pandabbchu的個人專頁

因為openrice咁啱又coupon 所以就喺openrice嗰度book咗位順便買埋預付券餐廳主打西日crossover 見到menu有幾款新嘅泰菜可能遲啲會有其他去到餐廳 客人唔係好多 上餐嘅速度啱啱好 食完一碟先上第二碟全日二人set 份量係夠食既不過口痕 另外散叫咗燒雞翼。燒雞翼👍燒得啱啱好雞翼有肉汁唔會柴口。凱撒沙律 正正常常 本身唔特別喜好沙律 但啲菜睇上去都精神嘅。刺身三點👍👍夠新鮮冇腥味。 海膽火灸牛肉牛角包👍海膽份量唔會太孤寒，上面仲有魚子睇上去成個感覺勁高級中間夾咗牛油果洋蔥醬 生洋蔥有種清新嘅感覺。黑松露蘑菇湯☹️黑松露味好香， 味道冇問題但係完全唔夠熱 畀到盡都係微暖。白酒煮蜆 個汁少少偏鹹 掩蓋咗蜆嘅鮮甜味 加咗煙肉同埋洋蔥整體其實ok但係如果可以突顯多少少蜆嘅甜味會更好。澳洲t骨扒👍👍👍蒜蓉牛油真係冇得彈，餐廳好貼心已經幫忙切咗一件件，食嘅時候好方便，牛扒熟度啱啱好，唔會韌。海鮮燴飯啱啱食完t骨扒比較濃味同油，海鮮燴飯清清地又未至於無味， 作為一個結尾我覺得都唔錯。是日甜品士多啤梨雪糕三文治？簡直係全餐飯既敗筆！大難食我覺得不如簡簡單單畀個雪糕就算🫨 嗰個睇上去好似格仔餅咁樣嘅嘢食落去好似腳皮x濕水紙皮咁樣 真係好難食🤮整體嚟講 其實真係唔錯 甜品如果再見到係呢個樣，可以不吃🙅‍♀️…查看更多

整啤啤既日子又係去希慎食完lunch先去上次因為姑媽腳痛要介口無食到今次就等我去試下叫咗兩個set另外叫咗生蠔。生蠔🦪佢有分左唔同月數（大細）不過因為本身對生好冇特別好多嘅研究，所以我都係叫佢推薦 今次試呢啲海水味偏重我自己個人口味係鍾意食偏甜嘅🤐所以我覺得還可以 但唔係我杯茶🫣。大蝦沙律🥗味道中規中矩冇乜特別 佢係open kitchen睇住佢煎嗰個蝦 係幾開心嘅😂。是日餐湯南瓜忌廉湯 奶味好重 味道還可以。香煎肉眼牛扒🐮牛扒望住佢喺個鐵板嗰度煎香咗牛肉味都有嘅 唔會太硬 熟到啱啱好我覺得唔錯。龍蝦🦞扁意粉佢個扁意粉都係用龍蝦汁嚟煮 成個味道都濃嘅 但係就女仔而言食起上嚟就麻煩啲，會整污咗隻手先食到個龍蝦。 自家製甜品（有驚喜！）是日係咖啡味嘅布甸，唔係太甜口感 滑嘟嘟，作為跟餐甜品嚟講我會俾9/10分我覺得服務同埋食物質素都幾好性價比嚟講算係唔錯 一路食見到人哋叫嘅都係戰斧烤豬佐 我諗我下次會試下整體嚟講我覺得呢間餐廳有8/10分#belle推介餐廳 #辛苦搵黎志在食 #foodie #food #hkfoodie #cwbfood #cwb #希慎廣場 #銅鑼灣美食 #銅鑼灣 #銅鑼灣希慎廣場 #生蠔 #西餐 #牛扒 #午餐食什麼 #午餐 #午餐食呢d #午餐食乜好 #午市推介 #銅鑼灣lunch #cwblunch #我愛肉 #oysters …查看更多

之前係灣仔食過一次，覺得啲野食雖然份量唔多，但味道都ok,今日咁岩諗起，所以收工就黎左鰂魚涌呢間食，店入面得三個客人，員工有一個，樓面廚房都係佢做晒，又要做外賣，根本就做唔切，我去既時間係7:40左右，坐低佢就話我地知堂食要等20分鐘，我見佢得一個人，一路係度整緊外賣，我都體諒既，咁ok啦，都無講啲咩，係度等，等到7:55佢終於做晒外賣，幫我落單，叫完野食，等左10分鐘左右，有第二枱堂食客入黎，佢先再出反黎，就同新果枱客講無晒米粉，得飯同菜，然後佢先順便再同我講無晒米粉。。。其實呢，佢一路都做緊外賣，有無米粉係咪應該要一早知，咁我就唔駛係度白等完無得食，佢話要等，我都已經唔緊要，落左單，都無話無米粉，落完單等左十分鐘先出黎話無米粉，唔想要飯同菜底可以走，唔好食，咁平心而論個店員咁忙，態度已經算係好，但作為客人，我等左咁耐都已經完全無吹，叫左野食，等左都成10分鐘你先知無食材。。😵‍💫佢重要話晏晝好忙，好多野都賣晒，叫我想食下次早啲黎，既然唔夠食材又何必要我等左咁耐先話我知呢。。😢…查看更多

邪惡既根源來自惡魔既誘惑❤️最愛芝士雞煲❤️超級濃既芝士加埋啖啖肉既雞脾肉洋蔥既甜味配埋芝士係一流既味道食完雞煲再加湯打邊爐兩個人係食唔到咁多野，但樣樣都想食脆鯇腩都好鮮味炸饅頭係純粹口痕想食本來擔心芝士湯烚油麥菜會唔夾經過我既勇於嘗試原來油麥菜既味道太強大啦係會完美掩蓋所有既芝士味😂熱愛芝士既我跌入左呢個變豬陷阱既深淵#belle推介餐廳#米走雞 #芝士控 #芝士雞煲 #foodie #hkfoodie #food #我愛芝士 #下餐先減 #辛苦搵黎志在食 #官塘美食 #官塘 #ktfood #雞煲 #火鍋 #火鍋控 #吃貨人生 #吃貨日常 #吃貨 #食就係人生意義 …查看更多

銅鑼灣又發現一開打卡cafe門口完全睇唔出入面係花花世界一入到去就。。wow！？花～全部都係花成間餐廳既裝飾都係以花做主題每一個位置都係打卡位我係book左星期日1:00pm意外地完全無其他人係度 可以盡情打卡除左裝修係打卡able連野食都一樣係要黎影相一流士多啤梨pancake會跟埋月亮羽毛架影相兩杯奶昔既裝飾係隨機既每人最低消費要叫兩個主食主食基本都係用花花黎裝飾本身對打卡餐廳既野食質素都無乜期望但意外地又唔係咁差除左打卡之外野食都叫係還可接受係正常水準但價錢就一定偏貴但我覺得打卡一次都ok是日午餐。紫醉金迷 ＄238。黑松露雜菌小貝殼粉＄138。三層pancake配自家製草莓醬＄168。芋香紫米露奶昔＄79。肥肥曲奇奶昔＄68#belle推介餐廳 #foodie #food #hkfoodie #打卡熱點 #打卡 #打卡推介 #打卡餐廳 #wanderlust #花花世界 #吃貨人生 #吃貨日常 #吃貨 #吃貨日誌 #辛苦搵黎志在食 #下餐先減 #食就係人生意義 #打卡able #photography #photo #cwbfood #銅鑼灣美食 #銅鑼灣打卡 #cwb #港島美食 …查看更多

突然發現sogo B2有開未試過既舖頭咁梗係要try try佢啦因為唔知咪係Taco sushi所以決定一試外面係脆嘅紫菜入面有層白色嘅花邊應該係類似炸左既米紙啲朋友再入面有啲椰菜絲沙律西冷入面有少少飯 牛舌入面冇飯。壽喜燒和牛西冷Taco sushi ＄98唔係好覺得有壽喜燒嘅味🫠面頭加咗啲木魚碎🐟木魚碎嘅味道完美咁搶曬所有牛嘅味道，整體唔係好咸 ，入面配咗少少飯 同埋椰菜絲沙律， 除咗木魚未之外其他味都唔係好突出🫨。鐵板和牛舌芯Taco sushi ＄88鐵板牛舌芯一啲都唔韌可以咬得斷😂 配咗椰菜絲沙律食落去其實都唔會好膩 ，再加少少類似千島醬嘅汁整體配搭其實唔錯整體而言性價比唔算好高味道唔係好突出食又唔係好飽價錢屬於中上 見佢新開 一試我覺得ok 但對我而言就未必會再食第二次°和牛波士概念店°銅鑼灣軒尼詩道555號崇光百貨B2樓14B號舖#foodie #food #hkfoodie #吃貨 #吃貨人生 #辛苦搵黎志在食 #銅鑼灣美食 #sogo #銅鑼灣 #崇光百貨 #新開 #和牛 #我愛肉 #食就係人生意義 #下餐先減 #小食 #cwbfood #cwb #lunch食乜好 #lunch #外賣 #外賣食乜好 …查看更多

收工重有啲時間先食飯決定同靚妹仔去左食個甜品先❤️米麻糬芋泥盛盤軟QQ既米麻糬+芋泥 口感100分比起平時食既糖水會稍微杰啲都有少少飽肚感意外地好食既係紅豆泥芋圓就normal啦我個人就覺得唔算十分甜係可以接受既甜度但靚妹仔就覺得好甜甜度就屬個人口味啦🤣#foodie #food #hkfoodie #辛苦搵黎志在食 #希慎廣場 #甜品 #芋泥 #芋泥控 #八時神仙草 #糖水 #下餐先減 #cwbfood #銅鑼灣美食 #吃貨人生 #吃貨日常 #吃貨…查看更多

如果要求唔高既話樓下酒樓有時都會搵到啲抵野食。片皮鴨一食 ＄78👍（打包鴨殼+＄10）。上湯澳洲龍蝦＄218👍👍（伊麵+＄30）。魚肚浸莧菜＄98（可以唔食🙅‍♀️）原本對＄78既片皮鴨都無乜期望，但比想像中喜出望外，唔通係無期望就無失望？認真覺得龍蝦伊麵同片皮鴨真係好抵食， 自己煮都未必做到咁嘅價錢，而家仲要有人幫你煮埋洗埋不過魚肚莧菜真係大可不必🫠腥亨亨本身係想食斑馬瀨尿蝦所以先去， 但係去到想叫佢先話唔知幾時先再有貨😵唯有下次問左有無先去…查看更多

又發現一間香港既日系打卡cafe正好黎個偽出國打卡相主要都係輕食為主今日係平日去既時間大概係2點令3點人唔算好多本身店員安排我坐平時啲坐位其實我坐邊都冇乜所謂 但因為openrice見到入面有個庭園好靚我就問佢可唔可以入去和室影張相店員好貼心咁問我想唔想坐埋係入面食咁當然更好啦❤️但如果咁岩係附近行下散完步入黎坐低飲杯咖啡打下卡享受一下慢活人生都唔錯。TANUKI SOBA 狸貓蕎麥麵。燒飯團配味噌湯。BAKED BRIE CHEESE w/ TOASTS 烤比爾芝士配吐司👍👍👍。LEMON CURD DUTCH PANCAKE 檸檬蛋黃醬班戟👍…查看更多

純粹打卡圖片只供參考既餐廳環境其實影下相都唔錯既枱就。。如果一人一個餐就夠位如果叫多一兩樣野食張枱就會有啲迫味道比一般更一般唔知係咪唔係太多人食？？？啲飯唔太新鮮似隔夜飯咁鐵板濟洲黑毛豬＄188得六粒豬，兩片瓜，兩片菇🫨紫菜飯卷已經放棄左無影啲飯完全無黏力又硬又乾紫菜無完全切開一夾就散晒，得啲紫菜係黐埋😐結果所謂既紫菜飯卷係要分開先食到我到底食左啲咩。。🤯其他人點選擇我唔知，我就無下次🤦‍♀️…查看更多

之前呢間店做車仔麵既時候就食過一次，同老闆傾計先知佢一心係想做日式野，E+終於俾佢做到啦，變左日式拉麵佢拉麵有好幾款，老闆話巨輪係肥叉燒，咁要食梗係食肥架啦呢個巨輪真係不得了，如果鍾意食肥腩肉真係一流，肉質唔會鞋口，加少少燒過既味，中間有一丁點軟骨，重要有少少厚度，好有口感湯底係屬於濃厚既湯，但食完又唔會好口乾麵就中規中矩，唔係好特別跟住叫左一堆小食有驚喜既bb羊架唔會超大陣穌味，熟既程度岩岩好，一啲都唔un,超好食!!!一口和牛價錢睇上去係有少少咁多多貴但一分錢一分貨，靚既肉係值呢個價，入口之後油脂既香味。。會好想食飯可惜佢地未有飯既menu美中不足就係多左兩粒鹽，靚牛我覺得少啲啲鹽，牛既香味會更出炸物小食沖撐下場面味道唔差，但都唔算十分特別想平平地，除左碗麵又有啲野夾下既話，炸物都可以一試既…查看更多

平時如果想食石燒牛扒都要去到銅鑼灣先有得食知道北角開左一間 即刻馬上夾個時間就出發 當日去到大概8點左右 舖頭係一田超市入面 坐低問一問先知原來收9點不過好彩都夠時間食叫左一個牛板腱200g 同 一個牛小排200g加左一條日本芝士豚肉腸另外加左一個湯一個飯因為今次食得比較趕 就無再添飯啦先講牛板腱 食落去唔算好重牛味 淋身 易咬 對女士黎講都幾適合 唔會要咬勁耐 但加醬汁同加蒜蓉會好食啲牛小排 讚牛小排呢個位置不嬲都無得輸有一條白色邊 係肥膏定筋？都唔重要 重要係食落去唔會好油 有少少爽爽地牛味一定無西冷咁重 但我覺得還可以而食落去又淋過食西冷不過因為牛小排係簿身 所以食到第二塊 基本都已經熟晒 個底有少少焦焦地可能食到一半搵個碗夾起佢會好啲芝士豚肉腸食係好食既 但唔特別 平時日本超市都會有得賣 特價有時幾十蚊有一包 本身都係貴價豚肉腸 但我唔會再選擇係呢度叫22蚊本身以為有兩條 原來得一條 重要得手指咁上下大 性價比有啲低（又咁講 本身都係貴價腸 抵唔抵就見仁見智） 我會寧願買一包反屋企自己整 不過如果平時無煮開飯既 一條半條腸仔 貴少少都可以試下既醬汁比起其他舖無咁杰同埋無咁濃 要點好多先夠 不過如果無諗住牛扒用黎送飯食就淡淡地都ok既 店員服務很好 有禮貌 回應得快 地方唔大 得兩位店員 野食要耐心等待呢…查看更多

是日打算唔煮飯出街食係疫症底下 當然要支持下啲小店店面唔大 位置就算坐滿都係12個人左右半開放式廚房 好處係可以睇到老闆整緊你啲野食但美中不足係可能抽氣唔夠勁 啲煙有少少攻左出黎 有啲煙同有少少油煙味我地叫左蠔拉麵同辣牛舌拉麵先講我食果碗蠔拉麵半熟蛋 老闆娘話加少少鹽好食啲的確唔錯 讚蠔既生熟程度對一般人黎講其實係岩岩好 賬卜卜食落去好重蠔味（如果係玻璃肚如我 建議你同老闆講可唔可以整熟多少少 食完之後個肚咕嚕左成晚）係稍稍覺得個味噌湯底唔夠濃同唔夠杰如果食既時候唔飲一啖湯 就會得食材本身既味 簡單啲講 姐係啲味無夾埋到重點係個匙羹好扁 放到面就放唔到湯 所以只可以分開先食一啖面 再飲一啖湯建議可以換啲深少少既匙羹就更好了老公叫果個辣牛舌老公評語：無想像中咁辣 牛舌好林 一啲都唔會有咬唔開既感覺 整體上幾好另外叫左兩個小食一個蟹籽海膽薯餅 一個龍蝦餅 上網睇到人地話唔錯 所以叫左黎試下首先海膽薯餅 um....我諗我可能係不幸既代表 人人都話好好食 但我食果份啲海膽有苦味 連我老公出名味覺遲鈍佢都食到有苦味 食左一啖 就俾晒老公食 因為唔想浪費食物:(其實公道說話 海膽唔靚又唔係老闆既錯黎既 都係買反黎既野 唔講海膽 薯餅係ok既龍蝦餅就十分好 讚佢係龍蝦忌廉餅食落去雖然無一粒粒肉 但有龍蝦味 炸皮好簿好脆 忌廉餡好軟好滑 但又可以用筷子夾得起 做得非常好！價錢算係中間位 拉麵黎講係正常價錢開左應該唔係好耐？支持下小店可以一試 相信老闆可以再進步多啲…查看更多

最近突然發現係唔起眼既某處有間好起眼既餐廳 當然馬上立刻要去試下是日係有訂座的 大概係訂左8:30左右 去到既時候已經坐滿晒人（應該係早一輪 大概6,7點入座果啲 去到等左一陣 我諗5分鐘左右 就已經安排到位俾我地 （想食既飯友們 記得一定要訂左位先）座位方面 枱同枱之間距離唔大 但餐廳環境好有特色 我坐果邊成個牆都係紅酒樽 影相出黎都幾靚我叫左兩個牛扒一個牛腰扒，一個係牛柳本身每個主菜都跟左一個湯一個前菜我去果日個湯係蘑菇湯 蘑菇味特濃 食到有粒粒仔蘑菇 咸度ok 十分前菜有舊包 有個好似係牛油果醬？ 有棵炸過既羽e金蘭？ btw 因為我唔愛吃包 所以我俾左老公食埋佢 佢兩份前菜都食晒 相信味道應該都ok既重點黎啦 當然係主菜牛腰扒 肉汁多 夠嫩 咬落去唔會話有筋 伴碟有蒜蓉同埋一啲蔬菜仲有一堆黃色既汁，我相信應該係芥末之類既野 但因為我唔食所以就無試我發的淨係加蒜蓉同埋少少鹽就好好食啦另一個係牛柳上面有啲黑松露 比較上味道濃少少 餐廳一啲都唔孤寒 落左好多黑松露 但個人覺得黑松露有啲太多 有少少遮左個牛肉味 但整體上都好食既跟餐可以加錢要薯條或者薯蓉薯條係粗薯條 味道唔錯 份量都唔少 同平時啲粗薯條差不多唔係十分特別 for飽肚叫就ok薯蓉奶味比較重 夠滑 清清地可能中和反食完牛扒果種油膩既感覺 個人鍾意薯蓉多個薯條我叫左一杯凍檸水 menu上面寫檸茶檸水係無限任飲 當然剛開始係貪小便宜嘅心態 但見到杯凍檸水黎到超級大杯 我飲左一杯酒已經成肚水飲唔到第二杯整體上各方面都很好 價錢屬於中上少少 就西餐而言唔算好貴 係正常價錢值得再去幫襯…查看更多

話說早前見到某youtuber拍左條片食呢間拉麵，我又跟風黎試下平時經過都係望下就算 以為淨係得辣認真望下先發現原來有得唔辣是關我唔食得辣 就揀果個無辣無麻湯既味道偏濃味 如果鍾意重口味既就岩晒拉麵方面因為唔係幼身既拉麵食落去都幾有口感果舊肉就不得了 少少肥肉 好入味同好淋不過少食多滋味 我就覺得唔係好需要額外加多份肉考慮到個濃湯 我加多左一份粟米芯清清口味 btw價錢上抵唔抵加就真係見仁見智啦上網啲人教落 食完個拉麵可以倒個白飯落個湯度食 我梗係照跟啦至於結果呢 一黎對女仔黎講食埋個飯就too much 二黎因為個湯好濃 做湯飯有啲太咸結論係我下次再去淨係食個麵就算了我老公叫左個芫茜中麻中辣佢話覺得都唔算係勁辣 不過佢本身食得辣 我就當然無試芫茜份量睇落去都多多地不過如果勁鍾意食芫茜而想另加一份就唔係好抵價錢上其實佢唔係好平 對我黎講一碗拉麵要100蚊都算係中偏高DD既價位不過味道上都幾好既 間中一次可以接受啦…查看更多