮甜交織，真係令人一口接一口咁食。金銀蛋浸小白菜呢道菜雖然簡單但又好精緻，金黃色嘅蛋液同翠綠的小白菜形成咗好靚嘅對比。小白菜嘅葉片光澤誘人，蛋液滑滑嘅，見到即刻好想試一口！小白菜清脆爽口浸喺金黃色嘅蛋液入面，吸收咗所有味道。金銀蛋嘅搭配，口感層次分明。椒鹽鮮魷椒鹽鮮魷真係令人垂涎嘅美味！魷魚經過炸製，表面有啲微微嘅光澤，撒上嘅椒鹽顏色鮮明，睇落就好有食慾。魷魚外焦裡嫩，爽脆彈牙，完全唔會有過老嘅情況。椒鹽嘅調味非常到位，微微嘅鹹香同輕微嘅辣味恰到好處。揚州炒飯揚州炒飯係一道經典中式美食，整碗飯色彩繽紛，米飯粒粒分明，唔會黏糊，炒得岩岩好，令我每一口都感受到米飯嘅彈性。裡面嘅蝦仁鮮嫩、火腿帶有咸香、叉燒香甜，整體口感非常豐富。雞蛋嘅滑順更係為整道炒飯增添咗一層柔軟感。咸魚雞粒豆腐煲最後壓軸嘅咸魚雞粒豆腐煲，簡直係美味嘅巔峰！熱氣騰騰，鍋蓋一揭開，陣陣香氣撲鼻而來！豆腐吸收咗咸魚嘅鮮香，雞肉又嫩滑，雞肉粒質感彈牙，食落去唔油膩，煲入面仲會加入啲蒜蓉、薑片同蔥花，提升香氣，讓每一口都更加豐富。豆腐底部吸收咗湯汁，特別入味，食落去更添咸香，令人回味無窮。呢餐唔單止係味蕾嘅享受，仲係一段懷舊之旅。每一道菜都有故事同情感，令我喺繁忙生活中搵到一絲平靜。希望大家都可以抽時間，嚐嚐呢啲經典美味，回味無窮！…查看更多

同朋友睇完戲，順便行下街食埋晚飯，想起Element 有我鍾意食嘅海南雞，於是帶朋友去[天天海南雞]食返餐滿足下。店舖裝潢依舊，環境乾淨企理，座位闊落，燈光柔和，感覺特別舒服。睇咗餐牌，食物價錢竟然無加，同埋一樣轉換咗啲新食品，望落相當吸引😍。天天燒雞 (大份) $169.-雞皮香脆，皮下脂少，肉嫩多汁🥰，雞味濃郁，可點配香辣醬汁、甜豉油及薑蓉，令味道更豐富，更加滋味。火焰石燒安格斯牛肉 $169.-牛柳用鐵板上，店員會再用火槍炙燒肉面，焦香味四溢，肉質軟腍無筋，加點醬汁或檸檬汁，肉味更鮮香。肉末豆腐水晶粉 $89.-豆腐炸過後，香口嫩滑，水晶粉煙韌滑溜，吸收咗肉末煮過嘅湯汁，特別香辣鮮味，越食越辣，越辣越想食😍。小籠包 (4件) $59.-皮薄餡料飽滿，湯汁鮮甜，加點醋汁，熱辣辣零舍好食😋。…查看更多