Peggie PK Lau的個人專頁

一個人隨便逛，去到邊食到邊。見到有個地牢鋪，膽粗粗試吓先。茶餐廳格局，地方大，人手足，種類有少許台日style. 選擇困難症的人, 最終選了溏心蛋牛蒡雞丼配燒雞扒$56 加$9 升級糖漬菠蘿紅茶。米飯不錯，雖然沒有米香，但乾濕剛好。雞扒下次可以選其他種類，不吸引。免治雞肉碎杯牛蒡，比我想像中好，第一次食牛蒡係淋及粉，唔好似平時咁樣咬起嚟好多根，這個可以再試。菠蘿紅茶也有新鮮感，好少茶記有此提供。:):)…查看更多

日作食堂是朋友介紹下第二次光顧的。位於位於鴻圖道主要街道的地鋪，避免跟人迫電梯、等電梯的情況。午餐人也多，一個用膳也不難找座位。今日我選了大蝦和風胡麻醬汁拌蕎麥，配蜆肉麵豉湯、前菜 (2款)，$138 + 10%。份量恰到好處。比我上次叫的日式西京燒比目魚定食，更適合夏日女士享用。比目魚定食是好好食，好大份，如果女士不是太肚餓的話，一定食唔晒。…查看更多

最近活躍於觀塘區，原來都有好多嘢好食！Relish 隱藏於工厰大廈內，提供coffee, Yoshku, dining & dessert. 午間第二次到訜，兩次都沒有令人失望！今日我一個人，沒有訂座，1:15左右已經坐無虛席，我坐近窗口的bar 枱，希望享受寧靜的1小時，可惜這𥚃的客人太熱烈，這個計劃撲空了。好彩美食把我的心神定下來。南瓜湯羹、三重芝士大啡菇菠菜意大利飯、跟餐玄米茶$148 加一，份量剛好，不用浪費。如果男士可能不夠了，好彩可以追加其他小食甜品。…查看更多

Airside 嘅The Captain’s Bar 有個雙皮奶雞蛋仔呀！🤩原價$45，而家試食價$39！🤪熱辣辣、脆卜卜！奶味香濃！食到唔停得口！大大份，獨食有啲飽！同兩三個朋友share 便剛好！😋😋😋😋😋…查看更多

三餐冰室好像已經開咗一段時間。早天去開尖沙咀，結果去咗三餐冰室食個下午茶。佢哋有好多選擇，心大心細，又想食呢，又想食撈，結果我叫咗個香蔥滑蛋鹹牛肉烘底三文治 $44 連茶走。大大份，香噴噴，食唔哂、要打包。下次試吓食過焗飯先，又或整返個喇沙。😁✨…查看更多

龍崗道新開的銅鑼，跟九龍城的舊有泰國小店更具特色，牆上掛滿泰國或香港電影海報。小店座位有限，如果有人排隊，客人只可以用餐75分鐘，而且必須人齊才可以入坐。裝修見心思，具特色。我們四人，在假期午餐時間，（假期沒有午市套餐）叫和牛船麵$98、蟹肉炒飯$108、醉貓和牛炒河$108、木瓜蝦沙律$78、燒和牛$188、椰青$48、青檸梳打$38。份量足，炒嘢有Wok 氣。話辣嘅真係有啲辣，唔係食得好辣嘅話真係未必叫有辣的菜式。船麵湯底濃郁。燒和牛嫩口，不過灑上面的鹽多咗啲。整體來說比較濃味或者直接啲，我覺得鹹咗啲。下次會試吓叫佢哋減鹹，希望有改善。…查看更多

每次去到首爾也會去食一隻雞煲，簡單、好味、地度、又經濟！真心雞煲進駐銅鑼灣登龍街（近波士富街，近電車路方向入去），我仲以為開到嚟香港。原來係無關係的。不過都係韓國人主理的。都保留返簡單一隻雞火煱，但可以加其他嘢入去，最後叫多個飯，加上紫菜做返個粥，美好收尾！😋我哋三個人除了叫咗一隻雞外，加咗d 薯仔、年糕、番薯麵、拉麵、薯仔煎餅、－份粥，仲跟加了一份雞。🤩😋我哋點入座，好彩可以提早訂位。7點多後已經要排隊等位啦！個人對個雞煲同個粥有一定的情意結，都會再去食！（當然首爾嗰個好食啲！😅）但呢個都係可以解下我的「相思之苦」！😝個薯仔煎餅又真係值得－試，但不要隔咁耐先至食，佢上菜嘅時候煎到脆卜卜！個拉麵都好好食！…查看更多

開咗好一段時間。－年？！門口唔起眼，凹咗落去，招牌又好細。但介紹給朋友去，個個都話正！個開心果修女泡芙仲係無得輸！唔係好甜，外脆，開心果cream 又香又滑！面包及手沖咖啡也是水準之作！…查看更多

早前首訪位於尖沙咀北京道12A號太子集團中心。的一潮州菜館新店 - 潮尚居（isquare 側），地方雅緻、交通方便、菜品有水平、價錢適中、服務優性。當中最喜愛荔茸香酥鴨$168及鮮蝦水瓜烙$138，不油不膩。另外，凍烏頭$218，不是太大條，叫多碟也無壓力！沙茶牛脊肉$198，沙茶味濃，可以配飯會更佳。鵝片$158、蠔仔肉碎粥$168也是水準之作。午市尚有商務套餐，是次未及品嚐。與友人及家庭聚會也是一個不錯的選擇，因為真係方便企理，品質又有一定水準！😆😋🌟…查看更多

真係幾好食。偏貴，但食得精，也飽飽及尚可接受的價錢。生日慶祝，原本系統訂座，但不知什麼原因，找不到記錄。好彩有位提供。地方很細，座位比較close. 分兩個時段，6:00-8:30 及8:30-10:00。卡位好似得兩張枱，bar 枱有10 個8位，另外便是半室內及半座街的位置。我哋係坐後者。雖然有大風扇，但天氣熱的時候，也真係有啲熱。揸車泊街，風險極高，可泊合和中心/胡忠大廈。我哋四個人，叫咗5個餸，包括Pan con Tomate $78, Chicken Al Ajillo $158, Tortilla $168, Rubia Beef S $788, Black Octopus Paella $438, 合共$1630，tips 自己決定，無/自定/10%/15%/20%。星期五的晚上，6:00 果轉，熱熱鬧鬧，迫迫地，朋友吹水，食下嘢也不錯。但不是坐得舒服慢慢嘆果種！…查看更多

位於弼街及洗衣街交界的銀匙小碗，很小很小的一個小店，只有約8 個座位，但老闆很用心主理，味道也很好，值得支持！😋我做運動前，所以只係叫了一個輕量的牛丼烏冬加一個紙包飲品，$43+$5。小小份量，如果女士又唔係太肚餓的話，其實都足夠。當然有其他正常的份額叫，又或者叫其他菜式小吃。牛肉同個烏冬都好好味！之後再去光顧過一次，雞皮鉸子、炒雜菜、手工餃子、牛肉丼飯也不錯。👍🏻…查看更多

有時在下午時間經過金華冰室，見到一盤盤的舊式面包、餅撻放在門口，常常想買個試一試。今早終於走去試吓。在選擇沙嗲牛肉一丁還是菠蘿油之際，聽見隔籬枱叫了菠蘿油及奶茶，還是決定跟一跟。$33 茶走加菠蘿油。奶茶正路的不錯。大大個菠蘿包，皮脆脆，但不是熱辣辣軟熟的，個人口味，感覺個面太甜了。為食如我，還是無法食完，放棄了！不知會否配合沙嗲菠蘿包或鹹牛肉菠蘿包會好味一點？！陷入謎思中！😓🫣😵‍💫🧐…查看更多

牛池灣街市後面的龍池徑，區外未必太多人知道，彩虹地鐵站C2出口步行三兩分鐘便可達。駕車人士便需泊車到彩虹地鐵站上面的滙八坊的停車場，經天橋入返去街市過去，都算方便。去新志興燒鵝大王最好都係提前訂位，分6:30 及8:00 時段，過10分鐘無枱。星期五晚提早了10分鐘到已經人頭湧湧。先去接待排隊取位，分配好枱後，去到大房，一個樓面招呼七八枱客人，呢位樓面亞姐雖然大大聲，說話直接，但係都係好真誠，下單會問我哋要肥定瘦鵝，又時常幫我哋換碟及用熱水冲洗一下。我哋四人分別叫了半隻志興秘製燒鵝$240、乳豬例牌$138、蘿蔔豆卜浸花甲$88、避風塘釀茄子$78、煎蠔餅$88、白飯一碗$12、瀬粉一碗$16、藍妹一支$32、汽水一罐$10，盛惠$702。抵食，燒鵝脆香新鮮，蠔餅不太油脷，豆卜花甲濃胡椒味，飯香，除了太嘈吵外，經濟味美，一定會再去試多啲小炒小菜海鮮！😋…查看更多

好久沒有光顧的陳泗記，今早去開附近，剛巧時間是11:00 多，我倆又未食早餐，當然要食返個靚仔腸蛋一丁加返杯凍飲。兩個人分別叫一樣的一丁另配凍奶茶、凍檸茶，合共$96。個一丁剛好不太林，有口感，隻太陽蛋是用湖北蛋，蛋香紅卜卜，仲有脆口燶邊，腸仔煎得剛好。不過我杯少甜少冰奶茶就冇乜茶味，也好甜下；家人凍檸茶都係正常水平。注意：坐得落嚟，每人必須要叫一個餐。現在出嚟食嘢，人哋生意不易做，也明白的。…查看更多

見到朋友去過摩羅上街一帶遊覽各式小店，我也籌一籌熱鬧走一趟。在平日的早上，人少清靜，我和家人選了Lassana Coffee 坐下，位於樂古道，即摩羅上街與水卷交界，店舖面積相對大一點兒。我們先前已吃過早餐，只是坐下飲杯凍飲，Mango Pineapple Earl Grey Tea $48 & Lime Mint Soda $50, 另加一服務費。如果食個餐，飲品可獲半價優惠，可惜我倆真的吃不下。支付方式較齊全，客人需自行下單及先付款。12:30 左右光顧午餐的客人漸漸增多，眼見各餐都較足料大大份。我倆點的飲品只係不過不失。早上的時候，來靜靜hea 下也無妨！…查看更多