Lillian Chung的個人專頁

琴日放工約左朋友食飯，大家都耐冇食韓國野，Outdark地點又方便，就黎試下。餐廳既環境氛圍感強，暗暗既燈光下好適合同朋友傾計，待應們都講野係帶韓語口音既英文，而聽到職員自己傾計係用韓文既，感覺好道地。職員介紹依家做緊promotion，可以做member，做左之後會有discount！鍾意食韓國菜既朋友唔好錯過！半份炸雞(無骨)兩個女仔叫全份炸雞驚食唔到其他野，所以我地揀左半份，而半份只有原味。新鮮炸起好酥脆，雞肉保持到嫩滑既口感，完全無油膩感，原味炸雞配左兩個醬，一個係濃郁Ｄ既酸辣醬，另一款係稀身小小既甜酸醬，兩款都好味。加分位係炸雞仲配左各式各樣既炸薯，有薯格、薯條同著片，而且仲一樣咁酥脆！烤牛肉飯捲牛肉飯捲餡料好足，有牛肉、紅蘿蔔、雞蛋、青瓜、酸蘿蔔同牛蒡，飯捲好香油麻味，Ｄ飯都唔乾海鮮炒粉絲粉絲質感Ｑ彈，唔會一咬就爛晒，味道方面胡椒味濃，但唔會好鹹，調味做得好。配料有蝦、魷魚、小帶子、雲耳、雜菜，CP值高腸仔年糕串炸過既腸仔唔單止冇乾噌噌，仲令到佢外皮多左層特別既口感，而年糕同樣炸已後外脆內軟，煙煙韌韌，吸晒外層既醬汁，甜甜辣辣非常惹味！藍檸檬梳打顏值高之餘，淡淡既甜味配有蘆薈果粒增加口感 非常清新。Outdart Rita - Corona+Apple食炸雞配啤酒是常識吧！賣相非常適合打卡，Apple口味易入口，好清爽。#outdarkhk #香港美食 #香港必食 #韓國人煮理 #地道韓國菜📍 Outdark (旺角)旺角彌敦道613號飛達商業中心2樓…查看更多

水門雞飯既分店我都食過兩間，搬左黎東九龍後，發現原來觀塘都有分店，仲要係距離地鐵站5分鐘就到，真係好方便。今次就叫外賣同屋企人一齊食😋🍴 泰式菠蘿燒雞肉炒飯炒飯粒粒分明，唔會油膩但有鍋氣，菠蘿係用新鮮菠蘿，酸酸甜甜好開胃，仲加埋小小堅果同提子乾增加口感，係小朋友既至愛。🍴泰式串燒（雞肉）串燒好香咖哩味，但食落又唔會太重口味，雞肉本身都軟淋，唔會燒到乾噌噌。個醬都係主角，沙嗲汁香濃，另外既白醋汁就解膩，兩款醬汁都好食。🍴泰式炒通菜食泰菜必點既炒通菜，廚師保持到青菜的爽脆口感同埋冇變黃，係一道簡單而美味既小菜。🍴香辣肉碎沙律生菜包既肉碎香辣惹味，搭配清新既生菜，無得輸既口感同味道。🥤話梅茶其他泰國餐廳都冇見過就點黎試下，點知非常有驚喜，酸酸甜甜好開胃😂食左咁多肉岩晒。蘋果雪梨水本身諗住清潤下，飲到底見到除左雪梨同蘋果，仲有紅棗添，多左份養生既感覺，唔會好甜，清清地。📍水門雞飯 (觀塘)觀塘協和街33號裕民坊YM² 1樓101號舖…查看更多

不敢相信呢鍋雲吞雞，只需要$29！！仲要好足料，一d都唔馬虎。面底揀咗薯粉，雖然冇咁吸湯，但口感煙靭。湯底又微微雞油香味，但飲落好舒服，食完冇口渴，$29黎講完全冇得彈！…查看更多

台風味酸菜魚比起一般四川風味少左份麻既感覺，酸度較高，味道不錯，但可惜魚片較比骨，食的唔夠爽黃鱔煲仔飯做得唔錯👍🏻鱔好新鮮，有飯焦又夠香蛋餅出色！餡料係芝士肉鬆，料比得足，芝士有得拉絲添呢個係香腸肉燥飯，食到一半先記得要影相，但都幾好食，台灣腸冇得輸，肉燥肥肉偏多，令碗飯好有油香…查看更多

最後愛上食台灣野，今次帶埋阿女搵食，黎左間係Openrice同social media都多好評既鋪。試完之後同阿女一致讚好，話下次要帶埋爸爸黎食食店裝修簡約得黎又富有台灣地方特色，而且我地平日約5點半黎到，未有太多客人，環境都好舒適。🐮麻辣牛肉麵換新竹米粉台式既麻辣較易入口，換左麵底新竹米粉更加吸湯，而湯底除左有麻辣既感覺仲帶有小小紅蘿蔔既甜味。牛肉已經燉到好淋，幾乎係入口即化，部份有筋既位置亦好軟，啖啖都係骨膠原咁。🍗炸鹽酥雞炸物都係即叫即炸，一定好食。鹽酥雞外酥內嫩，胡椒鹽既調味剛剛好。🍚滷肉飯（小）滷肉飯的肉燥醬好足夠送飯，見到肥肉同瘦肉比例各半，都唔會太肥皂粉。雖然叫左小份，但阿女都係食唔曬。🫓芋泥肉鬆蛋捲餅蛋餅真係好有台灣早餐店個種風味，蛋餅軟熟得黎有蛋香，芋泥帶小小甜味配合埋肉鬆既咸香，一流！🥤鳳梨綠茶鳳梨與綠茶的搭配清新解膩，岩晒食完重口味既麻辣麵refresh一下。🥤香芋鮮奶顏色上就好吸引，阿女見到都話好靚，而且唔係得個樣，係有芋泥係入面，呢杯都好推薦！📍日月堂 (觀塘)觀塘興業街14號永興工業大廈4樓C2室…查看更多

今日諗住去行山，想係觀塘買完野食，就拎上山食，當係野餐咁。呢類型有小食又有茶飲既鋪頭就埋晒🫓招牌肉蛋卷餅餡料有一塊豬肉搭配嫩滑既蛋，再加埋生菜，口感豐富得黎又唔會覺得油膩🍞肉鬆起司蛋吐司、🍞芋泥肉鬆蛋吐司叫左兩款吐司，首先見到兩款都勁足料，滿滿既肉鬆同埋芋泥，視覺上已經令人好有食慾。兩款都各有優勝之處，芝士蛋個款多左陣奶香，加埋流心既蛋黃，好難令人抗拒。而芋泥個款亦好出色，芋泥同肉鬆之間鹹甜交替，食完一啖會停唔到口。加分位係吐司既外層有烘過，口感更加好🍞香濃開心果厚吐司開心果醬好濃郁好杰身，仲有開心果碎係上面，開心果控要試下🐤香香雞塊同一般快餐店既雞塊差唔多，不過係即叫即炸，熱辣辣係好食D既🍄‍🟫椒鹽杏鮑菇椒鹽杏鮑菇既外層係有顆粒既炸粉，入面既菇非常juicy，咬開係有汁既！🧋芋圓波波芋頭奶、🧋芋圓波波熟成歐蕾兩杯飲品都唔錯，芋圓彈牙好咬，奶既口感都好順滑，個人覺得芋頭奶更加出色，因為多左芋頭既甜味同香味，令成杯飲品昇華左變成甜品，而熟成歐蕾就正常發揮，下次再試其他飲品📍犀牛犀牛 (觀塘)觀塘巧明街99號巧明工業大廈地下1號舖…查看更多

成日經過朗豪坊都見到呢間Coffee shop，一直以為佢只賣咖啡，點知原來係餐廳黎，而且坐落仲幾舒服，剛好同外面吵雜既環境有強烈既對比，餐廳仲有個open area景觀都唔錯，依家天氣涼涼地係出面坐低飲杯咖啡食小小輕食都幾chill。今日黎到已經係晚餐時間，叫左個意粉同yogart慢慢嘆海帶忌廉三文魚意粉一上枱就聞到好香既三文魚味，煎過既三文魚充滿鹹香，意粉口感滑順，忌廉醬汁濃郁而不膩，而海帶亦神奇地為意粉添加左絲絲的海洋風味，非常特別同創意既配搭。鮮果楓糖乳酪Yogart既清新又健康，比較小負擔，餐後食返杯，非常滿足。搭配既水果有柚子、香蕉同藍莓，果汁的酸甜同楓糖的香甜完美結合。📍 THE COFFEE ACADEMÏCS (旺角)旺角亞皆老街8號朗豪坊4樓13號舖…查看更多

返工冇時間係屋企煮野食，但又唔想成日食外賣咁唔健康，呢幾年開左好多主打健康飲食既食店，一直都好想試，因為方便得黎又有營養，今次除左叫主打Signature Bowl，仲叫左兩個小食黎去同屋企人Share😋SHAKA Medium材料有三文魚、雞蛋絲、青瓜、菠蘿粒、炸牛蒡，醬係辣味蛋黃醬。三文魚份量好足都新鮮，同蛋黃醬既味道好夾，配埋青瓜就更加清新，而菠蘿粒有畫龍點晴既作用，酸酸甜甜好開胃，炸牛蒡亦好有菌香味，視覺上亦好加分。火山炸雞見到炸物都係即叫即炸，所以全部都新鮮熱辣辣，炸到好香脆，炸雞內脆內Juicy，唔覺得油膩，火山炸雞係配辣醬同埋小小乾辣椒粉增加辣度，整體大概小辣。雞尾酒蝦外層用薯絲圍住，內層係有薄薄既麵包包住隻蝦，薯絲非常加分，多左口感之餘又有陣薯仔香，呢個蝦配左3個醬，有蜜蜂芥末、辣味蛋黃醬同蛋黃醬，鍾意點醬又有選擇困難既人岩晒😆📍Poke Go Hawaiian Express (新蒲崗)新蒲崗大有街14號地下C5A號舖…查看更多

抵食晚市扒餐係觀塘海濱散步，見到呢間冰室好明亮，感覺好乾淨企理，而且當日已經成9點仲有好多客，一定唔伏啦！情懷港式雜扒 $102有豬扒、牛扒、雞全翼、兩塊煙肉同一條腸仔，仲有西蘭花，食肉獸既至愛🤣特別想讚佢既豬扒，保留咗豬扒嘅質感，但又唔會硬到好難咬，而雞全翼亦喺雜扒餐入邊好少見，比起雞扒更吸引，跟餐黑椒汁鹹到辣到亦剛好，仲要跟餐有個雜果薯仔沙律同埋丹麥多士，仲要配埋一個中湯或者羅宋湯，再有一杯野杯😂真係唔飽都難！美國西冷牛扒 $123點餐既時候冇留意到有冇得揀熟度，黎到見到唔係全熟，但都接近全熟，好在口感一啲都唔韌，都好juicy添。呢個餐跟既紅湯料都好足，跟餐加錢叫左杯紅豆冰，紅豆煮到好軟淋既紅豆配上花奶，係港式既經典組合，紅豆份量算多，都唔會太甜。開心果鮮牛油多士 (已烘底)開心果控見到有開心果既產品一定唔會錯過😆呢個多士仲要比想像中有驚喜。開心果醬勁濃郁，質地好比花生醬，果仁既味道好出，當中夾左小小凍既牛油，質地好絲滑，好值得一試！📍拾一冰室 (觀塘)觀塘偉業街180號地舖…查看更多

今日係荔枝角做完瑜伽，係地鐵站D2出口見到呢間餃子店，面門幾乾淨企理，仲要係門口已經聞到好香既肉味，忍唔住入左去。香煎軟心芝士餃餃子既外皮煎到金黃酥脆，睇落好有食慾，內餡係粟米豬肉加左芝士，餃子好足料，食落多左陣濃郁芝士既奶香味，比起一般既粟米豬肉餃更勝一籌，食多幾隻都唔會覺得膩。 蜜餞雞翼蜜餞雞翼口味甜中帶鹹，雞翼好軟嫩，已經煮到骨肉分離，一啖一隻雞翼冇難道。回味手拍青瓜青瓜食落清新爽口，搭配左蒜蓉、醋、醬油同辣椒，辣道大概係小辣，容易入口，食肉食多左，可以平衡返。凍蜂蜜檸檬薏米水酸甜清新，淡淡既蜂蜜甜味，飲完覺得好舒服，好養生既感覺。另外想讚佢地既酸蘿蔔，係免費任食。酸酸甜甜嘅蘿蔔忍唔住會一啖接一啖咁食，完全停唔到落嚟，幾解膩！@MAPHK2021#nomnomdumpling #荔枝角昌隆工業大廈📍餃掂快線 (荔枝角)荔枝角長義街10號昌隆工業大廈地下3A2號舖…查看更多

平時放工都成日行經呢間係牛頭角的漢堡店，覺得幾有特色，有得坐入面，又可以係outdoor位置chill下，今日收夜就約埋朋友一齊去食野吹水。見到佢有個2人餐都幾抵食，叫左每人一個Burger，又布薯條同埋一個小食，仲有埋野飲，埋單都係$268。雙層手打牛肉芝士漢堡(不全熟)雙層既牛肉肉量十足，咬落仲好有肉汁和濃郁的芝士味，而且配搭左洋蔥同蕃茄黎平衡口感。安格斯牛肉芝士漢堡(不全熟)安格斯牛肉肉味較濃郁，不全熟大概係5成熟左右，食落仲好嫩，夠晒Juicy。大薯條配黑松露醬及蜜糖芥辣醬薯條外酥內軟，搭配黑松露醬有獨特風味，而蜜糖芥辣醬有一絲酸甜辣的口感，十分推介。炸魷魚鬚炸得金黃酥脆，口感爽脆而且肉質彈牙，非常適合送啤酒。荔枝爆爆配無糖梳打、青蘋爆爆配無糖梳打食漢堡薯條配有氣飲口一定係爽嫁啦，飲厭左一般汽水，呢到有新口味，而且兩款都配埋爆爆珠，又豐富左杯飲品。@MAPHK2021📍 Burger Shot (牛頭角)牛頭角定業街2A號地舖…查看更多

係社交平台紅左既意粉店，滿心期待去試下辣味蒜香大蝦意粉惹味既，但有小小苦左既蒜頭味，份量係冇得輸，蝦都彈牙，但真係唔值得排隊去買黑松露蛋沙律爆薯呢個小食都幾創新，外殼係吉列脆皮，入邊係勁creamy既薯蓉，但同黑松露蛋沙律唔太夾，個醬係凍既，但爆薯熱辣辣，食上黎有d怪，仲要食到底既時候，有一層油係到，就知真係好油膩🙂‍↔️不了…查看更多

身為米線關注組既成員，有好食既米線點少得我。今日同埋朋友一齊試下呢間金西南，環境上門面好乾淨企理，店舖內麻雀雖小但唔會好逼夾。🍴酸辣小鍋米線 - 金獎腩肉 (微辣)，紅蘿蔔粟米魚蛋，蘿蔔，酸麻辣湯底（小辣）湯底唔算濃郁但夠味，小麻辣好易入口，加埋小酸好開胃，份量好足，我同朋友一齊Share都夠食。配料方面，我揀嘅呢三款都推介，金獎腩肉肥瘦相間，食落又唔會油膩，而且好入味；蘿蔔清甜得黎好夠淋，亦冇渣👍🏻紅蘿蔔粟米魚蛋幾創新，咬開真係食到粟米既味道，又彈牙🍴爆汁椒鹽炸雞球即叫即炸，非常香口，薄脆既面衣，唔會介口，雞肉都juicy入味🍴爆漿紅糖糍粑好小見到米線店會有甜食賣，仲要係我鍾意既紅糖糍粑😍又係即叫即炸熱辣辣，同埋真係爆漿，食既時候要小心😂甜度剛好，食完米線又有甜品真係好滿足😌@kamsainam.noodle📍金西南米線 (旺角)旺角花園街3-5號鴻威大廈2座地下9號舖…查看更多

晚飯時間同朋友係旺角行街，大家都想食台灣野，見到呢間主打豆製品，幾新穎就入去試下。🍴肉鬆蛋餅加芝士大推呢蛋餅！佢係外層煎到脆卜卜個種，有香脆既口感，而且餡料比得好足，加左芝士更加好味☺️🍴麻辣雞絲鐵板蛋腸粉非常香口惹味，配搭埋雞絲又幾夾🍴一口魚肉煎豆腐魚肉豆腐煎得外脆內軟，味道清淡，配埋個汁剛剛好🍴滷水豆腐豆卜一次過試曬豆腐豆卜，豆腐滑捋捋香豆味，豆卜吸曬滷水汁都唔會太鹹🍴特盛老乾媽炒麵米炒抄得好乾爽，好岩我呢d重口味人士😂香辣醬香味好出色，亦唔算太油膩🍴凍楊枝甘露豆腐花本身都鍾意食楊枝甘露，估唔到都豆腐花都幾夾，楊枝甘露既芒果都好濃郁🥤黑糖仙草孖寶幾有特色，有豆腐、豆花加仙草，口感豐富，甜度剛剛好👍🏻📍豆公館 (旺角)旺角登打士街43號地舖…查看更多

一家大細都係麵包控，見到荃新天地2開左間新麵包店，仲要主打用日本麵粉，就每人揀左小小黎試下🤩🥐🍮海鹽焦糖可頌呢款可頌中間冇餡，只有表面一層焦糖海鹽味嘅cream，但一d都唔會dry，而且佢個cream既味調得好適中，焦糖嘅香加上少少海鹽既鹹仲有少許朱古力粉既甘味👍🏻🥐🍓士多啤梨忌廉可頌可頌牛油味香濃，中間既忌廉唔算太甜，整體唔會顯得油膩，仲要士多啤梨既係甜甜的🍍🍞開心果流心菠蘿包菠蘿包本身已經無得輸，再加埋濃郁既開心果醬係中間，推薦👍🏻🍵🫘抹茶紅豆包包身軟熟，紅豆味甜而不膩，同淡淡既綠茶味非常夾🥛🍞開心果鮮奶球一條6個既鮮奶球，上面有少少開心果碎，食落更加香口，我隔左一晚用氣炸鍋180度3分鐘整返熱黎食，個皮仲脆脆地，而且一條都係$20，抵食又好味😋🥚🥧千層酥皮蛋撻撻皮酥脆，蛋味香甜嫩滑，而且價錢親民！🥚🥧千層麻糬酥皮蛋撻係千層蛋撻中間加左一層麻糬，多咗份煙韌的口感，非常特別👍🏻📍麵包司 (荃灣)荃灣楊屋道18號荃新天地2地下一門町市場內J31號舖…查看更多