FreddyTsang的個人專頁

同學聚會黎左觀塘既 「彪哥海鮮菜館」，食左超多餐單無既菜，值得推薦俾大家。1）油浸筍殼魚 筍殼魚連埋鱗炸，魚皮脆口，魚肉嫩滑。加埋醬料真係好食到停唔到口。2）唔係魚香茄子煲 （超推薦）唔講你知，你一定認唔出佢係茄子。食完會自我懷疑，真係食緊茄子咩？茄子唔腥唔腥得黎唔油既？！真係超好食。外皮乾爽，食落完全唔知自己食緊茄子，加埋D料真係完全刷新左我對魚香茄子煲既概念。3）鹿舌小炒王 平時小炒王大家食得多啦。呢個厲害啦，裡面條肉竟然係鹿條俐，真係第一次食鹿俐，條俐唔騷得黎又唔韌。4）缽酒煮脆鱔 平時食鱔一般都好多骨架。呢個無骨得黎肉嫩皮又脆，個缽酒炒洋蔥又香甜，忍唔住又食左3舊。5）超大瀨尿蝦配花雕酒陳村粉 隻瀨尿蝦大就一定架啦，長過手臂真係少見，肉又唔散，一定超新鮮！重點係個花雕酒陳村粉超香。可惜人多，只係分到少少。6）八寶鴨 材料有蝦米，鹹蛋，冬菇，白果，紀子，栗子，百合，瑤柱。呢道菜製作繁複，拆骨塞料再復完隻鴨個外型，真係超難做。食料落口清甜，應該係百合同紀子既甜味。咁大隻鴨原本估佢會柴口啦，點知嫩滑得黎唔膩。7）炸鮮奶 拿！呢個甜品雖然唔係獨家，但係連爆炸糖食真係第一次。加芒果味就會變左芒果布甸，加榴槤味爆炸糖就會變左榴槤布甸。一個炸鮮奶三種口味，絕！呢餐飯真係非常滿足，埋單都係人頭600左右。值得推薦俾大家啦。…查看更多

集傳統+改良既潮州菜。食餐廳免茶位呢樣野真係少見，呢度點特色手搖茶，免茶位，二話不說說點杯噴煙既茶先。個杯頂仲有個功夫茶壺，超得意。金瓜烙上面有糖粉，脆口得黎仲有，個糖粉又可以解左個油膩。避風塘紫薯細細粒，一淡就食左，雖然有少少辣，但係本身個紫薯又甜甜地，飯前食一流。仲有傳統潮州滷水鵝，炸蠔烙，生醃蟹，醉蝦。潮州滷水鵝拼盤個滷水呢，聽講係由潮州一間老字號度搬左個滷水落黎，有潮州既老傳承。炸蠔烙本身十分酥脆但唔油膩，蠔本身大細適中，一淡落口，炸粉酥脆，蠔又軟熟，食唔停口。生醃蟹好鮮甜，入口好滑，仲好多膏。醉蝦又係一個驚喜，蝦身好有肉，但稍微無咁脆身，但係驚喜在於個蝦頭裡面，好多膏。正！值得同朋友，家人黎聚會。…查看更多